ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> གསར་འགྱུར། >> གཏེར་གྱི་བུམ་བཟང་། >> མི་ཆོས
  གསར་འགྱུར་ཀློག་པ།

ཡོངས་ཁྱབ་རིན་ཐང་དང་རྒྱ་ནག་གི་བཅོས་བསྒྱུར་སྒོ་འབྱེད།༤

[རྩོམ་པ་པོ:ཟུར་གསུམ་མས་  ཡོང་ཁུངས:ངེད་དྲ་བ།  དུས་ཚོད:2013/10/16 8:56:00  བཀླགས་ཐེངས:1452][ཡིག་གཟུགས:ཡིག་གཟུགས་མདོག]
ཡོངས་ཁྱབ་རིན་ཐང་དང་རྒྱ་ནག་གི་བཅོས་བསྒྱུར་སྒོ་འབྱེད།
ཏུ་ཀུང་གིས་བརྩམས། རྟ་མགྲིན་རྡོ་རྗེས་བསྒྱུར།
 
བཞི།
 
   སྤྱི་ཚོགས་སྒྲིག་གཞིར་བཅོས་བསྒྱུར་བྱེད་པའི་དམིགས་ཡུལ་ནི་སྤྱི་ཚོགས་འདྲ་མཉམ་ཅན་དུ་བྱེད་པའོ།། གནའ་ནས་ད་བར། མིའི་རིགས་ཀྱི་ལོ་རྒྱུས་ནི་འདྲ་མཉམ་མེད་པའི་ལོ་རྒྱུས་ཤིག་རེད་ལ། འདྲ་མཉམ་བརྩད་པའི་ལོ་རྒྱུས་ཤིག་ཀྱང་རེད། དབང་སྒྱུར་བྱེད་མཁན་དང་བདག་པསྒྱུར་བྱེད་ཡུལ། བཤུ་གཞོག་བྱེད་མཁན་དང་བཤུ་གཞོག་བྱེད་ཡུལ། གཉའ་གནོན་བྱེད་མཁན་དང་གཉའ་གནོན་བྱེད་ཡུལ་བར་གྱི་འགལ་བ་དང་འཐབ་རྩོད་ནི། ཡུལ་དུས་གང་དུའང་མཚམས་མ་བཞག གནའ་སྔ་མོ་ནས་བཟུང་། འདྲ་མཉམ་མིན་པ་ནས་འདྲ་མཉམ་གྱི་སྤྱི་ཚོགས་སུ་བསྐྱོད་པའི་བརྒྱུད་རིམ་ཁྲོད་དུ། སྐྱེས་བུ་དམ་པ་དང་མི་སེར་ཕལ་པ་བགྲང་ལས་འདས་པའི་ཁྲག་དང་མིག་ཆུ་བཞུར་བ་རེད། བརྒྱུད་རིམ་འདིའི་ཁྲོད་ན་ཡོད་པའི་ང་ཚོས་ད་ལྟ་སྤྱི་ཚོགས་བཅོས་བསྒྱུར་གྱི་དམིགས་ཡུལ་གླེང་དུས། སྤྱི་ཚོགས་འདྲ་མཉམ་གྱི་གླེང་གཞི་དང་འབྲལ་ཐབས་མེད། མར་ཁེ་སི་རིང་ལུགས་སུ། འདྲ་མཉམ་གྱིས་ནི་གྲལ་རིམ་རྩ་མེད་བཟོས་པ་མཚོན་ཞེས་པ་ལ་གནས་ལུགས་ཆེན་པོ་འདུག དཔལ་འབྱོར་གྱི་བཤུ་གཞོག་དང་ཆབ་སྲིད་ཀྱི་གཉའ་གནོན་ལས་གྲལ་རིམ་བྱུང་བ་སྟེ། ཐོན་སྐྱེད་རྒྱུ་ཆ་དང་ཆབ་སྲིད་དབང་སྒྱུར་གྱི་དབང་ཤུགས་མི་ཉུང་ཤས་ཤིག་གི་ལག་ལ་བཟུང་ནས་མང་ཆེ་བར་བཤུ་གཞོག་དང་གཉའ་གནོན་བྱེད་པའོ།། རྒྱ་ནག་མི་དམངས་སྤྱི་མཐུན་རྒྱལ་ཁབ་བཙུགས་ཚུན་དུའང་། ཁོ་ཚོས་ལོག་བཤད་འཁྱོག་བསྒྱུར་གྱི་བཤད་སྟངས་སྤྱད་ནས། དངོས་ཡོད་སྤྱི་ཚོགས་ཀྱི་རྣམ་པ་གནས་སྟངས་གཞན་ཞིག་ཏུ་བསྒྱུར་པ་མ་གཏོགས། རྒྱ་ནག་གི་སྤྱི་ཚོགས་སུ། གྲལ་རིམ་གྱི་བར་ཁྱད་དང་དཔལ་འབྱོར་བཤུ་གཞོག་དང་ཆབ་སྲིད་གཉའ་གནོན་ནི་མཚམས་བཞག་མ་མྱོང་ངོ་།།
རྒྱལ་ཁབ་བཙུགས་ཚུན་དུ། གྲལ་རིམ་གནས་སྟངས་ཀྱི་འགྱུར་བ་དེ་སྔ་ཕྱིའི་ལོ་ངོ་སུམ་ཅུ་གཉིས་སུ་བསྡུས་ཆོག་སྟེ། ༡༩༤༩ནས༢༩༧༩བར་གྱི་ལོ་ངོ་སུམ་ཅུ་ནི། བཤུ་གཞོག་དང་གཉའ་གནོན་མྱོང་བའི་ཞིང་བྲན་གྲལ་རིམ་དང་འབངས་ཐ་ཤལ་པའི་གྲལ་རིམ་གཉིས་བྱུང་བ་ནས་བཅིངས་འགྲོལ་ཐོབ་པའི་ལོ་རྒྱུས་རེད། ལོ་རྒྱུས་འདིའི་བརྒྱུད་རིམ་ཧྲིལ་པོར་སྤྱི་ཚོགས་འདྲ་མཉམ་མིན་པས་ཁྱབ་ཡོད། མའོ་ཙེ་ཏུང་མ་འདས་གོང་། “གྲལ་རིམ་འཐབ་རྩོད་གཏན་ནས་བརྗེད་མི་རུང”བ་དང་། “གྲལ་རིམ་འཐབ་རྩོད་རྩ་དོན་དུ་འཛིན་དགོས”ཚུལ་གླེང་བ་ནི། འབྱོར་མེད་དང་འབྱོར་ལྡན་གྱི་གྲལ་རིམ་གཉིས་ལ་གོ་མོད། དོན་དངོས་སུ། འདི་ནི་མི་བདེན་རྫུན་སྒྲིག་གི་རྟོག་བཟོ་ཁོ་ན་རེད། “སྤྱི་ཚོགས་རིང་ལུགས་བསྒྱུར་བཀོད”བརྒྱུད་ནས། འབྱོར་ལྡན་གྲལ་རིམ་མེད་པ་བཟོས་རུང་། སྤྱི་ཚོགས་སྟེང་གི་མི་རྣམས་ནི་ཐོན་སྐྱེད་རྒྱུ་ཆ་སྒེར་ལ་བདག་པའི་དབང་ཆ་མེད་པའི་འབྱོར་མེད་པ་རུ་གྱུར་ཟིན། གཞན་མའོ་ཙེ་ཏུང་ཁོ་རང་གིས་བཤད་པའི་བསམ་བློའི་འཐབ་རྩོད་ནང་གི་གྲལ་རིམ་ཡིན་རུང་། འབྱོར་མེད་དང་འབྱོར་ལྡན་བར་གྱི་འཐབ་རྩོད་མ་ཡིན་པར།  ཡོད་པ་ནི་དམངས་གཙོ་རིང་ལུགས་དང་སྒེར་གཅོད་རིང་ལུགས་བར་གྱི་འཐབ་རྩོད་རེད།
ས་ཞིང་བཅོས་བསྒྱུར་བརྒྱུད་དེ་ཞིང་ས་ཐོབ་པའི་ཞིང་པ་རྣམས་ནི། ཐོན་སྐྱེད་རྒྱུ་ཆ་སྒེར་ལ་བདག་པའི་རང་དབང་ཅན་གྱི་ཞིང་པ་རེད། ཐོན་སྐྱེད་ཐད་དུ། ཁོ་ཚོས་རང་རང་གི་ཁེ་ཕན་ལ་དམིགས་ནས། ཐོན་འབབ་ཆེས་བཟང་བའི་ངལ་རྩོལ་བྱེད་སྟངས་ཤིག་རྙེད་སྲིད་པས། རང་སོ་སོས་བྱེད་པའམ་མཉམ་འབྲེལ་བྱེད་མིན་ནི། ཁོ་རང་ཚོས་རང་དབང་རང་མོས་ངང་གདམ་ཀ་བྱེད་འོས། འོན་ཀྱང་། མའོ་ཙེ་ཏུང་གིས་རང་འདོད་ལྟར། མཉམ་ལས་ཅན་དང་ཀུང་ཧྲེ་ཅན་སོགས་བཙན་གྱིས་ས་སྤེལ་རྡོ་སྤེལ་བྱས་ནས། ལོ་འགའི་ནང་དུ་ཞིང་པ་རྣམས་ཀྱི་ས་ཞིང་དང་ཐོན་སྐྱེད་རྒྱུ་ཆ་དག་ཕལ་ཆེར་ལྷག་མེད་དུ་ཕྲོགས་པས། དེ་ནས་བཟུང་ཞིང་པ་དག་ནི་ཞིང་བྲན་དུ་གྱུར། དཔལ་འབྱོར་གྱི་ཐད་ནས་དེ་འདྲའི་བཤུ་གཞོག་བྱས་པར་མ་ཟད། ཆབ་སྲིད་ཀྱི་ཐད་ལ་ཐེམ་ཐོ་ལམ་ལུགས་ལག་བསྟར་བྱས་ཏེ། ཀུང་ཧྲེ་ཡི་ཁོངས་མི་རྣམས་གྲོང་ཁྱེར་དུ་འགྲོ་བ་བཀག་ཅིང་། སོང་བ་རྣམས་ཀྱང་བཙན་གྱིས་ཕྱིར་ཁྲིད་ནས་དོ་དམ་ནན་མོ་བྱེད་པའི་ངལ་རྩོལ་ར་བར་བཅུག ཐ་ན་ཕྱི་རོལ་ལ་སློང་མོར་ཉུལ་བ་ལའང་ཆོག་མཆན་མེད་ཚེ་མི་གཏོང་། རིག་གནས་གསར་བརྗེའི་སྐབས་སུ། རང་ཁྱིམ་མདུན་རྒྱབ་ཀྱི་ས་སྟོང་དུ་སྔོ་ཚོད་བཏབ་པའམ། གསོས་བྱའི་སྒོ་ང་ཁྲོམ་ནས་འཚོ་བའི་ཉེར་མཁོ་ལ་བརྗེས་པ་སོགས་ཀྱང་། “འབྱོར་ལྡན་གྲལ་རིམ་གྱི་རྔ་མ་གཅོད་དགོས”ཞེས་དགག་པ་རེད། འཚོ་བ་རྡུགས་པོ་འདི་འདྲ་ལ་མི་འདོད་པའི་རྣམ་འགྱུར་ཕྲན་ཙམ་བསྟན་པའང“སྤྱི་ཚོགས་རིང་ལུགས་ལ་རྒོལ་བ”འམ། “གསར་བརྗེའི་ངོ་ལོག་པ”སོགས་ཀྱི་ཆབ་སྲིད་ཞྭ་མོ་བསྐོན་ཏེ་འཐབ་རྩོད་བྱས་པས་མི་རྣམས་ཀྱི་འཚོ་བའི་གནས་བབ་ནི་དེ་བས་སྡུག་པར་གྱུར། གྲངས་ཀྱིས་མི་ཆོད་པའི་ཞིང་པ་དག་གི་དཔལ་འབྱོར་དང་ཆབ་སྲིད་ཀྱི་གནས་བབ་དེས་བསྙོན་མེད་དུ་བསྟན་པར། མིང་ཐོག་ནས་སྔར་བཞིན་རྒྱལ་ཁབ་ཀྱི་བདག་པོ་ཡིན་སྐད་ཀྱི་ཁོ་ཚོ་ནི། ཀུང་ཧྲེ་ཅན་བྱས་རྗེས་སུ། དབང་ཆ་ཡོད་ཚད་ཕྲོགས་ཤིང་། རང་དབང་གི་ཐོབ་ཐང་གང་ཡང་མེད་པའི་ཞིང་བྲན་ཁོ་ནའོ།།
བཤུ་གཞོག་དང་གཉའ་གནོན་མྱོང་བའི་གྲལ་རིམ་གཞན་ཞིག་ནི། འབངས་ཐ་ཤལ་པའི་གྲལ་རིམ་རེད། དེ་ཚོ་ནི་ཆབ་སྲིད་ལས་འགུལ་ལས་བྱུང་བ་སྟེ། མི་དམངས་མང་ཚོགས་བསྐུལ་ནས་འཐབ་རྩོད་དང་རྒོལ་བ་བྱེད་པ་དང་། རང་དབང་གི་ཐོབ་ཐང་ཕྲོགས་སོང་བའི་ཉམ་ཐག་དག་གོ། ཉེ་བའི་ལོ་འགའི་ནང་གི་པར་སྐྲུན་དག་མ་བརྒྱུད་མ་བརྒྱུད་ཀྱི་དཔེ་ཆ་དག་ལས་མཐོང་བར། གསོན་དུས་མནར་གཅོད་བཟོད་གླགས་མེད་པ་མྱངས་ཤིང་འདས་དུས་བེམ་པོ་ས་སྟོང་དུ་གཡུགས་བཞག་པ་སོགས་ནི། སྤྱི་ཚོགས་སྟེང་གི“གཡོན་ལྷུང་བ”རུ་བཏགས་པ་དག་སྟེ། འབངས་ཐ་ཤལ་པའི་གྲལ་རིམ་གྱི་ཡ་ང་བའི་ལས་དབང་ངོ་།།
རྒྱལ་ཁབ་བཙུགས་རྗེས་ཀྱི་སྔོན་མའི་ལོ་སུམ་ཅུ་བོའི་ཆེས་མཐའ་མའི་ཟླ་མཇུག་ཏུ། བཤུ་གཞོག་དང་གཉའ་གནོན་མྱོང་བའི་གྲལ་རིམ་དེ་གཉིས་པོར་ཐར་པ་ཐོབ་པས་མའོ་ཙེ་ཏུང་གི་བསྐལ་པ་མཇུག་རྫོགས། རྗེས་མའི་ལོ་སུམ་ཅུའི་ནང་དུ། རྒྱ་ནག་གི་སྤྱི་ཚོགས་ལྟོས་བཅས་སུ་འདྲ་མཉམ་ཞིག་ཏུ་གྱུར། བཅོས་བསྒྱུར་སྒོ་འབྱེད་ཀྱིས་མི་དམངས་ཀྱི་འཚོ་ཚིས་ཇེ་བཟང་དུ་བཏང་བ་སྟེ་ཚོགས་པའམ་ཏང་བ་དང་། “ཧུའུ་ཀྲའོ་ཡི་སྲིད་གསར་པས[1]མི་དམངས་ཀྱི་ནང་སེམས་ལ་བདེ་བ་བསྩལ། སྐབས་དེར། གཡས་མཐའི་བསམ་བློ་དང་སྒེར་གཅོད་རིང་ལུགས་པའི་བར་ཆད་རྒྱུན་མི་ཆད་ནའང་། སྤྱིའི་ཆ་ནས་སྤྱི་ཚོགས་ཧྲིལ་པོར་རྣམ་པ་ཡར་ཐོན་གྱི་དཔལ་དང་ལྡན། དཔལ་འབྱོར་ཚོང་ར་ཅན་དུ་འགྱུར་བ་དང་བསྟུན་ཆབ་སྲིད་དམངས་གཙོ་ཅན་དང་རིག་གནས་རང་དབང་ཅན། སྤྱི་ཚོགས་འདྲ་མཉམ་ཅན་དུ་ཕྱོགས། འདྲ་མཉམ་ནི་དབང་ཆ་དང་གོ་སྐབས་དང་ཁྲིམས་ཀྱི་མདུན་དུ་འདྲ་མཉམ་ཡིན་ཚུལ་ལ་གོ་བ་ལས། མི་རྣམས་ཀྱི་རྒྱུ་ནོར་དང་ནུས་པ་དང་ལས་གནས་སོགས་ཀྱི་སྟེང་གི་འདྲ་མཉམ་ལ་གོ་བ་མིན།
འོན་ཀྱང་། ༡༩༨༩ལོའི་མེ་མདའི་སྐད་ཀྱིས། སྤྱི་ཚོགས་ཧྲིལ་པོའི་རྣམ་པ་ཡར་ཐོན་དུ་འགྲོ་བའི་ལེགས་ལམ་བཅད་དེ། རུལ་སུངས་འགོག་ཅིང་ཆབ་སྲིད་དམངས་གཙོ་ཅན་དུ་གཏོང་བའི་ལས་འགུལ་བཙན་དང་དྲག་པོས་བཀག་སྟབས། དེ་ནས་བཟུང་། རུལ་སུངས་དང་སྒེར་གཅོད་དབང་སྒྱུར་ཇེ་ཐུ་རུ་སོང་། ༡༩༩༢ལོར་ཏེང་ཞའོ་ཕེང་ལྷོ་ཕྱོགས་སུ་བསྐྱོད་སྐབས་ཀྱི་གཏམ་བཤད་ཀྱིས། དཔལ་འབྱོར་སྒྲིག་གཞིའི་བཅོས་བསྒྱུར་གསོས་སྟབས། དམངས་གཉེར་དཔལ་འབྱོར་གོང་དུ་འཕེལ་མོད། དེ་ནི་རུལ་སུངས་དང་སྒེར་གཅོད་ཀྱིས་ཟིན་སྟབས། དཔལ་འབྱོར་སྒྲིག་གཞིའི་བཅོས་བསྒྱུར་ལོག་ལམ་དུ་བསྒྱུར་པ་དང་། རྒྱལ་གཉེར་ཁེ་ལས་ཀྱི་བཅོས་བསྒྱུར་དེ། སྟོབས་འབྱོར་ཅན་དང་དབང་ཤེད་ཅན་ཚོས་ལས་ཀ་པའི་རང་དབང་གི་ཐོབ་ཐང་ཕྲོགས་ཤིང་རྒྱལ་ཁབ་ཀྱི་རྒྱུ་ནོར་ཧམ་འཛིན་བྱེད་པའི་གོ་སྐབས་ལེགས་པོ་ཞིག་ཏུ་གྱུར། ཁོ་ཚོས་ཁྲིམས་འགལ་ལུགས་འགལ་གྱི་ཐབས་བཀོད་སྣ་ཚོགས་བརྒྱུད་ནས་མང་ཚོགས་ཀྱི་ཁེ་དབང་ལ་བརྙས་ཤིང་རང་གི་སྒེར་དོན་གཉེར་བས། ཉེ་བའི་ལོ་འགའི་ནང་སྤྱི་ཚོགས་ཐོག་བྱུང་བའི་ཚོགས་པའི་ངོ་བོ་ཅན་གྱི་དོན་དག་ཁྲི་ཁ་གང་བ་ལས་མང་ཆེ་བ་ནི་ཁོ་ཚོས་མང་ཚོགས་ཀྱི་ཞིང་ས་ཕྲོགས་པ་དང་སྡོད་ཁང་བརླགས་པ་ལས་བྱུང་། ཁོ་ཚོ་དང་མི་དམངས་མང་ཚོགས་བར་གྱི་འགལ་བ་ནི། དུས་སྐབས་འདིའི་སྤྱི་ཚོགས་ཀྱི་འགལ་བ་གཙོ་བོ་རེད། ཁོ་ཚོས་མི་སེར་ལ་གཉའ་གནོན་བཤུ་གཞོག་བྱེད་པ་དང་། མི་སེར་གྱིས་དེར་རྒོལ་ཞིང་འཐབ་པ་ནི་དུས་སྐབས་འདིའི་གྲལ་རིམ་འཐབ་རྩོད་ཀྱི་རྣམ་པ་གཙོ་བོ་རེད། སྤྱི་ཚོགས་འདྲ་མཉམ་མིན་པ་ལས་བྱུང་བའི་ད་ལྟའི་སྤྱི་ཚོགས་ཀྱི་འགལ་བ་དང་གདོང་ཐུག་སྣ་ཚོགས་ཁྲོད་དུ། ཆག་འཇིག་ཚབས་ཆེན་འབྱུང་ཉེན་གྱི་རྒྱུ་ཚང་འདུག་ཅིང་། འདི་ནི། སྒྲིག་གཞི་བཅོས་བསྒྱུར་གྱི་མཛུབ་སྟོན་བསམ་བློས་འདྲ་མཉམ་གྱི་གནད་དོན་ལ་དོ་སྣང་མ་བྱས་པས་རེད། འདྲ་མཉམ་ནི་ཡོངས་ཁྱབ་རིན་ཐང་གི་ནང་དོན་གཙོ་བོ་ཞིག་ཡིན་པས། འདྲ་མཉམ་ལ་དོ་སྣང་མ་བྱས་པ་ནི། བཅོས་བསྒྱུར་གྱི་བསམ་བློ་དེ་ཡོངས་ཁྱབ་རིན་ཐང་གི་སྟེང་ནས་མ་བཏོན་པའི་མངོན་རྟགས་ཤིག་རེད། (བདམས་བསྒྱུར་བྱས)
མཇུག་བསྡུ་བའི་གཏམ།
གོང་དུ་སོང་ཟིན་པ་ལྟར། སྲིད་འབྱོར་རིག་གསུམ་དང་སྤྱི་ཚོགས་བཅས་ཀྱི་ཁྱབ་ཁོངས་སུ་བཅོས་བསྒྱུར་བྱེད་པའི་དམིགས་ཡུལ་གླེང་ཚར་དུས། ད་ནི་འདི་ལྟར་ཐག་བཅད་ཆོག་སྟེ།
༡ དཔལ་འབྱོར་ཚོང་ར་ཅན་དང་ཆབ་སྲིད་དམངས་གཙོ་ཅན། རིག་གནས་རང་དབང་ཅན། སྤྱི་ཚོགས་འདྲ་མཉམ་ཅན་བཅས་མངོན་འགྱུར་བྱེད་རྒྱུ་ནི་རང་རྒྱལ་གྱིས་ངེས་པར་དུ“བརྒྱུད་དགོས”པའི་དམངས་གཙོ་རིང་ལུགས་ཀྱི་བརྒྱུད་རིམ་ཞིག་དང་། འགོམ་དུ་མེད་པའི་ལོ་རྒྱུས་ཀྱི་འཕེལ་རིམ་ཞིག གཡོལ་དུ་མེད་པའི་དངོས་ཡོད་ཅིག་རེད། དེ་བས། དབང་སྒྱུར་པས་ལོ་རྒྱུས་འཕེལ་བའི་ཆོས་ཉིད་འདི་བརྩིས་ནས། བརྒྱུད་རིམ་འདིའི་ལམ་ལ་འཇུག་པར་རིགས།
༢ “ཅན་བཞི”འདིའི་ཚོང་ར་དང་དམངས་གཙོ་དང་རང་དབང་དང་འདྲ་མཉམ་བཅས་ལ་མཚོན་ན། ཚང་མ་ཡོངས་ཁྱབ་རིན་ཐང་གི་བརྗོད་བྱ་ཞིག་ཡིན་འོས་ཤིང་། དེའི་ཆ་ནས་བཤད་ན། བཅོས་བསྒྱུར་སྒོ་འབྱེད་ཀྱི་དམིགས་ཡུལ་ནི་ཡོངས་ཁྱབ་རིན་ཐང་མངོན་འགྱུར་བྱེད་རྒྱུ་དེ་རེད། བཅོས་བསྒྱུར་སྒོ་འབྱེད་ཀྱི་བསམ་བློ་དེ་ཡོངས་ཁྱབ་རིན་ཐང་གི་སྟེང་ནས་བཏོན་ཡོད་མེད་ནི། བཅོས་བསྒྱུར་སྒོ་འབྱེད་ཀྱི“ཅན་བཞིའི”དམིགས་ཡུལ་འགྲུབ་མིན་ལ་རག་ལས་སའི་གནད་འགག་རེད།
༣ ལོ་ངོ་སུམ་ཅུའི་བཅོས་བསྒྱུར་སྒོ་འབྱེད་ཀྱིས་ཐོན་སྐྱེད་ནུས་ཤུགས་གོང་དུ་འཕེལ་བ་དང་། མང་ཚོགས་ཀྱི་འཚོ་བ་ཇེ་བཟང་དུ་བཏང་བ་སྟེ་ཚོགས་པའམ་ཏང་བ། རྒྱལ་ཁབ་ཀྱི་འབྱོར་པའི་སྟོབས་ཤུགས་ཇེ་ཆེར་བྱས་པ། འབྱོར་འབྲིང་གྲལ་རིམ་བྱུང་བ། འཛམ་གླིང་ཅན་དུ་བསྒྱུར་པ་སོགས་དཔལ་འབྱོར་གྱི་གྲུབ་འབྲས་མངོན་གསལ་ཡིན་ནའང་། ཕྱོགས་གཞན་ཞིག་ནས། དཔལ་འབྱོར་སྒེར་སྡེམ་ལ་སྲུང་སྐྱོབ་བྱས་པ་དེས། སྤྱི་ཚོགས་ཀྱི་འཕེལ་རྒྱས་ལ་གནོད་པ་ཚབས་ཆེན་བཟོས། ཆབ་སྲིད་དང་རིག་གནས་དང་སྤྱི་ཚོགས་བཅས་ཀྱི་ཁྱབ་ཁོངས་ཀྱི་བཅོས་བསྒྱུར་ནི། ཕྱི་ཚུལ་ལམ་གལ་མི་ཆེ་བའི་ཕྱོགས་ཙམ་མ་གཏོགས། ཆབ་སྲིད་དམངས་གཙོ་དང་རིག་གནས་རང་དབང་དང་སྤྱི་ཚོགས་འདྲ་མཉམ་བཅས་ཀྱི་ངོ་བོར་སྙོབས་མེད་པས། “གྲུབ་འབྲས་གལ་ཆེན”བླངས་འདུག་ཅེས་བཤད་དཀའོ།།
༤ སྤྱིར་བཏང་བ་སྟེ་ཚོགས་པའམ་ཏང་དུ། མི་རྣམས་ཀྱིས་བཅོས་བསྒྱུར་སྒོ་འབྱེད་ཀྱི་སྒོ་འབྱེད་དེ་ཕྱི་ཕྱོགས་སུ་སྒོ་འབྱེད་པ་ཁོ་ན་ཞིག་ལ་གོ་གི་འདུག་མོད། དོན་ངོ་མར་སྒོ་འབྱེད་ཀྱི་ཁ་ནང་དུ་ཕྱོགས་རྒྱུ་ནི་དེ་ལས་ཀྱང་གལ་ཆེན་པོ་རེད། བཅོས་བསྒྱུར་དང་སྒོ་འབྱེད་གཉིས་པོ་གང་ལ་གང་མཁོ་དེ་ལ་དེར་བསྟུན་བྱེད་དགོས། དཔལ་འབྱོར་གྱི་སྒོ་འབྱེད་ནི་དཔལ་འབྱོར་སྒེར་སྡེམ་གྱི་ལྕགས་ཟྭ་གཏོར་ནས་དམངས་གཉེར་ཁེ་ལས་ལ་སྒོ་འབྱེད་པ་དང་། ཁེ་ལས་ཀྱི་ལས་ཀ་པ་རྣམས་ཀྱང་ཁེ་ལས་བྱ་བའི་དོ་དམ་དང་ལྟ་སྐུལ་གྱི་ལས་ལ་འཇུག་པ་དང་། རིན་གོང་བརྗེ་རེས་ཀྱི་བྱ་བར་མང་ཚོགས་ཀྱང་ཞུགས་སུ་འཇུག་པའོ།། ཆབ་སྲིད་ཀྱི་སྒོ་འབྱེད་ནི། མི་དམངས་མང་ཚོགས་ཀྱིས་སྲིད་གཞུང་འོས་འདེམས་བྱེད་པ་དང་དེར་ལྟ་སྐུལ་ཆོག་པ་སོགས་ཆབ་སྲིད་ཀྱི་བྱ་བར་ཞུགས་ཆོག་པ། རིག་གནས་ཀྱི་སྒོ་འབྱེད་ནི། བསམ་བློའི་བཅིངས་སྡོམ་བཀྲོལ་ནས་གསར་འགྱུར་རང་དབང་མངོན་དུ་བསྒྱུར་པ་དང་། དུས་དེབ་དང་ཚགས་པར་ཁག་གི་བཀག་ཆ་གློད་རྒྱུ་དེ་རེད། སྤྱི་ཚོགས་ཁྱབ་ཁོངས་ཀྱི་སྒོ་འབྱེད་ནི། ཚོགས་པ་བསྒྲིལ་བའི་རང་དབང་ལག་ཏུ་བསྟར་བར་བྱེད་པ་དང་། མི་ལུས་རང་དབང་འགོག་པ་དང་མཐོང་ཆུང་གི་ཆ་དང་ལྡན་པའི་བཅས་ཁྲིམས་ཁག་མེད་པར་བཟོ་རྒྱུ་སྟེ། མདོར་ན། བཅོས་བསྒྱུར་དང་སྒོ་འབྱེད་གཉིས་པོ་ནི་མཚོན་ཁྱབ་མཉམ[2]དུ་ཡོད་པ་ཞིག་གོ།
༥ ད་ལྟའི་རྒྱ་ནག་གི་གནས་ཚུལ་ལ་བལྟས་ན། གོང་གི“ཅན་བཞི”མངོན་དུ་འགྱུར་ཐུབ་རྒྱུ་ནི་དཔེ་མི་སྲིད་པ་ལྟ་བུ་ཞིག་རེད་མོད། འདི་ནི་མ་བརྒྱུད་ཐུ་མེད་ཅིག་ཀྱང་ཡིན་པས་ན། སྔ་མོ་ནས་ལམ་ལ་ཆས་པར་རིགས་སོ།། ལོ་རྒྱུས་ཀྱིས“ཅན་བཞིའི”མངོན་འགྱུར་བྱེད་མཁན་གྱི་མི་སྣ་སྐྱོང་ངེས། མི་སྣ་དེ་ནི་མི་གཅིག་གམ་ཚོགས་པ་གང་ཡིན་རུང་། ལོ་རྒྱུས་ཀྱིས་མི་བརྗེད་ཅིང་དེའི་མཚན་སྙན་སྲིད་མཐར་བརྟན་ནོ།།
༦ ཆབ་སྲིད་དམངས་གཙོ་ཅན་དུ་འགྱུར་རྒྱུ་ནི“ཅན་བཞིའི”གནད་འགག་རེད། ད་ལྟའི་དཔལ་འབྱོར་དང་རིག་གནས་དང་སྤྱི་ཚོགས་བཅས་ཀྱི་ཁྱབ་ཁོངས་ཀྱི་སྐྱོན་དང་ཉེས་པ་ཐམས་ཅད་ནི་ཆབ་སྲིད་དབང་ཤུགས་ལ་ཚོད་འཛིན་དང་ལྟ་སྐུལ་མེད་པ་ལས་བྱུང་བ་རེད། ད་ཡོད་ཀྱི་སྒེར་གཅོད་སྒྲིག་གཞི་འདིའི་འོག་ཏུ། ཆབ་སྲིད་དབང་ཤུགས་སུའི་ལག་ཏུ་ཡོད་ན། དེས་དབང་ཤུགས་ལོག་པར་སྤྱད་དེ་རང་དོན་གཉེར་བས། འདི་ནི་ཁྱབ་ཁོངས་གང་སར་རུལ་སུངས་བྱུང་བའི་ཁུངས་རེད། དེ་བས། ཁྱབ་ཁོངས་བཞི་བོའི་བཅོས་བསྒྱུར་བྱ་བའི་ཁྲོད། ཆབ་སྲིད་སྒྲིག་གཞིའི་བཅོས་བསྒྱུར་སྔོན་ལ་བསྟར་འོས། མིག་སྔར། ཆབ་སྲིད་སྒྲིག་གཞིའི་བཅོས་བསྒྱུར་ལ་རྒོལ་བའི་གཏམ་ཉོག་གང་སར་རྡོལ་གྱིན་འདུག་པས་ན། ང་ཚོས་ཆབ་སྲིད་སྒྲིག་གཞིར་བཅོས་བསྒྱུར་བྱས་ནས་ཆབ་སྲིད་དམངས་གཙོ་ཅན་དུ་བྱེད་པའི་འབོད་པ་ཆེ་རུ་བསྒྲག་འོས་སོ།།


[1] མའོ་ཙེ་ཏུང་གི་མི་དམངས་ཀུང་ཧྲེ་བསྒྱེལ་ཅིང་། མའོ་ཙེ་ཏུང་གི་སྐབས་ཀྱི་ལམ་སྲོལ་དང་བྱེད་ཕྱོགས་མང་པོ་མེད་པར་བཟོས་ནས་སྤྱི་ཚོགས་ཧྲིལ་པོ་རྣམ་པ་ཡར་ཐོན་གྱི་ལམ་ལ་སྐུལ་བ། རྒྱས་པ་འབྲེལ་ཡོད་ཡིག་ཆ་གཞན་ལ་གཟིགས་པར་ཞུ།
[2] བཅོས་བསྒྱུར་གྱིས་སྒོ་འབྱེད་པ་མཚོན་པ་དང་སྒོ་འབྱེད་ཀྱིས་ཀྱང་བཅོས་བསྒྱུར་མཚོན་པའོ།།
·གསར་འགྱུར་གོང་མ:ཡོངས་ཁྱབ་རིན་ཐང་དང་རྒྱ་ནག་གི་བཅོས་བསྒྱུར་སྒོ་འབྱེད།༣
·གསར་འགྱུར་འོག་མ:༼ཟླ་ཟེར༽དུས་དེབ་དང་འབྲེལ་བའི་རྩོམ་བསྡུའི་བརྡ་ཐོ།
འདྲ་ཕབ། 】 【 པར་འདེབས།
  འབྲེལ་ཡོད་གསར་འགྱུར།
·བོད་ཀྱི་ཆ་འཕྲིན་ལག་རྩལ་གྱི་ཆེད་མཁས་དགེན་བཀྲ་ཤིས་རྒྱལ་ལ་མྱ་ངན་ཞུ། 2016/11/6 15:52:45
·བི་ཀྲ་མ་ཤཱི་ལ། 2016/4/8 15:44:09
·མདོ་ཁམས་ས་ཡི་ཐིག་ལེ་བྲག་གཡབ་ལྗོངས་ཀྱི་གནས་ལུགས་མདོ་ཙམ་བརྗོད་པ། 2016/3/7 18:22:43
·ཨ་དཀོན་རིན་པོ་ཆེའི་གཞན་ཕན་དགེ་ལས་མུ་མཐུད་ནས་མཇུག་སྐྱོང་གནང་རྒྱུ་ཡིན་པ། 2016/2/24 23:13:06
·གཅེས་ཕྲུག་ཤེས་རབ་ཟླ་བ་ལ་སྤྲིངས་པ། 2015/10/28 12:35:46
ཆེད་ཞུ།:དྲ་ཚིགས་འདིའི་ནང་གི་རྒྱུ་ཆ་ཚང་མ་ནི་ངེད་ཀུང་ཟིས་འཚོལ་བསྡུ་དང་ལེགས་བསྒྲིགས་བྱས་པ་ཡིན་པས། ངེད་ཀུང་ཟིས་དགོངས་འཁྲོལ་མེད་ཚེ་གང་དུ་པར་བཤུས་བརྒྱབ་མི་ཆོག གལ་སྲིད་སྐུ་ཉིད་ཀྱི་ཁེ་ཕན་ལ་གནག་པའི་ཆ་ཡོད་ཚེ། ཁྱེད་ཀྱིསའབྲེལ་གཏུགས་གནང་རོགས།
  འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/5 20:29:11 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/22 21:20:39 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/15 20:43:02 [来自: 112.5.248.229]

འབྲེལ་ཡོད་དཔྱད་བརྗོད 59 ཡོད། མིག་སྔར་གསར་འགྱུར当前显示最新的 3 འདུག   [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།36.13MS