ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> གསར་འགྱུར། >> གཏེར་གྱི་བུམ་བཟང་། >> མི་ཆོས
  གསར་འགྱུར་ཀློག་པ།

དེང་གི་ཡུལ་མི་རྣམས་ལ་གཏམ་དུ་བྱ་བ།

[རྩོམ་པ་པོ:འཇུ་མི་ཕམ།  ཡོང་ཁུངས:གླིང་སྲས་དྲ་བ།  དུས་ཚོད:2015/1/17 11:39:30  བཀླགས་ཐེངས:1815][ཡིག་གཟུགས:ཡིག་གཟུགས་མདོག]

དེང་གི་ཡུལ་མི་རྣམས་ལ་གཏམ་དུ་བྱ་བ།

  འཇུ་མི་ཕམ།


    བླ་མ་འཇམ་པའི་དབྱངས་ལ་ཕྱག་འཚལ་ནས།། རང་ཕྱོགས་ཡུལ་མི་རྣམས་ལ་གྲོས་ཤིག་འདེབས།། ལུགས་ཀྱི་ཆོས་ལས་རྒྱ་ཆེར་བཤད་ན་ཡང་།། དམན་པས་གོ་དཀའ་འདི་ཙམ་འཕྲལ་དུ་ཕན།། ཡུལ་མི་ཐམས་ཅད་སྐྱིད་ཡ་སྡུག་རོགས་ཡིན།། ཁེ་ཕན་རྒྱལ་ཁ་བརྩད་ཀྱང་དོན་སྒོ་ཆུང་།། འཐབ་རྩོད་ཉུང་ལ་ཕན་ཐོགས་མང་བར་གྱིས།། དེ་ལྟར་བྱས་ན་རང་སྐྱིད་རོགས་ཀྱང་སྐྱིད།། བཟའ་ཚང་མི་རྣམས་སྐྱིད་སྡུག་མཉམ་ཁུར་ཡིན།། བློ་སེམས་མཐུན་ན་རང་བདེ་རོགས་ཀྱང་སྐྱིད།། ཁ་འཐབ་མང་ན་རང་སྡུག་རོགས་ཀྱང་སྡུག། ཡུད་ཙམ་འདུས་ཚེ་ཅི་དགའ་ཅི་སྐྱིད་བྱ།། ཡུལ་མི་མཐུ་བསྡོ་རང་ཕྱོགས་བསྲུང་དགོས་པས།། འཐེན་ཁྱེར་མ་མང་བློ་སེམས་གཅིག་ཏུ་བསྟུན།། རང་སྐྱ་ཁེར་ཕེར་སུས་ཀྱང་མི་འོང་བས།། རང་དོན་རོགས་དོན་མཉམ་སྲུང་བྱས་ན་ལེགས།། ཕན་པ་བྱེད་པ་འོས་ཚོད་དྲིན་གཟོ་གྱིས།། བཟང་ངོ་མེད་ནས་སུས་ཀྱང་ཕན་མི་འདོགས།། མི་སྲུན་བླུན་པོ་ཇི་ལྟར་འོས་པར་འདུལ།། ངན་པ་རང་དབང་ཆེ་ན་ཡུལ་དེ་རྒུད།། ཅུང་ཟད་ཙམ་གྱིས་དགའ་སྡུག་མི་སྐྱེན་པར།། སེམས་ཕུག་མཛའ་ན་ཐམས་ཅད་མཛའ་ཞིང་དགའ།། བུད་མེད་ངན་མ་བཞིན་དུ་དབྱེན་གྱི་ཁར།། མ་ཉན་བློ་རྒྱུད་བརྟན་ན་དུས་ཀུན་བདེ།། ཡོད་པོས་མེད་ལ་གཡར་པོ་ཁུང་བཟུང་གྱིས།། དེ་ལྟར་བྱས་ན་ཡོད་པོ་ཀུན་གྱིས་བརྩི།། མེད་པོས་ཡོད་ལ་རོགས་དང་མངག་གཞུག་གྱིས།། དེ་ལྟར་བྱས་ན་མེད་ཀྱང་གཡར་ཁུང་རྙེད།། རང་ཤེས་རོགས་ཤེས་བསམ་དཔྱོད་མེད་པ་ཡི།། རང་འདོད་ཆེ་བའི་ཡུལ་དེར་བག་མི་ཕེབས།། བསམ་བཟང་ཤེས་པ་ཅན་གྱི་མི་མང་ན།། ཡུལ་དེ་བདེ་ཞིང་དམ་པའི་སྐྱེ་བོས་བསྟེན།། ཤེས་ཅན་ཡོན་ཏན་ཡོད་པ་ཀུན་གྱི་བཀུར།། ཤེས་མེད་བསམ་རྒྱ་ཆུང་བ་གྱི་ནར་ཞོག། དེ་ལ་དམན་སྡང་བྱེད་ན་ཐ་ཤལ་རྟགས།། མཉམ་དུ་འགྲོགས་ན་རེད་དང་མ་རེད་བརྒྱ།། སུ་ལ་འང་འབྱུང་ཕྱིར་ཡུལ་མི་བཟའ་ཚང་ལ།། ཉེས་པ་ཅུང་ཟད་ཙམ་ལ་མི་འཐད་པར།། བྱམས་པས་བསྐྱང་ན་སླར་ཡང་མཛའ་བར་གྱུར།། རྗེ་བོ་ཁུར་ཞིང་ཡུལ་མི་བློ་མཐུན་ལ།། དཀོན་མཆོག་གསུམ་ལ་བཀུར་སྟི་ཆེ་བ་དང་།། ཡ་རབས་བྱ་བར་དགའ་ཞིང་བསམ་དཀར་ཅན།། གང་དུ་མང་བའི་ཡུལ་དེ་དར་བར་གྱུར།། རྐུ་ཁྲམ་རྫུན་གསུམ་སྤང་བ་ཀུན་ཡིད་ཆེས།། བརྩི་འཚོ་སྐྱོང་གསུམ་མཁས་ན་ཀུན་དང་མཐུན།། བསགས་གཏོང་ཚོང་གསུམ་ཤེས་ན་འབྱོར་བ་འཕེལ།། དཔའ་གཉེན་ཚོད་གསུམ་ལྡན་ན་ཀུན་གྱིས་བརྩི།། རང་རྒྱུད་དྲང་ན་ནམ་མཁའི་ལྷ་ཡང་མགུ།། མི་གཞི་བཟང་ན་ཐམས་ཅད་གཉེན་ལྟར་འདུན།། བསམ་པ་བཟང་ན་རང་གི་ལས་ལམ་དགེ། ཤེས་པ་ཡོད་ན་རང་ལ་ཕུན་སུམ་ཚོགས།། བློ་ཁོག་ཡང་ན་འཐབ་རྩོད་ཉུང་ཞིང་སྐྱིད།། གཞན་ལ་གང་ཕན་བྱས་ན་རང་ཉིད་བདེ།། དཀོན་མཆོག་གསུམ་ལ་དད་ན་འདི་ཕྱིར་ལེགས།། བསོད་ནམས་ཚོགས་བསགས་བྱས་ན་བསམ་པ་འགྲུབ།། ཅིས་ཀྱང་འཆི་ངེས་ལས་འབྲས་བསླུ་མེད་པས།། རང་ཁོས་གང་ཡོད་དགེ་སྒྲུབ་སྡིག་སྤོང་གྱིས།། བླང་དོར་འབྱེད་པ་དམ་ཆོས་ཐོས་ལས་འབྱུང་།། སྟོན་པའི་རྗེས་འཇུག་ཇི་ལྟར་ཞན་ཀྱང་མཆོད།། གཉོམ་ཆུང་མ་ནུས་པ་ལ་ཅི་ཕན་བྱོས།། བཟང་ཕྱུག་སུ་བྱུང་རང་ཡུལ་བསོད་ནམས་ཡིན།། དེ་ལ་ཕྲག་དོག་བྱས་ནརང་ཡུལ་བརླག། དམ་པ་བསྟེན་ཞིང་དམ་ཆོས་ཉན་ན་དགེ། དེ་བས་དེ་ལྟར་བཤད་པ་ཇི་བཞིན་དུ།། སེམས་ལ་བླང་ན་ཕན་དང་བདེ་བ་འཕེལ།། ཡུལ་གྱི་བདེ་ཐབས་ཅི་ཞིག་དགོས་ཞེས་སུ།། འབྲི་བ་དེ་ལ་འདི་ལྟར་སྟོན་པར་གྱིས།།

·གསར་འགྱུར་གོང་མ:ཕོ་བའི་བདེ་སྲུང་ཤེས་བྱ།
·གསར་འགྱུར་འོག་མ:ཁོར་ཡུག་སྲུང་སྐྱོབ་བྱིས་པའི་རྩེད་མོ་མིན།
འདྲ་ཕབ། 】 【 པར་འདེབས།
  འབྲེལ་ཡོད་གསར་འགྱུར།
·མི་ཆོས་ལས་འཕྲོས་པའི་བསླབ་བྱ་ 2015/12/1 14:15:34
·མི་ཚེ་དོན་དང་ལྡན་པ་ཡོང་བའི་ཆ་རྐྱེན་བཞི། 2014/4/1 10:52:59
·མི་ཆོས་ལྔ་པ། རིཊ་མཐོ་བ་དང་རྒན་པར་བཀུར་སྟི་ཆེ་བ། 2012/2/13 10:35:53
·མི་ཆོས་བཞི་པ། ཡོན་ཏན་ཅན་ལ་ཆེ་མཐོང་ཡོད་པ། 2012/2/6 15:33:49
·མི་ཆོས་གསུམ་པ། ཕ་མ་ལ་དྲིན་ལན་འཇལ་བ། 2012/1/30 15:34:01
ཆེད་ཞུ།:དྲ་ཚིགས་འདིའི་ནང་གི་རྒྱུ་ཆ་ཚང་མ་ནི་ངེད་ཀུང་ཟིས་འཚོལ་བསྡུ་དང་ལེགས་བསྒྲིགས་བྱས་པ་ཡིན་པས། ངེད་ཀུང་ཟིས་དགོངས་འཁྲོལ་མེད་ཚེ་གང་དུ་པར་བཤུས་བརྒྱབ་མི་ཆོག གལ་སྲིད་སྐུ་ཉིད་ཀྱི་ཁེ་ཕན་ལ་གནག་པའི་ཆ་ཡོད་ཚེ། ཁྱེད་ཀྱིསའབྲེལ་གཏུགས་གནང་རོགས།
  འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 8:12:03 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 11:06:49 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/16 16:29:14 [来自: 112.5.248.229]

འབྲེལ་ཡོད་དཔྱད་བརྗོད 54 ཡོད། མིག་སྔར་གསར་འགྱུར当前显示最新的 3 འདུག   [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།22.46MS