ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> གསར་འགྱུར། >> འཕྲུལ་གྱི་རྒྱང་ཤེལ། >> དམངས་སྲོལ
  གསར་འགྱུར་ཀློག་པ།

རྩེད་འཇོའི་སྤྲོ་གསེང་གི་ནུས་པ།

[རྩོམ་པ་པོ:མི་གསལ།  ཡོང་ཁུངས:བོད་ལྗོངས་རླུང་འཕྲིན་དྲ་བ།  དུས་ཚོད:2010/2/16 11:39:40  བཀླགས་ཐེངས:897][ཡིག་གཟུགས:ཡིག་གཟུགས་མདོག]

             རྩེད་འཇོའི་སྤྲོ་གསེང་གི་ནུས་པ།

རྩེད་འཇོ་ཡི་ཐོག་མའི་རྣམ་པ་ནི་གོང་དུ་བཤད་ཟིན་པ་ལྟར་བཀོལ་སྤྱོད་ཀྱི་རིན་ཐང་ལྡན་པའི་སྤྱི་ཚོགས་ཀྱི་བྱ་བྱེད་ཅིག་ལས་རྩེད་འཇོའི་རོལ་རྩེད་ཁོ་ན་ཞིག་མིན་མོད། འོན་ཀྱང་སྤྱི་ཚོགས་འཕེལ་རྒྱས་དང་འཚོ་བ་ལ་འདུ་ཤེས་གསར་པ་ཆགས་པ་དང་བསྟུན་ནས་རྣམ་པ་ལ་འགྱུར་ལྡོག་བྱུང་བའི་རྩེད་འཇོའི་སྤྲོ་གསེང་གི་ནུས་པ་ཉིན་བཞིན་ཇེ་མཐོར་སོང་བ་དང་སྦྲགས་མི་རྣམས་ཀྱིས་སྤྲོ་གསེང་གི་ཆེད་དུ་སྤྲོ་གསེང་དང་། རྩེད་འཇོའི་ཆེད་དུ་རྩེད་འཇོ་ཁོ་ན་བྱེད་པ་ཞིག་མིན་པར་རྩེད་འཇོའི་སྤྲོ་གསེང་གིས་མི་རྣམས་ལ་གཤམ་གསལ་གྱི་གལ་ཆེའི་ནུས་པ་འངོན་སྤྲོད་བྱེད་ཐུབ་རྒྱུ་སྟེ།

༡.ཤེས་རིག་སྐྱེད་སྲིང་གི་ནུས་པའི་སྐོར།

རྩེད་འཇོའི་སྤྲོ་གསེང་གི་བྱ་འགུལ་དེ་ནི་དར་མ་རྣམས་ལ་མཚོན་ནས་བཤད་ན། སེམས་ཁམས་ཀྱི་དགའ་སྐྱོ་ཆགས་སྡང་མཚོན་ཐུབ་ལ། རང་ཉིད་ཀྱི་མི་མངོན་པའི་ནུས་པའང་འཚོལ་རྟོགས་དང་འདོན་སྤེལ་བྱེད་རྒྱུར་ཤིན་ཏུ་ཕན། ལོ་ཆུང་བྱིས་པ་རྣམས་ལ་མཚོན་ནས་བཤད་ན། རྩེད་འཇོའི་སྤྲོ་གསེང་ནི་སློབ་གསོ་རྒྱག་སྟངས་ངོ་མ་ཞིག་དང་གཙོ་བོ་ཞིག་མིན་ཡང་གྲུབ་འབྲས་གཡུར་དུ་ཟ་བའི་སློབ་གསོའི་ཐབས་ཤེས་ཤིག་ཡིན་ཏེ། དགའ་དགའ་སྤྲོ་སྤྲོའི་ངང་ཤེས་བྱ་སྣ་ཚོགས་སྐྱེད་ཐུབ་ལ། བློ་རིག་གི་འདབ་མའང་གསར་དུ་རྒྱས་ཐུབ་པས་འདིར་བརྗོད་པའི་ཤེས་རིག་སྐྱེད་སྲིང་གི་ནུས་པ་ནི་གཙོ་བོ་ལོ་ཆུང་བྱིས་པར་བལྟོས་ནས་བཤད་པ་ཞིག་ཡིན་ཏེ། དང་པོ་ཁོ་ཚོའི་སྨྲ་ལྕེ་སྦྱོང་བརྡར་གྱི་ནུས་པ་བསྐྱེད་ཐུབ་པ།

སྨྲ་ལྕེ་སྦྱོང་བརྡར་གྱི་རོལ་རྩེད་ནི་བྱིས་པའི་རོལ་རྩེད་ཀྱི་རྣམ་གྲངས་གཞན་དང་མི་འདྲ་བར་ལྕེ་ཡི་མདུད་པ་གྲོལ་བྱེད་ཀྱི་གཏམ་དང་རྩེད་འཇོའི་རོལ་རྩེད་ཅིག་སྟེ། ཕན་ཚུན་ནོར་འཛོལ་ཆེ་བའི་ཡིག་འབྲུ་དང་། སྒྲ་གདངས། ཚིག་གི་གཅོད་མཚམས་ཡང་དག་གིས་མ་ཐོན་ཚེ་སྒྲ་ལོག་དོན་ལོག་ཏུ་འགྲོ་བའི་སྐད་ཆའི་སྦྱོར་བའི་ཚིག་གྲུབ་བཟོས་ཏེ་ཟློ་ཀློག་དང་མྱུར་ཀློག ཕྱག་རྒྱ་དང་ཚིག་འབྲུ་འགལ་ཟླར་ཐོན་པ་བཅས་ཀྱི་ཐབས་ལ་བརྟེན་ནས་ལྕེ་རྩལ་འགྲན་བསྡུར་བྱེད་པ་སྟེ། དཔེར་ན། “ཞྭ་བོད་ཞྭ་”དང་“གྲི་བོད་གྲི་”ཞེས་དང་། “ཁབ་རྒྱ་ཁབ་”དང་“ལྷམ་རྒྱ་ལྷམ་”ཞེས་པ་ནི་ཚིག་གི་གཅོད་མཚམས་ལ་གོ་འཛོལ་བྱུང་ན་“ཞྭ་ནི་བོད་རིགས་ཀྱི་ཞྭ་མོ་ཡིན་”པ་དང་།“ཁབ་ནི་རྒྱ་རིགས་ཀྱི་བཟོ་ཁབ་ཡིན་”པའི་ངོན་མི་ཐོན་པར་དོན་ལོག་ཏུ་འགྲོ་ལ། “རྟ་དཀར་དཀར་རྔ་མ་ནག་ནག་”ཅེས་དང་། “རའི་རྭ་ཅོ་རིལ་རིལ་”དང་། “ལུག་གི་རྭ་ཅོ་ལེབ་ལེབ་”ཅེས་པ་ཚིག་འགྲོས་ཧ་ཅང་མྱུར་བའི་སྒོ་ནས་ཡང་དང་བསྐྱར་དུ་བཀླགས་ན་ལྕེ་མི་བདེ་བ་དང་བྱང་ཆ་མེད་པ་དག་གིས་སྒྲ་ལོག་བཏོན་ཏེ་བཞད་གད་སློང་སྲིད། གཞན་ཡང་། དབུགས་སྦྱོང་དང་ལྕེ་སྦྱོང་མཉམ་སྡེབ་ཀྱི་རོལ་རྩེད་ནི། ཨ་ཁུ་རྒྱལ་པོ་ཚང་གི་ཁང་ཐོག་ན་ཀ་ཏོར་ཉི་ཤུ་རྩ་གཅིག་ཡོད། དེ་དབུགས་ཐེངས་གཅིག་ལ་བགྲང་ཐུབ་ན། ཤི་ན་དམྱལ་བ་དང་ངན་སོང་ལ་མི་འགྲོ་ཟེར་ནས། དབུགས་ཐེངས་གཅིག་ལ་ཀ་ཏོ་ར་གཅིག ཀ་ཏོ་ར་གཉིས། ཀ་ཏོ་ར་གསུམ་ཟེར་བ་སོགས་གྲངས་ཉི་ཤུ་རྩ་གཅིག་བར་བགྲང་དགོས། ད་དུང་དབུགས་སྦྱོང་དང་ལྕེ་སྦྱོང་དེ་བཞིན་རང་བྱུང་ཤེས་བྱ་སྦྱོང་བ་བཅས་མཉམ་སྡེབ་ཀྱི་རོལ་རྩེད་ཀྱང་ཡོད་དེ། “གཅིག གཉིས། གསུམ་བྱས་ནས་རྡོ་གཅིག་བཞག གཅིག གཉིས། གསུམ་བྱས་ནས་རྡོ་གཅིག་སྒྲུག བསིལ་བསིལ་བསིལ་ལ་འབབ་ཆར་ལེགས་མོ་ཡོད། རྨ་བྱའི་སྐོར་བ་གཡས་སྐོར་གཅིག་བརྒྱབ། འཇོལ་མོའི་སྐོར་བ་གཡོན་སྐོར་གཅིག་བརྒྱབ། སྐོར་བ་གཡས་སྐོར་གཡས་ལ་བརྒྱབ་ནས་གཡས་ཀྱི་དར་ལྕོག་བཙུགས། སྐོར་བ་གཡོན་སྐོར་གཡོན་ལ་བརྒྱབ་ནས་གཡོན་གྱི་དར་ལྕོག་བཙུགས”ཞེས་པ་ལྟ་བུ་ཡིད་རྣའི་དབང་པོ་འགུགས་པའི་བརྗོད་དོན་མངའ་བ་ཞིག་ཡིན་ཏེ། དེ་ཡང་འདབ་ཆགས་ནང་ནས་གཟུགས་མཛེས་ཤིང་ཡིད་དུ་འོང་བ་རྨ་བྱ་དང་། རྣ་བར་སྙན་ཞིང་འཇེབས་པའི་སྐད་ཀྱི་འགྱུར་ཁུག་སྣ་ཆོགས་སྟེར་ནུས་པ་ཅན་གྱི་བྱིའུ་ཆུང་འཇོལ་མོ། མ་འོངས་པའི་ཕུགས་བསམ་མངོན་འགྱུར་ཡོང་སླད་ཀྱི་རས་ཚོན་སྣ་ལྔའི་བྱང་བུས་བརྒྱན་པའི་དར་ལྕོག་ཡལ་འདབ་ཕྲ་མོའི་མགོ་ལིང་ཅན་ཏེ། བཀྲ་ཤིས་ཤིང་རྟེན་འབྲེལ་ཡག་པའི་དངོས་པོ་དག་རྩེད་འཇོ་དང་སྦྲགས་བརྗོད་ཡོད་ལ། དེ་དག་ལ་གོ་རིམ་དང་སྒྲིག་རིམ་བཅས་ཞིབ་ཅིང་ཚགས་དམ་པ་ཡོད་པས་ཐབས་རྩལ་ལ་བྱང་ཆ་མེད་པ་དང་རྐང་ལག་ལ་ལྡེམ་མྱུར་མེད་པ་ཞིག་རྩེད་འཇོ་དེ་དག་ལ་ཞུགས་རྒྱུ་ཅུང་དཀའ་འོ།

གསུམ་པ། མི་གཤིས་བཞེངས་སྐྲུན་གྱི་སྐོར།

དམངས་ཁྲོད་རྩེད་འཇོས་རྒྱ་ཆེ་བའི་ན་ཆུང་བྱིས་པ་རྣམས་ཀྱི་བློ་སྒོ་ཕྱེ་ཞིང་། ལུས་སྟོབས་རྒྱས་པར་ནུས་པ་འདོན་རྒྱུ་ཡོད་པར་མ་ཟད། འཐབ་འཛིང་གི་སྙིང་སྟོབས་ཅན་དང་། ཐུན་མོང་གི་བསམ་བློ་ཅན། ཡིད་གཞུངས་དྲང་མོ་ཅན། གཞན ་ལ་རོགས་རམ་གྱི་འདུ་ཤེས་ཅན་གྱི་མི་གཤིས་བཞེངས་སྒྲུན་བྱེད་པའི་ཐད་ལའང་ནུས་པ་ལེགས་པོ་ཐོན་རྒྱུ་ཡོད་དེ། འཐབ་འཛིང་གི་སྙིང་སྟོབས་སྐྱེད་སྲིང་ཐུབ་པའི་སྐོར་ལ། རྩེད་འཇོའི་བྱ་འགུལ་ཁྲོད་དུ་མི་རྣམས་ལ་ཡ་མཚར་ཞིང་སྐྲག་སྣང་སྟེར་བའི་ཉེན་ཁ་ཅན་གྱི་རིགས་ཡོད། དེའི་རིགས་ཀྱི་ཐོག་མའི་ནང་དོན་ནི་མི་རྣམས་ལ་འཐབ་འཛིང་གི་སྙིང་སྟོབས་སྐྱེད་སྲིང་བྱེད་པ་དང་འབྲེལ་ཆེ་ལ། ཕྱིས་སུ་རིམ་གྱིས་ཐོག་མའི་རྣམ་པ་ལ་འགྱུར་ལྡོག་བྱུང་ནས་སྤྱིར་བཏང་གི་རྩེད་འཇོར་གྱུར། འོན་ཀྱང་སྤྱིར་བཏང་རྩེད་འཇོ་དེ་དག་གིས་ད་དུང་དཔའ་བོ་དང་བརྟན་བརླིང་གི་སེམས་ཁམས་བོར་བརླགས་སུ་བཏང་མེད་དེ།དཔེར་ན། རྟ་ཐོག་སྤོ་ལོའམ་རྟ་གོང་གི་རྩལ་འགྲན་སྣ་ཚོགས་དང་། རྡོ་འཐབ་(མདོ་སྨད་ཀྱི་ཞིང་གྲོང་ན་ཡོད་དེ) བྱིས་པ་རྣམས་ཚོགས་པ་ཀ་ཁ་གཉིས་སུ་བགོས་ནས་ཕན་ཚུན་ས་གནས་གཏན་འཁེལ་བྱས་ཡོད་པ་དེ་འཕྲོག་རེས་བྱེད་)ཡུར་མཆོང་། ཆུ་རྐྱལ། བྲག་རི་དང་སྡོང་མགོར་འགོས་པ། ཀ་མ་ཀ་ཡེ་(མངོ་སྨད་ཀྱི་ཡུལ་སྐད་ཅིག་ཏུ་མཐོང་ལ) དེའི་རྩེད་ལུགས་ནི་ཤིང་ལེབ་རིང་པོ་ཞིག་གི་ཡར་མར་གྱི་དཀྱིལ་མཚམས་སུ་མི་ཞིག་གི་གཟུགས་གཞིའི་མཐོ་ཚད་དང་འདྲ་བའི་སྟེགས་ཤིང་ངམ་སྟེགས་རྩིག་གང་རུང་ཞིག་བཟོས་རྗེས་ཤིང་ལེབ་ཀྱི་སྣེ་གཉིས་ལ་མི་བསྡད་དེ་གཡས་གཡོན་རེས་མོས་སུ་ཡར་འདེགས་མར་འཇགས་བྱེད་པའི་བྱིས་པའི་རྩེད་མོ་ཉེན་ཁ་ཅན་ཞིག་ཡིན་ལ) ཡང་ས་ཆ་ཁ་ཤས་སུ་ཐག་པ་སྡོང་པོའི་ཡལ་གར་བསྐོན་ཞིང་སྣེ་གཉིས་མདུད་པའི་ཁུག་མགོར་མི་བསྡད་དེ་ཕར་གཡུག་ཚུར་གཡུག་བྱེད་པ་ལའང་མིང་དེ་ལྟར་འབོད) དོན་ལ་དེ་གཉིས་ནི་རྒྱ་མི་རིགས་ཀྱི་རྩེད་འཇོ་དང་ཤིན་ཏུ་མཚུངས་)བཅས་ནི་རྩེད་འཇོའི་ཁྲོད་ནས་སྙིང་སྟོབས་ལ་ཚོད་བགམ་དང་སྦྱོང་བརྡར་བྱེད་པའི་སྐོར་རེད་ལ། དེས་མི་རྣམས་ལ་དཔའ་ངར་ལྡན་ཞིང་བློ་རིག་སྐྱེད་སྲིང་བྱ་རྒྱུར་ཕན་ནུས་ངེས་ཅན་ལྡན།

 གཞུངས་རྒྱུད་དྲང་པོའི་གཤིས་ཀ་གསོ་སྐྱོང་བྱེད་ཐུབ་པའི་སྐོར་ལ།

ནང་དོན་བདེ་ཐང་ཡིན་པའི་རྩེད་འཇོའི་སྤྲོ་གསེང་གིས་མི་གཤིས་དྲང་པོ་དང་།ཀུན་སྤྱོད་སྤྱི་མཐུན་གྱི་མི་གཤིས་སྐྱོང་བ་ལ་རམ་འདེགས་ངེས་ཅན་བྱེད་ཐུབ་སྟེ། དཔེར་ན། བོད་ཀྱི་ས་ཆ་ཕལ་ཆེ་བར་དར་ཁྱབ་ཆེ་བའི་བྱིས་པའི་ལག་རྩེད་ཀྱི་རྣམ་གྲངས་རྡེའུ་རྩེད་(ལྷ་སར་ཨབ་འཐོར་གྱི་རྩེད་འཇོ་ཟེར་)ལྟ་བུར་མཚོན་ན། བསྡད་རྩེད་དང་ལངས་རྩེད་གཉིས་ཡོད་ལ། བསྡད་རྩེད་ནི་མི་གཉིས་གསུམ་མམ་བའི་བར་མཉམ་དུ་ས་སྟེང་དུ་སྒོར་མོ་རྔ་འདྲའི་གྲལ་གྱིས་སྐྱིལ་ཀྲུང་བཅས་པའམ་གཡས་བརྐྱང་གཡོན་བསྐུམ་མམ་ཡང་ན་གཡོན་བརྐྱང་གཡས་བསྐུམ་ཅི་རིགས་ཀྱི་སྒོ་ནས་གྲངས་ངེས་ཅན་ཡིན་པའི་རྡེའུ་རྣམས་ལག་པས་འཕངས་ལེན་བྱེད། དེ་ཡང་ལག་གཡས་པས་རྩེ་ན་གཡོན་པས་ཕྱག་རྒྱ་སྣ་། ཚོགས་བྱེད་པའམ་ཡང་ན་ལག་གཡས་གཡོན་བརྗེ་རེས་བྱས་ཏེ་རྩེ། གཞན ་ཡང་ལག་ཕྱི་ནས་བསྐྱུར་ཏེ་ནང་དུ་ལེན་པ་དང་། ནང་ནས་བསྐྱུར་ཏེ་ཕྱི་ནས་ལེན་པའམ། ཡང་ན་ལག་པས་རྡེའུ་གཉིས་ནམ་མཁར་འཕངས་ཤིང་གཡོན་པས་ལེན་པའམ། གཡོན་པས་ལེན་སྐབས་གཡས་པས་མུ་མཐུད་དུ་ས་སྟེང་གི་རྡེའུ་རྣམས་སྒྲུག་དགོས་པ་སོགས་མང་ངོ་། དེའི་སྐབས་སུ་“ལྕང་སྡོང་གཅུས་རིལ་”ཞེས་པ་དང་། “བྲང་ཁོག་ལྡིག་ལྡིག་”ཅེས་པ་སོགས་ནི་རྩལ་གནད་ཅིག་ཏུ་བརྩི་བ་ཡིན་ལ། “ཆུའི་ཕར་རི་ཚུར་རི་”ཞེས་པའི་སྟེང་དུ་རྒྱ་གྲམ་གྱི་རྟགས་ལྟ་བུའི་རི་མོ་ཞིག་བྲིས་ཏེ་དེའི་ཤར་ནུབ་གཡས་གཡོན་རྣམས་སུ་རྡེའུ་རེ་བཞག་སྟེ། ལག་གཡས་པས་རྡེའུ་རྣམས་ནམ་མཁར་འཕངས་པ་དང་དུས་མཚུངས་ལག་གཡས་གཡོན་གཉིས་ཀས་ས་སྟེང་གི་རྡེའུ་རྣམས་གཡས་གཡོན་ཤར་ནུབ་བརྗེ་དགོས་པ་ཡིན། ལངས་རྩེད་ནི་རྩལ་རྩེད་ཀྱི་རང་བཞིན་ཤུགས་ཆེ་ཙམ་ལྡན་པའི་རྡེའུ་རྩེད་ཀྱི་རྣམ་གྲངས་ཤིག་ཡིན་པ་སྟེ། དེར་ཡང་རྡེའུ་ཆུང་གཉིས་སམ་གསུམ་གང་རུང་ཞིག་ལག་གཡས་པས་ནམ་མཁར་འཕངས་པ་ལག་གཡོན་པས་ལེན་ཞིང་བསྟུན་མར་ལག་གཡས་པར་བརྒྱུད་སྤྲོད་བྱེད་དགོས་པ་དང་གཅིག་དང་། ཡང་ལག་གཡས་གཡོན་གཉིས་ཀར་རྡེའུ་གཉིས་རེ་བཟུང་སྟེ། ལག་གཉིས་སོ་སོར་འཕངས་ལེན་གྱིས་རྩེད་སྲོལ་ཞིག་ཀྱང་ཡོད།གོང་གི་རྡེའུ་རྩེད་ཀྱི་རིམ་པ་དེ་དག་གི་སྐབས་སུ་རྩེད་མོ་བའམ་རྩེད་འཇོ་བས་གང་འདོད་ལྟར་རྡེའུ་འཕངས་ལེན་དང་ཤར་ནུབ་གཡས་གཡོན་བརྗེ་མི་ཆོག་པར་སྒྲིག་མཐུན་ཁྲིམས་སྲུང་དང་གཞུངས་དྲང་སྤྱི་མཐུན་སྒོས་ལྕང་སྡོང་གཅུས་རིལ་དང་བྲང་ཁོག་ལྡིག་ལྡིག་གི་རྩལ་གནད་ཐོན་དགོས། གལ་ཏེ་སྒྲིག་ལམ་དེ་དག་མ་བརྩིས་ཚེ། ཚོགས་པ་ལས་ཕྱིར་ཕུད་པ་དང་། ཡང་ན་རྩེད་མཚར་གྱི་ཆད་པ་བཅད་དེ་མི་ཐ་ཤལ་བ་ཞིག་གི་གྲས་སུ་འཇོག་པ་ལྟ་བུས་ཀྱང་མི་ཞིག་གིས་མི་ཚེའི་བཤུལ་ལམ་རིང་མོའི་སྐབས་ནམ་ཞིག་གི་དུས་སུའང་གཤིས་དྲང་གཞུངས་དྲང་བྱེད་དགོས་པ་ནི་མི་ཚེའི་སློབ་གསོ་དང་མི་ཚེའི་ཚད་མ་ཡིན་པ་བསྟན་ཡོད།

 ཐུན་མོང་གི་འདུ་ཤེས་ལ་ཤུགས་སྣོན་རྒྱག་ཐུབ་པའི་སྐོར།

རྩེད་འཇོ་བ་རྣམས་ཀྱི་ཐུན་མོང་གི་རང་བཞིན་དེས་མི་རྣམས་ཀྱི་ཕན་ཚུན་རོགས་རམ་དང་མཉམ་འབྲེལ་གྱི་འདུ་ཤེས་ཆེས་ཆེར་སྐྱེད་ཐུབ་སྟེ། དཔེར་ན། རྩེད་འཇོ་བ་རྣམས་ཁག་ཀ་ཁ་གཉིས་སུ་བགོས་ཏེ་ཐེབས་པེད་རྩེ་བ་དང་། རྡོ་སྒོར་རྒྱག་པ།མདའ་རྩེད་རྩེ་བ། གབ་རེས་འུར་རེས་(གཞའ་མ་གཞའ་རེས་)བྱེད་པ་བཅས་ནི་རང་རང་གི་རྩལ་དང་བློ་རིག་འདོན་པ་གཙོ་བོར་བརྩི་ཡང་རང་ཕྱོགས་ཀྱི་རྩེད་འཇོ་བ་དང་ཕན་ཚུན་མཉམ་འབྲེལ་དང་རོགས་རམ་བྱེད་རྒྱུ་ནི་མཐའ་མཇུག་གི་རྒྱལ་ཕམ་ཐག་གཅོད་ཀྱི་གནད་ལ་རག་ལས་པ་ལྟ་བུའོ།

·གསར་འགྱུར་གོང་མ:བོད་ཀྱི་དམངས་ཁྲོད་རྩེད་འཇོའི་རོལ་རྩེད།
·གསར་འགྱུར་འོག་མ:དམངས་སྲོལ་རིག་གནས་བྱུང་ཚུལ།
འདྲ་ཕབ། 】 【 པར་འདེབས།
  འབྲེལ་ཡོད་གསར་འགྱུར།
མིག་སྔར་གསར་མི་འདུག
ཆེད་ཞུ།:དྲ་ཚིགས་འདིའི་ནང་གི་རྒྱུ་ཆ་ཚང་མ་ནི་ངེད་ཀུང་ཟིས་འཚོལ་བསྡུ་དང་ལེགས་བསྒྲིགས་བྱས་པ་ཡིན་པས། ངེད་ཀུང་ཟིས་དགོངས་འཁྲོལ་མེད་ཚེ་གང་དུ་པར་བཤུས་བརྒྱབ་མི་ཆོག གལ་སྲིད་སྐུ་ཉིད་ཀྱི་ཁེ་ཕན་ལ་གནག་པའི་ཆ་ཡོད་ཚེ། ཁྱེད་ཀྱིསའབྲེལ་གཏུགས་གནང་རོགས།
  འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/5 23:08:51 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 0:20:00 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/16 1:02:32 [来自: 112.5.248.229]

འབྲེལ་ཡོད་དཔྱད་བརྗོད 59 ཡོད། མིག་སྔར་གསར་འགྱུར当前显示最新的 3 འདུག   [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།24.41MS