ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> གསར་འགྱུར། >> འཕྲུལ་གྱི་རྒྱང་ཤེལ། >> དམངས་སྲོལ
  གསར་འགྱུར་ཀློག་པ།

རྩེད་འཇོའི་རོལ་རྩེད་ཀྱི་ཁྱད་ཆོས།

[རྩོམ་པ་པོ:མི་གསལ།  ཡོང་ཁུངས:བོད་ལྗོངས་རླུང་འཕྲིན་དྲ་བ།  དུས་ཚོད:2010/2/25 14:52:16  བཀླགས་ཐེངས:1189][ཡིག་གཟུགས:ཡིག་གཟུགས་མདོག]

                     རྩེད་འཇོའི་རོལ་རྩེད་ཀྱི་ཁྱད་ཆོས།

  དམངས་ཁྲོད་ཀྱི་རྩེད་འཇོའི་རོལ་རྩེད་ནི་དམངས་ཁྲོད་སྲོལ་རྒྱུན་རིག་གནས་ཁྲོད་ཀྱི་མེད་དུ་མི་རུང་བའི་ནང་དོན་ཞིག་ཡིན་ལ།  དེས་མི་དམངས་མང་ཚོགས་ཀྱི་འཚོ་བའི་བརྒྱུད་རིམ་ཁྲོད་གོ་གནས་ཀྱང་གལ་ཆེན་ཞིག་ཟིན་ཡོད།  བོད་རིགས་མི་དམངས་ཀྱི་དམངས་ཁྲོད་རྩེད་འཇོའི་རོལ་རྩེད་དེའང་མི་རིགས་དང་རྒྱལ་ཁབ་གཞན་དག་དང་འདྲ་བར་དམངས་སྲོལ་བྱ་བའི་སྣང་ཚུལ་ཞིག་ཡིན་པར་མ་ཟད།  རང་ཉིད་ཀྱི་ཁྱད་ཆོས་ཅན་དུ་གྱུར་འདུག་པ་གཤམ་གསལ་ལྟར་ཏེ།

༡.སྤྲོ་གསེང་རང་བཞིན་དང་རྩལ་འགྲན་རང་བཞིན། རྩེད་འཇོ་དང་རྩལ་འགྲན་གྱི་རྩ་བའི་རང་བཞིན་ནི་སྤྲོ་གསེང་རང་བཞིན་ཡིན་ལ། རྩེད་འཇོའི་རིགས་དག་ཐོག་མར་བྱུང་བའི་དུས་སུ།  ཆོས་ལུགས་དང་། དམག་དོན།  ངལ་རྩོལ་སོགས་དོན་དངོས་ཀྱི་ཆ་དང་ལྡན་གཤིས། རྩེད་འཇོའི་རང་བཞིན་ཞིག་གཏན་ནས་མིན་ཏེ།  དཔེར་ན། སྟོན་ཀ་ཤོག་བྱ་གཏོང་བ་(བྱ་འཕིར་)ནི་ཐོག་མའི་དུས་སུ་མི་རྣམས་ཀྱིས་རང་ཉིད་ཀྱི་ལུས་སྟེང་གི་མནོལ་གྲིབ་ཕྱིར་ཕུད་པའི་ཆོས་ལུགས་ཀྱི་ནང་དོན་ལྡན་པའི་ཁྱིམ་ཕྱིའི་བྱ་འགུལ་ཞིག་ཡིན་ལ།  སྐབས་དེར་ད་དུང་རྩེད་འཇོ་མིན།  རིམ་གྱིས་རྩེད་འཇོ་ནི་སྤྱི་ཚོགས་འཚོ་བའི་སྟེང་མིའི་རིགས་ཀྱི་ལུས་སེམས་སྙོམ་སྒྲིག་གི་རིག་གནས་འཚོ་བའི་དགོས་མཁོ་ཞིག་ཏུ་གྱུར་བར་བརྟེན་གཤོག་བྱ་གཏོང་བའི་ནང་དོན་ལའང་འགྱུར་ལྡོག་བྱུང་སྟེ།  སྤྲོ་གསེང་གི་རྣམ་པ་ཅན་དུ་གྱུར་པ་ལྟ་བུ་རེད་ལ།  དེ་བས་སྤྲོ་གསེང་ནི་རྩེད་འཇོ་བྱུང་བའི་སྔོན་འགྲོའི་ཆ་རྐྱེན་ཞིག་རེད།  རྩེད་འཇོ་དང་སྤྲོ་གསེང་གིས་མི་རྣམས་ཀྱི་འཚོ་བར་སྤྲོ་སྣང་སྣོན་པར་མ་ཟད།  སྤྲོ་གསེང་དང་ལྡན་པའི་སྒོ་ནས་སློབ་གསོའི་བྱ་འགུལ་མང་པོ་ཞིག་ལའང་ཤུགས་སྣོན་རྒྱག་ཐུབ།  རྩེད་འཇོའི་སྤྲོ་གསེང་ནི་འགྲོ་བ་མིའི་རིགས་ལ་མཁོ་ཞིང་འཚམ་ལ།  ལྷག་པར་དུ་ལོ་ཆུང་བྱིས་པ་རྣམས་ཀྱི་ལྷན་སྐྱེས་ཀྱི་རང་བཞིན་དང་མཐུན་ཞིང་འཕྲོད་པས་སེམས་ཁམས་དང་ལུས་སྟོབས་ཟུང་བཀག་རྒྱ་མེད་པའི་སྒོ་ནས་འཕེལ་རྒྱས་བྱུང་ལ།  སྤྱི་ཚོགས་སྟེང་གི་རྒན་དར་གཞོན་གསུམ་ཚང་མའི་བློ་ཁ་གཅིག་སྒྲིལ་དང་ཕན་ཚུན་འབྲེལ་འདྲིས་ལའང་ཕན་ནུས་ཤིན་ཏུ་ཆེ་སྙམ།  དེ་ནི་མི་རྣམས་ངལ་གསོའི་སྐབས་ཀྱི་འཚོ་བའི་བྱེད་སྟངས་ཤིག་རེད།  བྱ་འགུལ་དེ་དག་གི་ཁྲོད་མི་རྣམས་ཀྱིས་རང་དབང་དང་ལྡན་པའི་སྒོ་ནས་རང་ཉིད་ཀྱི་ནུས་སྟོབས་དང་བློ་རིག་སྔོག་འདོན་པྱེད་ཐུབ་པར་མ་ཟད། འཇིག་རྟེན་འཚོ་བ་ལ་ཡིད་ཆེས་དང་མི་ཚེ་ལ་སྤྲོ་སྣང་གསར་པ་འཕེལ་ཐུབ། མདོར་ན།  སྤྲོ་གསེང་ནི་རྩེད་འཇོའི་རྣམ་ཤེས་རེད་ལ་སྦྲོ་གསེང་མེད་ན་རྩེད་འཇོའང་ཡེ་ནས་ཡོད་མི་སྲིད་པས།  བོད་ཀྱི་དམངས་ཁྲོད་རྩེད་འཇོ་སྣ་ཚོགས་ལ་སྤྲོ་གསེང་རང་བཞིན་ངེས་ཅན་ལྡན་ནོ།

རྩལ་འགྲན་རང་བཞིན་ཟེར་བ་ནི་གཙོ་བོ་རྩེད་འཇོའི་སྤྲོ་གསེང་གི་བྱ་འགུལ་དུ་འདུ་བའི་རྩལ་འགྲན་གྱི་སེམས་ཁམས་ཏེ།  རྒྱལ་ཕམ་རྩོད་པའི་སེམས་ཁམས་ལ་བརྟེན་ནས་བཤད་པ་ཡིན།  དེ་བས་རྩེད་འཇོའི་སྤྲོ་གསེང་གི་བྱ་འགུལ་དུ་ཚད་གཞི་འདྲ་མིན་སྣ་ཚོགས་ཡོད་པ་མ་གཏོགས་རྩལ་འགྲན་གྱི་སེམས་ཁམས་མེད་པ་ཞིག་ཡོད་མི་སྲིད་དེ།  ལུས་ཤུགས་རྩེད་འཇོ་དང་རིག་པའི་རྩེད་འཇོ།  གཞན་ད་དུང་སྒྱུ་རྩལ་དང་ཐབས་རྩལ་འགྲན་པ་སོགས་ཚང་མར་རྒྱལ་ཕམ་རྩོད་རྒྱུ་ནི་རང་ཤུགས་སུ་བྱུང་བའི་འདུ་ཤེས་ཤིག་རེད།  རྩེད་འཇོའི་ཁྲོད་ཀྱི་རྩལ་འགྲན་རང་བཞིན་གྱིས་འགྲན་བསྡུར་བ་རྣམས་ལ་ཁྱོད་དང་ང་།  བདག་དང་གཞན་གྱི་མིང་བརྡའི་གོ་དོན་གྱི་ཐོག་ནས་རྩལ་འགྲན་དུ་ཞུགས་པའི་འདུ་ཤེས་བྱུང་ལ།  དེ་དང་ཆབས་ཅིག་ཏུ་རང་ཉིད་ཀྱི་སེམས་ཤུགས་ལ་སྦྱོང་བརྡར་དང་བློ་སྒོ་འབྱེད་རྒྱུར་ནུས་པ་ཐོན་གྱི་ཡོད།  རྩལ་འགྲན་གྱི་ཆ་ཡོད་ཀྱང་དོན་ལ་དེ་ནི་དམངས་ཁྲོད་རྩེད་འཇོ་ལགས་པས།  འགྲན་བསྡུར་ཁྲོད་སྤྲོ་སྣང་གི་སེམས་ཁམས་ཀྱང་ཐོག་མཐའ་བར་གསུམ་དུ་གནས་ཡོད། ཡིན་ནའང་སྐབས་དེར་གཙོ་བོ་རྩལ་འགྲན་བྱེད་པ་ཡིན་པས་དེ་ལས་ལྡོག་སྟེ།  ཕ་རོལ་པོ་ཁོ་ན་རྒྱལ་བར་བཅུག་ན་རྩེད་འཇོ་ཡི་རྩ་བའི་ངོ་བོ་དང་འགལ་ལ།  དོན་གྱི་ཆ་ནས་བཤད་ནའང་རྩེད་འཇོ་ཡི་འགྲན་བསྡུར་རང་བཞིན་བོར་ཞིང་།  སྤྲོ་གསེང་རང་བཞིན་དང་སློབ་གསོའི་རང་བཞིན་ཡང་བོར་བརླགས་སུ་བཏང་བ་ལྟ་བུ་རེད།

དེ་བཞིན་བྱིས་པའི་རྩེད་འཇོའི་ཁྲོད་ཀྱི་འདག་པའི་རྩེད་འཇོ་དང་།  གབ་རེས་འུར་རེས་ཀྱི་རྩེད་འཇོ།  ཐག་མཆོང་གི་རྩེད་འཇོ།  ཐེབས་པད་ཀྱི་རྩེད་འཇོ།  ཕ་རྡོའི་རྩེད་འཇོ།  འབའ་རྡེའུ་རྩེད་འཇོ།  ཐེ་ཀེའི་རྩེད་འཇོ་(ཨ་ལྕུག)སོགས་སུའང་འགྲན་བསྡུར་གྱི་འདུ་ཤེས་མ་འདྲེས་པ་གཅིག་ཀྱང་མེད་ལ།  གཞན་བྱིས་པའི་རྩེད་འཇོའི་ཁྲོད་དུ་ད་དུང་རང་དགའ་རང་སྐྱིད་ཀྱི་ནང་དོན་ཅན་ལས་འགྲན་བསྡུར་གྱི་ཆ་མེད་པའི་རིགས་ཀྱང་རེ་གཉིས་ཡོད་དེ།  དཔེར་ན། ཕ་མ་དང་བུ་ཕྲུག་ལ་དཔེ་བཞག་ནས་རྩེ་བ་དང་།  རྒྱལ་པོ་དང་བློན་པོ་ལ་དཔེ་བཞག་ནས་རྩེ་བ་ལྟ་བུའོ།

༢.གྲལ་རིམ་གྱི་རང་བཞིན་དང་ལུས་རྟེན་གྱི་ཁྱད་པར་རང་བཞིན།  རྩེད་འཇོའི་སྤྲོ་གསེང་གི་ཁྱད་ཆོས་འདི་གཉིས་ནི་སྤྱི་ཚོགས་ཀྱི་རིམ་པ་མི་འདྲ་བ་དང་།  མིའི་རིགས་ཀྱི་རྒན་དར་གཞོན་གསུམ་དང་ཕོ་མོའི་ལུས་རྟེན་གྱི་ཁྱད་པར་ལ་བལྟོས་ནས་བརྗོད་པ་ཞིག་ཡིན།  དེའང་སྤྱི་ཚོགས་ཀྱི་མ་ལག་ཧྲིལ་པོར་མཐོ་དམན་རབ་འབྲིང་གི་སྒྲིག་གཞི་ནི་མཆོད་རྟེན་གྱི་བང་རིམ་བཞིན་ཆགས་ཡོད་པས་ན།  སྤྱི་ཚོགས་འཚོ་བ་ལའང་དེར་མཐུན་གྱི་མཐོ་དམན་རིམ་པ་དང་ཁྱད་པར་ཡོད་གཏན་རེད།  རྩེད་འཇོའི་སྤྲོ་གསེང་ནི་མིའི་རིགས་ཀྱི་རིག་གནས་ཀྱི་འཚོ་བའི་གྲུབ་ཆ་གཙོ་བོ་ཞིག་ཡིན་ཕྱིར།  སྤྱི་ཚོགས་ཀྱི་རིམ་པ་སོ་སོའི་འཚོ་བའི་དགོས་མཁོ་དང་ཡང་མངོན་གསལ་དུ་མཐུན་པ་སྟེ།  རྒྱལ་པོའི་ཕོ་བྲང་དུ་གཟབ་རྒྱས་ཀྱི་འཚོ་བ་དང་འབྱོར་ཕྱུག་གི་ཁོར་ཡུག གུས་ལུས་ཀྱི་འབས་ཏོག་དང་སོས་དལ་བག་ཕེབས་ཀྱི་དུས་ཚོད་སོགས་དང་མཐུན་པའི་རྩེད་འཇོ་ཡོད་ལ།  ཤེས་ཡོན་ཅན་ལ་བབ་ཆགས་དང་ཡ་རབས་ཀྱི་འཚོ་བའི་ཁོར་ཡུག་དང་འཚམ་པའི་ཡིག་རིགས་ཀྱི་རྩེད་འཇོ་དང་བློ་རིག་གི་རྩེད་འཇོ་སོགས་ཡོད་པ་ལྟར།  དམག་མི་དང་ཞིང་པ་སོགས་ལའང་རང་རང་གི་འཚོ་བའི་ཁོར་ཡུག་དང་མཐུན་པའི་རྩེད་འཇོ་རེ་ཡོད་དོ།

དེ་འདྲའི་རྐྱེན་སྣ་ཚོགས་ལ་བརྟེན་ནས་རྩེད་འཇོ་ལའང་རང་གར་བའི་ཁྱད་ཆོས་མངོན་གསལ་ཡོད་དེ།  གྲོང་ཁྱེར་དུ་མིག་མངས་འགྲན་བསྡུར་དང་། རྒྱན་དང་ཤོ་རྒྱག བྱ་འཛིང་རྒྱལ་འཇོག སྤོ་ལོ་འགྲན་བསྡུར་སོགས་སྐབས་འཚོལ་འགྲན་རྒོལ་རང་བཞིན་ཅན་གྱི་རྩེད་འཇོ་དང་།  གཞན་ད་དུང་སྒྱུ་མའི་གར་དང་།  ཁམས་བདེ་ཞབས་བྲོ།  གྲི་རྩེད།  རོལ་མོའི་སྤྲོ་ཚོགས་བཅས་མིའི་ལུས་སེམས་ཀྱི་སུན་སྣང་དང་ངལ་དུབ་སེལ་བའི་རྩེད་འཇོའི་རོལ་རྩེད་ཡོད་ལ།  ཞིང་གྲོང་དུ་རྩེད་ར་ལ་ངེས་གཏན་མེད་པར་སྟབས་བདེའི་སྒོ་ནས་འཇུ་རེས་རྒྱག་པ་དང་།  བྱེ་སྒྱེ་དང་རྡོ་རིལ་འགྱོགས་པ།  རྟ་རྒྱུག་མདའ་འཕེན།  དུས་སྟོན་གྱི་རྩེད་མོ་སྣ་ཚོགས་ཀྱི་རྩེད་འཇོ་བཅས་རང་རང་གི་འཚོ་བ་ཐད་ཀར་མཚོན་པའི་རོལ་རྩེད་ཡོད་པ་ལྟ་བུའོ།  མདོར་ན།  དམངས་ཁྲོད་རྩེད་འཇོ་ནི་རིག་གནས་ཀྱི་འཚོ་བ་ཞིག་ཡིན་པས་སྤྱིར་གྲལ་རིམ་དང་མཐོ་དམའ་རིམ་པའི་ཁྱད་པར་ཡོད་ལ་ཕན་ཚུན་བསྣོལ་མར་གནས་པའི་ཆ་ཡང་ཡོད་སྲིད་པས་ར་ལུག་དང་གྲོ་ནས་བཞིན་རེ་རེར་དགར་རྒྱུ་ནི་ཅུང་དཀའ་འོ།

རྩེད་འཇོའི་སྤྲོ་གསེང་ལ་གོང་དུ་ཞུས་པའི་གྲལ་རིམ་གྱི་རང་བཞིན་ཡོད་པ་ཕུད།  ད་དུང་ལུས་རྟེན་གྱི་ཁྱད་པར་རང་བཞིན་ཡང་མངོན་གསལ་ལྡན་ཡོད།  དེ་ནི་རྟེན་ཕོ་མོའི་ཁྱད་པར་དང་།  ན་ཚོད་ཀྱི་བགྲེས་གཞོན་ལ་བལྟོས་ཏེ་བཤད་པ་ཞིག་ཡིན།  སྐབས་འདིར་ཐོག་མར་ཤེས་དགོས་པ་ཞིག་ནི།  རྟེན་ཕོ་མོའི་ཁྱད་པར་ལྟར་རྩེད་འཇོའི་སྤྲོ་གསེང་གི་ནང་དོན་ལའང་ཁྱད་ཤིན་ཏུ་ཆེ་སྟེ།  རྟེན་ཕོ་ལ་མཆོན་ན། ཉེན་ཁ་ཅན་དང་།  སྟོབས་རྩལ་འགྲན་པ།  དཔའ་བོའི་སྣང་བརྙན་ཅན་ཆུ་རྐྱལ་གཡང་འཛེག་དང་།  ས་འགྱོགས་རྡོ་འགྱོགས།  རྟ་རྒྱུག་མདའ་འཕེན།  གྲི་འཕྱར་མདུང་གཡུག་གི་རྩེད་འཇོར་དགའ་ཞིང་། རྟེན་མོ་ལ་མཚོན་ན།  ཞི་ཞིང་འཇམ་པ་དང་།  དལ་ཞིང་ལྷོད་པ། བདེ་ཞིང་འཁྱུག་པ།  མཛེས་ཤིང་སྡུག་པའི་མཛངས་མའི་སྣང་བརྙན་ཅན་གྱི་སྲི་ཞུ་

་ཞབས་ཏོག་དང་།  གོས་ལིང་དར་གཡུག  འཁེལ་འཐག་གཙབ་དྲུབས།  རྨ་བྱའི་འཇོ་སྒེག་གི་རོལ་རྩེད་སྟོན་པར་དགའ།  གཞན་ལོ་ཚོད་ཀྱི་ཁྱད་པར་ཡང་ཤིན་ཏུ་ཆེ་སྟེ།  བྱིས་པ་རྣམས་ནི་སེམས་པ་ལྷད་མེད་ཅིང་རང་ཉིད་ཀྱི་བསམ་གཞིག་ནུས་པ་ད་དུང་ཆེར་རྒྱས་མེད་པས།  རྒྱུན་མཐོང་སྲོག་ཆགས་ཀྱི་སྟངས་སྟབས་དང་གཞན་གྱི་ལད་མོ་བཅས་ལ་དགའ་བས་ཤོག་བྱ་གཏོང་བའི་རྩེད་འཇོ་དང་།  ཐབ་གཞེས་སྒོ་ལོགས་ཀྱི་རྩེད་འཇོ་(ཕ་མ་དང་བུ་ཕྲུག་ལ་དཔེ་བཞག་སྟེ་རྩེ་བར་ཟེར)།  འདག་པའི་རྩེད་འཇོ་(འདག་པས་རྟ་ནོར་སོགས་སྲོག་ཆགས་ཀྱི་དབྱིབས་བཅོས་ཏེ་རྩེ་བར་ཟེར་)སོགས་ལ་དགའ་ཞིང་།  དར་མ་རྣམས་ནི་ཉེན་ཁ་ཅན་དང་སྟོབས་རྩལ་འགྲན་པ་ལ་དགའ་བ་སྟེ་གོང་དུ་བཤད་ཟིན་པ་ལྟར་རོ།

༣.ས་ཁུལ་རང་བཞིན་དང་མི་རིགས་རང་བཞིན།  དམངས་ཁྲོད་ཀྱི་རྩེད་འཇོའི་སྤྲོ་གསེང་ནི་དམངས་སྲོལ་གྱི་སྣང་ཚུལ་གཞན་དག་དང་འདྲ་བར་མངོན་གསལ་ཆེ་བའི་ས་ཁུལ་རང་བཞིན་དང་མི་རིགས་རང་བཞིན་ཆེས་ལྡན་ཡོད།  དཔེར་ན་ས་ཁུལ་རང་བཞིན་ལ་ཆ་མཚོན་ན།  རྩེད་འཇོའི་སྤྲོ་གསེང་ནི་ངེས་གཏན་གྱི་རང་བྱུང་ཁོར་ཡུག་གི་ཆ་རྐྱེན་འོག་མངལ་སྦྲུམ་ཞིང་སྐུ་བལྟམས་པ་ཞིག་ཡིན་པས།  དེའི་རྩེད་སྟོན་གྱི་སྟངས་སྟབས་སྣ་ཚོགས་ནི་མི་རྣམས་ཀྱི་ཐོན་སྐྱེད་དང་།  འཚོ་བ་རོལ་སྟངས། ས་ཁུལ་སོ་སོའི་ཆ་རྐྱེན་གྱི་རྐྱེན་པས་ས་ཁུལ་རང་བཞིན་གྱི་ཁྱད་ཆོས་མངོན་གསལ་དུ་ཐོན་པ་བཞིན་བོད་ཁམས་ཧྲིལ་པོར་མ།  ཚོན་ན་ས་ཁམས་རྒྱ་ཆེ་ཞིང་ཡུལ་ལུང་གི་ས་བབ་དོ་མི་མཉམ་ལ་སྡོད་དམངས་ཐ་ཐོར་ཡིན་པ་དང་།  ཨ་མདོ་དང་དབུས་གཙང་གཉིས་ལ་མཚོན་ནའང་རང་བྱུང་ཁོར་ཡུག་གི་ཆ་རྐྱེན་མི་འདྲ་བར་བརྟེན་ཐོན་སྐྱེད་ཀྱི་ནང་དོན་དང་།  བཟའ་བཏུང་གི་སྤྱོད་ལུགས། རྒྱན་གོས་ཀྱི་སྤྲས་ལུགས་སོགས་ཀྱང་གཅིག་ལ་གཅིག་མཚུངས་མ་ཡིན་པ་དཔེར་ན།  དབུས་གཙང་རྣམས་སྒོར་གཞས་དང་།  ལྷ་མོའི་ཟློས་གར་ལྟ་རྒྱུ།  གླིང་ཁ་གཏོང་རྒྱུ།  ཆང་དང་ཇ་བསྲུབས་མ་འཐུང་རྒྱུར་དགའ་ལ།  བལ་གྱི་ནོམ་པ་གྱོན་ཞིང་གཡུ་འདོགས་པར་དགའ།  ཨ་མདོ་བ་རྣམས་རྟ་རྒྱུག་མདའ་འཕེན་དང་།  གླུ་དང་སྲིད་པ་ལེན་པ།  གཞས་གཏོང་བ། ཤགས་རྒྱག་པ།  འོ་ཇ་འཐུང་བ་དང་ལུག་ཤ་བཟའ་རྒྱུར་དགའ་ལ།  པགས་རིགས་གྱོན་ཞིང་གློ་གྲི་འདོགས་པར་དགའ་བ་(ཁྱབ་ཆེ་ཆུང་གིས་བཤད་པ་ལས་གཅིག་ཤོས་ཀྱི་ཆ་དེ་གཅིག་ཤོས་ལ་གཏན་ནས་མེད་པ་མིན་)ལྟ་བུའོ།  དེ་ནི་རང་རང་གི་ས་ཆའི་ལོ་རྒྱུས་ཀྱི་དོན་རྐྱེན་དང་ཁོར་ཡུག་གི་ཆ་རྐྱེན་ལ་འབྲེལ་བ་ཡོད་པར་མ་ཟད།  དཔོན་རིགས་སྐུ་དྲག་གི་འཚོ་བའི་དྲི་མ་དང་།  དམག་འཁྲུག་དང་དམག་མིའི་འཚོ་བའི་རིག་གནས་དང་ཡང་འབྲེལ་བ་ཤིན་ཏུ་ཆེ་སྙམ་མོ།  གོང་དུ་བརྗོད་མ་ཐག་པའི་ས་ཁུལ་རང་བཞིན་དང་།  འདིར་བརྗོད་རྒྱུའི་མི་རིགས་རང་བཞིན་གཉིས་བར་འབྲེལ་བ་ཡོད་ལ་ཁྱད་པར་ཡང་ཡོད།  རང་རྐྱ་འཕེར་བའི་མི་རིགས་ཤིག་ལ་གཏན་འཁེལ་གྱི་ས་ཁུལ་ཞིག་མེད་མི་སྲིད་པ་དང་།  རང་བྱུང་ཁམས་ཀྱི་ཆ་རྐྱེན་དེ་ལ་བརྟེན་ནས་ཐུན་མོང་མ་ཡིན་པའི་རང་ཉིད་ཀྱི་འཚོ་བའི་གོམས་སྲོལ་ཞིག་ཆགས་ཡོད་ངེས།  འོན་ཀྱང་མི་རིགས་ཤིག་གི་རིག་གནས་ཀྱི་སེམས་ཁམས་རྒྱུད་ལ་གྲུབ་ཟིན་ན།  དེར་རང་ཉིད་ཀྱི་རིག་གནས་རྒྱུན་འཛིན་དང་བརྒྱུད་སྤེལ་གྱི་སེམས་ཁམས་དང་ཀུན་སློང་ཡང་གཞན་གྱིས་གནོན་དཀའ་བ་ཞིག་གཞི་གྲུབ་ཡོད་ཕྱིར།  ཁོ་ཚོ་རང་ཉིད་ཀྱི་ཐོག་མའི་འཚོ་བའི་ཁོར་ཡུག་ལས་སྤོ་འགུལ་བྱས་ཀྱང་སྔར་བཞིན་རང་མི་རིགས་ཀྱི་འཚོ་བའི་གོམས་སྲོལ་དང་རིག་གནས་ཀྱི་འདུ་ཤེས་དེ་མུ་མཐུད་དུ་རྒྱུན་སྐྱོང་དང་ཁྱབ་སྤེལ་བྱེད་སྲིད།  དེའི་ཕྱིར་ས་ཁུལ་རང་བཞིན་གྱིས་མི་རིགས་རང་བཞིན་གྱི་ཚབ་བྱེད་མི་ཐུབ།  རང་རྒྱལ་ནི་མི་རིགས་མང་བའི་རྒྱལ་ཁབ་ཅིག་ཡིན་པས་དམངས་ཁྲོད་ཀྱི་རྩེད་འཇོའི་རོལ་རྩེད་ལའང་རང་གར་བའི་ཁྱད་ཆོས་རེ་ཡོད་ངེས་ཏེ།  དཔེར་ན།  རང་རང་གི་འཚོ་བའི་ཁོར་ཡུག་དང་ཐོན་སྐྱེད་བྱ་འགུལ་ལྟར་རིགས་དང་རྣམ་གྲངས་སྣ་ཚོགས་སུ་ཡོད་པ་དང་།  ཐ་ན་རིགས་མཐུན་གྱི་རྩེད་འཇོ་ཡིན་ནའང་གོམས་སྲོལ་དང་རིམ་པའི་སྒྲིག་ཁྲིམས་མི་འདྲ་སྟེ།  འཇུ་རེས་བྱེད་པ་དང་།  གླུ་གཞས་གཏོང་བ། མིག་མངས་རྩེ་བ་ལྟ་བུར་མཚོན་ནའང་།  བོད་གླུ་དང་བོད་འཇུ།  རྒྱ་གླུ་དང་རྒྱ་འཇུ།  སོག་གླུ་དང་སོག་འཇུ་ཞེས་གཅིག་མིན་གྱི་ཁྱད་ཆོས་ཡོད་པ་ལྟ་བུའོ།

·གསར་འགྱུར་གོང་མ:རྩེད་འཇོའི་སྤྲོ་གསེང་གི་རིགས་དབྱེ།
·གསར་འགྱུར་འོག་མ:དོན་གྲུབ་རྒྱལ་ལ་ཞིབ་འཇུག་བྱས་པའི་དཔྱད་རྩོམ་ཕྱོགས་བསྒྲིཊ་པར་སྐྲུན་བྱས་པ།
འདྲ་ཕབ། 】 【 པར་འདེབས།
  འབྲེལ་ཡོད་གསར་འགྱུར།
·ལྷ་སའི་ནང་མ་སྤྲོ་སྐྱིད་ཁང༌། 2011/2/4 18:28:07
·ལྷ་སའི་ཞོ་སྟོན་གྱི་བྱུང་རབས་ངོ་སྤྲོད། 2010/8/8 11:52:35
·འཛམ་གླིང་སྤྱི་བསང་གི་བྱུང་ཚུལ། 2010/6/24 23:28:12
·བོད་ཀྱི་རླུང་རྟ་(ཀླུང་རྟ་)འཛུགས་སྲོལ་སྐོར། 2010/5/5 8:50:07
·ཤོ་རྩེད་སྐོར་གླེང་བ། 2010/3/17 22:39:25
ཆེད་ཞུ།:དྲ་ཚིགས་འདིའི་ནང་གི་རྒྱུ་ཆ་ཚང་མ་ནི་ངེད་ཀུང་ཟིས་འཚོལ་བསྡུ་དང་ལེགས་བསྒྲིགས་བྱས་པ་ཡིན་པས། ངེད་ཀུང་ཟིས་དགོངས་འཁྲོལ་མེད་ཚེ་གང་དུ་པར་བཤུས་བརྒྱབ་མི་ཆོག གལ་སྲིད་སྐུ་ཉིད་ཀྱི་ཁེ་ཕན་ལ་གནག་པའི་ཆ་ཡོད་ཚེ། ཁྱེད་ཀྱིསའབྲེལ་གཏུགས་གནང་རོགས།
  འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 8:45:39 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 11:46:58 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/16 17:30:02 [来自: 112.5.248.229]

འབྲེལ་ཡོད་དཔྱད་བརྗོད 52 ཡོད། མིག་སྔར་གསར་འགྱུར当前显示最新的 3 འདུག   [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།21.00MS