ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> གསར་འགྱུར། >> འཕྲུལ་གྱི་རྒྱང་ཤེལ། >> དམངས་སྲོལ
  གསར་འགྱུར་ཀློག་པ།

ལྷ་སའི་ཞོ་སྟོན་གྱི་བྱུང་རབས་ངོ་སྤྲོད།

[རྩོམ་པ་པོ:དུང་དཀར་བློ་བཟང་འཕྲིན་ལས།  ཡོང་ཁུངས:ངེད་དྲ་བ།  དུས་ཚོད:2010/8/8 11:52:35  བཀླགས་ཐེངས:1708][ཡིག་གཟུགས:ཡིག་གཟུགས་མདོག]
 ལྷ་སའི་ཞོ་སྟོན་གྱི་བྱུང་རབས་ངོ་སྤྲོད།
 
 
     ཞོ་སྟོན་ཞེས་པའི་གོ་དོན་ནི་དུས་སྐབས་དེར་སེ་འབྲས་སོགས་ལ་དབྱར་གནས་ཚུགས་སྐབས་སྔ་དུས་ཚོགས་གཞུང་དུ་ཞོ་གཏོང་གི་ཡོད་པས་ཞོའི་སྟོན་མོ་བཏང་བས་ཞོ་སྟོན་ཞེས་འབོད་སྐད། དེ་ཡང་སྔོན་དུས་རྒྱ་གར་དུ་སངས་རྒྱས་ཆོས་ལུགས་ཀྱི་རབ་བྱུང་རྣམས་དབྱར་ཁ་ཟླ་བ་གསུམ་གྱི་རིང་དགོན་པའི་ཕྱི་རོལ་དུ་ཕེབས་མི་ཆོག་པ་དང༌།  གལ་སྲིད་ཕེབས་དགོས་བྱུང་ན་ཡང་ཞག་བདུན་ལྷག་བཞུགས་མི་ཆོག་པའི་དབྱར་ཁྲིམས་ཡོད་སྟབས། དེའི་རིང་དགེ་འདུན་གྱི་མངའ་འབངས་མི་སྡེ་དང༌། དེའི་དོ་དམ་པ་ཞལ་ཏ་བ་ཟེར་བ་ཞིག་ཡོད་པ་ནས་དགེ་འདུན་རྣམས་ལ་འོ་མ་དང་ཞོའི་སྟོན་མོ་ཐེངས་འགའ་ཤས་འབུལ་བའི་སྲོལ་ཡོད་པ་ལྟར།  བོད་དུ་ཡང་གདན་ས་སེ་འབྲས་གཉིས་སུ་དགོན་པའི་ནོར་སྲིད་དང་མི་སེར་གྱི་སྤྱི་དཔོན་དུ་བསྐོས་པ་སྤྱི་སོ་ཞེས་པ་རྒན་གཞོན་ཁ་ཤས་ཡོད་ཅིང༌།  དེ་ཚོས་དབྱར་གནས་འགོ་ཚུགས་རྗེས་ཀྱི་ཞག་བདུན་ཕྲག་གཉིས་སོང་བ་བོད་ཟླ་དྲུག་པའི་ཚེས་སུམ་ཅུ་ཉིན་འབྲས་སྤུངས་དང་སེ་རའི་དགེ་འདུན་པ་ཡོངས་ལ་གསོལ་ཞོ་བཞེས་སྤྱད་གང་རེ་འབུལ་སྲོལ་དང༌། དེའི་སང་ཉིན་ཚེས་གཅིག་ནས་ཚེས་བཅོ་ལྔའི་བར་གྲྭ་ཚང་སོ་སོའི་སློབ་གཉེར་བ་ཚོས་གཞུང་བཀའ་པོད་ལྔའི་ཐོག་ནས་བགྲོ་གླེང་གི་ཚོགས་ཆེན་འགོ་ཚུགས་པ་ཡིན།  ཏཱ་ལའི་བླ་མ་སྐུ་ཕྲེང་ལྔ་པའི་སྐབས་ནས་ཞོ་སྟོན་གྱི་ཉིན་བོད་ཀྱི་བཀྲ་ཤིས་ཞོལ་པ་དང༌། བྲོ་པ། ཤེལ་རོང་འབྲོང་རྩེད་པ་བཅས་འབྲས་སྤུངས་སུ་ཡོང་ནས་དགའ་ལྡན་ཕོ་བྲང་གི་མདུན་ཟློས་གར་དང་ལྷ་མོའི་འཁྲབ་སྟོན་གཟིགས་མོ་འབུལ་གྱི་ཡོད།  དེ་ནི་ཉིན་དེར་འབྲས་སྤུངས་གོས་སྐུ་ཆེན་མོ་བཀྲམ་པའི་མདུན་ཞལ་ངོ་གསར་རྙིང་བརྗེ་བའི་རྟེན་འབྲེལ་ལ་བསུ་བ་ཞུ་ཆེད་རེད། ཏཱ་ལའི་བླ་མ་སྐུ་ཕྲེང་བཅུ་གཅིག་པ་མཁས་གྲུབ་རྒྱ་མཚོ་དགུང་ལོ་བཅུ་གཅིག་ལ་ཕེབས་པ་རབ་བྱུང་བཅུ་བཞི་པའི་ས་བྱ་(༡༨༤༩)ལོར་ནོར་བུ་གླིང་ཁའི་བསྐལ་བཟང་ཕོ་བྲང་གི་རྒྱབ་ངོས་སུ་དབུ་གཡབ་གཟིམ་ཆུང་གསར་རྒྱག་ཐོག   དེ་ནས་བཟུང་དབྱར་ཁའི་རིང་ནོར་བུ་གླིང་ཁར་བཞུགས་སྲོལ་བྱུང་ཞིང༌། ཞོ་སྟོན་དང་ཆབས་ཅིག་བསྐལ་བཟང་ཕོ་བྲང་ཤར་ངོས་སྡིངས་ཆའི་སྟེང་དུ་སྐབས་དེར་ཡོད་པའི་བོད་ཀྱི་ཟློས་གར་སྐད་གྲགས་ཆེ་བ་རྣམས་ཡོང་ནས་འཁྲབ་སྟོན་གཟིགས་འབུལ་གྱི་སྲོལ་བྱུང༌། དེ་ལ་བརྟེན་ནས་བོད་ལ་ལྷ་མོའི་ཚོགས་པ་མང་པོ་ཇེ་རྒྱས་ཇེ་འཕེལ་དུ་སོང་སྟེ་དགོན་པ་ཁག་གི་ནང་དུ་ཡང་དགེ་འདུན་ལོ་གཞོན་རྣམས་ནས་དབྱར་གནས་གྲོལ་རྗེས་ཀྱི་ཆབས་ཞུགས་གུང་སང་དང་སྟབས་བསྟུན་ནས་ལྷ་མོ་འཁྲབ་སྲོལ་འཕེལ་རྒྱས་བྱུང་ཞིང༌། ལྷག་པར་དུ་སྡེ་དྲུག་རིན་པོ་ཆེས་སྲིད་སྐྱོང་གནང་རིང་ཡང་དེ་རིགས་ལ་དོ་སྣང་ཆེན་པོ་གནང་སྟེ། རྨེ་རུ་བའི་དགེ་འདུན་པ་རྣམས་ནས་བོད་ཀྱི་རྒྱུན་སྲོལ་ལྷ་མོའི་སྒྱུ་རྩལ་རྒྱུན་འཛིན་ཐོག་འཁྲབ་སྟོན་གྱི་ནང་དོན་དངོས་གཞི་ཆོས་རྒྱལ་དད་པ་བརྟན་པའི་རྣམ་ཐར་དང༌།  བར་འཇུག་གི་འཁྲབ་སྟོན་ལ་སྤྱི་ཚོགས་ཐོག་གི་དཔོན་རིགས་བཀའ་བློན་ནས།  རྫོང་དཔོན།  གཞིས་གཉེར་ཚོང་པ། དགོན་པའི་ཞལ་ངོ།  ཐ་ན་སྤྲང་པོ་ཡན་གྱི་འཚོ་བའི་སྤྱོད་ཚུལ་དངོས་ཡོད་སྦ་གསང་མེད་པར་འཁྲབ་སྟོན་བྱེད་པའི་སྒྱུ་རྩལ་དང་ནང་དོན་གསར་པ་གསར་གཏོད་གནང་བ་དེ་ཡང་འཁྲབ་སྟོན་བྱེད་སྲོལ་བྱུང༌།  ཏཱ་ལའི་བླ་མ་སྐུ་ཕྲེང་བཅུ་གསུམ་པས་དངོས་སུ་སྲིད་དབང་བཞེས་རྗེས།  བོད་ཀྱི་རྒྱུན་སྲོལ་ལྷ་མོ་དང༌།  ཟློས་གར་ཚོགས་པ་གྲགས་ཆེ་བ་རྣམས་ཀྱི་སྒྱུ་རྩལ་མི་ཉམས་གོང་འཕེལ་འབྱུང་ཆེད།  དབུས་གཙང་ལྷོ་ཁ་བཅས་སུ་ཡོད་པའི་ལྷ་མོའི་ཚོགས་པ་དང༌།  བྲོ་པ།  གཞས་མ།  ཤེལ་རོང་འབྲོང་རྩེད་པ་སོགས་ཡོད་ཚད་བསྐོང་འགུགས་གནང་སྟེ་ལོ་ལྟར་ཞོ་སྟོན་རིང་ནོར་བུ་གླིངཁར་འཁྲབ་སྟོན་གཟིགས་འབུལ་དགོས་པ་དང༌།  འཁྲབ་སྟོན་སྐབས་རང་རང་སོ་སོའི་འཁྲབ་སྟོན་སྒྱུ་རྩལ་གྱི་ཉམས་འགྱུར་ཁྱད་ཆོས་མ་ཉམས་པར་རྒྱུན་འཁྱོངས་བྱེད་དགོས་པའི་བཀའ་གནང་ཐོག  སྐུ་ངོ་མས་ནན་གྱིས་གཟིགས་རྟོག་གནང་གི་ཡོད་ཅིང༌།  དེ་ནས་བཟུང་ཞོ་སྟོན་ནི་བོད་ཀྱི་རིག་རྩལ་དུས་ཙེན་ཞིག་ཏུ་གྱུར་ལོ་ལྟར་བོད་ཟླ་བདུན་པའི་ནང་ཞོ་སྟོན་དུས་ཆེན་གཏོང་སྲོལ་བྱུང༌། དེ་ཡང་ཟླ་དྲུག་པའི་ཚེས་བཅོ་ལྔ་ནས་བཟུང་འབྲས་སེ་དགའ་གསུམ་གྱི་དགེ་འདུན་ཚོས་དབྱར་སྔ་མ་ཞལ་གྱིས་བཞེས(དབྱར་གནས་ཟེར)ཤིང༌།  ཟླ་བ་གཅིག་དང་ཕྱེད་ཀྱི་རིང་དབྱར་གནས་ལ་བཞུགས་སྐབས་བདུད་ཀྱི་བར་ཙད་མི་འཇུག་ཆེད་བདུད་སྡེར་གཏོགས་པ་རྣམས་སྤྲོ་བ་བསྐྱེད་པའི་སླད་འདོད་ཆོས་དང་མཐུན་པའི་རྣམ་པ་མངོན་གསལ་ཅན་དགོས་པ་སོགས་དགོས་པ་དུ་མར་གཞིགས་ཏེ་བོད་ཟླ་དྲུག་པའི་ཚེས་ཉེར་དགུ་ཉིན་འཕྱོངས་རྒྱས་སྤུན་བདུན་པ་དང༌། ཡར་ལུང་བཀྲ་ཤིས་ཞོལ་པ།  སྙེ་མོ་བྱ་སྒོ་བ།  ཐོན་པ་བ། སྣང་རྩེ་བ། རིན་སྤུངས་རྫོང་ཁོངས་རྒྱལ་མཁར་ཆོས་རྫོང་བ། ངམ་རིང་རྫོང་ཁོངས་གཅུང་རི་བོ་ཆེ། རྣམ་གླིང་རྫོང་ཁོངས་ཤངས་གྲམ་བཀྲ་ཤིས་རྩེ་པ། ལྷ་སའི་སྐྱོར་མོ་ལུང་པ། ཆུ་ཤུལ་རྫོང་གི་ཤེལ་གྲོང་འབྲོང་རྩེད་སོགས་ནས་ཐོག་མར་རྩེ་ཕོ་བྲང་དང༌། དེ་ནས་ནོར་བུ་གླིང་ཁ། དགོང་དྲོ་འབྲས་སྤུངས་ཕོ་བྲང་བཅས་པར་ལྷ་མོའི་གླུ་གར་གྱི་གཟིགས་ཕུད་ཕུལ། ཚེས་སུམ་ཅུ་ཉིན་གྱི་སྔ་དྲོ་འབྲས་སྤུངས་དགོན་པའི་ནུབ་ངོས་རི་ལྡེབས་སུ་སྟོན་པ་ཤཱཀྱ་ཐུབ་པ་གཙོ་གྱུར་གྱི་གོས་སྐུ་འགྲེམས་པའི་མདུན་དུ་མཆོད་འབུལ་དང༌།  ཚོགས་ཆེན་དགེ་བསྐོས(ཞལ་ངོ)གསར་རྙིང་བརྗེ་བའི་མཛད་སྒོ་གནང་སར་གོས་སྐུའི་ཞལ་མཇལ་དང༌། ལྟད་མོ་བ་མང་པོ་ཡོང་གི་ཡོད། ཡར་ལུང་བཀྲ་ཤིས་ཞོལ་པ་སོགས་ལྷ་མོ་བ་ཚོས་གོས་སྐུའི་མདུན་གཟིགས་ཕུད་ཀྱི་ལྷ་མོ་འཁྲབ་རྗེས་བསམ་བློ་ཁང་ཚན་སོགས་སུ་ལྷ་མོ་ཉིན་འཁྱོངས་འཁྲབ་པ་སོགས་བྱེད།   ཉིན་དེར་སེ་ར་དགོན་པར་ཡང་ཚོགས་ཆེན་སྒོ་མཚོར་རབ་གསལ་སྟེང་ནས་གོས་སྐུ་བཀྲམ་པའི་མདུན་ཀརྨ་ཤག་གི་ཆོས་སྐྱོང་ཁོག་ཞུགས་ཀྱིས་ལོ་རེའི་ལེགས་ཉེས་བརྟག་གཞི་སྟོན་པ་དང༌།  ལྷ་སའི་རགས་སྟོབས་པ་དང་སྐོར་བྱ་བ་སོགས་ཀྱིས་བྱིས་པ་དང༌།  སྐྱེས་པ།  བུད་མེད།  ཐོད་སྐམ་སོགས་ཀྱི་འཆམ་རྒྱག་པ།  ཕྱི་དྲོ་ཀརྨ་ཤག་གི་ལྷ་ཆས་སྐུ་གསོབ་བརྒྱངས་སྟེ་རྟ་ལ་སྐྱོན་ཐོག་ཆོས་རྗེ(ལྷ་ཕེབས་མཁན)ངོ་གཡོག་གཟབ་མཆོར་གྱོན་ཏེ་རྟ་བཞོན་པའི་སྔ་རྗེས་སུ་སེ་ར་བླ་སྤྱིའི་ངོ་ཚབ་འཁོར་གཡོག་བཅས་རྟ་ཧྲག་སྒྲིག་པའི་མདུན་དུ་རགས་སྟོབས་པ་ཚོས་ལག་ཏུ་བརྟག་གཞིའི་དངོས་པོ་རྣམས་འཁྱེར་ཏེ་རུ་བསྟར་བསྒྲིགས་བཞིན་ལྷ་སར་ལོག།  བོད་ཟླ་བདུན་པའི་ཚེས་གཅིག་ཉིན་ནོར་བུ་གླིང་གར་ལྷ་མོ་བ་ཚོས་གཟིགས་ཕུད་རྒྱས་པ་རེ་འཁྲབ་པ་དང༌།  ཀརྨ་ཤག་གི་འཆམ་པ་བས་འཆམ་བརྒྱབ།  ཚེས་བཅོ་ལྔ་ནས་བཟུང་ནོར་བུ་གླིང་གར་ཉིན་བཞིའི་རིང་རྒྱལ་མཁར་ཆོས་རྫོང་པ་དང༌། གཅུང་པ་རི་བོ་ཆེ་བ། ཤངས་གྲམ་བཀྲ་ཤིས་རྩེ་པ། སྐྱོར་མོ་ལུང་པ་བཅས་ནས་ཉིན་རེ་རྒྱལ་རབས་འཁྲབ་གཞུང་མི་འདྲ་བ་རེ་འཁྲབ་པ་སོགས་བྱེད།  ཚེས་བཅོ་ལྔ་ཙམ་ལ་ཞོལ་པ་ལས་ཁུངས་ནས་ལྷ་མོ་བླངས་རྗེས་གླིང་སྐོར་གྱི་ནང་དུ་ལྷ་མོ་འཁྲབ་མི་ཆོག  དེའི་གོང་ནོར་བུ་གླིང་གའི་ཞོ་སྟོན་ཚར་རྗེས་གྲོང་ནང་གི་སྐུ་དྲག་ཆེ་ཁག་དང༌།  བླ་བྲང་ཆེ་ཁག་ཚོས་ལྷ་མོ་ལེན(འཁྲབ་ཏུ་བཅུག་པ)གྱི་ཡོད།
    ཞོ་སྟོན་རིང་ལྷ་སའི་གྲོང་མི་དང༌། ཉེ་འདབས་གྲོང་གསེབ་པ་སོགས་མང་པོ་ནོར་བུ་གླིང་གར་ལྟད་མོར་འཛོམས་སྲོལ་ཡང་སེ་འབྲས་སུ་དབྱར་གནས་འཁེལ་བས་གྲྭ་པ་ལྟད་མོར་ཡོང་མི་ཆོག  གོང་གསལ་ལྷ་མོ་བ་རྣམས་ཁྲལ་འཁྲིའི་རང་བཞིན་ཡིན་ལ། གཏན་འབེབས་བཞིན་ལོ་ལྟར་ལམ་ཐག་རིང་པོ་ནས་ལ་ཆུ་མང་པོ་བརྒལ་ཏེ་བོད་ཟླ་དྲུག་པའི་ཚེས་ཉི་ཤུ་ཉིན་ཡས་མས་སུ་རྩེ་ཕྱག་ལས་ཁུངས་སུ་འབྱོར་ཚེས་ཞུ་དགོས་ཀྱི་ཡོད་འདུག  
དུང་དཀར་ཚིག་མཛོད་ཆེན་མོ་ལས་དྲངས།
 
 
·གསར་འགྱུར་གོང་མ:བོད་ཀྱི་དེང་དུས་རོལ་དབྱངས་མཚན་ཚོགས།
·གསར་འགྱུར་འོག་མ:༢༠༡༠ལོའི་ལྷ་སའི་ཞོ་སྟོན་གྱི་འགོ་ཚུཊ་མཛད་སྒོ་པོ་ཏཱ་ལའི་ཐང་ཆེན་དུ་ཚོཊ་པ།
འདྲ་ཕབ། 】 【 པར་འདེབས།
  འབྲེལ་ཡོད་གསར་འགྱུར།
·ལྷ་སའི་ནང་མ་སྤྲོ་སྐྱིད་ཁང༌། 2011/2/4 18:28:07
·འཛམ་གླིང་སྤྱི་བསང་གི་བྱུང་ཚུལ། 2010/6/24 23:28:12
·བོད་ཀྱི་རླུང་རྟ་(ཀླུང་རྟ་)འཛུགས་སྲོལ་སྐོར། 2010/5/5 8:50:07
·ཤོ་རྩེད་སྐོར་གླེང་བ། 2010/3/17 22:39:25
·རྩེད་འཇོའི་རོལ་རྩེད་ཀྱི་ཁྱད་ཆོས། 2010/2/25 14:52:16
ཆེད་ཞུ།:དྲ་ཚིགས་འདིའི་ནང་གི་རྒྱུ་ཆ་ཚང་མ་ནི་ངེད་ཀུང་ཟིས་འཚོལ་བསྡུ་དང་ལེགས་བསྒྲིགས་བྱས་པ་ཡིན་པས། ངེད་ཀུང་ཟིས་དགོངས་འཁྲོལ་མེད་ཚེ་གང་དུ་པར་བཤུས་བརྒྱབ་མི་ཆོག གལ་སྲིད་སྐུ་ཉིད་ཀྱི་ཁེ་ཕན་ལ་གནག་པའི་ཆ་ཡོད་ཚེ། ཁྱེད་ཀྱིསའབྲེལ་གཏུགས་གནང་རོགས།
  འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 15:27:03 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 19:46:42 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/17 5:49:11 [来自: 112.5.248.229]

འབྲེལ་ཡོད་དཔྱད་བརྗོད 55 ཡོད། མིག་སྔར་གསར་འགྱུར当前显示最新的 3 འདུག   [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།23.44MS