ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> གསར་འགྱུར། >> འཕྲུལ་གྱི་རྒྱང་ཤེལ། >> ཉེར་མཁོ
  གསར་འགྱུར་ཀློག་པ།

ཐོ་རེངས་སྐར་མ་རྀ་ཥྀ་འཆར།

[རྩོམ་པ་པོ:དུང་དཀར་རིན་པོ་ཆེ།  ཡོང་ཁུངས:དུང་དཀར་ཚིག་མཛོད།  དུས་ཚོད:2010/9/9 14:12:58  བཀླགས་ཐེངས:1255][ཡིག་གཟུགས:ཡིག་གཟུགས་མདོག]

སྤྱི་ཟླ་༩ པའི་ཚེས་༩ བོད་ཟླ་བརྒྱད་པའི་ཚེས་༡ཉིན་གྱི་ཐོ་རེངས་སྐར་མ་རྀ་ཥྀ་འཆར།

    སྐར་མ་རྀ་ཥྀ་ཤར་དུས་ཀྱི་ཆུ་བཟང་བའི་བཤད་སྲོལ་མི་འདྲ་བ་མང་པོ་ཡོད་དེ།   དེ་ཡང་ཆུ་ལ་ངོ་བའི་སྒོ་ནས་བསིལ་བ་དང་།   ཡང་བ།   དྭངས་པ།  འཇམ་པ།  ཞིམ་པ།   དྲི་མི་ང་བ་བཅས་ཀྱི་རང་བཞིན་ལྡན་པར་མ་ཟད།   རླན་འཛིན་པ་དང་སྐོམ་པ་སེལ་བ།   ཚ་གདུང་སེལ་བ་བཅས་ཀྱི་ནུས་པའང་ལྡན་ཡོད།   ཆུའི་བཟང་ངན་གྱི་སྐོར་ལ་སྔོན་བྱོན་མཁས་པ་ཚོས་ཆུ་རིགས་བདུན་ལས་མཆོག་གྱུར་པའི།    །ཆུ་མགོ་གངས་ལ་ཐུག་པ་བཞིན།  ཞེས་སྡོམ་ཚིག་བཀོད་པ་ལྟར་རྩ་བའི་འབྱུང་ཁུངས་ཀྱི་སྒོ་ནས་དབྱེ་ན།   ཡུལ་དུས་གཉིས་ཀྱི་ཁྱད་པར་ཡོད་པ་ལས།   དང་པོ་ཡུལ་གྱི་ཁྱད་པར་ནི།   རླན་གཤེར་ཆེ་བའི་ཡུལ་དང་།   བ་ཚྭ་ཅན་གྱི་ཡུལ།   འདམ་རྫབ་ཅན་གྱི་ཡུལ།   དུག་ཤིང་ནགས་ཚལ་ཅན་གྱི་ཡུལ།  ཉི་འོད་དང་རླུང་གིས་རེག་ཆུང་བའི་ཡུལ་བཅས་ཀྱི་སྐྱེས་ཆུའི་རིགས་ལ་ཆུ་ངན་ཟེར།   དེ་ལས་ལྡོག་པའི་ཡུལ་ཕྱོགས་ཁ་ལྷོ་ལྟ་ཡིན་པ།   ས་གཞི་གཙང་ལ་ཉི་འོད་ལེགས་པར་འཕོག་པའི་སྐྱེས་ཆུའི་རིགས་ལ་ཆུ་བཟང་ཟེར།   ད་དུང་ཆུའི་ཡན་ལག་ལ་ཆར་ཆུ་དང་།   གངས་ཆུ།   གཙང་ཆུ།   ཆུ་མིག་ཆུ། ཁྲོན་པའི་ཆུ།   བ་ཚྭའི་ཆུ།   ཤིང་ཆུ་སོགས་སོ་སོའི་གནས་དང་འབབ་སའི་དབང་གིས་བཟང་ངན་དབྱེ་བ་མང་པོ་ཕྱེ་ཡོད་པ་བོད་ཀྱི་གསོ་བ་རིག་པའི་གཞུང་ལུགས་ན་གསུངས་ཡོད།  གཉིས་པ་དུས་ཀྱི་ཁྱད་པར་གྱི་སྐོར་ལ་རང་རེའི་སྔ་རབས་པ་རྣམས་ཀྱིས་དཔྱིད་ཆུ་ངན།   སྟོན་ཆུ་བཟང་ཞེས་བཤད་པ་བཞིན་ད་ལྟའང་དེ་ལྟར་ཡིན་ནོ།   །དེ་ཡང་དཔྱིད་ཀ་སླེབས་ཚེ་དགུན་དུས་བསགས་པའི་ཁ་རྡུལ་མི་གཙང་བ་རྣམས་དཔྱིད་ཀ་དང་སོས་ཀའི་དྲོད་རླུང་ཆེས་ཆེར་ལྡང་བས་ས་རླུང་འཕེལ་བ་དང་།   ས་རླངས་དང་མཚོ་རླངས་བར་སྣང་དུ་འཕྱུར་བའི་ཁ་ཆར་བབས་པས་རྡུལ་རླུང་མི་གཙང་བ་རྣམས་ས་སྟེང་གི་ཆུ་ནང་དུ་འདྲེས་པའི་རྐྱེན་གྱིས་སྐྱེས་ཆུ་ཡང་ལྕི་བ་དང་རྩུབ་པ།   དྲི་ཅུང་ཟད་ང་བ།   བསྐོལ་ན་ལྦུ་བ་ཆེ་བ།  བཏུང་ན་ཕོ་བར་གནོད་པ།   བརྒལ་ན་ལུས་ལ་གཟན་པ་བཅས་ཀྱི་ཉེས་པ་ཡོད་པས་དཔྱིད་ཆུ་ངན་ཟེར་བ་ཡིན་ནོ།   །དགུན་དཔྱིད་གཉིས་ལ་བསགས་པའི་མཁའ་རླུང་མི་གཙང་བའི་རིགས་ཚང་མ་དབྱར་གྱི་དུས་སུ་ཉི་འོད་དང་།   རླུང་།    ཆར་ཆུ་བཅས་ཀྱི་སྟོབས་ཀྱིས་ཡང་ཡང་ཞི་བར་སྦྱངས་རྗེས་སྟོན་དུས་མཁའ་རླུང་རིམ་བཞིན་གཙང་བས་ཆར་ཆུ་དང་སྐྱེས་ཆུ་དྭངས་ལ་ཡང་བ།    བསྐོལ་ན་ལྦུ་བ་མེད་པ།   བཏུང་ན་ཕོ་བར་མི་གནོད་པ་བཅས་ཀྱི་ཡོན་ཏན་ཡོད་པས་སྟོན་ཆུ་བཟང་ཟེར་བ་ཡིན་ནོ།   སྟོན་ཆུ་ལ་སྐར་རྩིས་རིག་པའི་ཐོག་ནས་བཤད་ན་མི་སྔ་རབས་པ་རྣམས་ཀྱིས་དུས་ཚོད་ངེས་ཅན་ཞིག་གི་ཚད་འཛིན་བྱེད་ས་གཙོ་བོ་ནི་གནམ་གྱི་སྐར་མ་རྟགས་སུ་བཟུང་ནས་ཆུ་བཟང་ངན་དབྱེ་བ་འབྱེད་པ་ཡིན་ལ།   དུས་བཞི་ཡང་དེ་ལྟར་ངོས་འཛིན་བྱེད་པ་སྟེ།   དཔེར་ན།   སྐར་མ་སྣྲོན་དང་སྣྲུབས་ཀྱིས་ནམ་སྐྱེལ་བའི་དབྱར་དུས་དྲག་ཆར་བབས་རྗེས་ཆུ་རྙོག་པ་ཡིན་པས་ཆུ་བརྒལ་མི་ཉན།   སྐར་མ་མགོ་དང་རྒྱལ་གྱིས་ནམ་སྐྱེལ་བའི་དགུན་ཉི་ལྡོག་གི་དུས་ཀྱི་ཆུ་ཤིན་ཏུ་གྲང་བས་ཆུ་བརྒལ་མི་ཉན།   སྟོན་ཟླ་འབྲིང་པོའི་ནང་དུ་ལྷོ་རིའི་རྩེ་ནས་སྐར་མ་རྀ་ཥྀ་ཐོ་རེངས་དུས་སུ་མཐོང་དུས་ཆུ་དྭངས་ཤིང་ཚ་གྲང་སྙོམས་པའི་དུས་ལ་ངོས་འཛིན་བྱས་ཏེ།   བོད་ཀྱི་ཞིང་འབྲོག་མི་དམངས་རྣམས་སྐབས་དེར་ཆུ་ནང་དུ་ཁྲུས་བྱེད་པ་སོགས་ལུས་ཀྱི་གཙང་སྦྲ་བྱེད་པའི་སྲོལ་ཡོད་ཅིང་།    དེ་སྔ་དབུས་གཙང་རྒྱུད་དུ་བོད་ཟླ་བརྒྱད་པའི་ཚེས་ཤར་ནས་སྐར་མ་རྀ་ཥིའི་ཆབ་བཞེས་ཀྱི་ཆབ་ཞུགས་སྤྲོ་གསེང་ཚུགས།   ནོར་བུ་གླིང་གའི་ཆབ་ཞུགས་ལ་མང་ཚོགས་ཞུགས་སྲོལ་མེད།   དགོན་སྡེ་ཁག་གི་ཆབ་ཞུགས་ལ་ལྷ་མོ་འཁྲབ་པ་སོགས་བྱེད་སར་མང་ཚོགས་ལྟད་མོར་འགྲོ་བ།   གྲོང་མི་ཕལ་ཆེར་གཙང་འགྲམ་སོགས་ལ་ཆུ་བརྒལ་བ་དང་ཁྲང་འཁྲུ་རྒྱག་པ་སོགས་བྱེད།   དུས་དེར་ན་གཞོན་ཚོས་བྱ་འཕུར་གཏོང་གི་ཡོད་པས་བྱ་འཕུར་ནམ་དུས་ཟེར་ཞིང་།   ལྷ་ས་ཁུལ་དུ་བོད་ཟླ་བརྒྱད་པ་མ་ཟིན་བར་བྱ་འཕུར་གཏོང་མི་ཆོག་པ་ཡིན།   སྐར་མ་རྀ་ཥིའི་འོད་ཀྱིས་རྩྭ་ཆུ་ཇེ་བཟང་དུ་འགྱུར་བའི་བཤད་ཚུལ་དེ་ནི་རྩིས་གཞུང་དག་ལས་དྲང་སྲོང་རྀ་ཥི་ཞེས་ཟེར།   འདི་ཉིན་མོར་ཟླ་བ་དྲུག་གི་རིང་གླིང་འདིའི་ཐད་ཀར་གནས།   གླིང་འདིར་ཐོག་མར་འཆར་དུས་ཐོ་རེངས་དུས་སུ་ལྷོ་སྟོད་ཕྱོགས་ནས་མཐོང་བ་འདི་ཉིད་ནོར་བུ་ཀེ་ཏ་ཀ་ལས་གྲུབ་པའི་སྐར་ཁྱིམ་ཡིན་སྟབས་དེའི་འོད་ཆུ་ལ་ཕོག་པས་ཞག་བདུན་གྱི་བར་དུ་ཆུ་བོ་ཐམས་ཅད་ཡན་ལག་བརྒྱད་ལྡན་དུ་འགྱུར་བས།   དེའི་ཚེ་ཁྲུས་ལ་ཞུགས་ན་གྲིབ་དང་འབག་བཙོག་ཐམས་ཅད་དག་པར་གསུངས།   འདི་སྔོན་གྱི་དྲང་སྲོང་རྣམས་ཀྱི་སྨོན་ལམ་གྱི་སྟོབས་ཡང་ཡིན་ཞེས་ཟེར་རོ།    །འདིའི་སྐོར་ཞིབ་ཕྲ་རྩིས་གཞུང་ཁག་ཏུ་གསལ།
འདི་ཉིད་ཆོས་གྲོགས་དྲ་ཚིགས་ལས་བརྒྱུད་འགོད་ཞུས་པ་ཡིན།  
 
·གསར་འགྱུར་གོང་མ:དབྱངས་ཅན་ལྷ་མོའི་ཆེད་སྒྲིག་གཞས་འཁོར་བདུན་པ་ཉེར་ཡོད་འདུག།
·གསར་འགྱུར་འོག་མ:རྒྱལ་སྤྱིའི་བོད་རིག་པའི་ཚོགས་འདུ་ཐེངས་བཅུ་གཉིས་པའི་སྟེང་གི་ཟིན་ཐོ།
འདྲ་ཕབ། 】 【 པར་འདེབས།
  འབྲེལ་ཡོད་གསར་འགྱུར།
·དམངས་གཙོ། 2013/9/28 11:58:50
·འཇིག་རྟེན་གྱི་ཁམས་ལས་འཕྲོས་པའི་གཏམ།༡ 2011/4/10 21:36:20
·འཇིག་རྟེན་ཁམས་ལས་འཕྲོས་པའི་གཏམ།༢ 2011/4/6 13:04:10
·བླ་གཟའ་སྲོག་གཟའི་སྐོར། 2010/12/23 14:56:51
·སྤྱི་ལོ་དང་རབ་བྱུང་ལོ་ཁམས་རྩི་ཚུལ། 2010/12/20 18:27:33
ཆེད་ཞུ།:དྲ་ཚིགས་འདིའི་ནང་གི་རྒྱུ་ཆ་ཚང་མ་ནི་ངེད་ཀུང་ཟིས་འཚོལ་བསྡུ་དང་ལེགས་བསྒྲིགས་བྱས་པ་ཡིན་པས། ངེད་ཀུང་ཟིས་དགོངས་འཁྲོལ་མེད་ཚེ་གང་དུ་པར་བཤུས་བརྒྱབ་མི་ཆོག གལ་སྲིད་སྐུ་ཉིད་ཀྱི་ཁེ་ཕན་ལ་གནག་པའི་ཆ་ཡོད་ཚེ། ཁྱེད་ཀྱིསའབྲེལ་གཏུགས་གནང་རོགས།
  འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 3:48:58 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 5:45:19 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/16 8:44:02 [来自: 112.5.248.229]

འབྲེལ་ཡོད་དཔྱད་བརྗོད 53 ཡོད། མིག་སྔར་གསར་འགྱུར当前显示最新的 3 འདུག   [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།23.44MS