ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> གསར་འགྱུར། >> གཏེར་གྱི་བུམ་བཟང་། >> མི་ཆོས
  གསར་འགྱུར་ཀློག་པ།

ཞང་སྟོན་གྱི་མི་ཆོས་གནད་འགྲེལ།

[རྩོམ་པ་པོ:ཞང་སྟོན་བསྟན་པ་རྒྱ་མཚོའི་  ཡོང་ཁུངས:ངེད་དྲ་བ།  དུས་ཚོད:2010/11/17 9:15:11  བཀླགས་ཐེངས:1495][ཡིག་གཟུགས:ཡིག་གཟུགས་མདོག]
ཞང་སྟོན་བསྟན་པ་རྒྱ་མཚོའི་མི་ཆོས་གནད་ཀྱི་ཕྲེང་བའི་འགྲེལ་བ།
 
བསླབ་བྱ་ནོར་བུའི་ཕྲེང་བ།
 
       ༄༅།།  ན་མོ་གུ་རུ།  ཁོ་བོ་ཡབ་རྗེ་བླ་མ་དམ་པའི་སྲས།  །གཞུང་ལུགས་མང་དུ་ཐོས་པས་བཤད་པ་ཆེ།  །མི་རིགས་སྣ་ཚོགས་འགྲོགས་པས་གོམས་པ་ཆེ།  །དེ་ཕྱིར་སྙིང་གི་བུ་ལ་འདི་ལྟར་བཤད།   །ཀུན་དང་མཐུན་པ་རྩ་བ་ཡིན་མོད་ཀྱང༌།  །མཐོང་ཚད་ལད་མོ་བྱས་ན་ཀླད་མེད་ཡིན།  །སྐད་རིགས་ཐམས་ཅད་ཤེས་ན་བཟང་མོད་ཀྱང༌།  །རང་གི་ཕ་སྐད་བརྗེད་ན་ངོ་ཚ་ཡིནན།  །ཆ་ལུགས་ཀུན་དང་བསྟུན་ན་བཟང་མོད་ཀྱང༌།   །སྟོན་པའི་བཅས་པར་འགལ་ན་སྙིང་རུལ་ཡིན།   །གཞན་དོན་རེམས་པ་ཡ་རབ་ཡིན་མོད་ཀྱང༌།  །རང་སྡུག་རང་གིས་ཉོས་ན་སྡུག་གྱོང་ཡིན།  །གཞན་ལ་ཁྱད་གསོད་མེད་ན་བཟང་མོད་ཀྱང༌།   །བཟང་ངན་གང་བྱས་ཁྱད་མེད་གླེན་པ་ཡིན།  །ནོར་ལ་ཆགས་ཞེན་མེད་ན་བཟང་མོད་ཀྱང༌།    །གཅིག་བཟུང་གཉིས་ཤོར་བྱས་ན་སྟོང་ཟང་ཡིན།  །སྤྱི་དོན་རལ་ཆོད་མེད་ན་བཟང་མོད་ཀྱང༌། །ཧ་ཅང་སེམས་ཆུང་བྱས་ན་སྐྱག་ཤོར་ཡིན།  །རང་ལ་བསགས་པའི་ནོར་རྫས་མང་ན་ཡང༌།   །མང་པོའི་གསེབ་ཏུ་བསྟན་ན་འགོང་འདྲེ་ཡིན།  །ཀུན་ལས་ཁྱད་འཕགས་ཚད་མར་འཁུར་ན་ཡང༌།  །ང་རྒྱལ་ཆེ་ན་རང་གཞན་ཕུང་བྱེད་ཡིན།    །རང་ཉིད་དགེ་བའི་བཤེས་གཉེན་ཡིན་ན་ཡང༌།  །ཁྱད་གསོད་མང་ན་དགྲ་བོའི་གཡབ་མོ་ཡིན།   །འོག་མ་བྱམས་ཕས་བསྐྱངས་ན་བཟང་མོད་ཀྱང༌།   །འཁོར་ངན་བསྐྱངས་ན་ཁ་མཆུའི་སྣ་འདྲེན་ཡིན། །གཞན་གྱི་ཚོགས་དཔོན་བཀུར་བར་འོས་མོད་ཀྱང༌། །ཆེ་ཆུང་ཁྱད་མེད་ལུགས་སྲོལ་ཉམས་བྱེད་ཡིན།  །རང་དང་མཉམ་ལ་བཀུར་སྟི་བྱེད་དགོས་ཀྱང༌།  །ཧ་ཅང་མཛེས་མཛེས་མང་ན་སྤྲེའུ་ཡིན། །དམ་ཆོས་ཀུན་ལ་བཤད་ན་ལེགས་མོད་ཀྱང༌། །ཧ་ཅང་མང་ན་སྤྲང་བོའི་མ་ཎི་ཡིན། །ཁ་ཚོད་བལྟ་ལ་ལྷག་པར་བཤད་དགོས་ཀྱང༌།   །ཧ་ཅང་བཤད་ན་རང་མགོ་གཅོག་བྱེད་ཡིན།  །ཆོས་ཀྱི་ཡོན་ལ་མི་བལྟ་གལ་ཆེ་ཡང༌།   །གསེར་ལ་རིན་ཐང་མེད་ན་ས་རྡོ་ཡིན།  །མན་ངག་ཟབ་མོ་གསང་བར་འོས་མོད་ཀྱང༌།  །ཧ་ཅང་གསང་ན་གདམས་ངག་ཁོང་རུལ་ཡིན།   །དེ་ཡང་རགས་པ་སྤྱི་ཡི་རྣམ་གཞག་ཡིན།  །སྙིང་གཏམ་ལགས་པས་ད་དུང་གསན་མཛོད་དང༌།  །མངོན་ཤེས་མེད་ཕྱིར་གྲོགས་དང་འགྲོགས་པ་དཀའ།   །གཅིག་ལ་ཡིད་མི་ཆེས་ན་འདྲེ་དང་འདྲ།    །ཀུན་ལ་བློ་གཏད་བྱས་ན་རང་ཉིད་ཕུང༌།  །འགྲོགས་ལུགས་དགྲ་ལ་འཚོལ་དང་ཟབ་པ་ཡིན།   །གཅེས་པའི་བུ་དང་སྙིང་གི་གྲོགས་ལ་ཡང༌།  །སྙིང་གཏམ་སྔོན་དུ་མ་བཤད་རེ་ཞིག་གསང༌།  །ཧ་ཅང་དགའ་བའི་དུས་དང་ཁྲོས་པའི་དུས།  །སེམས་ལ་གང་ཡོད་ཁ་ལ་ཉེན་ཡོད།  །དེ་ཕྱིར་དྲན་ཤེས་སྔོན་དུ་བསྟེནབྱས་ནས།  །ཁ་འདོན་གྲེ་བར་བསྐྱིལ་དང་བཙུན་པ་ཡིན།  །སྐྱོན་མཚང་ངན་པ་ཁ་ནས་གསང་ན་ཡང༌།  །འོང་ལོ་རྗེས་ནས་བུད་ན་ངོ་རེ་ཚ།  །དེ་ཕྱིར་ལུས་ངག་བྱ་བྱེད་ཀུན་གྱི་སྟེང༌།  །མཚང་ངན་ཕྱི་ལ་མི་འཆོར་མཁས་པ་ཡིན། །རང་མཚང་རང་གིས་བྲུས་ན་འཕྲོད་པ་ཡིན།  །རང་དཔེ་གཞན་ལ་སྦྱར་ན་ཤིན་ཏུ་འཕྲོད།   །གཞན་དཔེ་རང་ལ་སྤྱར་ན་ལྷག་པར་འཕྲོད།  །དེ་ཕྱིར་དཔྱད་ནས་བསམ་བློ་གཏོང་བ་གཅེས།   །གཞན་སྐྱོན་ལྐོག་ནས་གླེང་བ་མི་ངན་ཡིན།  །ཤེས་བཞིན་དྲང་བོར་མི་བཤད་བསམ་ངན་ཡིན།   །འོན་ཀྱང་སྐྱོན་མཚང་བཤད་ན་ཤེས་མཁན་དཀོན།   །དེ་ཕྱིར་གཞན་སྐྱོན་གློད་ནས་བཞག་ན་བདེ།  །བློ་གཏད་མི་ལ་གང་ཡག་བཤད་མི་དགོས།  །གང་ཞིམ་གང་བཟང་དེ་ལ་སྟེར་མི་དགོས།  །གལ་ལ་ཐུག་དུས་སྐྱིད་སྡུག་ཅི་བྱུང་ཡང༌།  །བསླུ་མེད་སྙིང་ནས་བསྐྱངས་ན་ངོ་མཚར་ཆེ།  སྙིང་གཏམ་ལགས་པས་ད་དུང་གསན་མཛོད་དང༌།    །མི་རིགས་མི་གཅིག་མོག་མོག་རྟ་སྤུ་འདྲ།  །བསམ་པ་མི་གཅིག་བལ་བོའི་རས་ཁྲ་འདྲ།   །དེ་ཕྱིར་སྡོན་དུ་ཁ་ཚོད་མ་བླངས་པར།  །འཕྲད་མ་ཐག་ཏུ་སྙིང་གཏམ་འཆད་པ་མཚང༌། །རང་བཞིན་བཟང་དང་མདོ་མེད་ནོར་ས་ཡོད།  །ཤ་ཚ་ཅན་དང་བསམ་ངན་ནོར་ས་ཡོད།  །དང་པོར་བཟང་ཀྱང་ཕྱིས་ནས་ངན་པ་ཡོད།  །དེ་ཕྱིར་མ་བརྟག་བློ་གཏད་བྱེད་པ་མཚང༌།   ཆང་འཐུང་གླུ་ལེན་ཤོ་དང་མིག་མང་རྩེ།  །གོ་ཚད་མཐོང་ཚད་ཀུན་གྱི་ལད་མོ་བྱེད།  །སྣང་བར་གང་དྲན་སྨྱོན་པ་ལྟ་བུ་ཡི།  །བག་མེད་མི་ལ་བྱ་བྱེད་འཚོལ་བ་མཚང་།  །ཁྱི་ལ་ཤ་རློན་བཅོལ་བ་ལྟ་བུ་ཡི།  །ཤ་མི་ཚ་ལ་ལུག་ནོར་བཅོལ་བ་མཚང༌།  །ཐལ་མོ་སྤྱར་ནས་བླ་མར་འཕྱ་བ་ཡི།  །དད་པ་མེད་པ་སློབ་མར་བསྟེན་པ་མཚང༌།  །ནོར་དང་གདམས་ངག་བརྗེ་བའི་ཉོ་ཚོང་མཁན།   །སྙིང་རྗེ་མེད་པ་བླ་མར་བསྟེན་པ་མཚང༌།    །ཅི་ཙམ་འབད་ཀྱང་ཕན་ངོ་མི་ཤེས་པའི།  །ཁྲེལ་གཞུང་མེད་པ་གྲོགས་པོར་བསྟེན་པ་མཚང༌།  །ནོར་དང་ལུག་ལ་སྐད་ཆ་བཤད་ཕ་བཞིན།  །མི་ཉན་པ་ལ་ཁ་ཏ་བྱེད་པ་མཚང༌།  །སྔ་ཕྱི་གང་ཡང་འདང་རྒྱག་མེད་པ་ཡི། །མི་ཤེས་པ་ལ་གྲོས་ཕུག་འདྲི་བ་མཚང༌། །མཚང་དུ་ཤེས་ཀྱང་ད་དུང་མི་འདོར་ན།  །རང་ཉིད་སྨྱོན་པ་ཡིན་པར་ཤེས་པར་བྱ།  །སྙིང་གཏམ་ལགས་པས་ད་དུང་གསན་མཛོད་དང༌།    །ཞག་གསུམ་ལོན་ན་ཨ་བ་བསད་ཀྱང་བརྗེད། །ནོར་རྫས་བསྟན་ན་ཨ་མའི་སྐེ་ཡང་ལེན།  །གལ་ལ་ཐུག་ན་བླ་མའི་དབུ་ཡང་བསྐོར།   །འདོད་པ་ཡོད་ན་རང་གི་བུ་ཡང་བཙོང་། །དུས་ངན་མི་ངན་སྤྲིན་བར་ཉི་མ་འདྲ།  །ཉེ་རིང་ཡོངས་ལ་ལོ་གཅིག་མ་བརྟན་པར།   །བྱ་བྱེད་འཆོལ་ན་མྱུར་དུ་ནོངས་པར་འགྱུར།  །རང་ལ་བརྟེན་པའི་སྐྱོན་མཚང་ངན་པ་་དེ།   །གཏམ་ངན་རླུང་གིས་ཁྱེར་ན་ཟིན་དུས་མེད།   །བརྒྱ་སྡེ་ཁ་ལོག་སྟོང་སྡེ་ངོ་ལོག་ཀྱང༌།  །ཁྲེལ་མེད་གཅེར་བུར་བུད་ན་ཞབས་འདྲེན་ཟེར། །ཧ་ཅང་མཐོལ་བཤགས་མང་ན་རང་རྒྱུས་འཆོར།  །དག་ཚངས་ཐབས་ཀྱིས་ཤེས་ན་མཁས་པ་ཡིན། །རྣམ་རྟོག་ཅན་ལ་འདྲེ་དགུ་འཁོར་བས་ན།   །དོགས་པ་རང་གིས་བསུས་ན་བདུད་རིགས་དགའ།   །ཕུང་བྱེད་གྲོགས་སུ་བསྒྱུར་པའི་ཐབས་ཤེས་ན།  །དགའ་རབ་དབང་ཕྱུག་གིས་ཀྱང་ཐུབ་པར་དཀའ།   །ཁྱི་རྒན་རུས་པ་སྐམ་པོ་བསྲུང་བ་བཞིན།  །ཟས་ལ་ཞེན་པ་མ་ཆེ་མི་ལ་བྱིན།    །ཡི་དྭགས་ཉམ་ཐག་གཏེར་ཁ་བསྲུང་པ་བཞིན།   །ནོར་ལ་སེར་སྣ་མ་ཆེ་ཆོས་ལ་ཐོངས།  ། དབྱར་དུས་སྤྲིན་བར་ཉི་མ་ཇི་བཞིན་དུ།  །བཞིན་ལ་འགྱུར་ལྡོག་མ་མང་འཛུམ་གྱིས་བསུས།  །རི་རྩེའི་དར་ལྕོག་རླུང་གིས་བསྐྱོད་པ་བཞིན།  །དགྲ་ཟུན་གཤག་རལ་མ་མང་སྤྱི་སྙོམས་བསྟེན།  །ད་ལོ་བཟང་ཡང་སང་ཕོད་ངན་པ་ཡོད།   །འཁོར་ལ་བསྟོད་ར་མ་སྔ་བློ་ཁོག་ལྟོས།  །ངན་པ་ཡིན་ཀྱང་བཟང་པོར་འགྱུར་བ་སྲིད།  །མྱུར་དུ་སྨད་ར་མ་བྱེད་ཐབས་ཀྱིས་སྐྱོངས།  །ཁས་བླངས་སྒྲུབ་པར་མ་ནུས་ངོ་ཚ་ཉོ།    །སུ་ལ་ཁས་ལེན་མ་བྱེད་ལག་ལེན་སྐྱོངས།  །སེམས་སྡུག་ལྷག་པར་བསྐྱེད་ལ་དགོས་པ་མེད།གང་ལ་ཉེས་ཁ་མ་འདིངས་བྲོད་ཁ་བསྐྱེད།   །སྙིང་གཏམ་ལགས་པས་ད་དུང་གསན་མཛོད་དང༌།   །ཁ་ངན་ཁ་ལ་ཟོར་བ་ཐོགས་པ་དེ།  །དགྲ་བོའི་དམག་སྣ་འདྲེན་པའི་གཡབ་མོ་ཡིན།   །དུག་གི་ཁ་རླངས་སྤྲོ་བའི་དུག་སྦྲུལ་འདྲ།  །དེ་ཕྱིར་ཁ་ལ་ཚོད་ཅིག་ཡོད་པར་མཛོད།  །གང་དྲན་ལག་ཏུ་ལེན་པའི་བྱ་མང་དེ།  །ཕུང་འགྱོད་སྣ་དགུ་འདྲེན་པའི་ཕོ་ཉ་ཡིན།  ། ལུས་སེམས་གཉིས་ཀ་འབྲད་པའི་སག་བརྡར་ཡིན།    །དེ་ཕྱིར་བྱེད་རྒྱུ་མ་མང་ལྷོད་ལ་སྡོད།  །སེམས་ལ་དྲན་རྒྱུ་མང་བའི་བློ་མང་དེ།  །འདུན་མ་གཅིག་ལ་མི་ཞོག་དཀྲུག་ཤིང་ཡིན།  །ཉིན་པར་སེམས་འཁྲུག་མཚན་མོར་གཉིད་མི་འོང༌།  །དེ་ཕྱིར་བློ་སྣ་མང་པོ་རྦད་ཀྱིས་ཆོད།  །ཅུང་ཟད་ཙམ་ཡང་མི་བཟོད་གཤིས་ངན་དེ།   །ཚེ་འདིར་ལུས་སེམས་གཉིས་ཀའི་སྡུག་བསྔལ་ཡིན།  །ཕྱི་མའི་དགེ་རྩ་འཇོམས་པའི་ཕྱག་མ་ཡིན།  །དེ་ཕྱིར་ཁོག་ཡངས་རང་བཞིན་བཟང་པོ་མཛོད།  །ནང་གི་རང་སེམས་དགྲ་རུ་མ་ལྡང་ན།  །ཕྱི་ཡི་འདྲེ་གདོན་སུས་ཀྱང་ཐུབ་པར་དཀའ།  །དོན་མེད་དོགས་པ་ཟ་བ་ཆོ་འཕྲུལ་ཡིན།  །རྣམ་རྟོག་སྡུག་འདྲེའི་ཕུང་ཁྲོལ་ལགས་པས་སྤོངངས།  །ཡོན་ཏན་རང་བཞིན་བཟང་པོའི་ཙན་དན་ཤིང༌།  །འཁོར་ངན་སྦྲུལ་གྱིས་དཀྲིས་ན་འཁོར་མཁན་མེད།   མེ་ཏོག་བཟང་པོ་ཚེར་མས་གཡོག་འདྲ་བའི།  །འཁོར་ངན་གཏམ་གྱི་གཞི་མ་ལགས་པས་སྤོངས།  །ཟླ་བ་དཀར་ཡང་རི་བོང་གཟུགས་ཀྱིས་སྦགས།  །མེ་ཏོག་ལེགས་ཀྱང་དྲི་ངན་འཐུལ་བས་སྦགས།  །མཛོ་སྦྲེལ་གཡང་ལ་ལྷུང་བ་ལྟ་བུ་ཡི།  །གྲོགས་ངན་འགྱོད་པའི་རྩ་བ་ལགས་པས་སྤོངས།  །ཉེ་དུ་ངན་པ་ཞབས་མེད་སྣོད་དང་འདྲ།   །ཡུལ་ངན་སྡུག་གི་འཁོར་ལོ་ལགས་པས་སྤོངས།  །ངས་ཐུབ་ངས་ཤེས་གླ་མེད་གཡོག་པོ་ཡིན།  །མི་ཆོས་རྐང་པའི་ཐི་གུ་ལགས་པས་སྤོངས།  །སྙིང་གཏམ་ལགས་པས་ད་དུང་གསན་མཛོད་དང༌།  །ཆགས་སྡང་ཆེ་ན་རྩྭ་སྐྱ་མེ་ཤོར་འདྲ།  །དུས་ངན་སྙིགས་མའི་ནགས་ཕྱོགས་རླུང་གིས་བསྐྱོད། །ཆོས་པ་ཡོངས་ཀྱི་སྒབ་འདྲེར་ཆགས་སྡང་གནོད། །གང་དུ་ཕྱིན་ཀྱང་ཆགས་སྡང་ཆུང་བར་མཛོད།  །དམན་སར་བསྡད་ན་མཐོ་སར་སླེབས་པར་འགྱུར།  །ཇི་ལྟ་བགྱིས་ཀྱང་དམན་ཆ་བླངས་པར་འཚལ།   །དེང་དུས་སྐྱེ་བོའི་ཚོགས་རྣམས་གསར་འགྲོགས་ཆེ།  །ཟླ་འགའ་ལོ་འགའ་ལོན་ནས་གཟབ་པར་འཚལ། །སྒུར་སྒུར་ཞུམ་ཞུམ་བྱེད་ཚད་ཆོས་པ་མིན། །ཆོས་མིན་ཆོས་པར་རྫུ་ལ་གཟབ་པར་འཚལ།  །གང་འཇམ་གང་ལེགས་བཤད་ཚད་བསམ་དཀར་མིན།  །ཁ་འཇམ་ཁོང་རྩུབ་ཕྱོགས་ལ་གཟབ་པར་འཚལ།  །སྐྱོན་མཚང་བྲུས་ནས་བཤད་པ་བསམ་དཀར་རྟགས།  །རང་གི་ཁོང་ཁྲོའི་ཕྱོགས་ལ་གཟབ་པར་འཚལ།  །ངས་ཐུབ་ངས་ཤེས་ཟེར་ལ་བློ་གཏད་མེད།  །བསླུ་བྲིད་མགོ་སྐོར་ཕྱོགས་ལ་གཟབ་པར་འཚལ།  །འདིར་བྱོན་འདིར་བཞུགས་ཟེར་བ་བཀུར་སྟི་མིན།  །རང་མཉམ་གྲལ་མཉམ་ཕྱོགས་ལ་གཟབ་པར་འཚལ།   །གང་བཟང་གང་ཆེ་སྟེར་བ་ཕན་སེམས་མིན།  །ཁ་ལན་སྐྱིན་པའི་ཕྱོགས་ལ་གཟབ་པར་འཚལ།  །   ཉམ་ཐག་སྐད་ངན་འདོན་ཀྱང་ངེས་པ་མེད།  །  འགོང་པོ་ལག་ཟེད་ཕྱོགས་ལ་གཟབ་པར་འཚལ།  ། མཐོ་ལ་ཕྲག་དོག་མ་བྱེད་སྤྱི་བོས་བཀུར།   །  དམན་ལ་ཀྱད་གསོད་མ་བྱེད་བྱམས་པས་སྐྱོངས།   །མཉམ་ལ་གྲལ་རྩོད་མ་བྱེད་མཉམ་པར་འགྲོགས།  །འཕྲལ་དུ་མིག་གིས་མཐོང་རྒྱུ་མ་བྱུང་རུང་།  །དཀར་པོ་དགེ་བའི་ལས་ཀྱི་མཐའ་འདི་བཟང་།   །ནག་ཕྱོགས་དམུ་རྒོད་མགོ་འཕང་མཐོ་ན་ཡང་།   །    ལས་འབྲས་མི་བསླུ་ནམ་ཕུག་རྒུད་དེ་འོང༌།   །ལག་པས་བདེ་བ་ཅན་ལ་འཕེན་མཁན་མེད།   །རྐང་བས་བཟུང་ནས་དམྱལ་བར་འཕེན་མཁན་མེད།  །རང་གི་སྐྱིད་སྡུག་རང་གི་ལག་ན་ཡོད།   །རང་གིས་རང་ཉིད་མི་བསླུ་ཤིན་ཏུ་གཅེས།  །མཐོ་སར་བཞག་ཀྱང་འོག་ཏུ་ལྷུང་ཉེན་ཡོད།   །དམའ་སར་བསྡད་ཀྱང་གོང་དུ་འཆོར་བ་ཡོད།  །སྐྱིད་པོ་ཚོད་མ་ཐིག་ན་ཐ་མ་སྡུག  །འོ་ཟངས་ཁ་ལེབ་བརྒྱབ་ན་འཕོ་འདོད་ཡིན།   །རྒུད་ཀྱང་རང་ཉིད་བཟང་ན་སྐྱིད་དེ་འོང༌།   །ཟླ་བ་མར་ངོའི་རྗེས་ན་ཡར་ངོ་ཡོང་།   །བསླབ་བྱ་བཤད་ན་སུས་ཀྱང་ཤེས་མོད་ཀྱང༌།  །དགོས་དོན་ལག་ལེན་བྱེད་པ་ཉིན་སྐར་ཙམ།  །གཞན་ལ་མགོ་སྐོར་ཐུབ་པ་གཡོ་སྒྱུ་ཡིན།  །ཀུན་ལ་སྐྲག་རྒྱུ་མེད་པ་དཔའ་བོ་ཡིན།  །དཔྱད་ན་དོན་དག་ཤེས་པ་གསལ་བོ་ཡིན།  །བཤད་ན་ངོ་མཚར་ཆེ་བ་ཁ་གསལ་ཡིན།  །རྒྱུན་དུ་རང་དོན་འབད་པ་མཁོ་ཉག་ཡིན།  །དེ་དག་རྣམས་ལ་མཁས་པ་ཟེར་བ་མིན།  །གཞན་ལ་གཡོ་སྒྱུ་མགོ་སྐོར་ཐུབ་ན་ཡང༌།   །ཉིན་གཅིག་ལེ་ལན་རང་ལ་འཁོར་ནས་ཡོང་།  སྐྲག་རྒྱུ་མེད་པ་དཔའ་བོ་ལོས་ཡིན་ཀྱང༌།    །ཚམ་ཚོམ་མེད་པ་ཕྱེ་ལེབ་མེ་ལྕེབས་འདྲ།   །གཞན་དོན་དཔྱད་ན་གསལ་བོ་ཡིན་ན་ཡང༌།  །མར་མེ་རང་རྩར་གསལ་བ་ཤིན་ཏུ་དཀའ།  །རང་དོན་འཕྱུག་པ་མེད་ན་མཁས་པ་ཡིན།  །ལེགས་ཉེས་དཔྱད་ནས་ཤེས་ན་མཁས་པ་ཡིན།  །ཕན་པར་སྨྲ་བ་བླ་མ་ཡིན་ཡང་དཀོན།  །དེ་ལ་ཉན་པ་བུ་ཚ་ཡིན་ཡང་དཀོན།  །བསླབ་བྱ་ཞུ་བ་མང་ཡང་སློབ་པ་དཀོན།  །དམ་ཆོས་བཤད་པ་མང་ཡང་སྒྲུབ་པ་དཀོན།  །ཚིག་གི་བཟང་ངན་ཙམ་གྱིས་ཕན་ཐོགས་མེད།  །ཡུན་དུ་དཔྱད་ན་ཤིན་ཏུ་ཕན་པར་ཡོད།   །ཆུང་ངུའི་དུས་ན་ཚུལ་བཞིན་བསྟེན་པའི་བུ།  །ཕ་རྒན་སྙིང་གི་གཏམ་འདི་སེམས་ལ་ཆོངས།   །ཕྱིན་ཆད་འདི་འདྲ་རྣ་བས་ཚོར་རྒྱུ་མེད།  །ཡོད་རུང་སྙིང་གཏམ་ཡིན་མིན་ཤེས་པ་དཀའ།  །ཆ་རྒྱུས་ཡོད་མེད་གང་དུ་བསྡད་ཀྱང་རུང༌།  །གཏམ་འདི་སྙིང་ལ་ཆོངས་ཤིག་ཕ་ཡི་བུ།  །དེ་ཡང་སྤྱན་རས་གཟིགས་དབང་འབྲོམ་ཆོས་ཀྱི་རྒྱལ་པོས་མཛད་པའི་མི་ཆོས་གནད་ཀྱི་ཕྲེང་ བའི་འགྲེལ་བ་འདི་ནི་རྩ་བ་ཤིན་ཏུ་གོ་སླ་བས་ཚིག་འགྲེལ་མི་དགོས་སྟབས།མདོ་རྒྱན་དང༌།  ས་རྒྱན་སྦྱོར་ཚུལ་ལ་དཔེ་བླངས།  རྒྱ་གར་མཁས་པའི་གཞུང་དང༌།  གུང་ཐང་འཇམ་པའི་དབྱངས་ཀྱི་གསུང་གི་རྗེས་སུ་འབྲང་སྟེ།  སྤང་བྱ་དང་བླང་བྱ།   སྤྱིར་བཏང་དང་དམིགས་བསལ།  སྤྱི་དང་བྱེ་བྲག  དཔེ་དང་དོན་སོགས་ཁ་བསྐངས་ཏེ་བྲིས་པ་ཡིན་པས་རྩ་བ་དང་སྦྱར་ནས་བལྟ་དགོས་སོ།  །ཞེས་པ་འདི་ནི།   འཇམ་དབྱངས་གོང་མ་ཆེན་པོའི་རིགས་ཀྱི་ཅོད་པན༧ལྕང་སྐྱ་མཆོག་སྤྲུལ་རིན་པོ་ཆེ་དང༌།   སྐྱབས་རྗེ་ཐུའུ་བཀྭན་ཧོ་ཐོག་ཐུ་རྣམ་གཉིས་ནས་ཨ་ཆི་ཅུ་དཔོན་པོ་ཞེས་ཆོ་ལོ་དང་བཀའ་ཤོག་སོགས་ཀྱིས་བསྔགས་ལ།   རང་གི་ཉེ་གནས་མཐའ་ཡས་རྒྱ་མཚོས་ལྷ་དར་སེར་བོ་ཆེ་ལེགས་བཅས་བསྐུལ་ངོར།  བོད་ཆོས་རྒྱལ་གོང་མ་རྣམས་ཀྱི་དུས་སུ་རྒྱལ་པོ་ལས་འོག་ཏུ་ཆེ་བའི་ཞང་ལྟ་རིགས་དཀར་པོ་ཞེས་གྲགས་པའི་རྒྱུད་དུ་བྱུང་བའི༧དགེ་སློང་བསྟན་པ་རྒྱ་མཚོས་དགོན་ལུང་དུ་སུག་བྲིས་བགྱིས་པ་དགེ་ལེགས་འཕེལ། ། སརྦ་མངྒ་ལཾ།། །།
·གསར་འགྱུར་གོང་མ:སུམ་ཅུ་པའི་ཟུར་རྒྱན་པདྨ་དཀར་པོའི་ཕྲེང་བ།
·གསར་འགྱུར་འོག་མ:གཟའ་འདིའི་ནང་བོད་ལྗོངས་ཀྱི་ས་ཁུལ་མང་ཆེ་བར་རླུང་བུ་ལྡང་རྒྱུ་ཡིན་པ།
འདྲ་ཕབ། 】 【 པར་འདེབས།
  འབྲེལ་ཡོད་གསར་འགྱུར།
·ལུགས་ཟུང་གི་བསླབ་བྱ་མུ་ཐི་ལའི་ཕྲེང་བ། 2015/7/29 14:41:11
·ལེགས་བཤད་བློ་གསལ་སྙིང་ནོར་ལས།༧ 2011/1/23 12:09:32
·དགོན་སྡེ་རྣམས་ལ་གཏམ་དུ་བྱ་བ། 2011/1/3 16:38:26
·གྲོས་འདེབས་བདུད་རྩིའི་ཐིག་ལེ། 2010/12/17 9:25:26
·དུས་མཐའི་སྔཊ་བཙུན་རྣམས་ལ་སྙིང་གཏམ་དུ་བགྱིས་པ། 2010/11/21 12:44:05
ཆེད་ཞུ།:དྲ་ཚིགས་འདིའི་ནང་གི་རྒྱུ་ཆ་ཚང་མ་ནི་ངེད་ཀུང་ཟིས་འཚོལ་བསྡུ་དང་ལེགས་བསྒྲིགས་བྱས་པ་ཡིན་པས། ངེད་ཀུང་ཟིས་དགོངས་འཁྲོལ་མེད་ཚེ་གང་དུ་པར་བཤུས་བརྒྱབ་མི་ཆོག གལ་སྲིད་སྐུ་ཉིད་ཀྱི་ཁེ་ཕན་ལ་གནག་པའི་ཆ་ཡོད་ཚེ། ཁྱེད་ཀྱིསའབྲེལ་གཏུགས་གནང་རོགས།
  འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 5:50:08 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 8:12:19 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/16 12:16:14 [来自: 112.5.248.229]

འབྲེལ་ཡོད་དཔྱད་བརྗོད 58 ཡོད། མིག་སྔར་གསར་འགྱུར当前显示最新的 3 འདུག   [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།23.44MS