ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> གསར་འགྱུར། >> གཏེར་གྱི་བུམ་བཟང་། >> མི་ཆོས
  གསར་འགྱུར་ཀློག་པ།

གྲོས་འདེབས་བདུད་རྩིའི་ཐིག་ལེ།

[རྩོམ་པ་པོ:ཆོས་རྗེ་དམ་པ་ཡིད་བཞིན་ནོར་  ཡོང་ཁུངས:ངེད་དྲ་བ།  དུས་ཚོད:2010/12/17 9:25:26  བཀླགས་ཐེངས:1667][ཡིག་གཟུགས:ཡིག་གཟུགས་མདོག]
གྲོས་འདེབས་བདུད་རྩིའི་ཐིག་ལེ་བཞུགས། །
 
 

༧ཆོས་རྗེ་དམ་པ་ཡིད་བཞིན་ནོར་བུས་གསུངས། །
 
༄༅། །  གང་མཚན་རྣ་བའི་བཅུད་དུ་སོན་མ་ཐག །
སྙིང་ལ་ཡུན་རིང་གབ་པའི་གཏི་མུག་མུན། ། 
གཏན་དུ་འཇིལ་མཛད་འཇམ་དཔལ་དཔའ་བོ་དེས། ། 
དགེ་ལེགས་ཤིས་པའི་མེ་ཏོག་ཆར་དུ་སྙིལ། ། 
མི་གཞི་བཟང་ཞིང་ཚུལ་ཁྲིམས་རྣམ་པར་དག ། 
ཤེས་རབ་དྲི་མེད་གནས་ལ་ལེགས་སློབ་པའི། ། 
སྐལ་བཟང་དེ་ནི་དུས་གསུམ་རྒྱལ་བའི་སྲས། ། 
ཁོ་བོའི་སྙིང་གི་གྲོགས་པོ་མཐར་ཐུག་ལགས། ། 
མི་གཞི་བཟང་པོ་དེ་ཡང་གང་ཞེ་ན། ། 
བསམ་པ་དཀར་ཞིང་གཡོ་སྒྱུ་ཆུང་བ་དང་། ། 
ངང་བཟང་ཕྱི་ཐག་རིང་ཞིང་ཟུང་ཐུབ་ཅིང་། ། 
ཁོང་ཡངས་ཤེས་རྒྱ་ཆེ་བ་ཉིད་ཡིན་ནོ། ། 
ཚུལ་ཁྲིམས་རྣམ་དག་དེ་ཡང་གང་ཞེ་ན། ། 
བཀའ་དང་བསྟན་བཅོས་དག་ལས་བྱུང་བ་ཡི། ། 
བླང་དོར་མཐའ་དག་མིག་བཞིན་སྲུང་བ་ནི། ། 
སྙིགས་མའི་དུས་འདིར་ཧ་ཅང་དཀའ་མོད་ཀྱང་། ། 
སོར་བྱང་སྔགས་གསུམ་རང་རང་གཞུང་ལུགས་ལས། ། 
ཉིང་དགོས་འགྲུབ་ལ་དངོས་སུ་གེགས་བྱེད་པའི། ། 
རྩ་ལྟུང་དག་དང་རང་རྒྱུད་མི་འགྲོགས་པར། ། 
དུས་རྣམས་ཀུན་ཏུ་བརྩོན་པར་བྱེད་པ་ཡིན། ། 
ཤེས་རབ་དྲི་མེད་དེ་ཡང་གང་ཞེ་ན། ། 
ཡང་དག་གདམས་པའི་གནས་ལ་ཉིན་རེ་བཞིན། ། 
ཐོས་བསམ་སྒོམ་པའི་བརྩོན་པ་ལྷུར་ལེན་པ། ། 
དེས་ནི་བྱང་ཆུབ་མྱུར་དུ་ཐོབ་པར་འགྱུར། ། 
ལམ་བཟང་མ་རྙེད་དང་པོའི་ལས་ཅན་དང་། ། 
སྟོང་སྒོམ་མུན་པར་འཕྱན་པའི་གྲུབ་བརྫུ་མཁན། ། 
སྨྲ་ལ་འཆེལ་བའི་མཁས་རློམ་འགའ་ཞིག་གིས། ། 
འདི་ཉིད་མཐོང་ན་དུག་ལ་སྨན་བཞིན་འགྱུར། ། 
འདི་ནི་རང་གི་རྒྱུད་ལ་གོམས་ཕྱིར་དང་། ། 
སྙིང་གི་གྲོགས་པོ་རྣམས་ལ་སྨན་སླད་དུ། ། 
རྣམ་དག་སེམས་ཀྱིས་སྨྲས་པའི་དགེ་བ་ཡིས། ། 
འགྲོ་ཀུན་འཇམ་དཔལ་ཉིད་དང་མཚུངས་པར་ཤོག ། 
      ཅེས་ཚིགས་བཅད་བཀྲ་ཤིས་རྟགས་བརྒྱད་ཀྱི་གྲངས་ལྡན་འདི་ནི་གསང་ཆེན་འོད་སྐུར་གྲོལ་བའི་དབེན་ཁྲོད་དུ་བཞུགས་པའི་འདུས་སྡེའི་གཙོས་ཁོ་བོའི་ངག་བཞིན་སྒྲུབ་པར་འདོད་པ་རྣམས་ཀྱིས་ཚིག་བློ་ལ་བཟུང་ནས་དོན་རྒྱུད་ལ་འབྱོར་བར་བྱེད་པར་ཞུ་ཞུ། ས་སྤྲུལ་ཟླ་༣པའི་ཚེས་༡༦ལ་ངག་དབང་བློ་གྲོས་མཚུངས་མེད་པས་སྨྲས་པའོ། ། ། །

·གསར་འགྱུར་གོང་མ:སྡོམ་པ་གསུམ་གྱི་ཉམས་ལེན་ཚིག་གསུམ་མ་
·གསར་འགྱུར་འོག་མ:བན་བོན་མཐུན་ལམ་གྱི་གླུུ་ཚིག་ཡག་པོ་ཞིག་འདུག
འདྲ་ཕབ། 】 【 པར་འདེབས།
  འབྲེལ་ཡོད་གསར་འགྱུར།
·ལུགས་ཟུང་གི་བསླབ་བྱ་མུ་ཐི་ལའི་ཕྲེང་བ། 2015/7/29 14:41:11
·ལེགས་བཤད་བློ་གསལ་སྙིང་ནོར་ལས།༧ 2011/1/23 12:09:32
·དགོན་སྡེ་རྣམས་ལ་གཏམ་དུ་བྱ་བ། 2011/1/3 16:38:26
·དུས་མཐའི་སྔཊ་བཙུན་རྣམས་ལ་སྙིང་གཏམ་དུ་བགྱིས་པ། 2010/11/21 12:44:05
·ཞང་སྟོན་གྱི་མི་ཆོས་གནད་འགྲེལ། 2010/11/17 9:15:11
ཆེད་ཞུ།:དྲ་ཚིགས་འདིའི་ནང་གི་རྒྱུ་ཆ་ཚང་མ་ནི་ངེད་ཀུང་ཟིས་འཚོལ་བསྡུ་དང་ལེགས་བསྒྲིགས་བྱས་པ་ཡིན་པས། ངེད་ཀུང་ཟིས་དགོངས་འཁྲོལ་མེད་ཚེ་གང་དུ་པར་བཤུས་བརྒྱབ་མི་ཆོག གལ་སྲིད་སྐུ་ཉིད་ཀྱི་ཁེ་ཕན་ལ་གནག་པའི་ཆ་ཡོད་ཚེ། ཁྱེད་ཀྱིསའབྲེལ་གཏུགས་གནང་རོགས།
  འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 19:26:39 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/24 0:43:59 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/17 13:00:39 [来自: 112.5.248.229]

འབྲེལ་ཡོད་དཔྱད་བརྗོད 91 ཡོད། མིག་སྔར་གསར་འགྱུར当前显示最新的 3 འདུག   [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།23.44MS