ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> གསར་འགྱུར། >> གཏེར་གྱི་བུམ་བཟང་། >> མི་ཆོས
  གསར་འགྱུར་ཀློག་པ།

མཉམ་བཞག་ཐུན་གཅིག་གི་འདུག་སྟངས།

[རྩོམ་པ་པོ:དཔལ་དགྱེས་པ་རྡོ་རྗེ།  ཡོང་ཁུངས:ངེད་་དྲ་བ།  དུས་ཚོད:2011/3/8 18:24:37  བཀླགས་ཐེངས:1317][ཡིག་གཟུགས:ཡིག་གཟུགས་མདོག]

༅། །མཉམ་རྗེས་ཀྱི་བསྒོམ་ཐུན།།

ན་མོ་མ་ཧྰ་གུ་རུ་པདྨ་ཀ་ར་ཡེ། །

རིག་འཛིན་ཨོ་ཌྰི་ཡ་ནའི་སྒྱུ་འཕྲུལ་གར། །

རིགས་དང་དཀྱིལ་འཁོར་ཀུན་གྱི་ཁྱབ་བདག་མཆོག །

རིས་མེད་བསྟན་པ་ཡོངས་ཀྱི་སྤྱི་དཔལ་ཉིད། །

སྐྱབས་གཅིག་དྲིན་ཆེན་བླ་མ་སྙིང་ནས་འདུད། །

     དེ་ཡང་སློབ་དཔོན་བཀའ་དྲིན་ཅན་གྱི་ཞལ་ནས། ཕྱི་ལྟར་གཟུང་བའི་ཡུལ་སྣང་དག་པ་དང་༔

ནང་ལྟར་འཛིན་པའི་སེམས་ཉིད་གྲོལ་བ་དང་༔ བར་དུ་འོད་གསལ་རང་ངོ་ཤེས་པ་རུ༔  དུས་གསུམ་བདེ་གཤེགས་རྣམས་ཀྱི་ཐུགས་རྗེ་ཡིས༔ བདག་འདྲའི་རང་རྒྱུད་གྲོལ་བར་བྱིན་གྱིས་རློབས༔  ཞེས་གསུངས་པའི་དོན་ནི། ཕྱི༵་ལྟར༵་གཟུང༵་བའི༵་སྣང་བ་ལ་རང་གི་ཡིད་ཀྱི་རྣམ་པར་རྟོག་པས་གཟུགས་མཛེས་པ་དང་། སྒྲ་སྙན་མོ། དྲི་ཞིམ་པོ། རོ་མངར་བ། རེག་བྱ་འཇམ་པ་སྟེ་ཚོགས་དྲུག་ཤེས་པའི་ཡུལ༵་སྣང༵་བཟང་པོ་རྣམས་ལ་ཞེན་ཅིང་ཆགས་པ་དང་། ངན་པ་རྣམས་ལ་སྡང་བ་དང་། བར་མ་རྣམས་ལ་གཏི་མུག་ལུང་མ་བསྟན་གྱི་རྟོག་སྒྲིབ་ངན་པས་མ་བསླད་པར་སྣང་བ་སྣོད་ཀྱི་འཇིག་རྟེན་དང་། སྲིད་པ་བཅུད་ཀྱི་སེམས་ཅན་རྣམས། སྣོད་དག་པ་ཞིང་ཁམས་ཀྱི་བཀོད་པ་དང་། བཅུད་དག་པ་གཞལ་ཡས་ཁང གི་རང་བཞིན་དུ། ལུས་ལྷ་སྐུ། ངག་གཟུངས་སྔགས། སེམས་རྒྱུད་ཐུགས་རྗེའི་བདག་ཉིད་དུ་ཤིན་ཏུ་རྣམ་པར་དག༵་པ༵་ནི་དག་པའི་གཟིགས་པ་ཚད་མ་མཐར་ཐུག་དང༵་། ནང༵་ལྟར༵་འཛིན༵་པའི༵་སེམས་ལ་དུས་གསུམ་གྱི་རྣམ་པར་རྟོག་པའམ་ཚོགས་དྲུག་གི་ཤེས་པ་བྱིང་རྒོད་བཏང་སྙོམས་སོགས་ཀྱི་སྐྱོན་གྱིས་མ་གོས་པར་དམིགས་པ་མེད་པའི་སྟོང་ཉིད་ཀྱི་ངང་དུ་གནས་པ་ནི། སེམས༵་ཉིད༵་དེ་བཞིན་གཤེགས་པའི་ས་ལ་རང་གྲོལ༵་བ༵་དོན་དམ་དཔྱོད་པའི་ཚད་མ་དང༵་། བར༵་དུ༵་སེམས་ཉིད་ཀྱི་རང་བཞིན་འོད༵་གསལ༵་བདེ་གཤེགས་སྙིང་པོ་འདུས་མ་བྱས་པའི་ངོ་བོ་ནི་དུས་གསུམ་གྱི་རྟོག་པ་དང་བྲལ་བ་བཞི་བའི་ཆ། སེམས་ཀྱི་གནས་ལུགས། རང་བྱུང་རིག་པའི་ཡེ་ཤེས། རིག་སྟོང་རྗེན་གཅེར་དུ་རང་ངོ་རང་གིས་མཐོང་བའམ་ཤེས༵་པ༵་རུ༵་ཐབས་ཤེས་ཁྱད་པར་ཅན་ནི། ཀུན་རྫོབ་བསོད་ནམས་ཀྱི་ཚོགས་རྒྱ་ཆེན་པོ་བསགས་པ་དང་། དོན་དམ་ཡེ་ཤེས་ཚོགས་ཀྱི་རང་གཤིས་མཇལ་བའི་ངེས་ཤེས་ཁོ་ཐག་ནང་ནས་ཆོད་པའི་ཡིད་ཆེས་ཀྱི་དད་པ་བརྟན་པོ་དང་ལྡན་པ་ལ། ཕྱོགས་བཅུ་དུས༵་གསུམ༵་གྱི་བཅོམ་ལྡན་འདས་བདེ༵་བར་གཤེགས༵་པ་དང་། ཐུགས་སྲས་བྱང་ཆུབ་སེམས་དཔའི་ཚོགས་དང་བཅས་པ་རྣམས༵་ཀྱི༵་ཐུགས་མཁྱེན་བརྩེ་ནུས་པའི་བྱིན་རླབས་ཀྱི་ཡང་སྙིང་དམ་པའང་འདི་ཉིད་ཁོ་ན་ལགས་སོ། དེ་ལྟར་དོན་དམ་མཐར་ཐུག་གནས་ལུགས་བདེ་གཤེགས་སྙིང་པོ་དེ་ཉིད། འགྲོ་བ་སེམས་ཅན་ཀུན་གྱི་རྒྱུད་ལ་རྟག་ཁྱབ་ལྷུན་གྲུབ་ཏུ་གནས་ཀྱང་། འགྲོ་བ་རིགས་དྲུག་གི་སེམས་ཅན་རྣམས་ལ་རང་རང་སོ་སོར་ལ་ལས་དང་། ཉོན་མོངས་པ་དང་། ཤེས་བྱ་དང་བག་ཆགས་ཀྱི་སྒྲིབ་པས་སྒྲིབ་ནས་རང་ངོ་རང་གིས་མ་ཤེས། འཇིག་རྟེན་འཁྲུལ་བའི་རྣམ་གྲངས་རྣམས་ལ་རྣམ་རྟོག་སྣ་ཚོགས་ཀྱིས་བསླུས་ཤིང་འཁོར་བ་སྡུག་བསྔལ་གྱི་རྒྱ་མཚོ་ཆེན་པོའི་གནས་སུ་མཐའ་མེད་པར་འཁྱམས་པ་ཡིན་ནོ། དེ་ལྟར་གནས་ལུགས་ཇི་བཞིན་མ་རྟོགས་པའི་སེམས་ཅན་གྲངས་མེད་པ་དང་། རང་གཞན་རྣམས་ཀྱི་རྒྱུད་ལ་དམིགས་པའི་བརྩེ་བའི་སྙིང་རྗེ་ཆེན་པོས་ཐུན་མོང་བློ་ལྡོག་རྣམ་བཞིའི་བློ་སྦྱོང་བ་དང་། སྐྱབས་གནས་དཀོན་མཆོག་གསུམ་ལ་སྐྱབས་སུ་འགྲོ་བ་དང་། བྱང་ཆུབ་མཆོག་ཏུ་སེམས་བསྐྱེད་པ་དང་། སྒྲིབ་སྦྱང་རྡོར་བསྒོམ་བཟླས་བྱ་བ་དང་། ཚོགས་བསགས་ཕྱི་ནང་གསང་གསུམ་ལ་འབད་པ་དང་། ཁྱད་པར་དུ་ཕྱོགས་དུས་རྒྱལ་བ་ཀུན་གྱི་ཐུགས་མཁྱེན་བརྩེ་ནུས་པའི་ཐུགས༵་རྗེ༵་ཐམས་ཅད་གཅིག་ཏུ་འདུས་པའི་བདག་ཉིད། སྙིགས་མའི་སེམས་ཅན་ཀུན་གྱི་སྐྱབས་གཅིག་པུར་གྱུར་པ། སློབ་དཔོན་བཀའ་དྲིན་ཅན་གུ་རུ་རིན་པོ་ཆེའི་བླ་མའི་རྣལ་འབྱོར་ལ་ལུས་ངག་ཡིད་གསུམ་རྩེ་གཅིག་ཏུ་བརྩོན་པའི་ནུས་མཐུ་ཡིས༵། བདག་དང་བདག༵་འདྲ༵་བའི་ལས་ངན་དམུ་རྒོད་ཀྱི་སེམས་ཅན་གདུལ་དཀའ་བ་རང༵་རྒྱུད༵་མ་རིག་པའི་གཞན་དབང་དུ་སོང་བ་རྣམས་ཀྱི་རྒྱུད་ལ་རིན་ཆེན་བྱང་ཆུབ་ཀྱི་སེམས་དང་། རང་བྱུང་རིག་པའི་གནས་ལུགས་ཀྱི་དོན་མཐོང་ཞིང་། རང་གཞན་སེམས་ཅན་ཐམས་ཅད་སྨིན་ཅིང་གྲོལ༵་བར༵་འགྱུར་བ་ཞིག རྩ་བརྒྱུད་ཀུན་འདུས་བླ་མ་ཨོ་རྒྱན་རིན་པོ་ཆེས་བྱིན༵་གྱིས༵་རློབས༵་ཤིག་ཅེས་ལྷག་བསམ་རྣམ་པར་དག་པའི སྒོ་ནས་སྨོན་པ་དང་། འདུན་པ་དྲག་པོ་དང་། སྒྲུབ་པའི་དམ་བཅའ་བརྟན་པོ་དང་། དྭངས་འདོད་ཡིད་ཆེས་ཀྱི་ངང་ནས་དད་པས་གསོལ་བ་འདེབས་པ་ཡིན་ན། སློབ་དཔོན་བཀའ་དྲིན་ཅན་གུ་རུ་རིན་པོ་ཆེས་བྱིན་རླབས་དང་ཐུགས་རྗེའི་མཐུན་འགྱུར་གནང་བ་ལ་ཐེ་ཚོམ་མེད་དོ། །

རང་ངོ་རང་གིས་རིག་པའི་དོན་རིག་སྟེ། །

རང་ལས་གཞན་གཅེས་བྱང་ཆུབ་སེམས་མཆོག་ལྡན། །

རང་གཞན་སེམས་ཅན་སངས་རྒྱས་སར་ཕྱིན་པའི། །

རང་གྲོལ་ཆེན་པོའི་གོ་འཕོང་མྱུར་ཐོབ་ཤོག།

     ཅེས་པའང་རབ་རྒྱན་ཤིང་བྱའི་བྱ་ཟླའི་བྱ་ཚེས་དགེ་བར་གནས་མཆོག་རི་བོ་བྱ་རྐང་གི་དབུ་རྩེ་བསམ་གཏན་ལྷུན་གྲུབ་ཀྱི་ལྟེ་གནས་སམ་རང་སྣང་དུ་དཔལ་དུས་ཀྱི་འཁོར་ལོའི་དཀྱིལ་འཁོར་གྱི་ལྷོ་སྒོའི་འགྲམ་དུ་རིག་འཛིན་བླ་མ་དཔལ་དགྱེས་པ་རྡོ་རྗེས་བྲིས་པ་དགེའོ།།༈ སྙིང་ནས་བརྩེ་བའི་ཆོས་མཆེད་གྲོགས་པོ་ཀུན་ལ་ཕྱོགས་དུས་རབ་འབྱམས་རྩ་གསུམ་ཆོས་སྐྱོང་སྲུང་མས་སྐུ་གསུང་ཐུགས་ཀྱི་བྱིན་རླབས་མྱུར་དུ་བསྩོལ་ཏེ་དམ་ཆོས་ཚུལ་བཞིན་སྒྲུབ་ནུས་པར་སྨོན་ནོ། །གནམ་ལོ་༢༠༡༡ གསར་ཚེས་ལ་བཀྲ་ཤིས་བདེ་ལེགས་ཕུན་སུམ་ཚོགས་པར་ཤོག།

·གསར་འགྱུར་གོང་མ:གླིང་གེ་སར་རིག་གནས་དྲྭ་བ་ཚོད་ལྟ་བྱེད་བཞིན་པ།
·གསར་འགྱུར་འོག་མ:གཡུང་དྲུང་བོན་གྱི་དྲ་བ་ཞིག་ཤར་གཏོང་བྱས་པ།
འདྲ་ཕབ། 】 【 པར་འདེབས།
  འབྲེལ་ཡོད་གསར་འགྱུར།
·མ་བཀླག་ཚད་མེད་ཀྱི་སྙིང་རྗེའི་བསྟན་བཅོས་འགྲན་ཟླ་བྲལ་བ་ཞིག་ 2011/12/11 10:10:46
·བླ་མ་རྒྱང་འབོད་བྱིན་རླབས་ཉིན་བྱེད་འདྲེན་པའི་ཤིང་རྟ། 2011/1/8 12:58:53
·ཡུལ་མི་རྣམས་ལ་གཏམ་དུ་བྱ་བ། 2010/12/19 22:48:36
ཆེད་ཞུ།:དྲ་ཚིགས་འདིའི་ནང་གི་རྒྱུ་ཆ་ཚང་མ་ནི་ངེད་ཀུང་ཟིས་འཚོལ་བསྡུ་དང་ལེགས་བསྒྲིགས་བྱས་པ་ཡིན་པས། ངེད་ཀུང་ཟིས་དགོངས་འཁྲོལ་མེད་ཚེ་གང་དུ་པར་བཤུས་བརྒྱབ་མི་ཆོག གལ་སྲིད་སྐུ་ཉིད་ཀྱི་ཁེ་ཕན་ལ་གནག་པའི་ཆ་ཡོད་ཚེ། ཁྱེད་ཀྱིསའབྲེལ་གཏུགས་གནང་རོགས།
  འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 3:22:42 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 5:13:44 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/16 8:00:00 [来自: 112.5.248.229]

འབྲེལ་ཡོད་དཔྱད་བརྗོད 115 ཡོད། མིག་སྔར་གསར་འགྱུར当前显示最新的 3 འདུག   [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།78.13MS