ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> གསར་འགྱུར། >> འཕྲུལ་གྱི་རྒྱང་ཤེལ། >> གསར་མེ
  གསར་འགྱུར་ཀློག་པ།

༼བགྲེས་་པོའི་འབེལ་གཏམ་༽ལོ་དེབ།

[རྩོམ་པ་པོ:ཁྲི་  ཡོང་ཁུངས:ངེད  དུས་ཚོད:2011/5/6 9:13:43  བཀླགས་ཐེངས:1119][ཡིག་གཟུགས:ཡིག་གཟུགས་མདོག]
    གཤེན་གྱི་འབྱུང་ལྡན་སུམ་བརྒྱ་དང་གཅིག་བོད་ལྕགས་ཡོས་ལོ་སྟེ། ཕྱི་ལོ་༢༠༡༡ལོའི་གཡུང་དྲུང་བོན་གྱི་རྩོམ་རིག་ལོ་དེབ་༼བགྲེས་པོའི་འབེལ་གཏམ་༽སྤྱིའི་འདོན་ཐེངས་བཅུ་གཅིག་པ་བལ་ཡུལ་བོན་དགོན་༧དཔལ་ཁྲི་བརྟན་ནོར་བུའི་རྩེའི་བགྲེས་འབེལ་རྩོམ་རིག་ལྷན་ཚོགས་ནས་དཔར་སྐྲུན་ཟིན་འདུག

 

བགྲེས་པོའི་ཁ་བརྡའི་གླེང་སློང་

 འཛམ་གླིང་ས་སྒང་གི་ཡང་རྩེར་འགྱིང་པའི་རི་བོ་ཧི་མ་ལ་ཡར་གྲགས་པ་གང་གི་མངལ་རུམ་ནས་བཙས་ཤིང་འཚར་ལོངས་བྱུང་བའི་ཆོས་རིག་སྟེ། གཡུང་དྲུང་གི་བོན་རིན་པོ་ཆེ་འདི་ནི། བྱུང་རབས་ལོ་རྒྱུས་ཀྱི་འགོ་ཕུགས་རིང་ལ། མེས་པོའི་གཟི་མདངས་མ་ཉམས་པའི་བགྲེས་པོ་ཞིག་སྟེ། ཆེས་གདོད་མའི་ངང་ཚུལ་ཡང་ལྡན་ཞིང་། འགྲོ་བ་སྤྱི་ཡི་འདོད་པའི་གསོས་སུ་སྨན་པའི་ཕན་རླབས་ཀྱང་ཆེས་ཆེར་ཡོད་མོད་ཀྱང་། དུས་རབས་ཀྱི་འཕོ་འགྱུར་དབང་གིས་འཕེལ་འགྲིབ་ཀྱི་སྐྱིད་སྡུག་དང་གོད་ཆག་གི་མནར་གཅོད་སོགས་ཁྲག་དྲི་བྲོ་བའི་གནས་ཚུལ་བསམ་ལས་འདས་པར་ཕོག་མྱོང་

ལྷག་པར་དུས་རབས་བདུན་པ་ནས་བཟུང་ལྷོ་མཐའི་རྒྱ་མཚོ་ལས་ཆོས་ཀྱི་རྦ་རླབས་བྱང་དུ་འཕྱུར་ཞིང་། ཤར་སྣེའི་མྱ་ངམ་ཐང་ལས་སྲིད་ཀྱི་ལྷགས་རླུང་ནུབ་ཏུ་འཚུབས་པས། ལོ་རབས་བརྒྱ་ཕྲག་དུ་མར་ཁ་བའི་རང་མདངས་འཚེར་བའི་དབུས་ཀྱི་གངས་རྒྱལ་ཏི་སེ་ཡི་རང་བྱུང་དྲི་མེད་ཆོས་རིག་གི་གཟི་དཔལ་དེ་ཉིད་རེ་ཞིག་ནག་ནོག་དབྲེ་བཙོག་གིས་སྦག་འགོ་ཚུགས།

འོན་ཀྱང་། བོན་གཤེན་གོང་མའི་ཐུགས་རྗེའི་སྤྲིན་གསེབ་ལས་འཁྲུངས་པའི་ཐུགས་སྨོན་གྱི་ཁ་བའི་མེ་ཏོག་བར་མེད་ཅིག་བོན་འབངས་འགྲོ་བའི་བསོད་ནམས་ཀྱི་ཞིང་སར་སིབ་སིབ་ཏུ་བབས་པས། ཏི་སེ་གངས་ཀྱི་གཟི་ཉམས་སླར་ཡང་གསོས་ཤིང་བྱིན་ཆགས་སྔར་ལྟར་དཔལ་དུ་འབར། ལྷུན་གྱིས་བརྗིད་པའི་སྲིད་པའི་གངས་རྒྱལ་དེའི་གཏོས་ལས་ཁ་འབབ་རྣམ་བཞིས་གཙོས་པའི་ཆུ་བོའི་རྒྱུད་ལུང་མན་ངག་ཟབ་མོའི་ལེགས་བཤད་ཀྱང་ཕྱོགས་བཞིའི་ཀླུང་གཤོངས་སུ་བཞུར། དེ་བཞིན་དུས་དང་སྐབས་ལ་རན་པའི་མཚོ་དང་། མཚེའུ། རྫིང་བུ། ན་མར། ནེའུ་གསིང་དང་བཅས་པའི་བོན་གཏེར་ཡང་རབས་དང་རིམ་པར་བརྡོལ་བས། སྔར་ཞང་ཞུང་སྒོ་ཕུགས་བར་གསུམ་དང་བོད་ཁམས་རུ་བཞིར་གྲགས་པའམ། ཕྱིས་ཁྲི་སྐོར་བཅུ་གསུམ་དུ་གྲགས་པ་དེ་དག་ཙམ་དུ་མ་ཟད། རི་བོ་ཧི་མ་ལ་ཡའི་རྒྱབ་མདུན་གྱི་གངས་སུལ་ཀུན་དང་མཐའ་མཚམས་ཀྱི་གནའ་གྲོང་ཇི་སྙེད་ཅིག་ཏུའང་སྲིད་པའི་གངས་རྒྱལ་དེ་ཡི་གངས་ཆབ་ཀྱི་བཞུར་རྒྱུན་ལས་བྱུང་བའི་ཐིགས་རྡོག་རེ་རེ་ཡང་འགྲོ་བའི་ཡིད་ཀྱི་མྱ་ངན་ནམ་ཟུག་རྔུའི་སྐོམ་གདུང་སེལ་བའི་བདུད་རྩིའི་སྙིང་པོ་ཁོ་ནར་གྲུབ། 

དེ་ལྟར་བདུད་རྩིའི་ཐིགས་འཕྲེང་རྒྱུན་ཏུ་ཟགས་པའི་ཐིགས་རྡོག་རེ་རེ་ཡན་ཆད་བསྲུང་བར་བརྩོན་པའི་གྲུབ་ཐོབ་རིག་པ་འཛིན་པའི་སྐྱེས་ཆེན་བསམ་གྱིས་མི་ཁྱབ་པར་བྱོན་པ་སྟེ། མཁས་པ་མི་བཞི་དང་། མཐུ་ཆེན་མི་དགུ། གཏེར་སྟོན་བརྒྱ་རྩ། གདུང་རྒྱུད་ཆེ་ལྔ། གཞན་ཡང་རྒྱལ་བ་མཉམ་མེད་ཆེན་པོ་ནས་ད་ལྟའི་རྒྱལ་བ་སྨན་རི་བའི་མཁན་སློབ་ཉི་ཟླ་ཟུང་འབྲེེལ་གྱི་བར་དུ་རང་གི་གཅེས་སྲོག་ལའང་ཅི་མི་སྙམ་པར་ལུང་རྟོགས་ཀྱི་བསྟན་པ་འདི་ཉིད་ཁོ་ནར་གཙིགས་སྦྱིན་པའི་བསྟན་འཛིན་གྱི་སྐྱེས་མཆོག་ཇི་སྙེད་ཅིག་བྱོན་པ་དེ་དག་གི་ཐུགས་རྗེའི་བཀའ་དྲིན་ལས་ད་ལྟའི་ཆར་གངས་ཆབ་བསིལ་མ་འདི་དག་ལ་ཡིད་སྨོན་འཆོར་མཁན་ནི་གླིང་ཆེན་ཨེ་ཤི་ཡའི་ནུབ་མཐའ་ལས་བརྒལ་ཏེ་ཕྱི་གླིང་ཨ་རི་དང་ཡུ་རོབ་སོགས་སུའང་ཁྱབ་ནས་ཡོད།

དེང་སྐབས་ནུབ་གླིང་དེ་དག་ན་འདི་ཉིད་ལོངས་སུ་སྤྱོད་སའི་བོན་ཚོགས་དང་། ཐུགས་སྣང་མཛད་སའི་མཐོ་སློབ་ཀྱང་ཡོད་པས་མ་ཚད། རྒྱ་ཡུལ་གཙོས་པའི་ཤར་ཕྱོགས་སུའང་དོན་གཉེར་ཅན་ཡང་འཕེལ་བཞིན་འདུག་པས། དེ་ནི་འཛམ་གླིང་གི་ཡང་རྩེ་ནས་བཞུར་བའི་ལོ་རྒྱུས་ཀྱི་ཉིང་བཅུད་ཀྱིས་ཕྱུག་པའི་རོ་མཆོག་བརྒྱ་ལྡན་གྱི་གངས་ཆུ་བསིལ་མ་དེ་ཉིད་འཛམ་གླིང་ས་ཆེན་ཡངས་པའི་སྟེང་དུ་འཚོ་བའི་འགྲོ་བ་མི་ཡི་རིགས་ལ་ཡིད་ཀྱིས་མནར་བའི་སྐོམ་གདུང་སེལ་བར་བྱེད་པའི་ཞི་བདེའི་ལེགས་སྐྱེས་ཕུལ་དུ་བྱུང་བ་ཞིག་ལོས་ཀྱང་ཡིན་པར་སྙམ།

 རྒྱུ་མཚན་དེ་དག་ལ་བརྟེན་ནས་འདི་གའི་བལ་པོའི་རྒྱལ་ས་ཡམ་བུར་གནས་འཁོད་བོན་གྱི་གདན་ས་༧དཔལ་ལྡན་ཁྲི་བརྟན་ནོར་བུ་རྩེའི་གཡུང་དྲུང་བོན་གྱི་ཆེས་མཐོའི་གཙུག་ལག་སློབ་གཉེར་ཁང་གི་རྩོམ་རིག་སྡེ་ཚན་བགྲེས་པོའི་འབེལ་གཏམ་རྩོམ་སྒྲིག་ཁང་གིས་བོན་དང་འབྲེལ་བའི་ཕྱི་ནང་གི་དོན་གཉེར་ཅན་རྣམས་དང་ཞིབ་འཇུག་པ་དག་ལ་ངོ་སྤྲོད་རྒྱུས་ལོན་ལེགས་པར་ཡོང་རེར་དམིགས ་ཏེ། བོན་དང་བོན་གྱི་གནས་རི་དགོན་སྡེ་མི་སྣ་ངོ་སྤྲོད་དང་། ལོ་རྒྱུས་རྒྱལ་རབས་བསྟན་འབྱུང་། དཔྱད་རྩོམ་དང་ལྷུག་རྩོམ། སྙན་རྩོམ་དང་གནས་ཚུལ་ཅི་རིགས་འཁོད་པའི་ལོ་དེབ་འདི་བཞིན་འདོན་སྤེལ་ཞུས་དང་ཞུ་མུས་ལྟར་འདི་ལོའི་འདོན་ཐེངས་བཅུ་གཅིག་པ་འདིར་ཡང་ཕྱི་ནང་གི་སྨྱུག་ཐོགས་པ་གང་མང་ཞིག་ནས་རྩོམ་ཡིག་སྣ་མང་དང་ལེགས་སྤེལ་ཉེས་འགོག་གི་ལམ་སྟོན་ཟབ་མོ་གནང་བྱུང་བར་སྙིང་ཐག་པ་ནས་ཐུགས་རྗེ་ཞུའོ།། །།

གཙོ་སྒྲིག་པ་ཆོས་འཁོར་ཚང་དགེ་བཤེས་གཡུང་དྲུང་རྒྱ་མཚོས།

·གསར་འགྱུར་གོང་མ:ཁྱེད་དང་ང་ཡི་༼རླུང་རྟ་་སྐྱོད་ས།༽
·གསར་འགྱུར་འོག་མ:༼བོད་ཀྱི་སྲོལ་རྒྱུན་དམངས་གཞས་བདམས་བསྒྲིཊ་༽
འདྲ་ཕབ། 】 【 པར་འདེབས།
  འབྲེལ་ཡོད་གསར་འགྱུར།
·ཆུ་ཐིགས་འཕྲུལ་དེབ་དེབ་ཕྲེང་བཞི་བ་སྐོར་དང་གཉིས་དྲ་ཐོག་བཀྲམ་པ། 2014/9/24 15:46:30
·༼བྱམས་བརྩེ་དང་སློབ་གསོ་ཞེས་པའི་དེབ་གསར་མཚམས་སྦྱོར། 2014/8/24 19:09:35
·འཛམ་གླིང་གི་མི་སྣ་གྲགས་ཅན་གྱི་གཏམ་རྒྱུད་འགྲེམ་སྤེལ་བྱས། 2014/3/29 22:26:39
·བགྲེས་པོའི་འབེལ་གཏམ་ཐེངས་༡༤པ་ལེགས་ཐོན་བྱུང་བ། 2014/3/8 9:20:27
·ཆུ་ཐིགས་དེབ་ཕྲེང་གསུམ་པ་བཀྲམ་པ། 2014/3/7 19:11:52
ཆེད་ཞུ།:དྲ་ཚིགས་འདིའི་ནང་གི་རྒྱུ་ཆ་ཚང་མ་ནི་ངེད་ཀུང་ཟིས་འཚོལ་བསྡུ་དང་ལེགས་བསྒྲིགས་བྱས་པ་ཡིན་པས། ངེད་ཀུང་ཟིས་དགོངས་འཁྲོལ་མེད་ཚེ་གང་དུ་པར་བཤུས་བརྒྱབ་མི་ཆོག གལ་སྲིད་སྐུ་ཉིད་ཀྱི་ཁེ་ཕན་ལ་གནག་པའི་ཆ་ཡོད་ཚེ། ཁྱེད་ཀྱིསའབྲེལ་གཏུགས་གནང་རོགས།
  འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 10:09:45 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 13:29:40 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/16 20:08:11 [来自: 112.5.248.229]

འབྲེལ་ཡོད་དཔྱད་བརྗོད 46 ཡོད། མིག་སྔར་གསར་འགྱུར当前显示最新的 3 འདུག   [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།23.44MS