ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> གསར་འགྱུར། >> འཕྲུལ་གྱི་རྒྱང་ཤེལ། >> ཚོང་ལམ
  གསར་འགྱུར་ཀློག་པ།

དབྱར་རྩྭ་དགུན་འབུའི་རབ་བྱེད།

[རྩོམ་པ་པོ:ཆོས་དཔལ་བཟང་པོ་སོགས།  ཡོང་ཁུངས:ངེད་དྲ་བ།  དུས་ཚོད:2011/9/24 10:11:15  བཀླགས་ཐེངས:4029][ཡིག་གཟུགས:ཡིག་གཟུགས་མདོག]

 དབྱར་རྩྭ་དགུན་འབུའི་རབ་བྱེད།

 

དབྱར་རྩྭ་དགུན་འབུ་བོད་ལ་བཀའ་དྲིན་ཆེ།།

ད་ལྟ་རྒྱ་ཧེ་ཚོང་པའི་ཕྱུག་རྩར་འགྲིམ།།

རང་མགོ་རང་གིས་འཐོན་རྒྱུར་གསོལ་བ་འདེབས།།

དམངས་རྣམས་ཚོང་དོན་བློ་སྒོ་བྱེ་བར་ཤོག །

 

བོད་ལ་དབྱ་རྩྭ་དགུན་འབུ་མ་སྐྱེས་ན།།
འབངས་ཀྱི་དཔལ་འབྱོར་འཚོ་ཐབས་དཀའ་མོ་གདའ།། 
རྩྭ་སྨན་བརྐོ་དུས་གཟབ་གཟབ་མ་བྱས་ན།། 
ཁོར་ཡུག་ཉམ་ཆག་འགྲོ་བར་ཐག་མི་རིང་།།    

 

བོད་རང་སྐྱོང་ལྗོངས་སུ་དབྱར་རྩྭ་དགུན་འབུ་བརྐོ་བའི་དུས་ཚིགས་སླེབས་པ།
སྤེལ་དུས། 2010-05-14ཡོང་ཁུངས། ཀྲུང་གོའི་བོད་ལྗོངས་གསར་འགྱུར་དྲ་བ།   
    གསར་འགོད་པས་ཚེས་༡༠ཉིན་ཚོགས་པའི་ལྗོངས་ཡོངས་ཀྱི་དབྱར་རྩྭ་དགུན་འབུའི་དོ་དམ་ལས་དོན་གྱི་བརྙན་འཕྲིན་ཁ་པར་ཚོགས་འདུའི་ཐོག་ཤེས་རྟོགས་བྱུང་བའི་གནས་ཚུལ་ལྟར་ན། བོད་ལྗོངས་སུ་དབྱར་རྩྭ་དགུན་འབུ་བརྐོ་བའི་དུས་ཚིགས་སུ་སླེབས་ཡོད་པ་རེད།
   ཤེས་རྟོགས་བྱུང་བའི་གནས་ཚུལ་ལྟར་ན། ཟླ་༥ཚེས་༩ཉིན་བར། ལྗོངས་ཡོངས་སུ་རི་འགོར་དབྱར་རྩྭ་དགུན་འབུ་བརྐོ་བར་སོང་པའི་མི་༨༨༤༦༤ཡོད་ཅིང་། ཉིན་རེར་མི་སྟོང་གཅིག་རེ་ཇེ་མང་དུ་འགྲོ་བཞིན་ཡོད་པ་རེད། དབྱར་རྩྭ་དགུན་འབུའི་ཐོན་ཁུངས་ཡོད་ས་དང་རྫོང་ཁག་གིས་དབྱར་རྩྭ་དགུན་འབུ་བརྐོ་བ་དང་དེའི་ཉོ་ཚོང་དོ་དམ་ལས་དོན་དེ་མིག་སྔའི་ལས་དོན་གཙོ་བོ་ཞིག་ཏུ་བཟུང་ནས། བོད་རང་སྐྱོང་ལྗོངས་ཀྱི་དབྱར་རྩྭ་དགུན་འབུ་བརྐོ་བའི་གནས་སྐབས་དོ་དམ་བྱེད་ཐབསདང་། བོད་རང་སྐྱོང་ལྗོངས་ཀྱི་དབྱར་རྩྭ་དགུན་འབུའི་ཉོ་ཚོང་གི་གནས་སྐབས་དོ་དམ་བྱེད་ཐབསགཉིས་ལག་བསྟར་དཔྱིས་ཕྱིན་པ་བྱས་པའི་རྨང་གཞིའི་སྟེང་། ནན་ཏན་གྱིས་ད་ལོའི་དབྱར་རྩྭ་དགུན་འབུའི་ཉོ་ཚོང་གནས་ཚུལ་ལ་དབྱེ་ཞིབ་བྱས་ནས། དམིགས་ཡུལ་ཡོད་པའི་སྒོ་ནས་འབྲེལ་ཡོད་བྱ་ཐབས་གཏན་འབེབས་དང་དྲིལ་བསྒྲགས་ལམ་སྟོན་སོགས་ལ་ཤུགས་སྣོན་རྒྱག་བཞིན་ཡོད་པ་དང་། རྩྭ་ཐང་གི་སྐྱེ་ཁམས་ཁོར་ཡུག་སྲུང་སྐྱོབ་བྱེད་པའི་དུས་མཚུངས་སུ་ཞིང་འབྲོག་དམངས་ཀྱི་ཁེ་ཕན་སྲུང་སྐྱོབ་བྱས་ནས། ད་ལོའི་དབྱར་རྩྭ་དགུན་འབུ་བརྐོ་བའི་དུས་སྐབས་ཀྱི་ཐོན་སྐྱེད་བདེ་འཇགས་དང་གནས་བབ་བརྟན་ལྷིང་ཡོང་བར་ཁག་ཐེག་བྱེད་བཞིན་ཡོད།
   ཤེས་རྟོགས་བྱུང་བ་ལྟར་ན།༢༠༠༩ལོར་བོད་ལྗོངས་སུ་དབྱར་རྩྭ་དགུན་འབུ་ཐོན་པའི་རྫོང་༣༨ཡོད་ཅིང་།ལོ་ཧྲིལ་བོར་དབྱར་རྩྭ་དགུན་འབུ་རྐོ་མཁན་གྱི་ཞིང་འབྲོག་དམངས་ཁྲི་༣༧༧ཙམ་བྱུང་བ་དང་།ལོ་གོང་མ་དང་བསྡུར་ན་མི་ཁྲི་༤༩ཇེ་ཉུང་དུ་ཕྱིན་ཡོད་པ་རེད།ལོ་ཧྲིལ་བོའི་དབྱར་རྩྭ་དགུན་འབུའི་ཐོན་ཚད་རྒྱ་མ་ཁྲི་༣༦ཟིན་ཞིང་།ལོ་གོང་མ་དང་བསྡུར་ན་བརྒྱ་ཆའི་༢༥ཉུང་དུ་ཕྱིན་ཡོད་པ་རེད།ཡང་དབྱར་རྩྭ་དགུན་འབུ་ཉོ་ཚོང་བྱས་པའི་སྒོར་དུང་ཕྱུར་༢༠ཙམ་ལ་སླེབས་ཤིང་།ཞིང་འབྲོག་དམངས་ཀྱི་ཡོང་འབབ་འཕར་སྣོན་དང་ཞིང་འབྲོག་ས་ཁུལ་གྱི་འཛད་སྤྱོད་ལ་སྐུལ་ཁྲིད་བྱེད་པ་སོགས་ཀྱི་ཐད་ནུས་པ་གལ་ཆེན་ཐོན་ཡོད།
 
   དབྱརརྩྭ་དགུན་འབུ།དབྱར་རྩྭ་དགུན་འབུ་ནི་སྨན་རྫས་ཆེས་རིན་ཐང་ཆེན་པོ་ཞིག་ཡིན་ཞིང་། ས་མཐོའི་བོད་དང་རི་བོ་ཧི་མ་ལ་ཡའི་རི་རྒྱུད་བལ་ཡུལ་དང་འབྲས་ལྗོངས་སོགས་ཀྱི་རི་མགོ་སྤང་ལྗོངས་དང་འབྲོག་ས་སོགས་སུ་ཐར་ཐོར་སྐྱེས་ཡོད། སྨན་རྩྭ་འདི་གཙོ་ཆེ་བ་བོད་ནང་སྐྱེ་ཞིང་། དེ་ཡང་རྒྱ་མཚོའི་ངོས་ནས་སྨི་༤༣༠༠ནས་༥༠༠བར་གྱི་ས་བབ་མཐོ་ཚད་ལ་སྐྱེས་ཡོད་པ་འཁྲུངས་དཔེ་དྲི་མེད་ཤེལ་གྱི་མེ་ལོང་ནང་གསལ་འདུག དབྱར་རྩྭ་དགུན་འབུ་ནི་དོན་དངོས་ཐོག་དབྱར་ཁ་རྩྭ་དང་དགུན་ཁ་སྲོག་ལྡན་འབུ་ཞིག་ཡིན་ཅིང་། དེ་ཡང་འཁྲུངས་དཔེ་དྲི་མེད་ཤེལ་གྱི་མེ་ལོང་ལས། ལོ་གཅིག་ལ་སྐྱེ་བའི་རྩྭ་རིགས་ཏེ་ཐོག་མར་དགུན་དུས་འབུ་མེ་ལྕེ་བ་ཕྱེ་ལེབ་རིགས་ཀྱི་འབུ་ཕྲུག་སའི་གཏིང་དུ་ཡོད་པའི་ལུས་ལ་འབུ་ཕྲ་ཞུགས་ནས་ཤི་བའི་ལུས་སླར་ཡང་སྐྱེ་དངོས་ཀྱི་རྩྭ་རུ་གྱུར་ནས་སྐྱེས་པ་ཡིན་པས། ཤ་རྒྱུའི་རྩ་བ་ཕྱི་སེར་ལ་ནང་དཀར་བ་འཕྲེད་གཉེར་དང་ལྡན་པ། མགོ་དང་ཁ་ཡོད་པ་མ་ཟད། ལྟོ་བར་རྐང་ལག་ཆ་བརྒྱད་ཡོད་པ་སོགས་འབུ་ཡི་ལུས་ཇི་ལྟར་བ་ལ། ལྟག་པའི་རྒྱུད་དུ་སྤུ་ཐུང་ནག་ཞིབ་ཐར་ཐོར་ཡོད་པ། ལུས་ཚད་ཕལ་ཆེར་སྨི༠.༠༥ནས་༠.༠༦ཙམ་ཟིན་པ་སའི་ནང་ཐད་ཀར་ཟུག་པ་དང་། ཟླ་༥ནས་༦པར་ས་ངོས་སུ་སྡོང་པོ་ཁམ་སྨུག་གམ་ཁམ་ནག་སྟོད་སྦོམ་ཞིང་སྨད་ཕྲ་བ་ནང་ཤ་དཀར་པོ་ཅན། ཁོག་སྟོང་རིང་ཚད་སྨི་༠.༠༣ནས་༠.༠༦ཙམ་ཟིན་པ་མངོན་པ་དེ་འབུ་ལ་རྭ་སྐྱེས་པ་དང་འདྲ་བས་ཕལ་གྱིས་བེའུ་ར་ཞེས་ཟེར་ཡང་དོན་དུ་ཤ་མོའི་རིགས་ཡིན། དེ་རིམ་བཞིན་ཆེ་རུ་རྒྱས་པ་དང་། རྩ་བའི་བཅུད་དམ་ནུས་པ་ཞན་དུ་ཕྱིན་ནས་ཟླ་བ་༧པ་ཙམ་ནས་ཕལ་ཆེར་རྩ་བ་རུལ་ཏེ་མེད་པར་འགྲོ་བསོགས་གསལ་འདུག
  དབྱར་རྩྭ་དགུན་འབུ་ནི་གནའ་དུས་ནས་ཡོད་པའི་སྨན་རྩྭ་ཞིག་ཡིན་ཡང་། སྤྱི་ཚོགས་ནང་དཔལ་འབྱོར་གྱི་རིན་ཐང་ལྡན་ཡོད་པ་དུས་རབས་ཉི་ཤུ་པའི་དུས་དཀྱིལ་ཙམ་ནས་གཞི་ནས་ཤེས་རྟོགས་དང་དར་སྲོལ་བྱུང་བར་མངོན། དེ་ནས་ལོ་ལྟར་ཟླ་༤ནས༧བར་ལ་བོད་རིགས་ཞིང་འབྲོག་མི་མང་ཆེས་མང་པོས་རྩ་ཆེན་སྨན་རྩྭ་འདི་རྐོ་རུ་རི་ཀླུང་དང་། སྤང་གཤོང་སོགས་ལ་ཉིན་མཚན་བསྒྲིལ་ནས་ཟླ་བ་ཁ་ཤས་རིང་ཕྱོགས་སྐྱོད་བྱེད་ཀྱི་ཡོད་པ་དང་། ཁྱིམ་ཚང་འགའ་ཤས་ཀྱི་ནང་མི་ཚང་མས་རྐོ་བཞིན་ཡོད།
 
དབྱར་རྩྭ་དགུན་འབུ་སེམས་ཀྱི་ཉི་ཟླ་རྫོང་གི་ཚོང་རར་ཐོན་ཡོད་པ།
             ཚེ་རིང་རྒྱ་མཚོས་བསྒྱུར།    ཡོང་ཁུངས། སེམས་ཀྱི་ཉི་ཟླའི་དྲ་བ།  2011-05-19 
 
     དབྱར་རྩྭ་དགུན་འབུ་སེམས་ཀྱི་ཉི་ཟླ་རྫོང་གི་ཚོང་ར་ནང་ཐོན་ཡོད་པ་དང་།  མང་ཚོགས་ཀྱིས་དབྱར་རྩྭ་དགུན་འབུ་ཕྱི་འཚོང་བྱེད་བཞིན་པ། 

 
 ཀྲུང་གོ་བོད་ཀྱི་དྲ་བའི་འཕྲིན།  ཟླ5བའི་ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་ལ་དཔྱིད་ཀྱི་དཔལ་མོ་ཐོན་ཡོད་པ་དང་། སྲང་ལམ་གྱི་གང་ས་གང་དུ་མི་ཚོགས་ཀྱིས་ཁེངས་འདུག གནས་འདིའི་སྨན་རྩྭ་་རྩ་ཆེན་ཏེ་དབྱར་རྩྭ་དགུན་འབུ་ཚོང་རར་ཐོན་ཡོད་པས།  གནས་སྐོར་བའི་ཡིད་དབང་བཀུག ། 
 དབྱར་རྩྭ་དགུན་འབུ།    
རྒྱལ་་སྤྱིའི་སྟོངས་ལ་ཉེ་བའི་རི་སྐྱེས་སྲོག་ཆགས།  ཀྲུང་གོའི་བོད་ལྗོངས་དྲ་བ་ལས།
 
    དབྱར་རྩྭ་དགུན་འབུ་ཞེས་པ་ནི་རྩ་ཆེའི་སྨན་རྫས་ཆེས་རིན་ཐང་ཆེན་པོ་ཞིག་ཡིན་ཞིང་། ས་མཐོའི་བོད་དང་རི་བོ་ཧི་མ་ལ་ཡའི་རི་རྒྱུད་བལ་ཡུལ་དང་འབྲས་ལྗོངས་སོགས་ཀྱི་རི་མགོ་སྤང་ལྗོངས་དང་འབྲོག་ས་སོགས་སུ་ཐར་ཐོར་སྐྱེ་ཡི་ཡོད། སྨན་རྩྭ་འདི་གཙོ་ཆེ་བ་བོད་ནང་སྐྱེ་ཞིང་། དེ་ཡང་རྒྱ་མཚོའི་ངོས་ནས་མི་ཊར་༤༣༠༠ནས་༥༠༠བར་གྱི་ས་འབབ་མཐོ་ཚད་ལ་སྐྱེ་ཡི་ཡོད་པ་འཁྲུངས་དཔེ་དྲི་མེད་ཤེལ་གྱི་མེ་ལོང་ནང་གསལ་འདུག་དབྱར་རྩྭ་དགུན་འབུ་ནི་དོན་དངོས་ཐོག་དབྱར་ཁ་རྩྭ་དང་དགུན་ཁ་སྲོག་ལྡན་འབུ་ཞིག་ཡིན་ཅིང་། དེ་ཡང་འཁྲུངས་དཔེ་དྲི་མེད་ཤེལ་གྱི་མེ་ལོང་ལས། “ལོ་གཅིག་ལ་སྐྱེ་བའི་རྩྭ་རིགས་ཏེ་ཐོག་མར་དགུན་དུས་འབུ་མེ་ལྕེ་བ་ཕྱེ་ལེབ་རིགས་ཀྱི་འབུ་ཕྲུག་སའི་གཏིང་དུ་ཡོད་པའི་ལུས་ལ་འབུ་ཕྲ་ཞུགས་ནས་ཤི་བའི་ལུས་སླར་ཡང་སྐྱེ་དངོས་ཀྱི་རྩྭ་རུ་གྱུར་ནས་སྐྱེས་པ་ཡིན་པས། ཤ་རྒྱུའི་རྩ་བ་ཕྱི་སེར་ལ་ནང་དཀར་བ་འཕྲེད་གཉེར་དང་ལྡན་པ། མགོ་དང་ཁ་ཡོད་པ་མ་ཟད། ལྟོ་བར་རྐང་ལག་ཆ་བརྒྱད་ཡོད་པ་སོགས་འབུ་ཡི་ལུས་ཇི་ལྟར་བ་ལ། ལྟག་པའི་རྒྱུད་དུ་སྤུ་ཐུང་ནག་ཞིབ་ཐར་ཐོར་ཡོད་པ། ལུས་ཚད་ཕལ་ཆེར་སྨི༠.༠༥ནས་༠.༠༦ཙམ་ཟིན་པ་སའི་ནང་ཐད་ཀར་ཟུག་པ་དང་། ཟླ་༥ནས་༦པར་ས་ངོས་སུ་སྡོང་པོ་རྗ་སྨུག་གམ་ཁམ་ནག་སྟོད་སྦོམ་ཞིང་སྨད་ཕྲ་བ་ནང་ཤ་དཀར་པོ་ཅན། ཁོག་སྟོང་རིང་ཚད་སྨི་༠.༠༣ནས་༠.༠༦ཙམ་ཟིན་པ་མངོན་པ་དེ་འབུ་ལ་རྭ་སྐྱེས་པ་དང་འདྲ་བས་ཕལ་གྱིས་བེའུ་ར་ཞེས་ཟེར་ཡང་དོན་དུ་ཤ་མོའི་རིགས་ཡིན། དེ་རིམ་བཞིན་ཆེ་རུ་རྒྱས་པ་དང་། རྩ་བའི་བཅུད་དམ་ནུས་པ་ཞན་དུ་ཕྱིན་ནས་ཟླ་བ་༧པ་ཙམ་ནས་ཕལ་ཆེར་རྩ་བ་རུལ་ཏེ་མེད་པར་འགྲོ་བ”སོགས་གསལ་འདུག དབྱར་རྩྭ་དགུན་འབུ་ནི་གནའ་དུས་ནས་ཡོད་པའི་སྨན་རྩྭ་ཞིག་ཡིན་ཡང་། སྤྱི་ཚོགས་ནང་དཔལ་འབྱོར་གྱི་རིན་ཐང་ལྡན་ཡོད་པ་དུས་རབས་ཉི་ཤུ་པའི་དུས་དཀྱིལ་ཙམ་ནས་གཞི་ནས་ཤེས་རྟོགས་དང་དར་སྲོལ་བྱུང་བར་མངོན། དེ་ནས་ལོ་ལྟར་ཕྱི་ཟླ་༤ནས༧བར་ལ་བོད་རིགས་ཞིང་འབྲོག་མི་མང་ཆེས་མང་པོས་རྩ་ཆེན་སྨན་རྩྭ་འདི་རྐོ་རུ་རི་ཀླུང་དང་། སྤང་གཤོང་སོགས་ལ་ཉིན་མཚན་བསྒྲིལ་ནས་ཟླ་བ་ཁ་ཤས་རིང་ཕྱོགས་སྐྱོད་བྱེད་ཀྱི་ཡོད་པ་དང་། ཁྱིམ་ཚང་འགའ་ཤས་ཀྱི་ནང་མི་ཚང་མ་རྐོ་རུ་འགྲོ་ཡི་ཡོད། དབྱར་རྩ་དགུན་འབུ་རྐོ་བ་དང་ཉོ་ཚོང་བྱས་པར་བརྟེན་ནས་བོད་རིགས་འབྱོར་ལྡན་ཆགས་མཁན་གང་མང་བྱུང་ཡོད། དབྱར་རྩ་དགུན་འབུན་ནི་བོད་ཀྱི་ས་གཤིས་བཟང་ས་དང་ཐོན་ཁུངས་ཡོད་ས་མང་ཆེ་བར་ཡོད་པ་དང་། འདི་རྐོ་དུས་སྔོ་ལྗང་ཅན་གྱི་སྤང་གཤོང་མང་པོ་ས་དོང་དྲོས་ཏེ་རང་བྱུང་ཁོར་ཡུག་ལ་གཏོར་སྐྱོན་ཚབས་ཆེན་ཡོང་གི་ཡོད་པ་མ་ཟད། གཞི་རྒྱ་ཆེ་བའི་སྤང་དང་རྩྭ་ཐང་ཆེས་མང་པོ་ཉམས་རྒུད་འགྲོ་ཡི་ཡོད། དཔེར་ན་དབྱར་རྩྭ་དགུན་འབུ་རྐང་གཅིག་རྐོ་དགོས་ན་སྤང་ལ་མི་ཊར་གསུམ་ཙམ་རྐོ་སློག་དགོས་ཀྱི་ཡོད། རྩ་ཆེའི་སྨན་རྩྭ་འདི་རིགས་ཚད་ལས་བརྒལ་བ་སྔོག་འདོན་བྱས་པའི་རྐྱེན་གྱིས་རྩ་སྟོངས་སུ་འགྲོ་བའི་ཉེན་ཁའི་མཚམས་སུ་སླེབས་ཡོད་པ་དང་། ལྷག་པར་དུ་རྨ་ཆུ་དང་། རྫ་ཆུ། འབྲི་ཆུ་གསུམ་གྱི་རྒྱུད་དུ་ཡོད་པའི་དབྱར་རྩྭ་དགུན་འབུ་ནི་ཆེས་ཡག་ཤོས་སུ་བརྩི་ཡི་ཡོད་ཅིང་། ཆུ་བོ་འདི་གསུམ་གྱི་རྒྱུད་དུ་གནས་པའི་མི་འབུམ་གཅིག་ལྷག་གི་ལོ་རེ་སྨན་རྩྭ་འདི་སྔོག་འདོན་བྱེད་ཀྱི་ཡོད་པས། ཆུ་ལོག་བརྒྱབ་པའི་གནས་ཚུལ་མང་པོ་ཡོང་སྟེ་འགྲོ་བ་མི་གཙོས་པའི་སེམས་ཅན་མང་པོ་འཚོ་གནས་ལ་གནོད་འཚེ་ཡང་ཡོང་གི་ཡོད། མདོ་དབུས་མཐོ་སྒང་གི་སྐྱེ་ཁམས་ཁོར་ཡུག་ལ་སྲུང་སྐྱོབ་བྱེད་པའི་སྐོར་བརྗོད་པ་ལྷག་བསམ་པདྨ་དཀར་བོའི་ཆུན་པོ་ཞེས་པའི་ནང་གསལ་བ་ལྟར་ན་དབྱར་རྩ་དགུན་འབུ་སྨིན་པའི་དུས་སུ་མཚོ་སྔོན་ཞིང་ཆེན་མཚོ་ལྷོ་ཁུལ་གྱི་ཁྲི་ཀ་རྗོང་སྒོ་མེ་གཡུ་ཚ་སྡེ་བའི་མཐའ་འཁོར་དུ་ཧོང་ཡོན་དང་། ཧོང་ཀྲུང་། ཧྭ་ལུང་གི་ཞིང་པ་རྣམས་ཀྱིས་གུར་༦༠༠ཕུབ་སྟེ་གུར་གཅིག་གི་ནང་ཉུང་མཐར་མི་གྲངས་དྲུག་རེ་ཡོད་པ་དང་། ད་དུང་རྗོང་ཁག་གཞན་ནས་ཡོང་བའི་མི་སོགས་བསྡོམས་ཉིན་རེར་མི་གྲངས་ཆིག་ཁྲི་ལྷག་གིས་སྒོ་མེ་གཡུ་ཚའི་ས་ཐོག་ཏུ་དབྱར་རྩྭ་དགུན་འབུ་རྐོ་རྩྭ་ཐང་ལ་གཏོར་སྐྱོན་གཏོང་གི་ཡོད་པ་སོགས་གསལ་ཡོད། སྐྱེ་ཁམས་རིག་པ་བ་ཚོས་དབྱར་རྩྭ་དགུན་འབུ་རྐོ་རྒྱུ་ལ་དོ་དམ་མ་བྱས་ན་འབྱུང་འགྱུར་རང་བྱུང་ཁམས་ལ་ད་ལྟ་ལས་ལྷག་པའི་གནས་ཚུལ་ཚབས་ཆེན་ལྷགས་རྒྱུན་ཡིན་པ་ཚོད་དཔག་བྱེད་ཀྱི་ཡོད། ལྷག་པར་དུ་བོད་རིགས་ནང་ཁུལ་ཡུལ་སྡེ་དང་མི་སྒེར་བཅས་ཀྱི་བར་མི་འཆམ་པའི་གནད་དོན་འབྱུང་རྩ་ཞིག་ཀྱང་ཆགས་ཡོད་ལ། དབྱར་རྩྭ་དགུན་འབུ་གནའ་དུས་བོད་ཀྱི་སྲོལ་རྒྱུན་སྨན་རྫས་ནང་མ་གཏོགས་བེད་སྤྱོད་མེད་ཅིང་། དེང་དུས་ཚན་རིག་ཤེས་བྱ་འཕེལ་རྒྱས་འགྲོ་བ་དང་བསྟུན། ཕྱེ་ལུགས་སྨན་དང་བྱུག་རྫས་སོགས་ནང་ཆེས་དགོས་མཁོ་ཆེན་པོ་ཡོད་པ་མ་ཟད། ཕན་ནུས་ཡང་ཚད་མཐོ་པོ་ཡོད་པས།  ཁྲོམ་རའི་ཐོག་རིན་གོང་ཆེས་ཆེན་པོ་ཆགས་ཡོད། རྒྱ་ནག ཐེ་ཝན། ཧོང་ཀོང་སོགས་ལ་ཕྱི་ཚོང་བྱས་ཏེ་སྤྱི་རྒྱ་རེ་ལ་ཨ་སྒོར་༣༥༠༠ནས་༥༠༠བར་རག་གི་ཡོད། དབྱར་རྩྭ་དགུན་འབུ་ཡག་ཤོས་གྲངས་༩༠༠ཙམ་གྱིས་རྒྱ་མ་གཅིག་ཆགས་ཀྱི་ཡོད་པ་དང་། དུས་རབས་ཉི་ཤུ་བའི་ལོ་རབས་བདུན་ཅུ་ཙམ་ནས་བཟུང་རྒྱ་ནག་དབུས་གཞུང་གིས་བོད་རིགས་མང་ཚོགས་ལ་ཁྲལ་དེད་ཀྱི་སྒོས་བོད་ཀྱི་རྩ་ཆེན་སྨན་རྩྭ་རིགས་ཆེས་མང་པོ་འཐུ་རྐོ་བྱས་བཅུག་ཡོད་པས།   དབྱར་རྩྭ་དགུན་འབུ་ཡང་ཨ་སྒོར་དུང་ཕྱུར་ལྷག་གི་རིན་ཐང་ལྡན་པའི་རྒྱ་ནག་ལ་དབོར་འདྲེན་བྱས་ཡོད་པ་བརྫོད་མི་དགོས། འབྱུང་འགྱུར་རྒྱ་ནག་གཞུང་གིས་སྟོངས་ལ་ཉེ་བའི་སྐྱེ་དངོས་རྩི་ཤིང་སྲུང་སྐྱོབ་ཀྱི་ཁྲིམས་གཞི་བཟུང་དབྱར་རྩྭ་དགུན་འབུ་སྔོག་འདོན་ལ་བཀག་འགོག་དོ་དམ་བྱེད་དགོས་པ་དང་། ལྷག་པར་བོད་མི་རྣམས་ཀྱིས་ཀྱང་རང་མི་རིགས་ཀྱི་ཆོས་རིག་གོམས་གཤིས་དང་མཐུན་པའི་ཁོར་ཡུག་སྲུང་སྐྱོབ་ལ་འགན་འཁུར་གྱི་ཐོག་ནས་དབྱར་རྩྭ་དགུན་འབུ་སྔོག་འདོན་ལ་ཚོད་འཛིན་བྱེད་དགོས་པ་དང་། དམིགས་བསལ་བོད་རིགས་རྣམས་ལ་འོས་འགན་ཆེན་པོ་ཡོད། མི་གྲངས་ཉུང་ཤས་ཤིག་དང་། སྒེར་གྱི་ཁེ་ཕན་ལ་མ་གཟིགས་པར། ཕུགས་རྒྱང་རིང་པོ་དང་སའི་གོ་ལའི་ཁོར་ཡུག་སྲུང་སྐྱོང་ལ་འགུན་ཁུར་དང་། རང་རྒྱལ་ཁབ་ཀྱི་ཐོན་རྫས་དང་རྒྱུ་ནོར་ལ་རང་ཉིད་ཀྱིས་ཚོད་འཛིན་མ་བྱས་ན་ཕྱིའི་མི་རིགས་ཀྱིས་ཚོད་འཛིན་དང་དོ་དམ་བྱེད་པར་དཀའ།།
 
 
ལྷོ་ཁ་ས་ཁུལ་གྱི་དབྱར་རྩྭ་དགུན་འབུ་སྔོག་འཐུའི་ལས་དོན་མཇུག་སྒྲིལ་མཚམས་སུ་སླེབས་ཡོད། 
-- བོད་ལྗོངས་རླུང་འཕྲིན།
    ལྷོ་ཁ་ས་ཁུལ་གྱི་དབྱར་རྩྭ་དགུན་འབུ་སྔོག་འཐུའི་དོ་དམ་ལས་དོན་གོ་རིམ་ལྡན་པའི་ངང་སྤེལ་བཞིན་ཡོད་པ་དང༌། ད་ལོ་རྒྱ་ཚ་སོགས་རྫོང་ཁག་དྲུག་ལ་དབྱར་རྩྭ་དགུན་འབུ་སྔོག་འཐུ་བྱེད་པའི་ལག་འཁྱེར་ཉིས་ཁྲི་ལྷག་ཙམ་སྤྲད་པ་དང༌། དབྱར་རྩྭ་དགུན་འབུ་བརྐོ་སའི་ཁུལ་ཉིས་བརྒྱ་ལྷག་ཙམ་གཏན་འཁེལ་བྱས་པ་མ་ཟད། གནས་སྡོད་ལས་དོན་ཚོགས་ཆུང་༥༨མངགས་གཏོང་བྱས་ཏེ་དབྱར་རྩྭ་དགུན་འབུ་སྔོག་འཐུ་བྱེད་པའི་རྒྱུད་རིམ་ནང་ཐོན་པའི་རྩོད་གཞི་ཁག་བཞི་འདུམ་སྒྲིག་བྱས་ཡོད་པ་རེད། ད་བར་རྒྱ་ཚ་དང༌། ལྷུན་རྩེ། མཚོ་སྨད། ཟངས་རི་བཅས་རྫོང་བཞིའི་དབྱར་རྩྭ་དགུན་འབུ་སྤྱིར་ན་བརྐོ་མཇུག་སྒྲིལ་ཟིན་པ་དང༌། མཚོ་སྣ་དང་ལྷོ་བྲག་རྫོང་གི་དབྱར་རྩྭ་དགུན་འབུ་བརྐོ་བའི་ལས་དོན་ཡང་མཇུག་སྒྲིལ་གྲབས་ཡོད་པ་རེད།
 
ལོ་ཕྱེད་རིང་དབྱར་རྩྭ་དགུན་འབུའི་རིན་གོང་ལྡབ་བཞི་ཡས་མས་འཕར་བ།
བདེ་ལྷ་མོས་བསྒྱུར།  བོད་ལྗོངས་ཉིན་རེའི་ཚགས་པར།  2011-01-24 
   2009ལོའི་ཟླ11པ་ནས་ད་བར་དུ། བོད་ལྗོངས་ཀྱི་ས་ཁུལ་རེ་རེའི་དབྱར་རྩྭ་དགུན་འབུའི་རིན་གོང་ལྡབ5ཡས་མས་འཕར་ཡོད་ཅིང་།  ཚོང་ར་དབྱེ་ཞིབ་པས་རིན་གོང་དེ་དབྱར་རྩྭ་དགུན་འབུའི་རིན་གོང་ཆེས་ཆེ་བའི་ཚད་དུ་སླེབས་ཡོད་པའི་ལྟ་ཚུལ་འཛིན་གྱི་ཡོད་མོད། འོན་ཀྱང་ཉེ་ལམ་དབྱར་རྩྭ་དགུན་འབུའི་སྤུས་ཀ་ལེགས་ཤོས་སུ་བརྩི་བའི་ནག་ཆུའི་དབྱར་རྩྭ་དགུན་འབུ་ཡང་བསྐྱར་ཚོང་རའི་སྟེང་བྲིན་ཁ་རྒྱུག་པོ་ཡོང་བའི་གནས་ཚུལ་བྱུང་ཡོད་ལ། དེར་བལྟས་ན། མ་འོངས་པའི་དུས་ཡུན་ངེས་ཅན་ཞིག་གི་རིང་དབྱར་རྩྭ་དགུན་འབུ་གསར་བའི་རིན་གོང་དེ་ད་དུང་མུ་མཐུད་དུ་ཡར་འཕར་བའི་ངེས་པ་ཡོད་པ་རེད། །
 
ལྷ་སའི་དབྱར་རྩྭ་དགུན་འབུའི་རིན་གོང་རྒྱ་མ་རེར་སྒོར་ཁྲི་༡༠ལ་འཕར་ཡོད་པ།
ཀྲུང་གོའི་བོད་ཀྱི་གསར་འགྱུར་དྲ་བ། -- བོད་ལྗོངས་རླུང་འཕྲིན་དྲ་བ།

    དབྱར་རྩྭ་དགུན་འབུ་ཉོ་ཚོང་ཁང་ཞིག་ཏུ་བཙོང་བར་སྒུག་ཡོད་པའི་དབྱར་རྩྭ་དགུན་འབུ། ཁ་སང་གསར་འགོད་པ་ལྷ་ས་གྲོང་ཁུལ་གྱི་དབྱར་རྩྭ་དགུན་འབུ་བཙོང་ས་འགར་སོང་ནས་ཤེས་གསལ་ལྟར་ན།  ཟླ་ངོ་གཅིག་གི་དུས་ཚོད་ཐུང་ངུའི་ནང་དུ་རིགས་སྣ་མི་གཅིག་པ་དང་རིམ་པ་མི་གཅིག་པའི་དབྱར་རྩྭ་དགུན་འབུའི་རིན་གོང་ཇེ་མཐོར་སོང་ཡོད་པ་དང༌།  དེའི་ནང་དུ་ནག་ཆུ་ནས་ཐོན་པའི་དབྱར་རྩྭ་དགུན་འབུ་ལེགས་ཤོས་རྒྱ་མ་རེར་སྒོར་ཁྲི ༡༠ ལ་འཕར་ཡོད།།
                                                                           རྩོམ་སྒྲིག་པ་བསོད་སྒྲོན། 
 

                                               དབྱར་རྩྭ་དགུན་འབུ།

                                                                     སྨན་རྩིས་དྲ་བ་ལས།      

    དབྱར་རྩྭ་དགུན་འབུ་ཞེས་པ་ནི་བོད་ཀྱི་གསོ་བ་རིག་པར་སྨན་རྫས་ལ་སྡེ་ཚན་བརྒྱད་དམ་གསུམ་དུ་དབྱེ་བ་ལས་རྩི་སྨན་གྱི་ཁོངས་སུ་གཏོགས་པའི་སྨན་རྫས་ཆེས་རིན་ཐང་ཆེན་པོ་ཞིག་ཡིན་ཞིང་། དེ་གཙོ་བོ་བོད་དང་ཧི་མ་ལ་ཡའི་རི་རྒྱུད་ཀྱི་བལ་ཡུལ། འབྲས་ལྗོངས། འབྲུག་ཡུལ་སོགས་ཀྱི་སྤང་ལྗོངས་དང་འབྲོག་ས་སོགས་རྒྱ་མཚོའི་ངོས་ནས་མཐོ་ཚད་མི་ཊར་༤༣༠༠ ནས་ ༥༠༠༠ བར་གྱི་ས་གཤིས་བཟང་སར་སྐྱེ་བཞིན་ཡོད། དབྱར་རྩྭ་དགུན་འབུ་ནི་དོན་དངོས་ཐོག་དབྱར་ཁ་རྩྭ་དང་དགུན་ཁ་སྲོག་ལྡན་གྱི་འབུ་རུ་འགྱུར་འགྲོ་བ་ཞིག་ཡིན་ཅིང་། དེ་ཡང་འཁྲུངས་དཔེ་དྲི་མེད་ཤེལ་གྱི་མེ་ལོང་ལས། “ལོ་གཅིག་ལ་སྐྱེ་བའི་རྩྭ་རིགས་ཏེ་ཐོག་མར་དགུན་དུས་འབུ་མེ་ལྕེ་བ་ཕྱེ་ལེབ་རིགས་ཀྱི་འབུ་ཕྲུག་སའི་གཏིང་དུ་ཡོད་པའི་ལུས་ལ་འབུ་ཕྲ་ཞུགས་ནས་ཤི་བའི་ལུས་སླར་ཡང་སྐྱེ་དངོས་ཀྱི་རྩྭ་རུ་གྱུར་ནས་སྐྱེས་པ་ཡིན་པས། ཤ་རྒྱུའི་རྩ་བ་ཕྱི་སེར་ལ་ནང་དཀར་བ་འཕྲེད་གཉེར་དང་ལྡན་པ། མགོ་དང་ཁ་ཡོད་པ་མ་ཟད། ལྟོ་བར་རྐང་ལག་ཆ་བརྒྱད་ཡོད་པ་སོགས་འབུ་ཡི་ལུས་ཇི་ལྟ་བ་ལ། ལྟག་པའི་རྒྱུད་དུ་སྤུ་ཐུང་ནག་ཞིབ་ཐར་ཐོར་ཡོད་པ། ལུས་ཚད་ཕལ་ཆེར་སྨི༠.༠༥ནས་༠.༠༦ཙམ་ཟིན་པ་སའི་ནང་ཐད་ཀར་ཟུག་པ་དང་། ཟླ་༥ནས་༦པར་ས་ངོས་སུ་སྡོང་པོ་རྗ་སྨུག་གམ་ཁམ་ནག་སྟོད་སྦོམ་ཞིང་སྨད་ཕྲ་བ་ནང་ཤ་དཀར་པོ་ཅན། ཁོག་སྟོང་རིང་ཚད་སྨི་༠.༠༣ནས་༠.༠༦ཙམ་ཟིན་པ་མངོན་པ་དེ་འབུ་ལ་རྭ་སྐྱེས་པ་དང་འདྲ་བས་ཕལ་གྱིས་བེའུ་རྭ་ཞེས་ཟེར་ཡང་དོན་དུ་ཤ་མོའི་རིགས་ཡིན། དེ་རིམ་བཞིན་ཆེ་རུ་རྒྱས་པ་དང་། རྩ་བའི་བཅུད་དམ་ནུས་པ་ཞན་དུ་ཕྱིན་ནས་ཟླ་བ་༧པ་ཙམ་ནས་ཕལ་ཆེར་རྩ་བ་རུལ་ཏེ་མེད་པར་འགྲོ་བ”ཡིན།
དབྱར་རྩྭ་དགུན་འབུ་ནི་གནའ་རབས་ནས་བོད་དུ་སྐྱེ་བཞིན་ཡོད་པའི་སྨན་རྩྭ་ཞིག་ཡིན་ལ། དེ་བོད་སྨན་ནང་ཉུང་ངུ་བེད་སྤྱོད་བྱེད་པ་ལས། སྤྱི་ཚོགས་སྟེང་ཚོང་ལས་དཔལ་འབྱོར་གྱི་རིན་ཐང་ལྡན་ཡོད་པ་དུས་རབས་ཉི་ཤུ་པའི་དུས་དཀྱིལ་ཙམ་ལ་ཉོ་ཚོང་བརྗེ་རེས་སོགས་ཀྱི་འབྲེལ་ཤུགས་ཆེར་ཕྱིན་པ་དང་བསྟུན་གཞི་ནས་ཤེས་རྟོགས་དང་དར་སྲོལ་བྱུང་བར་མངོན། ལྷག་པར་དུ་ཉེ་བའི་ལོ་ཤས་ནས་བཟུང་ལོ་ལྟར་ཕྱི་ཟླ་ ༤ ནས ༧ བར་ལ་བོད་རིགས་ཞིང་འབྲོག་པ་དང་། ཁ་ཆེ། རྒྱ་རིགས་ཆེས་མང་པོས་རྩ་ཆེན་སྨན་རྩྭ་འདི་བརྐོ་བར་རི་ཀླུང་དང་། སྤང་གཤོང་སོགས་ལ་ཉིན་མཚན་བསྒྲིལ་ནས་ཟླ་བ་ཁ་ཤས་རིང་ཕྱོགས་སྐྱོད་བྱེད་ཀྱི་ཡོད་པ་དང་། ཁྱིམ་ཚང་འགའ་ཤས་ཀྱི་ནང་མི་ཡོད་ཚད་བརྐོ་རུ་འགྲོ་མཁན་ཡང་ཡོད།
དབྱར་རྩ་དགུན་འབུའི་ཕན་ཡོན་རྒྱལ་སྤྱིའི་སྟེང་འུད་བསྟོད་ཆེན་པོས་ཁྲོམ་བསྒྲགས་བྱུང་བར་བརྟེན་བརྐོ་མཁན་དང་ཉོ་ཚོང་ལོ་རེ་བཞིན་རྒྱ་ཆེ་རུ་ཕྱིན་ཏེ་ཚོང་པ་འབྱོར་ལྡན་ཆགས་མཁན་ཡང་གང་མང་བྱུང་ཡོད། དབྱར་རྩ་དགུན་འབུ་ནི་བོད་ཀྱི་ས་གཤིས་བཟང་ས་དང་ཐོན་ཁུངས་ཡོད་ས་མང་ཆེ་བར་ཡོད་པ་དང་། འདི་བརྐོ་དུས་སྔོ་ལྗང་གི་སྤང་གཤོང་མང་པོ་ས་དོང་དྲུས་ཏེ་རང་བྱུང་ཁོར་ཡུག་ལ་གནོད་སྐྱོན་ཚབས་ཆེན་ཡོང་གི་ཡོད་པ་མ་ཟད། གཞི་རྒྱ་ཆེ་བའི་སྤང་དང་རྩྭ་ཐང་ཆེས་མང་པོ་ཉམས་རྒུད་འགྲོ་བཞིན་ཡོད། དཔེར་ན་དབྱར་རྩྭ་དགུན་འབུ་རྐང་གཅིག་རྐོ་དགོས་ན་སྤང་ལ་མི་ཊར་གསུམ་ཙམ་བརྐོ་སློག་དགོས་པ་དང་། རྩ་ཆེའི་སྨན་རྩྭ་འདི་རིགས་ཚད་ལས་བརྒལ་བ་སྔོག་འདོན་བྱས་པའི་རྐྱེན་གྱིས་དེང་སྐབས་རྩ་སྟོངས་སུ་འགྲོ་བའི་ཉེན་ཁའི་མཚམས་སུ་སླེབས་ཡོད་པ་དང་། ལྷག་པར་དུ་རྨ་ཆུ་དང་། རྫ་ཆུ། འབྲི་ཆུ་གསུམ་གྱི་རྒྱུད་དུ་ཡོད་པའི་དབྱར་རྩྭ་དགུན་འབུ་ནི་ཆེས་ཡག་ཤོས་སུ་བརྩི་བཞིན་ཡོད་ཅིང་། ཆུ་བོ་འདི་གསུམ་གྱི་རྒྱུད་དུ་གནས་པའི་མི་འབུམ་གཅིག་ལྷག་གིས་ལོ་རེར་སྨན་རྩྭ་འདི་སྔོག་འདོན་བྱེད་ཀྱི་ཡོད་པས། ཆུ་བོ་འདི་གསུམ་རྒྱུགས་ཡུལ་གྱི་རྒྱ་ནག་གི་ས་ཁུལ་ནང་ཆུ་ལོག་གི་གནོད་འཚེ་འབྱུང་བའི་གནས་ཚུལ་མང་པོ་ཡོང་སྟེ་འགྲོ་བ་མི་གཙོས་པའི་སེམས་ཅན་མང་པོའི་འཚོ་གནས་ལ་གནོད་འཚེ་ཡང་ཡོང་གི་ཡོད་པ་རྒྱ་ནག་གཞུང་འབྲེལ་གྱི་གསར་ལམ་ཁག་ཏུ་ཡང་ཡང་བསྒྲགས་བཞིན་ཡོད།
མདོ་དབུས་མཐོ་སྒང་གི་སྐྱེ་ཁམས་ཁོར་ཡུག་ལ་སྲུང་སྐྱོབ་བྱེད་པའི་སྐོར་བརྗོད་པ་ལྷག་བསམ་པདྨ་དཀར་བོའི་ཆུན་པོ་ཞེས་པའི་སྙན་ཐོའི་ནང་གསལ་བ་ལྟར་ན། དབྱར་རྩ་དགུན་འབུ་སྨིན་པའི་དུས་སུ་མདོ་སྨད་མཚོ་སྔོན་ཞིང་ཆེན་མཚོ་ལྷོ་ཁུལ་གྱི་ཁྲི་ཀ་རྗོང་སྒོ་མེ་གཡུ་ཚ་སྡེ་བའི་མཐའ་འཁོར་དུ་ཧོང་ཡོན་དང་། ཧོང་ཀྲུང་། ཧྭ་ལུང་གི་ཞིང་པ་རྣམས་ཀྱིས་གུར་༦༠༠ ཕུབ་སྟེ་གུར་གཅིག་གི་ནང་ཉུང་མཐར་མི་གྲངས་དྲུག་རེ་ཡོད་པ་དང་། ད་དུང་རྗོང་ཁག་གཞན་ནས་ཡོང་བའི་མི་སོགས་བསྡོམས་ཉིན་རེར་མི་གྲངས་ཆིག་ཁྲི་ལྷག་གིས་སྒོ་མེ་གཡུ་ཚའི་ས་ཐོག་ཏུ་དབྱར་རྩྭ་དགུན་འབུ་བརྐོས་ཏེ་རྩྭ་ཐང་ལ་གཏོར་སྐྱོན་གཏོང་གི་ཡོད་པ་སོགས་གསལ་ཡོད། སྐྱེ་ཁམས་རིག་པ་བ་ཚོས་དབྱར་རྩྭ་དགུན་འབུ་རྐོ་རྒྱུ་ལ་དོ་དམ་མ་བྱས་ན་འབྱུང་འགྱུར་རང་བྱུང་ཁམས་ལ་ད་ལྟ་ལས་ལྷག་པའི་གནས་ཚུལ་ཚབས་ཆེན་ལྷགས་རྒྱུ་ཡིན་པ་ཚོད་དཔག་བྱེད་ཀྱི་ཡོད་པར་མ་ཟད། ལྷག་པར་དུ་ས་གནས་བོད་རིགས་ནང་ཁུལ་གྱི་ཡུལ་སྡེ་དང་མི་སྒེར་བཅས་ཀྱི་བར་འཁྲུག་རྩོད་ཀྱི་གནད་དོན་འབྱུང་རྩ་ཞིག་ཀྱང་ཆགས་ཡོད།
དབྱར་རྩྭ་དགུན་འབུ་ནི་གནའ་དུས་བོད་ཀྱི་སྲོལ་རྒྱུན་སྨན་རྫས་ནང་མ་གཏོགས་བེད་སྤྱོད་མེད་ཅིང་། དེང་དུས་ཚན་རིག་ཤེས་བྱ་འཕེལ་རྒྱས་འགྲོ་བ་དང་བསྟུན། ཕྱི་ལུགས་སྨན་དང་མཛེས་བཅོས་ཤ་གསོས་བྱུག་རྫས་སོགས་ཀྱི་ནང་ཆེས་དགོས་མཁོ་ཆེན་པོ་ཡོད་པ་མ་ཟད། ཕན་ནུས་ཡང་ཧ་ཅང་ཡག་པོ་ཡོད་པས་ཁྲོམ་རའི་ཐོག་རིན་གོང་ཆེས་ཆེན་པོ་ཆགས་ཏེ་རྒྱ་ནག་དང་། ཐེ་ཝན། ཧོང་ཀོང་། ཕྱི་རྒྱལ་སོགས་ལ་ཕྱི་ཚོང་བྱས་ཏེ་ཀི་ལོ་རེ་ལ་ཨ་སྒོར་༣༥༠༠ནས་༥༠༠༠བར་རག་གི་ཡོད། དབྱར་རྩྭ་དགུན་འབུ་ཡག་ཤོས་གྲངས་༡༨༠༠ཙམ་གྱིས་ཀི་ལོ་གཅིག་ཆགས་ཀྱི་ཡོད་པ་དང་། དུས་རབས་ཉི་ཤུ་བའི་ལོ་རབས་བདུན་ཅུ་ཙམ་ནས་བཟུང་རྒྱ་གཞུང་གིས་བོད་རིགས་མང་ཚོགས་ལ་ཁྲལ་འདེད་ཀྱི་སྒོས་བོད་ཀྱི་རྩ་ཆེན་སྨན་རྩྭ་རིགས་ཆེས་མང་པོ་འཐུ་རྐོ་བྱས་བཅུག་ཡོད་པས། དབྱར་རྩྭ་དགུན་འབུ་ཡང་ཨ་སྒོར་དུང་ཕྱུར་ལྷག་གི་རིན་ཐང་ལྡན་པ་རྒྱ་ནག་ལ་དབོར་འདྲེན་བྱས་ཡོད་པ་བརྗོད་མི་དགོས། འབྱུང་འགྱུར་རྒྱ་ནག་གཞུང་གིས་སྟོངས་ལ་ཉེ་བའི་སྐྱེ་དངོས་རྩི་ཤིང་སྲུང་སྐྱོབ་ཀྱི་ཁྲིམས་ལུགས་གཞིར་བཟུང་དབྱར་རྩྭ་དགུན་འབུ་སྔོག་འདོན་ལ་བཀག་འགོག་དོ་དམ་བྱེད་དགོས་པའི་རེ་སྐུལ་ཞུ་དགོས་པ་མ་ཟད། ལྷག་པར་བོད་མི་རྣམས་ཀྱིས་ཀྱང་རང་མི་རིགས་ཀྱི་ཆོས་རིག་གོམས་གཤིས་དང་མཐུན་པའི་ཁོར་ཡུག་སྲུང་སྐྱོབ་ལ་འགན་འཁུར་གྱི་ཐོག་ནས་དབྱར་རྩྭ་དགུན་འབུ་སྔོག་འདོན་ལ་ཚོད་འཛིན་བྱེད་དགོས་པ་དང་། རང་གཞུང་ནས་ཀྱང་ཁོར་ཡུག་སྲུང་སྐྱོབ་ཀྱི་རྒྱལ་སྤྱིའི་ཚོགས་སྡེ་ཁག་ལ་འབོད་སྐུལ་ཞུ་རན་པའི་དུས་ལ་བབ་ཡོད་པར་བསམ།།

 
དབྱར་རྩྭ་དགུན་འབུ་དང་གོང་ཚད་ཀྱི་རྒྱབ་ཏུ་ཡིབ་བཞིན་པའི་གསང་བ།
མཚོ་སྔོན་པོ་དྲ་བ་ལས།
    མི་རྣམས་མཐོང་བཞིན་པ་ནི་དབྱར་རྩྭ་དགུན་འབུའི་གོང་ཚད།  གོང་ཚད་ཀྱི་རྒྱབ་ཏུ་ཡིབ་བཞིན་པའི་གསང་བ་ནི་གང་ཡང་རྟོགས་འདོད་མེད།  བརྗོད་འདོད་པ་ནི་འབུ་རྒྱ་མ་གང་ལ་ཁྲི་གསུམ།  ཁྲི་བཞི།  ཁྲི་ལྔ་བཅས་གླེང་དུས་ཧ་ལས་ཧོང་ཐོར་བ་ལས་གཞན་གང་ཡང་བསམ་མི་ཤེས།  གྲོགས་པོ་རྣམ་པ་ངས་དེ་རིང་ཁྱེད་རྣམས་ཀྱིས་ཤེས་མི་འདོད་པ་དང་བསམ་མི་ཤེས་པ་དག་ཐེར་འདོན་བྱེད་འདོད།  མི་ཁ་ཤས་ཀྱིས་གསང་བ་ག་འདྲ་ཞིག་ཐེར་འདོན་བྱེད་རྩིས་ཡོད་ན་བསམ་བཞིན་རྟོགས་འདོད་ཀྱི་རེ་བ་ཡང་ཉ་གང་ཟླ་བ་བཞིན་རིམ་བཞིན་འཕེལ་གྱི་ཡོད་ན་ཆོག  ངས་ཐེར་འདོན་བྱེད་འདོད་པ་ནི་དབྱར་རྩྭ་དགུན་འབུ་རྐོ་མཁན་དག་གིས་དཀའ་སྡུག་དང་ཚེ་སྲོག་བཅས་ཀྱིས་འོག་ཏུ་ཐོབ་བཞིན་པའི་འབྲས་བུ་ཉག་ཅིག་དེ་ཡིན།  འོག་ཏུ་དེའི་སྐོར་རགས་ཙམ་འཆད་ན།།
དང་པོ།  འབུ་དབྱར་རྩྭ་དགུན་འབུའི་མིང་བསྡུས་ན་འབུ་ཞེས་འབྲི་མ་བརྐོས་སྔོན་གྱི་གྲལ་སྒྲིག
འབུ་བརྐོ་བ་མ་ཕྱིན་སྔོན་ལ་ཟླ་བ་ཕྱེད་ཀ་ཙམ་གྲ་སྒྲིག་བྱེད་པ།
. བཟའ་ཆས་རིགས་གྲ་སྒྲིག
    དཔེར་ན། ཡོས་ཉི་མ་བཞི་ལྔ་ཙམ་བརྔོས་ནས་རྩམ་པ་འཐག་པ།  དེ་ནས་གྲོ་ལེབ་སྣུམ་ནག་གིས་འགྱིག་ཤོག་ཁུག་མ་ཆེན་པོ་གཅིག་གང་ཙམ་བསྲེགས་པ།  ཤ་སྐམ་པོ་འཁྱེར་བ།  མར་དང་ཚྭ། སྣུམ་ནག ཇ། སྟབས་བདེའི་ཐུག་པ་ཤོ་སྒམ་མང་པོ་ཉོ་བ།  མངལ་ཆུ་སྣ་ཁ་མང་པོ་ཤོ་སྒམ་མང་པོ་ཉོ་བ།  འཚལ་སྣ་མང་པོ་ཉོ་བ།  བྱེ་རིལ་དང་འགྱིག་བྱེ་རིལ་སྣ་ཁ་མང་པོ་ཉོ་བ།  ད་དུང་ཕུར་ཞོ་བཅས་སོགས་མང་པོ་ཉོ་བ། །
.འཚོ་བའི་ཡོ་བྱད་གཙོ་བ་གྲ་སྒྲིག
   དཔེར་ན། གདན། ཕོག་ཁེབས། རླངས་འཁོར། རྐོ་མ་དང་གྲི།  ཉི་གློག ལག་ཁྱེར་ཁ་པར། ཕུ་ཐབ་དང་ལྕགས་ཀྱི་ཉལ་ཁྲི།  ལྕགས་གོར་བཅས་སོགས། 
.གྱོན་ཆས་རིགས་གྲ་སྒྲིག
   དཔེར་ན། སྟོད་གོས་སྨད་གོས།  ནང་འཇམ། ལྷམ། རྐང་ཤུབས།  ལྭ་བ། ཞྭ་མོ་དང་མགོ་རས། ལག་ཤུབས།  ཁ་རས། སག་རས་སོགས་མང་པོ་གྲ་སྒྲིག་བྱེད་པ། 
.སྣོད་ཆས་རིགས་གྲ་སྒྲིག
དཔེར་ན།  ཕུར་པ།  ཚ་དམ།  ཧ་ཡང་།  ཁོག་ལྡིར།  ལྕོགས།  ཐུར་མ།  ཇ་སྲུབ་འཕྲུལ་ཆས་སམ་ཡང་ན་མདོང་མོ།  ཇ་ཚགས་བཅས་སོགས།
.སྨན་རིགས་གྲ་སྒྲིག
  དཔེར་ན།  རྒྱ་སྨན་ནང་མགོ་སྨན།  མིག་སྨན།  རྨ་རས།  རྨ་སྨན།  གཉན་ཁའི་སྨན་བཅས་སོགས།  བོད་སྨན་ནང་གྲང་སྦྱོར།  མང་སྦྱོར། མུ་ཏིག་བདུན་ཅུ།  ཟླ་ཤེལ།  ཏིག་ཏ་བཅས་སོགས།
གཉིས་པ།དབྱར་རྩྭ་དགུན་འབུ་བརྐོ་སྐབས་ཀྱི་དཀའ་ངལ།
  ཞོགས་པ་ཆུ་ཚོད་དྲུག་པའི་ཡས་མས་ཙམ་ལ་མལ་ལས་ལང་ནས་ཆུ་སྐོལ་བ་དང་ཇ་དཀྲུག་པ། དེ་ནས་ཞོགས་ཟས་བཟའ་བ། ཞོགས་ཟས་ནི་རང་རང་གི་དགའ་ཆོག་ལྟར་རྩམ་པ་བཟའ་བའམ་ཡང་ན་ཐུག་པ་འཐུང་བ།  དྲོ་ཟས་མགོ་རས་སམ་ཁུག་མ་གང་རུང་ནང་དུ་བླུགས་ནས་རང་རང་གི་རྒྱབ་ཏུ་ཁུར་བ། ཆུ་ཚོད་བདུན་པའི་ཡས་མས་ཙམ་ལ་འབུ་བརྐོ་བ་རི་ལ་འགྲོ་བ།  ལ་ལུང་དང་ཆུ་བོ་མང་པོ་རྒལ་ཚར་དུས་བཞི་ལས་འབུ་རྐོ་ས་སླེབས་པ།  ལུས་པོ་སྒུལ་སྒུལ་གྱིས་ནས་རང་གི་མདུན་དུ་རྒྱང་ཐག་ཐུང་ཐུང་ངང་དབྱར་རྩྭ་དགུན་འབུ་རྐང་རེ་རེ་བཞིན་འཚོལ་དགོས།  ཆར་ཆུ་དང་ཉི་འོད་ཀྱི་འོག་ཏུ་ཁོང་ཚོ་སྐྲག་ག་ལ་སྲིད།  འཐབ་འཛིང་པ་ཞིག་དང་འདྲ་བར་རང་ཉིད་དཀའ་སྡུག་ལས་རྣམ་པར་རྒྱལ་དགོས།  གཉིད་མི་ཉན།  ངལ་གསོ་མི་ཉན།  དགོང་མོའི་ཆུ་ཚོད་བརྒྱད་དགུའི་ཡས་མས་བར་དུ།  ཁྱེད།  རང་གི་ལྟོ་གོས་དང་ཕུགས་བསམ་བཅས་ཀྱིས་དོན་དུ་འཛིང་དགོས།  དེའི་སྐབས་སྲོག་ཡང་ཤོར་བ་གྲང་མེད་ཡོད།  དཔེར་ན།  ཐོག་བརྒྱབ་ནས་ཤི་བ།  གཡང་ལས་ལྷུང་བ།  རྦབ་རྡོ་འདྲིལ་ནས་ཤི་བ།  ཆུའི་ནང་ཟགས་ནས་ཤི་བ།  བཅས་རྔུལ་ཆུ་དང་ཚེ་སྲོག་གི་འོག་ཏུ་འབུ་རྐང་དེ་འཁྲུངས།  ནང་ལ་སླེབས་ནས་དགོང་ཟས་ཟས་ཚར་རྗེས་མུ་མཐུད་འབུ་སྦུ་བཤུ་བ་དང་།  ཉིན་མོ་ནང་ལ་མི་གཅིག་ཙམ་བསྡད་ནས་འབུ་སྐམ་པ།  དེ་ལྟར་ཉིན་ལྟར་དཀའ་ལས་ཟླ་བ་གཅིག་ལྷག་ཙམ་རྒྱག་དགོས།  དེའི་རིང་རང་རང་གིས་གསོ་རེ་དབང་ཐང་ལྟར་ཉིན་རེ་འབུ་རྐང་ལྔ།  བཅུ་ནས་བརྒྱ་ལྷག་ཙམ་བཅས་མི་གཉིས་ས་ཆ་གཅིག་མཚུངས་ཡིན་ཡང་འབུ་རྐང་ཉིན་རེ་བརྙེད་པ་གཅིག་མཚུངས་མིན། 
མདོར་བསྡུས་ན།  དབྱར་རྩྭ་དགུན་འབུ་ནི་མི་མང་པོ་ཞིག་གིས་འཚོ་བའི་འབྱུང་ཁུངས་ཡིན་ལ།  དུད་ཚང་མང་པོ་ཞིག་གིས་བདེ་སྐྱིད་ཀྱི་དྲོ་སྐྱིད་བསྐྲུན་མཁན་ཞིག་ཀྱང་དེ་བས་ལོས་ཡིན། དཀའ་ངལ་དང་སྡུག་བསྔལ་བཅས་ཀྱིས་ལོ་མ་ལས་བྱུང་བས་འབྲས་བུ་ཉག་ཅིག་དེ་ཡིན་པ་ལ་བརྟེན་ནས།  དབྱར་རྩྭ་དགུན་འབུ་རྒྱ་མ་གང་ལ་གོང་ཚད་སྒོར་ཁྲི་བཅུ་ཡིན་ལབ་ན་ཧ་ལས་དགོས་པ་ཞིག་རྩ་བ་ནས་མེད།།
 
དབྱར་རྩྭ་དགུན་འབུས་དམངས་ལ་བདེ་སྐྱིད་བསྐྲུན།
 
མིག་དམར་གྱིས། 2011ལོའི་ཟླ 05ཚེས 30ཉིན།  ཁམས་པའི་གསར་འགྱུར་དྲ་བའི་ལེ་ཚན།
   གཟའ་ཉི་མའི་ངལ་གསོ་དང་བསྟུན་ནས་དབྱར་རྩྭ་དགུན་འབུའི་རིན་གོང་དང་དེས་ཕན་པ་བསྐྲུན་པར་རྒྱུས་ལོན་བྱེད་ཆེད། གསར་འགོད་པ་དར་མདོའི་རྒྱ་ཡུལ་སྟག་སྒོའི་རྐང་ལམ་ཚོང་རར་ཕྱིན་ཏེ་དབྱར་རྩྭ་དགུན་འབུའི་གནས་ཚུལ་རྒྱུས་ལོན་བྱེད་པ་ཡིན།
 དེར་དབྱར་རྩྭ་དགུན་འབུ་ཉོ་འཚོང་བྱེད་པའི་འདུ་འཛིས་ཁེངས་ཤིང་གང་སར་དབྱར་རྩྭ་དགུ་འབུ་གཙང་མར་བྱས་པའི་ས་རྡུལ་མཐོང་རྒྱུ་འདུག མི་མང་པོས་འཚང་ཁ་རྒྱག་བཞིན་པའི་དཀྱིལ་དུ་སོང་བར་འབྲོག་པ་ཕོ་གསར་ཞིག་གིས་རང་ཉིད་ཀྱི་དབྱར་རྩྭ་དགུན་འབུ་བཙོངས་ཚར་ཏེ་སྒོར་མོ་བརྩིས་བཞིན་འདུག  ང་རང་ཁོའི་སར་བཅར་སྟེ་ཁོ་ལ་དབྱར་རྩྭ་དགུན་འབུའི་རིན་གོང་དང་རི་ལ་དབྱར་རྩྭ་དགུན་འབུ་འཐུ་མཁན་རྣམས་ཀྱི་སྒྲིག་ལམ་སོགས་ཀྱི་གནས་ཚུལ་རྒྱུས་ལོན་བྱས་པ་ཡིན། ཁོས་དབྱར་རྩྭ་དགུན་འབུས་མི་རྣམས་ཀྱི་དཔལ་འབྱོར་མཆོང་བརྒལ་འཕེལ་རྒྱས་དང་སྤྱི་ཚོགས་ཡུན་རིང་བདེ་འགོད་ཡོང་བར་ཕན་པ་ཧ་ཅང་ཆེ་ཚུལ་དང་། ཁྱད་པར་དུ་ད་ལོ་ནི་རྩྭ་ས་རྩོད་ལེན་གྱི་འཁྲུག་པ་སོགས་ཅི་ཡང་འོང་མེད་པས་ཧ་ཅང་སྐྱིད་པོ་འདུག ཚང་མ་དགའ་དགའ་སྤྲོ་སྤྲོའི་ངང་ནས་དབྱར་རྩྭ་དགུན་འབུ་འཐུ་བཞིན་འདུག་ཅེས་བཤད་བྱུང་།
 དུས་དེ་དང་བསྟུན་ནས་ང་རང་གིས་ས་བདེ་ལ་དབྱར་རྩྭ་དགུན་འབུ་ཉོ་འཚོང་བྱེད་བཞིན་པའི་ཉི་མ་རྒྱལ་པོ་ལ་ཁ་པར་བཏང་སྟེ་ས་བདེའི་གནས་ཚུལ་རྒྱུས་ལོན་བྱས་པ་ཡིན། ཁོས་དབྱར་རྩྭ་དགུན་འབུའི་རིན་གོང་ནི་ཕལ་ཆེར་ན་ནིང་ལོ་དང་གཅིག་པ་འདུག མི་དམངས་རྣམས་ཀྱིས་དབྱར་རྩྭ་དགུན་འབུ་མང་པོ་རྙེད་ལ་ཚོང་པ་རྣམས་ལའང་ཚོང་ཡག་པོ་བྲིན་འདུག  ཁྱད་པར་དུ་ལ་འག་གི་དུད་ཁྱིམ་རེའི་ཕལ་ཆེར་སྒོར་ཁྲི་ལྔ་དྲུག་ཙམ་ལོན་འདུག  ས་བདེའི་དབྱར་རྩྭ་དགུན་འབུ་ལ་མཚོན་ན་ཆེས་ཆེ་བའི་རྐང་གཅིག་གི་སྒོར་100ལྷག་དང་འབྲིང་བ་ཙམ་གྱི་སྒོར50ཙམ། ཆུང་བ་ཞིག་གི་སྒོར10ལྷག་ལོན་གིན་འདུག  དེ་བས་དབྱར་རྩྭ་དགུན་འབུས་དམངས་ལ་ཕན་བདེ་བསྐྲུན་པ་དང་། དེ་ལས་ཆེས་བཟང་བ་ནི་ད་ལོར་དབྱར་རྩྭ་དགུན་འབུ་འཐུ་དུས་ས་རྩོད་ཅང་མི་འདུག་པས་དེ་ནི་ཆེས་དགའ་འོས་པ་ཞིག་རེད་ཟེར། དབྱར་རྩྭ་དགུན་འབུ་འཐུ་དུས་ཁོར་ཡུག་ལ་སྲུང་སྐྱོང་ཅི་འདྲ་འདུག་འདྲི་དུས། ཁོས་ཁོར་ཡུག་སྲུང་སྐྱོང་གི་ཐད་ལ་དེ་ཙམ་དོ་སྣང་བྱེད་གི་མི་འདུག་ལ་བྱེད་ཤེས་ཀྱང་མི་འདུག དེ་བས་ཕྱིན་ཆད་དེའི་ཐད་ཀྱི་ཤེས་བྱ་མི་དམངས་རྣམས་ལ་ཁྱབ་བསྒྲགས་བྱས་ན་ཚང་མར་ཡུན་རིང་པོར་ཕན་པ་མི་ཉུང་བ་ཞིག་ཡོད་ས་འདུག་ཅེས་བཤད་པ་རེད།  ༢༠༡༡  ༦  ༢༡
 
བོད་ལྗོངས་ཀྱི་ཞིང་འབྲོག་པས་དབྱར་རྩྭ་དགུན་འབུའི་ཡོང་འབབ་འཛད་སྤྱོད་བྱེད་སྟངས་ཚུལ་མཐུན་དུ་འགྱུར་བཞིན་པ།
ཀྲུང་གོའི་བོད་ལྗོངས་་དྲ་བ། -- བོད་ལྗོངས་རླུང་འཕྲིན།  2010-10-2 10:48:52
 
   ཉེ་བའི་ལོ་ཤས་ནང་།  ཞིང་འབྲོག་པ་སྔར་བས་མང་བ་ཞིག་འཛད་སྤྱོད་ཀྱི་འདུ་ཤེས་ལ་འགྱུར་བ་ཕྱིན་ནས།  དབྱར་རྩྭ་དགུན་འབུའི་ཡོང་འབབ་དེས་འཚོ་བ་ལེགས་སུ་གཏོང་བ་དང༌།  ཐོན་སྐྱེད་གོང་འཕེལ་གཏོང་ཆེད་བེད་སྤྱོད་བྱེད་པ་དང་།  གྲོང་ཚོའི་ནང་ཚོང་ཁང་དང་ཚལ་རིགས་དྲོད་ཁང༌།  རྩམ་པའི་ལས་སྣོད་བཟོ་གྲྭ་སོགས་བསྐྲུན་ཡོད་པས།  ཡོང་འབབ་ཀྱང་ལོ་གོང་མ་ལས་འཕར་སྣོན་ཆེན་པོ་བྱུང་ཡོད།  ནག་ཆུ་ས་ཁུལ་ནི་བོད་རང་སྐྱོང་ལྗོངས་དཀྱིལ་ནུབ་ཁུལ་དུ་གནས་ཡོད་པ་དང༌།  དབྱར་རྩྭ་དགུན་འབུ་ཐོན་ཁུལ་གཙོ་བོའི་གྲས་ཤིག་ཡིན་ཞིང་།  ལོ་ལྟར་དབྱར་རྩྭ་དགུན་འབུ་ཉོ་ཚོང་བྱས་པའི་དངུལ་འབོར་སྒོར་དུང་ཕྱུར ༢༠ ལྷག་ཟིན་གྱི་ཡོད་པས།  ཞིང་འབྲོག་པའི་ཡོང་འབབ་ཀྱི་འབྱུང་ཁུངས་གཙོ་བོར་གྱུར་ཡོད།  དེ་སྔོན་གཞོན་ནུ་འགའ་ཤས་ཀྱི་དབྱར་རྩྭ་དགུན་འབུ་བཙོངས་ཟིན་རྗེས།  ལྷ་ས་དང་ནག་ཆུ་སོགས་ཀྱི་གྲོང་ཁྱེར་ལ་བསྐྱོད་ནས།  རིམ་པ་མཐོ་བའི་མགྲོན་ཁང་དང་ཟ་ཁང་ནང་འགྲོ་བ་དང༌།  ཚོང་རྟགས་གྲགས་ཅན་གྱི་གྱོན་གོས་ཉོ་བ་མ་གཏོགས་དབྱར་རྩྭ་དགུན་འབུའི་ཡོང་འབབ་དེ་སྡོད་ཁང་ལེགས་བཅོས་དང་།  ཐོན་སྐྱེད་གོང་འཕེལ་ཐོག་བེད་སྤྱོད་བྱེད་མཁན་ཧ་ཅང་ཉུང་ཉུང་ཡིན།  གནས་ཚུལ་དེ་རིགས་ལ་དམིགས་ཏེ ༢༠༠༨ ལོ་ནས་བཟུང༌།  ནག་ཆུ་ས་ཁུལ་གྱིས་མང་ཚོགས་ཀྱིས་ཚུལ་མཐུན་གྱི་སྒོ་ནས་འཛད་སྤྱོད་དང༌། ཧུར་བརྩོན་ངང་གྲོན་ཆུང་བསྲི་ཚགས་བྱེད་པའི་བསམ་བློར་སྣེ་ཁྲིད་ཧུར་ཐག་བྱས་པས་གྲུབ་འབྲས་མངོན་གསལ་དོད་པོ་ཐོབ་ཡོད།  སོག་རྫོང་གཡག་ལ་གྲོང་རྡལ་འཆམ་གཞུང་གྲོང་ཚོའི་གྲོང་ཚོ་ཨུ་ཡོན་ལྷན་ཁང་གི་ཀྲུའུ་རིན་བསམ་གྲུབ་ཀྱིས་ད་ཆ་གྲོང་ཚོའི་ནང་གཞོན་ནུ་ཚོས་བག་མེད་ལོངས་སྤྱོད་བྱེད་པའི་སྣང་ཚུལ་རྩ་བའི་ཆ་ནས་མེད་པ་དང་།  རིག་གནས་ཤེས་བྱར་སློབ་སྦྱོང་བྱེད་པའི་བསམ་པ་སྔར་བས་ཇེ་ཆེར་འགྲོ་བཞིན་ཡོད་ལ།  ལས་གཏོད་ཧུར་ཐག་བྱེད་མཁན་གྱི་མི་ཇེ་མང་དུ་འགྲོ་བཞིན་ཡོད་ཅེས་གསུངས།
ད་ལོ་ལོ ༢༦ ལ་སླེབས་པའི་བློ་གསར་ནི་འཆམ་གཞུང་གྲོང་ཚོའི་འབྲོག་པ་ཞིག་ཡིན་པ་དང་།  དེ་སྔོན་ཁོ་བོས་དབྱར་རྩྭ་དགུན་འབུ་བསྔོགས་ཚར་རྗེས་དེ་ཚང་མ་ནག་ཆུར་འཁྱེར་ནས་བག་མེད་ལོངས་སྤྱོད་བྱེད་ཀྱི་ཡོད།  ད་ལོ་ཁོ་བོས་དབྱར་རྩྭ་དགུན་འབུའི་ཡོང་འབབ་དེ་སྡོད་ཁང་བཟོ་བཅོས་དང༌།  ཟས་རིགས་དང་གྱོན་གོས་སོགས་འཚོ་བའི་མཁོ་ཆས་ཐད་བེད་སྤྱོད་བྱས་ཡོད།།
 
དབྱར་རྩྭ་དགུན་འབུ་དང་འབྲེལ་བའི་གླེང་མོལ།     
སེང་རྡོར་དྲ་བ་ལས།
 
དབྱར་རྩྭ་དགུན་འབུ་དང་འབྲེལ་བའི་གླེང་མོལ་ལུག་རྫི་རྒན་པོའི་བསླབ་བྱ།
ཆོས་དཔལ་བཟང་པོ།  
 
དང་པོ། རྩོམ་ཡིག་འདི་འབྲི་བའི་དགོས་པ་དང་དེའི་གྲུབ་ཚུལ་སྐོར་གླེང་བ།
དབྱར་རྩྭ་དགུན་འབུ་(གཤམ་ནས་དབྱར་རྩྭ་ཞེས་བསྡུས་འབྲི་བྱེད་རྒྱུ་ཡིན)འདི་བོད་རང་ས་ནས་ཐོན་པའི་སྨན་རྩྭ་ཞིག་ཡིན་པ་དང་། དེང་སང་མདོ་དབུས་ཁམས་གསུམ་གྱི་ཞིང་འབྲོག་མང་པོ་ཞིག་གི་འཚོ་རྟེན་གཙོ་བོ་ལྟ་བུར་གྱུར་ཡོད་པས་དེ་དྲང་ཕྱོགས་ནས་ཁྱབ་སྒྲོག་བྱས་ན་ཁེ་ཕན་ཐོབ་མཁན་གཙོ་བོའང་བོད་པ་རང་ཉིད་དུ་འདུག་གཤིས་འདིའང་མི་རིགས་ཀྱི་སྲི་ཞུ་ཞིག་ཏུ་སེམས་ཡོད་ལ། གལ་ཏེ་ང་རང་གིས་མ་མཐོང་བ་མིན་ན་དེ་སྔོན་ནི་སྨན་པ་ཁ་ཤས་ཀྱིས་དབྱར་རྩྭའི་ཕན་ནུས་དང་སྐྱེ་ཡུལ་ཙམ་བྲིས་པ་ལས་མ་ལག་ཚང་བའི་རྩོམ་ཡིག་ཞིག་སྤེལ་མྱོང་མེད་པ་འདྲ།  ལྷག་པར་ཏུ་དེའི་ཚོང་རའི་ཐད་ལ་ཞིབ་འཇུག་བྱེད་མཁན་ཤིན་ཏུ་ཉུང་ཉུང་ཡིན་པས། ཁོ་བོས་འདིར་ཕྱོགས་སོ་སོའི་ཐད་ནས་གླེང་སློང་ཙམ་བགྱི་བསམ་པ་ལས་སྔོན་ཆད་མེད་པ་ཞིག་གི་སྟོང་ཆ་བསྐང་བ་དང་ཡོད་པ་གང་ཞིག་ལ་ཁ་གསབ་ཀྱི་ཆེད་དུ་ཡིན་ཞེས་བཤད་མི་ཕོད་ལ། འདིས་རྔོ་ཅི་ཐོགས་མིན་གྱི་ཐད་ལ་གདེང་ཚོད་ཆེན་པོ་མེད་པ་ངའི་ཁ་ཁོག་མེད་པའི་སྐད་ཆ་ཡིན།
རྩོམ་ཡིག་འདིའི་གྲུབ་ཚུལ་གྱི་ཐད་ནས་བཤད་ན་གཙོ་བོ་ཤར་མི་ཉག་སྐྱ་ཀེ་གྲོང་བའི་ལོ་ངོ་བཅུ་ཕྲག་གཉིས་ཕྱེད་ཀྱི་རིང་ལ་འབུ་ཚོང་རྐྱང་རྐྱང་བརྒྱབས་ཤིང་། དེས་ཕམ་ཁའང་ཁུར་མ་མྱོང་བའི་ཚོང་དཔོན་ལྷག་པ་བཀྲ་ཤིས་ལགས་ལ་བཅར་འདྲི་བྱས་པ་ལས་གྲུབ་པ་ཡིན་ལ། ད་དུང་བོད་ཀྱི་གསོ་རིག་གི་ཉིང་བཅུད་རྒྱུད་བཞི་དང་མན་ངག་བྱེ་བ་རིང་བསྲེལ། འཁྲུངས་དཔེ་དྲི་མེད་ཤེལ་གྱི་མེ་ལོང་། སྨན་རིས་གསལ་བའི་མེ་ལོང་། བོད་སྨན་རྩི་ཤིང་རིག་པ་སོགས་རྩ་ཆེའི་སྨན་ཡིག་ལ་གཞི་བཅོལ་ཡོད་ཅིང་། དེ་མིན་རྒྱ་སེར་གྱི་རྩོམ་པ་པོ་ཏེན་ནོལ་བེན་ཁུལ་ལིར་དང་ནང་ལོག་གི་རྩྭ་མཆོག་དྲ་བས་སྤེལ་བའི་དབྱར་རྩྭ་དང་ཁོར་ཡུག་སྐོར་གྱི་ཆེད་རྩོམ་ཞིག དེ་བཞིན་ཝིན་རོག་རྒྱལ་སྤྱིའི་འཕེལ་རྒྱས་ལྟེ་གནས་ཀྱིས་༢༠༠༩ལོར་སྤེལ་བའི་དབྱར་རྩྭ་དང་ཁོར་ཡུག་ཅེས་པའི་དེབ་ཆུང་དང་། རང་ཉིད་ཆེད་དུ་སོང་ནས་དབྱར་རྩྭའི་ཞོར་ལས་བ་སོགས་ནས་རྒྱུས་ལོན་བྱས་པའི་གནས་ཚུལ། གཞན་དགོས་དགུ་འཚོལ་ཆས་དང་བརྒྱ་འཚོལ་སོགས་ལས་རྙེད་པའི་བོད་རྒྱ་གཉིས་པོའི་རྩོམ་ཡིག་འགའ་བཅས་ལས་རྒྱུས་ལོན་བྱུང་བའི་ཤེས་བྱ་དག་ལ་གཞི་བཅོལ་ནས་གྲུབ་པ་ཡིན་ནོ། །
གཉིས་པ། དབྱར་རྩྭའི་སྐོར་གྱི་ལྷ་སྒྲུང་།
སྔ་རབས་ཀྱི་མེས་པོ་དག་ནི་སྒྲུང་རྡེའུ་བོན་གསུམ་གྱིས་བསྐྱངས་བས་ཁོང་ཚོ་རང་བྱུང་ཁམས་ཀྱི་སྐྱེ་དངོས་ཡོད་ཚད་སྒྲུང་གི་རྣམ་པས་འགྲེལ་བཤད་རྒྱག་པར་དགྱེས་ཤིང་། ཐབས་ལམ་འདིས་བོད་མི་མང་པོ་ཞིག་གི་སེམས་ལ་དངོས་ཤུགས་གང་རུང་གིས་བག་ཆགས་མི་དམན་པ་བཞག་ཡོད་པས། རང་བྱུང་ཁམས་ཀྱི་སྲུང་སྐྱོབ་དང་སྐྱེ་ཁམས་ཁོར་ཡུག་གི་སྙོམ་སྒྲིག ལས་འབྲས་བསླུ་བ་མེད་པའི་ངོས་ཟིན་སོགས་ལ་མཛད་རྗེས་བླ་ན་མེད་པ་བཞག་ཡོད་ན། ངས་ཀྱང་འདིར་སྔོན་བྱོན་དམ་པ་རྣམས་ཀྱི་ཞལ་གསུངས་དྲི་མ་མེད་པ་གཙིགས་སུ་བཟུང་ནས་གླེང་བར་བྱ་རྒྱུ་ཡིན་ཏེ། དེ་ཡང་དབྱར་རྩྭ་ཞེས་པའི་མགོ་བོ་རྩྭ་ལ་ལུས་ཕུང་ཤ་ཡིས་གྲུབ་པའི་སྲོག་ཆགས་དེ་ནི་སྔོན་གྱི་དུས་ཤིག་ན་རྒན་མོ་ཞིག་གིས་ཡོས་བརྔོ་བཞིན་པའི་སྐབས། དེར་རྣལ་འབྱོར་བ་ཆེན་པོ་ཞིག་བསོད་སྙོམ་དུ་ཕེབས། རྒན་མོ་དེས་སྦྱིན་པ་སྟེར་བ་ལྟ་ཅི། མོས་ལག་ཏུ་བཟུང་བའི་ཡོས་ཐོ་ཡིས་རྣལ་འབྱོར་བའི་དབུ་ལ་ལན་གཅིག་གཞུས་ཤིང་བདས་པའི་རྣམ་སྨིན་གྱིས། མོ་རང་གི་སྐྱེས་རབས་ཀྱི་ཕྲེང་བ་ཀུན་དུ་མགོ་ལ་ཡོས་ཐོའི་རྣམ་པའི་རྩྭ་སྐྱེ་བའི་སྲིན་འབུ་ལས་ངན་ཞིག་གི་སྐྱེ་བ་བླངས་སོང་བ་ཡིན་པས། དབྱར་རྩྭ་འདི་བརྐོས་ན་རྒན་མོ་ཞིག་བསད་པའི་སྡིག་པ་ཡོད་ཅིང་། རྒན་མོ་ཞིག་བསད་པའི་སྡིག་པ་ནི་ཆོས་གཞུང་ལ་ལར་དགེ་སློང་ཚད་ལྡན་ཞིག་བསད་དང་ཁྱད་པར་མེད་ཅེས་བཤད་ཡོད་ཅེས་འདུག ཡང་སྒྲུང་གཏམ་གཞན་ཞིག་ཏུ་དབྱར་རྩྭ་ནི་དང་པོ་ཕྱུག་པོ་ཚང་གི་བུ་གཉིས་བུད་ཤིང་འཐུ་རུ་སོང་ཚེ། བུ་ཆུང་བ་དེ་གྲོག་རོང་ཞིག་ཏུ་ལྷུང་བས་ཁོས་ཅི་ལྟར་གྱིས་སྲོག་སྐྱོབ་རོགས་ཅེས་བོས་ཀྱང་། བུ་ཆེ་བ་དེའི་སེམས་ལ་ནུ་བོ་འདི་མ་ཡོད་སྔོན་ཕ་མ་གཉིས་ཀྱིས་ཁོ་རང་ཤིན་ཏུ་གཅེས་རུང་། ནུ་བོ་འདི་སྐྱེས་པ་ནས་དེ་ཙམ་མི་གཅེས་པར་གྱུར་སོང་། གལ་ཏེ་འདི་མེད་ན་ཁོ་རང་སྔར་ལྟར་གཅེས་པར་བསམ་ནས་མ་ཚོར་བའི་ཚུལ་གྱིས་ཕྱིར་ཁྱིམ་དུ་ལོག མཐར་བུ་ཆུང་བ་དེ་གྲོག་རོང་ནས་མི་གེར་ཤི་སོང་ལ། ཤི་ཁར་ཁོ་བོ་འཇིག་རྟེན་མིའི་རིགས་ལ་ཞེན་པ་ལོག་ཅིང་། སྨོན་ལམ་ལོག་འདེབས་ཀྱིས་རང་ཉིད་སྲོག་ཆགས་གདུག་པ་ཅན་ཞིག་གི་སྐྱེ་བ་བླངས་ཤིང་། དེས་མིའི་རིགས་ལ་གནོད་པ་བྱས་ནས།  ཁོང་ཚོར་འདུག་སའི་གཞི་མེད། འགྲོ་སའི་གནས་མེད་པ་ཞིག་ཏུ་བསྒྱུར་ཐུབ་པར་སྨོན་ཅེས་སྨོན་ལམ་བཏབས་ཡོད་པས། དེའི་སྡིག་སྒྲིབ་ཀྱིས་བུ་ཆུང་བ་དེའི་སྐྱེ་བ་གཞུག་མ་དང་གཞུག་མའི་ཚེ་རབས་ཀུན་དུ་དགུན་ཁ་གྲང་འཁྱགས་དང་ཁ་བའི་ཁྲོད་དུ་འབུ་ལུས་བླངས་ཤིང་གྲང་དམྱལ་གྱི་སྡུག་བསྔལ་མྱོང་དགོས་ལ། དབྱར་ཁ་ས་ཤུན་གྱི་པགས་པ་མགོ་བོས་ཕུག་པའི་ན་ཟུག་གི་རྗེས་སུ་མཐོ་སྒང་ཉི་མའི་ཚ་དྲོད་ཀྱིས་བསྲེག་ལ་ཁད་དང་གཞོམ་ལ་ཁད་བྱེད་པའི་ཚ་དམྱལ་གྱི་སྡུག་བསྔལ་མྱོང་དགོས་པར་བཤད། མིའི་རིགས་ཀྱིས་འདི་དག་གསོད་དགོས་པར་སྣང་བ་ནི་ནུ་བོས་སྨོན་ལམ་གྱི་མཐུ་ཕོག་པས་ཡིན་ལ། འདིས་མིའི་རིགས་ཀྱི་ཧམ་སེམས་རྒྱས་སུ་བཅུག་སྟེ་མཐར་ཁོར་ཡུག་ལ་ཕོག་ཐུག་བཏང་ཞིང་ས་འགུལ་དང་ཆུ་ལོག་གི་རྒྱུན་མི་འཆད་པ་འབྱུང་བ་དང་། དབྱར་རྩྭ་འདི་བརྐོས་ན་ནི་སྲོག་ཆགས་འབུ་ཞིག་བསད་དང་ཁྱད་པར་མེད་ཅིང་། ཆོས་གཞུང་དག་དུ་སྲོག་ཆགས་གཅིག་གི་སྲོག་བཅད་ན་དེའི་གཟུགས་ཕུང་གི་ཆེ་ཆུང་ལ་ཁྱད་མེད་པར་སྲོག་ལན་ལྔ་བརྒྱས་འཇལ་དགོས་པའི་རྣམ་སྨིན་བརྗོད་དུ་ཡོད་པར་བཤད། གཞན་ཁྱུང་པོ་ཚེ་རིང་དཔལ་རྒྱལ་གྱིས་གངས་ལྗོངས་གླེང་སྟེགས་ནང་བཀོད་པའི་དབྱར་རྩྭའི་སྐོར་གྱི་རྩོམ་ཞིག་གི་ནང་དུས་རབས་ཉི་ཤུ་པའི་དུས་མགོར་བྱོན་པའི་ཁམས་ཁུལ་གྱི་གྲུབ་དབང་བཟོད་པ་རྒྱལ་མཚན་གྱིས་རྩྭ་འབུ་འདི་བརྐོས་པ་ནི་བཙུན་རྒན་ང་བསད་པ་དང་ཁྱད་པར་མེད་ཅེས་གསུངས་མྱོང་ཡོད་པར་གྲགས་ཞེས་བྲིས་འདུག གང་ལྟར་དབྱར་རྩྭ་དེ་སྔོན་ཆད་རྒན་མོ་ཞིག་ཡིན་ནམ་བྱིས་པ་ཞིག་ཡིན། དེ་དག་བསད་ན་སྡིག་སྒྲིབ་ཅི་འདྲ་ཞིག་ཡོད་པ་སོགས་ང་ལྟ་བུས་ཁ་ཚོན་ཆོད་པ་ཞིག་རྩ་བ་ནས་མིན་རུང་། ངས་ནི་གོང་དུ་བཤད་ཟིན་པ་བཞིན་སྒྲུང་གཏམ་དེ་རིགས་ཀྱིས་མིའི་རིགས་ལ་ལས་འབྲས་བསླུ་བ་མེད་པ་དང་། ཚེ་སྲོག་གི་ཐད་ནས་ཚང་མ་འདྲ་མཉམ་ཡིན་པ། རང་བྱུང་ཁོར་ཡུག་ལ་གཏོར་བཤིག་བྱ་མི་རུང་བ་སོགས་ཀྱི་ཐད་ལ་བྱས་རྗེས་བླ་ན་མེད་པ་བཞག་ཡོད་ཅེས་གདེང་འཇོག་ཚད་མཐོན་པོ་བྱེད་ངེས་ཡིན་ནོ།
   གསུམ་པ། སྨན་གཞུང་དུ་བཤད་པའི་དབྱར་རྩྭའི་བྱུང་བ།
འོ་ན། ཚན་རིག་པ་དང་བོད་ཀྱི་གསོ་རིག་གི་མཁན་པོ་དག་གིས་ཅི་ལྟར་གསུངས་འདུག་ཅེ་ན། དབྱར་རྩྭ་དེ་མེ་ལྕེབ་ཕྱེ་ལེབ་རིགས་ཀྱི་འབུ་ཕྲུག་ས་གཏིང་དུ་ཡོད་པའི་ལུས་ལ་དུག་སྲིན་ཞུགས་ནས་ཤི་བའི་ལུས་སླར་ཡང་སྐྱེ་དངོས་ཀྱི་རྩྭ་རུ་གྱུར་ཅིང་སྐྱེས་པ་ཡིན་པ་དང་། མཐོ་སྒང་གི་གནམ་གཤིས་དང་ཁོར་ཡུག་གི་དབང་གིས་མེ་ལྕེབ་ཕྱེ་ལེབ་རིགས་ཀྱི་འབུ་ཕྲུག་གི་བརྒྱ་ཆ་སུམ་ཅུ་ཡས་མས་རྩྭ་རུ་འགྱུར་བའི་ཉེན་ཁ་ཡོད། རྩྭ་རུ་གྱུར་ན་མཐོ་སྒང་ནས་ཉིན་མོ་ཉི་མའི་འཆར་ཡུན་རིང་བ་དང་མཁའ་དབུགས་གཙང་བ། རང་བྱུང་ཁམས་ཀྱི་ཐོན་ཁུངས་མོད་པ་སོགས་ཀྱིས་འཚོ་བཅུད་མང་པོ་བསྡུ་ལེན་བྱེད་ནུས་ཤིང་། དགོང་མོ་གྲང་ངར་ཆེ་བས་ཟུངས་བཅུད་ཕྱི་རུ་མི་འཆོར་བར་རང་སར་གསོག་ཉར་བགྱི་བ་ཡིན་པས་སྨན་རྩྭ་འགེངས་ཆེན་དུ་འགྱུར་བར་བཤད་ཡོད་ལ། མཚོ་སྔོན་མི་རིགས་དཔེ་སྐྲུན་ཁང་གིས་པར་ཏུ་བསྐྲུན་པའི་སྨན་རིས་གསལ་བའི་མེ་ལོང་དུ། ཤ་མོའི་རིགས་འདི་ནི་ཕ་ཝང་གི་སྡེར་གཏོགས་པའི་སྲིན་བུ་ཆ་གའི་རིགས་ཤིག་ལ་གཞན་བརྟེན་བྱས་པ་རེད། དགུན་ཁར་ཤ་མོའི་རིགས་ཉག་མ་སྐུད་པ་ལྟ་བུ་དེ་ས་འོག་ན་ཡོད་པའི་འབུ་ཕྲུག་གི་ལུས་ལ་ཞུགས་ནས་བཅུད་བཞིབས་ཏེ། འབུ་ཕྲུག་གི་ལུས་ཡོངས་ལ་ཤ་མོས་ཁྱབ་ནས་ཤི། དབྱར་ཁར་ཤ་མོའི་རིགས་དེ་སྐྱེས་ནས་ས་ཁར་ཐོན། རྟིང་བ་ས་འོག་ཏུ་འབུ་ཕྲུག་གི་ལུས་ལ་འབྲེལ་ཡོད། ཅེས་བྲིས་འདུག་ཅིང་། གཞན་ཆབ་མདོ་ས་ཁུལ་སྨན་རྩིས་ཁང་གིས་བསྒྲིགས་པའི་འཁྲུངས་དཔེ་དྲི་མེད་ཤེལ་གྱི་མེ་ལོང་དང་སློབ་དཔོན་ཐུབ་བསྟན་ཕུན་ཚོགས་ཀྱིས་རྩོམ་བསྒྲིགས་བྱས་པའི་གངས་ལྗོངས་ཚིག་མཛོད་ཆེན་མོ་གཉིས་ཞལ་གཅིག་མཐུན་གྱིས། རྩྭ་ད་བྱིད།   དབྱར་རྩྭ་དགུན་འབུ་འདི་རང་ལྗོངས་ཀྱི་སྨི༤༣༠༠ནས་༥༠༠༠བར་གྱི་འབྲོག་ཁུལ་གང་དུའང་ཐར་ཐོར་ཡོད་ཅིང་། མང་ཆེ་བ་ཁ་མཐོའི་སྲིབ་རིའི་སྤང་དུ་འཁྲུངས་ཤིང་ལོ་གཅིག་སྐྱེ་བའི་རྩྭ་རིགས་ཏེ། ཐོག་མར་དགུན་དུས་འབུ་མེ་ལྕེབ་ཕྱེ་ལེབ་རིགས་ཀྱི་འབུ་ཕྲུག་ས་གཏིང་དུ་ཡོད་པའི་ལུས་ལ་དུག་སྲིན་ཞུགས་ནས་ཤི་བའི་ལུས་སླར་ཡང་སྐྱེ་དངོས་ཀྱི་རྩ་རུ་གྱུར་ནས་སྐྱེས་པ་ཡིན་པས། ཤ་རྒྱུའི་རྩ་བ་ཕྱི་སེར་ལ་ནང་དཀར་བ་འཕྲེད་གཉེར་དང་ལྡན་པ། མགོ་དང་ཁ་ཡོད་པར་མ་ཟད་ལྟོ་བར་རྐང་ལག་ཆ་བརྒྱད་ཡོད་པ་སོགས་འབུ་ཡི་ལུས་ཇི་ལྟ་བ་ལ། ལྟག་པའི་རྒྱུད་དུ་སྤུ་ཐུང་ནག་ཞིབ་ཐར་ཐོར་ཡོད་པ། ལུས་ཚད་ཕལ་ཆེར་སྨི༠་༠༥ནས་༠་༠༥ཙམ་ཟིན་པ་སའི་ནང་དུ་ཐད་ཀར་ཟུག་པ་དང་། ཟླ་༥པ་ནས་༦པའི་བར་ས་ངོས་སུ་སྡོང་པོ་རྫ་སྨུག་གམ་ཁམ་ནག་སྟོད་སྦོམ་ཞིང་སྨད་ཕྲ་བ་ནང་ཤ་དཀར་པོ་ཅན། ཚད་སྨི་༠་༠༣ནས་༠་༠༦ཙམ་ཟིན་པ་མངོན་པ་དེ་འབུ་ལ་རྭ་སྐྱེས་པ་དང་འདྲ་བས་ཕལ་གྱིས་འབུ་རྭ་ཞེས་ཟེར་ཀྱང་དོན་དུ་ཤ་མོའི་རིགས་ཡིན་སོགས་བྲིས་འདུག གཞན་དཔའ་རིས་སངས་རྒྱས་ཀྱི་བརྡ་སྤྲོད་སྦྱོར་བ་རྣམ་བཞི་རབ་གསལ་ཏུ་དབྱར་རྩྭ་དགུན་འབུ་ལ་རྩྭ་ད་བྱིད་ཅེས་པ། འདི་སྨན་དུ་སྲོགས་ཆགས་ད་བྱིད་ཀྱི་ནུས་པ་དང་ལྡན་པར་ཤེས་ན། རོ་ཙ་དང་མཁལ་ནད་སོགས་གསོ་བའི་སྨན་ཆེན་ཡིན་ནོ་ཞེས་བྱིས་འདུག
བཞི་པ། དབྱར་རྩྭ་དང་ཁོར་ཡུག་སྲུང་སྐྱོབ་སྐོར་གླེང་བ།
དབྱར་རྩྭ་རྐོ་སྒྲུབ་བྱས་ན་ས་བཅུད་ཉམས་པས་ཟོག་ལ་ཤ་ཤེད་མི་རྒྱས་བར་གནོད་ཅིང་། དེ་མཚུངས་ཟོག་ཤ་ཟོས་ན་སྔར་ལྟར་ལུས་ཟུངས་གསོ་བའི་ནུས་པ་མི་འདུག་ཅེས་བོད་མི་རྒད་པོ་ཚོའི་ངག་ན་ཐོས་རྒྱུ་འདུག་ལ། ཁམས་བྲག་འགོ་རྫོང་གི་གཙང་སྨད་ཡུལ་ཚོ་ན་དེང་སང་རི་སྐྱེས་སྲོག་ཆགས་མང་པོ་པགས་ནད་ཅིག་གིས་ལ་ཤི་ལུང་ཤི་བྱེད་བཞིན་འདུག་པ་དེའང་དབྱར་རྩྭ་དགུན་འབུ་བརྐོས་སོང་བས་ཡིན་ནམ་ཞེས་འབྲོག་པ་མང་པོས་ཐེ་ཚོམ་བྱེད་འདུག གཞན་ཁོར་ཡུག་སྲུང་སྐྱོབ་ཀྱི་ཆེད་མཁས་ཚོས་གསུངས་པ་ལྟར་ན། དབྱར་རྩྭ་འདི་བརྐོས་ན་རང་བྱུང་གི་ཁུང་བུ་འབུག་པ་དང་ཆུ་རྐ་བཏོད་པ། གད་པ་འབྱུང་བ་དང་། ཆུ་འཁྱུལ་ཆགས་པ་སོགས་འབྱུང་བར་གནོད་པས། མཐར་ཨ་བྲའི་གནས་བཅའ་བར་སྐུལ་འདེད་བྱེད་ཅིང་། སྤང་ཐོག་ཏུ་རྩྭ་མི་སྐྱེ་བར་གནོད་པ། ཆུ་ལོག་རྒྱུག་པ་དང་རྩི་ཤིང་གི་རྩ་བར་གནོད་པས་རྩྭ་ཐང་བྱེ་ཐང་དུ་འགྱུར་བ་སོགས་ཀྱི་ཉེན་ཁའང་ཡོད་པར་བཤད། ཡིན་ནའང་། དབྱར་རྩྭ་འདི་བོད་རིགས་མང་ཚོགས་ཀྱི་འཚོ་བའི་གྲུབ་ཆ་གལ་ཆེན་ཞིག་ཏུ་གྱུར་ཡོད་པས། ༢༠༠༨ཀྱི་ལོར་འབུ་གོང་ཚབས་ཆེན་ལྷུང་སྐབས་ཁམས་ཕྱོགས་ཀྱི་བོད་མི་ཁ་ཤས་ཤིག་ལ་འཁྱགས་ལྟོགས་ཀྱི་སྡུག་བསྔལ་ཀྱང་བྱུང་འདུག་ཅེས་པའི་གནས་ཚུལ་མང་པོ་ཐོས་རྒྱུ་དང་མཐོང་རྒྱུ་ཡོད་ན། ང་ཚོས་འདི་བརྐོ་བསྒྲུབ་བྱ་མི་རུང་ཞེས་ཚ་བཀག་བྱ་ཐབས་མེད་ལ། དེ་ལྟར་བྱེད་དགོས་ན་དེའི་ཚབ་ལ་ཡོང་སྒོ་འདྲ་མཚུངས་བ་ཞིག་སྤྲོད་རྒྱུ་ཡོད་དགོས་རུང་། དེ་ནི་སུ་ལའང་མེད་ཕྱིན། གནས་སྐབས་རིང་ཅི་ནུས་གང་ནུས་ཀྱིས་དབྱར་རྩྭ་རྐོ་སྐབས་ཁོར་ཡུག་ལ་སྲུང་སྐྱོབ་བྱེད་པའི་ཀུན་སློང་སེམས་ལ་ཉར་དགོས་པ་དང་། འཚོ་བའི་རེ, ་བ་ཡོད་ཚད, ་དབྱར་རྩྭ་རྐྱང་བར་བཅོལ་མི་རུང་བའ, ི་འདུ་ཤེས་ཙམ་གསོ་སྐྱོ, ང་བྱ་བ་ལས་འོས་མེད།
  ལྔ་པ། དབྱར་རྩྭའི་རྩྭ་ས་དོ་དམ་དང་ཐེབས་རྩ་འཛུགས་པ།
དེ་ལ་དབྱར་རྩྭ་རྐོ་སྐབས་དོ་དམ་ལྷན་ཚོགས་སམ་དབྱར་རྩ་ཐེབས་རྩ་ཚོགས་པ་བཙུགས་ནས་གཤམ་གྱི་བྱ་འགུལ་དག་རིམ་པར་སྤེལ་དགོས་ཏེ། དང་པོ། ཆོས་ལྡན, ་, བོད་ཀྱི་ཡུལ་དུ་འཚོ་ཞིང་གནས་པའི་བོད་མི་ནི་ཆོས་ལ་དད་ཅིང་ལས་འབྲས་བསླུ་བ་མེད་པ་ཁས་ལེན་པའི་མི་རིགས་ཤིག་ཡིན་པས། ཐོག་མར་གོང་དུ་བརྗོད་པའི་དབྱར་རྩྭའི་སྐོར་གྱི་སྒྲུང་གཏམ་སོགས་བརྒྱུད་དེ་མང་ཚོགས་ལ་དབྱར་རྩྭ་བརྐོས་ན་ཉེས་དམིགས་ཆེ་རབས་དང་། དབྱར་རྩྭ་བརྐོས་རྗེས་ས་ཡི་བཅུད་དང་སྐྱེས, ་འགྲོའི་གཡང་མི་ཉམས་པའི་ཕྱིར་ངེས་པར་ཏུ་དབྱར་རྩྭའི་ཡོང་འབབ་ལས་བརྒྱ་ཆ་ཁ་ཤས་ས་གནས་དེ་གའི་རི་སྐྱེས་སྲོག་ཆགས་ཀྱི་སྲུང་སྐྱོབ་དང་རྩྭ་ས་བདག་གཉེར། གད་སྙིགས་འདོར་ལེན་སོགས་ཀྱི་ལས་ཀར་ཐེབས་རྩ་སྒྲུབ་པར་འབུལ་བའི་འབོད་སྐུལ་གཏོང་དགོས། གཉིས་པ། སྲོལ་རྒྱུན་སྨན་གཞུང་དང་དེང་རབས་ཚན་རིག་གི་དགོངས་པར་མཐུན་པའི་དབྱར་རྩྭ་རྐོ་སྒྲུབ་སྒྲིག་གཞི་ཞིག་ཆགས་དགོས་ཏེ། དཔལ་ལྡན་རྒྱུད་བཞིར་བསྟན་པའི་སྔོ་སྦྱོར་ལ་གཅེས་པའི་ཡན་ལག་བདུན་ལྡན་སོགས་གོ་སླ་ཉན་བདེས་ངང་མང་ཚོགས་ལ་ཁྱབ་སྒྲོག་བྱེད་པ་དང་། འབུ་རྐོན་དོ་དམ་བྱེད་པའི་སྒྲིག་སྲོལ་འགོད་པ། ཁོར་ཡུག་ལ་གནོད་སྐྱོན་ཆེན་པོ་མེད་པའི་ལག་ཆའམ་ཡོ་བྱེད་གསར་བཟོ་དང་གཅིག་གྱུར་བྱེད་པའི་འཆར་གཞི་འཐེན་པ། སྡེ་མིའི་ཆོས་ཚོགས་ཀྱི་སྐབས་སུ་ནས་གསོན་ལ་མ་ཎི་སོགས་བསྔགས་ཏེ་མང་ཚོགས་ལ་འགྱེད་པ་དང་། ནས་འབྲུ་དེ་དག་དབྱར་རྩྭ་བརྐོས་རྗེས་ངེས་པར་ཏུ་དོང་ནང་ལ་བླུགས་ཏེ་དོང་ཁ་བསུམ་དགོས་པའི་བཀའ་རྒྱ་སྒྲོག་པ། དཔྱིད་དུས་བོད་ཀྱི་སྐྱེ་ཁམས་ནི་བྱིས་པའི་བཞིན་རས་བཞིན་གཉོམ་པས་འབུ་རྐོན་གྱིས་ལྷམ་ལྕགས་ཤན་མ་སོགས་གོན་མི་རུང་བ། འཕྲུལ་རྟ་སོགས་གང་འདོད་དུ་བསྐོར་ནས་འགྲོ་མི་ཆོག་པ། འབུ་རྐོན་གྱིས་དམག་མིས་འཇབ་རྒོལ་བྱེད་པ་བཞིན་གློ་ཉལ་བྱས་ཏེ་གྲུ་མོ་དང་གཞོགས་ཟུར། རྡོག་ངོས་བཅས་ལ་བརྟེན་ནས་ནུར་འགྲོས་བྱེད་མི་ཆོག་པ་སོགས་ཀྱི་སྒྲིག་སྲོལ་འཛུགས་པ། གསུམ་པ། རྒྱ་དང་ཁ་ཆེ་བའི་ཚོང་བ་ངན་པ་དང་ཁྱི་སྤྱང་ངན་འབྲེལ་གྱིས་འབུ་རྫུན་བོད་ཡུལ་དུ་ཁྱེར་ཏེ་དབྱར་རྩྭ་དང་བསྲེས་ཤིང་འཚོང་བཞིན་པའི་ངན་སྤྱོད་ནན་འགོག་བྱེད་པ། བཞི་པ། དབྱར་རྩྭ་རྐོ་སྐབས་བདེ་འཇགས་ལ་གནོད་པའི་མདའ་མཚོན་འཁྱེར་བ་བཀག་སྡོམ་བྱེད་པ་དང་། སྤུན་ཟླའི་སེམས་ཁམས་དཀྲུག་པའི་ཚིག་རྩུབ་དང་ངག་འཁྱར། རྫུན་ཚིག་སོགས་མི་སྨྲ་བའི་ཁས་ལེན་གཅོད་པ་དང་བདེ་ཐང་ལ་གནོད་པའི་དུས་ཚོད་བརྒལ་ཅིང་། རྒྱུ་སྤུས་མི་ལེགས་པའི་ཚོང་རྫས་སྔོན་འགོག་བྱེད་པ། གལ་ཏེ་འབུ་དོན་དུ་སྤུན་ཟླ་ནང་དམེ་བྱེད་མཁན་བྱུང་བ་དང་། མི་སེར་གྱི་རིག་གནས་ཆུ་ཚད་ཞན་པའི་སྐབས་དང་བསྟུན་ཏེ་ཚོང་རྫས་རྫུན་མ་སོགས་འཚོང་མཁན་བྱུང་ན་དེའི་དབྱར་རྩྭ་དང་ཡོང་འབབ་མ་ལུས་གཞུང་བཞེས་གནང་བའི་ཁྲིམས་སྲོལ་འགོད་པ་དང་། ཁྲིམས་སྲོལ་དེ་ཁྲིམས་མཐུན་ཡོང་ཆེད་ས་གནས་སྲིད་གཞུང་དང་། བླ་དཔོན། ཡུལ་མི་བློ་སྒོ་ཅན་དག་ཡོད་ས་ནས་ཁྲིམས་སྲོལ་སྟེང་དུ་མིང་རྟགས་འགོད་དུ་འཇུག་པ།  ལྔ་པ། དབྱར་རྩྭ་རྐོ་སྐབས་སྐྲུན་པའི་འགྱིག་དང་ཤེལ། ལྕགས་སོགས་གད་སྙིགས་དག་ངེས་པར་ཏུ་ས་གནས་དེ་གའི་ཆེད་དམིགས་སྙིགས་ཟོམ་དུ་རིགས་དབྱེ་ནས་འཕེན་པ་དང་། མཐར་དབྱར་རྩྭའི་ཐེབས་རྩ་བེད་སྤྱད་དེ་གད་སྙིགས་དག་རྫོང་ངམ་ཁུལ་རིམ་པའི་གད་སྙིགས་འདོར་ལེན་ས་ཚིགས་སུ་བསྐྱལ་ཅིང་འདོར་ལེན་བྱེད་དུ་འཇུག་དགོས།
དྲུག་པ། དབྱར་རྩྭའི་མིང་གི་རྣམ་གྲངས་གླེང་བ།
 སྲོལ་རྒྱུན་དུ་དབྱར་རྩྭ་ལ་དབྱར་རྩྭ་དགུན་འབུ་དང་། རྩྭ་ད་བྱིད། དབྱར་རྩྭ། འབུ་སོགས་འབོད་སྲོལ་ཡོད་ལ། དེ་དག་ནི་རྣམ་པ་དང་བྱེད་ནུས་ཀྱི་སྒོ་ནས་བཏགས་པ་ཡིན་ཞིང་། དེ་བཞིན་དུ་དབྱར་རྩྭ་རྐོ་མཁན་ལ་འབུ་རྐོན་དང་། དབྱར་རྩྭ་ཉོ་ཚོང་བྱེད་པར་འབུ་ཚོང་། དབྱར་རྩྭ་རྐོ་བྱེད་ཀྱི་ལག་ཆ་ལ་འབུ་ཀེག དབྱར་རྩྭའི་རིན་གོང་ལ་འབུ་གོང་། དབྱར་རྩྭའི་རྭ་ཅོ་ལ་འབུ་རྭ། དབྱར་རྩྭ་སྐྱེས་ཡུལ་ལ་འབུ་ས། དབྱར་རྩྭ་རྐུ་མཁན་ལ་འབུ་རྐུན་སོགས་བརྗོད་སྲོལ་ཡོད་ཅིང་། དེང་སང་ཚོང་ར་ན་ཚོང་ལས་ཀྱི་དགོས་པའི་དབང་གིས་དེའི་རིགས་དབྱེ་ནས་རྒྱ་སྐད་ཀྱི་མིང་སྣ་ཚོགས་ཡོད་རུང་། ང་ཚོ་བོད་སྐད་ཀྱི་སྟེང་ནས་འདི་དག་ལ་མིང་གཅིག་གྱུར་ཞིག་ཡོད་པ་མ་མཐོང་བས། ད་ཐེངས་རྩོམ་ཡིག་འདིའི་ས་བཅད་མ་སྟོང་ཙམ་དང་། བོད་མི་རིགས་ཀྱི་སྐད་ཡིག་གཅིག་གྱུར་ཡོང་བར་རིགས་རིམ་པ་ཅན་གྱི་རྒྱ་མང་དག་བོད་མིང་དུ་བསྒྱུར་ཁུལ་བྱས་ཡོད་དེ། དཔེར་ན།大哥大ལ་འབུ་དཔོན།  大草ལ་འབུ་ཆེན། 中草ལ་འབུ་དར་མ་།   小草ལ་འབུ་ཆུང་།  烂草ལ་འབུ་རུལ།   选草ལ་བདམས་འབུ།   统混ལ་འབུ་ཉོག 王中王ལ་འབུ་རྒྱལ།  虫草王ལ་འབུ་མཆོག  一级虫草ལ་འབུ་གཞོན།   二级虫草ལ་འབུ་དར་མ།   三级虫草ལ་འབུ་རྒན།   截肢ལ་འབུ་ཆག་སོགས་འབོད་ཆོག སྤྱིར་འབུ་དཔོན་དང་འབུ་རྒྱལ་སོགས་ནི་འབོད་སྟངས་མི་འདྲ་བ་ལས་དོན་ཕལ་ཆེར་གཅིག་མཚུངས་ཡིན། ནམ་རྒྱུན་ང་ཚོའི་དབྱར་རྩྭའི་ཚོང་ར་ན་འབུ་ཉོག་དང་བདམས་འབུ་ཞེས་རིགས་གཉིས་ཡོད་ཅིང་། འབུ་ཉོག་ནི་བཟང་ངན་གྱི་རིགས་གཏན་ནས་མ་ཕྱེ་བར་མཉམ་བསྲེས་སུ་ཡོད་པའི་དབྱར་རྩྭ་རྣམས་ཡིན་ལ། བདམས་འབུ་ནི་རིགས་སོ་སོར་དབྱེ་བའི་དབྱར་རྩྭ་དག་ཡིན་ལ། དེ་ལ་འབུ་རྒྱལ་དང་འབུ་མཆོག འབུ་གཞོན། འབུ་དར་མ། འབུ་རྒན། འབུ་ཆག འབུ་རུལ་སོགས་སུ་དབྱེ་རྒྱུ་ཡོད་དོ། །
བདུན་པ། དབྱར་རྩྭའི་ངོ་བོ་དང་ཕན་ནུས་སོགས་གླེང་བ།
དེ་ལ་ལོ་ངོ་ལྔ་བརྒྱ་ལྔ་བཅུ་ཙམ་གྱི་ཡར་སྔོན་ལ་ཟུར་མཁར་བ་མཉམ་ཉིད་རྡོ་རྗེ་མཆོག་གིས་གསོ་རིག་མན་ངག་བྱེ་བ་རིང་བསྲེལ་ལས། ༈ ཨོཾ་ཨ་ཐ། འཇིག་རྟེན་འདི་ན་ཕུན་ཚོགས་ཀྱི། །བདེ་བ་ཀུན་ལས་རྨད་བྱུང་བ། །འདོད་པའི་ཡོན་ཏན་ཀུན་གྱི་ནི། །སྙིང་པོ་རོ་བཙའི་སྦྱོར་བ་ལ། །བསྟན་བཅོས་ཡན་ལག་བརྒྱད་པ་ལས། །འདམ་བུ་བུར་ཤིང་འཇག་མ་རྩྭ། །དེ་ཡང་དབྱར་རྩྭ་དགུན་བུ་ཞེས། །ཞེས་གསུངས་སྨན་གྱི་འཁྲུངས་དཔེ་ནི། །རྩ་རི་སྒམ་པོ་ལ་སོགས་ཀྱི། །རི་བོ་དབེན་པའི་ལྡོངས་སུ་སྐྱེ། །དབྱར་དུས་འབུ་ལ་ལོ་མའི་རྩ། །རི་སྒོག་འདབ་མ་འདྲ་བ་ལ། །མེ་ཏོག་ཨ་ཝ་དར་ལྗང་འདྲ། །རྩ་བ་སྟོན་མཇུག་གོ་སྙོད་འདྲ། །རོ་ནི་མངར་དང་ཅུང་ཟད་བསྐ། །ཞུ་རྗེས་མངར་ཞིང་ནུས་པ་སྣུམ། །དྲོ་ཞིང་ཅུང་ཟད་ཡང་དང་ལྡན། །རླུང་འཇོམས་མཁྲིས་པ་སེལ་བྱེད་ཅིང་། །བད་ཀན་མི་སྐྱེ་ངོ་མཚར་སྨན། ཁྱད་པར་བྱང་སེམས་རབ་ཏུ་འཕེལ། །ཉེས་མེད་ཡོན་ཏན་རྒྱ་མཚོའི་གཏེར། །དེ་ལ་སྦྱོར་སྡེའི་མན་ངག་ནི། །དུས་སུ་བརྐོས་པའི་རྩ་བ་དེ། །ས་མེད་ཁྲམ་ཁྲུམ་བརྡུངས་པ་ལ། །གཙང་གཡེར་ཞིབ་བཏགས་ཕབས་རྩི་བྲན། །མཆིལ་པའི་ཁོག་པ་བཀང་ལ་བཙོས། །གསེར་མདོག་བཟང་བ་གཅིག་གི་ཕྱེད། །ལུག་གི་འོ་མ་བྲེ་གང་རྣམས། །ལྕགས་སྣོད་ཁུ་བ་རང་ཐིམ་བཙོ། །དེ་ནི་སླར་ཡང་མ་ཚིག་པར། །དལ་བུས་མེ་ཡི་དྲོད་ལ་སྐམ། །རླན་དང་བྲལ་ནས་ཞིབ་པར་བཏགས། །ཁ་ཚ་བཟང་དྲུག་ཕོ་བ་རིས། །གི་ཝང་དོམ་མཁྲིས་ཆིག་ཐུབ་འབྲུ། །གསང་བ་སྨན་གཅིག་ཐུན་བཟང་རེ། །གངས་སྦལ་བཟང་པོ་རྙེད་ཀྱང་བསྲེ། ། ཞིབ་བཏགས་སྦྲང་རྩིའི་རིལ་བུ་ནི། །ལུག་གི་རིལ་མ་ཙམ་དུ་དྲིལ། །ཐོ་རངས་ཨ་རག་གར་ཆང་གཉིས། །གང་འབྱོར་ཀ་ར་སྦྱར་བས་ཕུལ། །ཟླ་གཅིག་བསྟེན་པས་ཆགས་སྤྱོད་དང་། །རྗེན་དང་སྔོ་ངད་རུལ་སུངས་སྤང་། །དཀར་དང་མངར་གསུམ་གསར་བཅུད་བསྟེན། །ཕན་ཡོན་བསམ་གྱིས་མི་ཁྱབ་སྟེ། །ལུས་ཀྱི་ཟུངས་བདུན་རྒྱས་པ་ལ། །ཁྱད་པར་རོ་བཙའི་དོན་མཆོག་བྱེད། །རིགས་རྒྱུད་སྤེལ་དང་བཀྲག་མདངས་རྒྱས། །དབང་པོ་ལྔ་ནི་རྣམ་པར་བཀྲ། །འདི་ལ་ཡོན་ཏན་མཐའ་ཡས་པ། །ཚིག་གི་བརྗོད་པས་ཟད་མཐའ་མེད། །ཉམས་སུ་བླངས་ན་བདེ་ཆེན་གྱི། །ཕྱག་རྒྱ་གར་མཁན་རྣམ་དཔྱོད་ཀྱིས། །མཛེས་མ་འབུམ་གྱི་དགའ་བ་འཕྲོག །ཞལ་གདམས་མཐོང་བརྒྱུད་མེད་པ་ན། །ཇི་ལྟར་འདོད་པའི་འབྲས་མི་སྟེར། །འདི་ན་དད་མོས་ཕན་པ་ཡི། །སེམས་བྲལ་བླུན་པོ་རང་འདོད་དང་། །གྱི་ནའི་གདོན་གྱིས་གཟིར་བ་རྣམས། །སྣོད་མིན་ཧ་ལ་ནག་པོ་སྟེ། །དགེ་ཞིང་གཟུ་བོར་གནས་པ་དང་། །དམ་ཚིག་གཞུང་བཟང་སྐལ་བ་བཟང་། །ཡོད་ན་ཟབ་གནད་འདི་ཡིན་ཞེས། །དྷརྨ་སྭཱ་མིས་བྲིས་འདིའི་དགེས། །འགྲོ་ཀུན་བདེ་བ་མཆོག་ཐོབ་ཤོག །ཤུ་བྷཾ། ཞེས་གསུངས་ཡོད་ཅིང་།
བོད་ལྗོངས་ཆབ་མདོ་སྨན་རྩིས་ཁང་གིས་སྤེལ་བའི་འཁྲུངས་དཔེ་དྲ, ི་མེད་ཤེལ་གྱི་མེ་ལོང་དང་ཀྲུང་དབྱང་མི་རིགས་སླ, ོབ་གྲྭའི་སློབ་དཔོན་ཆེན་མོ་ཐུབ་བསྟན་ཕུན་ཚོགས་མཆོག་གིས་མཛད་པའི་གངས་ལྗོངས་ཚིག་མཛོད་ཆེན་མོ་གཉིས་ཞལ་མཐུན་པར་དབྱར་རྩྭ་དགུན་འབུའི་རོ་དང་ཕན་ནུས་གསུངས་སྐབས།  རོ་མངར་ལ་ལན་ཚ། ཞུ་རྗེས་དྲོ། ནུས་པས་བཅུད་ལེན་ཟུངས་འཕེལ། ཁྱད་པར་མཁལ་དྲོད་གསོ་ཞིང་མཁལ་སྟོབས་སྐྱེད། རོ་ཚ་སྐྱེད་ཅིང་ཐིག་ལེ་འཛག་གཅོད་སྲུང་། གློ་གཅོང་དང་བད་རླུང་གློ་བར་ཞུགས་པ། དབུགས་མི་བདེ་བ་བཅས་སེལ་ཞིང་། རྒན་བྱིས་དང་། ཟུངས་ཟད། རླུང་ལྡན་རྣམས་ལ་བདུད་རྩིར་མཚུངས་ཞེས་གསུངས་འདུག
མཚོ་སྔོན་མི་རིགས་དཔེ་སྐྲུན་ཁང་གིས་པར་ཏུ་བསྐྲུན་པའི་སྨན་རིས་གསལ་བའི་མེ་ལོང་དུ། རོ་མངར་ཞིང་ནུས་པ་དྲོ་བ་ཡིན། བྱེད་ལས་ནི་ལུས་སྟོབས་རྒྱས་ཤིང་ལུས་ཟུངས་གསོ། གློ་སྐྲན་དང་རྒན་པོ་རླུང་ལུ་བྱེད་པ། ཟུངས་ཁྲག་ཉམས་པ། རྩ་དཀར་རང་བཞིན་གྱི་ཕོ་བ་ན་བ། ཕོ་བ་འཚང་ཞིང་སྒྲེགས་པ། ཡི་ག་ཆད་པ། རུས་ཚིགས་ན་བ། རྒན་པོ་ཕོ་དྲོད་ཉམས་པ་བཅས་གསོ་སོགས་གསུངས་ཡོད་ལ། བོད་རྒྱ་ཚིག་མཛོད་ཆེན་མོ་རུ། རོ་མངར། ཞུ་རྗེས་སྙོམས། ནུས་པས་མཁལ་རྐེད་ན་བ་དང་། ལུ, ས་སྨད་དུ་དྲོད་མི་ཁུག་པ་དང་། ཁུ་བ་ཟད་པ། ལུས་སྟོབས་ཉམས་པ་བཅས་ལ་ཕན་ཞེས་བྲིས་ཡོད།
རྒྱ་སྨན་གྱིས་དབྱར་རྩྭ་དང་དཀར་པོ་ཆིག་ཐུབ་དང་། ཤྭ་རྭ་བཅས་ལ་སྨན་གྱི་རིན་ཆེན་རྣམ་, གསུམ་དུ་འབོད་ཅིང་། ཉེ་སྔོན་ཤར་ལྷོ་སློབ་ཆེན་མཁལ་ནད་ཞིབ་འཇུག་ཁང་དང་ཤར་ལྷོ་སློབ་ཆེན་གྱི་ཁོངས་གཏོགས་ཀྲུང་གོ་གསོ་རིག་སློབ་གླིང་གི་མཁས་དབང་ཀུང་ཀྲང་དང་ཀྲང་ཤའོ་ལེང། ལུའོ་པེས་ཁྲང་བཅས་ཀྱིས་མཛད་པའི་དབྱར་རྩྭ་དགུན་འབུའི་ད་ཡོད་གནས་ཚུལ་དང་སྨན་བཅོས་ཡར་རྒྱས་འབོད་པའི་དཔྱད་རྩོམ་ནང་དུ་མིག་སྔར་ཚན་རིག་ལག་རྩལ་གསར་, བས་ཤེས་གསལ་ལྟར་ན། དབྱར་ར, ྩྭ་དགུན་འབུས་མཁལ་མ་དང་མཆིན་པ་སྲུང་བ་ད,, ང་། རིམས་འགོག་མ་ལག་འཛུགས་པ། སྙིང་ཁྲག་དབྱང་འགྱུར་འབྱུང་བ་སྔོན་འགོག་བྱེད་པ་དང་ཁྲག་རྩའི་གནོད་ཤུགས་ཆུང་དུ་བཏང་ནས་ཁྲག་རྩ་འགད་པ་སྔོན་འགོག་དང་ཁྲག་རྩ་ཉམས་གསོའི་ནུས་པ་ལྡན་པ། སྐྲན་ནད་སྔོན་འགོག་དང་སྨན་བཅོས་བྱེད་པ། གཅིན་སྙིའི་ནད་ལ་སྨན་བཅོས་བྱེད་པ། གློ་གཅོང་དང་དབུགས་ལམ་གྱི་ནད་རིགས་ལ་སྨན, ་བཅོས་བྱེད་པ་སོགས་ལ་ནུས་པ་ཆེན་པོ་འདོན་གྱིན་ཡོད་པར་བཤད་ཡོད།
གཞན་འདིར་རྒྱུན་ཤེས་ཀྱི་ཚུལ་གྱིས་ངེས་དགོས་པ་ཞིག་ལ། རྒྱ་སྐད་དུ་ཁྲུང་ཚའོ་སྟེ་རྩྭ་མ་འབུ་(虫草)ཞེས་པ་འདི་ས་གང་དུའང་བྱུང་བ་ཞིག་ཡིན་ཏེ། ཨན་ཧྭེ་ཞིང་ཆེན་གྱི་ཅིན་ཀྲའེ་(安徽省金寨)ཟེར་བའི་ས་ཆ་རུ་ཡ་ཤང་པང་རྩྭ་མ་འབུ་(亚香棒虫草)ཞེས་པ་ཞིག་བྱུང་ཡོད་ལ། རྩྭ་མ་འབུ་དེ་རི་མཐོན་པོའི་མགོ་ལས་དམའ་མོར་མི་སྐྱེ། རི་མཐོན་པོར་སྐྱེས་པ་ནི་ལོ་དེའི་སྔར་ལོ་ཅིན་ཀྲའེ་ས་ཁུལ་དུ་སྔོན་བྱུང་མ་མྱུང་བའི་ཁངས་ཆེན་ཞིག་བབས་པས་ཡིན་ཞེས་བརྗོད་ཀྱིན་འདུག ཆེན་མཁས་ཀྱིས་གསུངས་ན་ཀྲུང་གོ་རྒྱལ་ཁབ་ཀྱི་ནང་རྐྱང་བོར་རྩྭ་མ་འབུ་དེ་འདྲ་རིགས་༤༠༠ཙམ་ཡོད་ཅིང་། ཡ་ཤང་པང་རྩྭ་མ་འབུ་ནི་རིགས་དེའི་ནང་གསེས་ཙམ་ཡིན། དེ་ལ་ཕྱི་ཚུལ་ནས་བལྟས་ན་དབྱར་རྩྭ་དགུན་འབུ་དང་གཅིག་མཚུངས་ཡིན་རུང་དོན་དུ་སྨན་ནུས་ཀྱི་ཐད་གཏན་ནས་མི་འདྲ་ཞེས་གསུངས་ཡོད་པ་བརྗེད་མི་རུང་། 
བརྒྱད་པ། དབྱར་རྩྭ་རྐོ་སྒྲུབ་བྱེད་སྐབས་དོ་སྣང་བྱེད་དགོས་པ་འགའ།
   དེ་ཡང་གསོ་རིག་རྒྱུད་བཞི་ལས་སྔོ་སྦྱོར་ལ་གཅེས་པའི་ཡན་ལག་བདུན་ལྡན་དུ། སྐྱེ་སར་སྐྱེས་དང་དུས་སུ་བཏུས་པ་དང་། ། སྐམ་གསེད་ལེགས་དང་སོ་མ་རྙིང་བ་དང་། ། དུག་འདོན་འཇམ་བཙལ་འཕྲོད་པར་སྦྱར་བའོ། ། ཅེས་གསུངས་པ་བཞིན་སྐྱེ་སའི་གནས་འགྲིག་པ་སྟེ་བསིལ་དྲོད་གོ་ལྡོག་ཏུ་མ་སྐྱེས་པ་དང་ལུད་རྫིང་དང་། ལམ་མདོ། རྫས་འགྱུར་གྱི་དུག་གིས་མ་སྦགས་པའི་ས་རུ་སྐྱེས་པ། རང་བྱུང་གིས་སྐྱེས་པ་ལས་མིས་བཟོས་ཁོར་ཡུག་ཏུ་མ་སྐྱེས་པ་དང་། ཟླ་བ་ཡར་ངོ་འཆར་ཚེ་རྐོ་བ་དང་། དུས་ནམ་ཡང་ཀླུ་རིག་ལྡན་འཆར་ཚེ་མི་རྐོ་བ། ནམ་རྒྱུན་ཚེས་བདུན་ནས་བཅོ་ལྔའི་བར་བརྐོ་སྒྲུབ་བྱ་ཐུབ་ན་བཟང་བར་བརྩི་བའི་གོམས་གཤིས་ལོབས་སུ་འཇུག་དགོས་ཤིང་། དེ་ལྟར་བྱས་ན་སྐྱེ་ཁམས་མ་ལག་སོར་ཆུད་བྱེད་པར་ཕན་ནུས་ཆེན་པོ་ཡོད་ཅེས་ཁོར་སྲུང་ཆེད་མཁས་ཀྱིས་གསུངས། དེ་བཞིན་དུ་རྒྱུད་ལས། གཙང་མའི་ཁྲུས་བྱས་མཛེས་པར་བརྒྱན། ། གཟུངས་སྔགས་རྟེན་འབྲེལ་སྙིང་པོ་བཟླས་ཤིང་བཏུ། ། གསུངས་པ་བཞིན་སྨན་རྩྭ་བརྐོ་སྒྲུབ་བྱེད་དུས་གཙང་སྦྲ་ལེགས་པོ་བྱེད་དགོས་པ་དང་སེམས་བསྐྱེད་བཟང་བོ་བཟུང་ནས་གཟུངས་སྔགས་ཏདྱ་ཐཱ། ཤོ་ཧོང་ག་རེ་ཏ་རེ་སྭཱཧཱ། སོགས་རྩ་ནས་འབྱུང་བའི་སྔགས་སམ་སེམས་ཅན་དོན་དུ་སྙིང་བོའི་མ་ཎི་བགྲང་བ་དང་རང་གི་དོན་དུ་བཛྲ་གུ་རུ་འདོན་པ་སོགས་བྱེད་ཞོར་རྐོ་སྒྲུབ་བྱས་ན་གཅིག་ནས་སྨན་ནུས་ལྡབ་འགྱུར་གྱིས་ཐོན་པར་གསུངས་ཤིང་། གཉིས་ནས་དབྱར་རྩྭ་དང་དབྱར་རྩྭ་དང་འབྲེལ་བའི་སྡིག་སྒྲིབ་གཞན་སེལ་བ། རང་གི་ལུས་ངག་ཡིད་གསུམ་ལ་འདུལ་སྦྱོང་ཐེབས་ཏེ་དགེ་ཕྱོགས་སུ་གོམས་པར་ཕན་པར་གསུངས། ཡིན་ནའང་། གཙང་སྦྲ་བྱེད་སྐབས་རྫས་འགྱུར་གྱི་བྱུག་རྫས་དྲི་མ་ཅན་དག་བྱུགས་ན་ནི་རྫས་འགྱུར་འགྱུར་འབྱུང་བྱུང་སྟེ། སྨན་དུག་ཏུ་འགྱུར་བའི་ཉེན་ཁའང་ཡོད་པར་གསུངས། གཞན་ཕྱི་ཤུན་ཕྱི་བ་དང་སྐམ་པ། བདག་གཉེར་བྱེད་པ་བཅས་ཀྱི་སྐབས་སུའང་གཙང་སྦྲ་བཟང་བོ་བྱེད་པ་དང་། ལྕེ་ཡིས་ལྡག་པ་དང་སོས་འདེབས་པ་སོགས་བྱས་ནས་ཡང་བསྐྱར་སྨན་རྫས་ཀྱི་ནང་དུ་འཕེན་པ་སོགས་མི་བྱེད་པ། བདག་གཉེར་བྱེད་དུས་ཀྱི་དུས་ལས་མ་ཡོལ་བ། འདུལ་སྦྱོང་གི་སྐབས་སུ་གང་ལ་གང་འཕྲོད་ཀྱི་ལག་ལེན་མ་ནོར་བ་དང་ཚད་དང་རན་དང་། སོ་སོར་འཕྲོད་པའི་གཉེན་པོ་སྦྱར་བ་ཡིན་ན་ད་གཟོད་སྨན་ནུས་ཁ་ཚང་ཐོན་ཐུབ་པར་བཤད་པས། གོང་གི་ལག་ལེན་དག་ལའང་ངེས་ཤེས་ཡོད་ན། དབྱར་རྩྭའི་གོང་ཚད་མི་ལྷུང་བར་ཕན་པ་དང་དབྱར་རྩྭའི་ཚོང་ར་རྒྱུན་བསྲིངས་ཐུབ་པར་ཡང་ཕན་པ་ཆེན་པོ་ཡོད།  གཞན་དབྱར་རྩྭ་ནི་མཚོ་འཕགས་ལ་སྨི༤༣༠༠ནས་༥༠༠༠བར་གྱི་ས་བབ་མཐོ་སར་སྐྱེ་བ་འཁྲུངས་དཔེ་དྲི་མེད་ཤེལ་གྱི་མེ་ལོང་ནང་གསལ་བོར་བཀོད་ཡོད་པ་ནང་བཞིན། མདོ་དབུས་མཐོ་སྒང་ལས་མི་སྐྱེས་ཤིང་། མདོ་དབུས་མཐོ་སྒང་གི་ཡང་ས་ཁུལ་ཁྱོན་ཡོངས་ལ་སྐྱེས་ཐུབ་པ་ཞིག་མིན་པར། ཕ་ཆེར་འབྲོག་ཕྱོགས་སུ་སྐྱེས་པ་ཅུང་མང་བ། ད་ལོ་འདིར་སྐྱེས་ན་སང་ལོ་ཡང་འདིར་སྐྱེས་ཐུབ་པའི་ངེས་པ་མེད་པའི་སྨན་རྩྭ་ཞིག་ཡིན་པས། ཁོར་ཡུག་ལ་གནོད་སྐྱོན་མི་བཟོ་བ་དང་དབྱར་རྩྭ་རྒྱུན་བསྲིང་འཐུས་པའི་ངང་བརྐོ་ཐུབ་པའི་ཆེད་དུ་ངེས་པར་ཏུ་དོང་ནང་དུ་སྡེ་མིས་ཆོས་ཚོགས་ཀྱི་སྐབས་སུ་བསྔགས་པའི་ནས་འབྲུའམ་རྩྭ་དང་མེ་ཏོག་གི་ས་བོན་དག་ལྡུག་པ་དང་དེ་ནས་དོང་ཁ་ལེགས་པོར་བསུམ་པའི་གོམས་གཤིས་ཆགས་དགོས། གཞན་ཉག་རོང་རྫོང་དུ་དབྱར་རྩྭ་བརྐོ་སྐབས་རི་མཐོ་ས་ནས་ཁ་པར་བཏངས་བས་ཐོག་གིས་བརྒྱབ་ནས་ཤི་བ་དང་། མི་ཉག་དར་མདོ་རྫོང་དུ་དབྱར་རྩྭ་་བརྐོ་སྐབས་རྐོ་མའི་ཡུ་བ་ཆག་ཏེ་བྲག་ཁ་ནས་ལྷུང་ཞིང་རྨས་སྐྱོན་བྱུང་བ།  འབའ་ལི་ཐང་ནས་བུ་མོ་གཉིས་དབྱར་རྩྭ་བརྐོ་བར་འགྲོ་སྐབས་སེམས་ཆུང་མ་བྱས་པར་རྟས་དྲུད་དེ་རྨས་སྐྱོན་ཚབས་ཆེན་བྱུང་བ་སོགས་ཀྱི་གནས་ཚུལ་ཐོས་རྒྱུ་འདུག་ལ། ནམ་རྒྱུན་བོད་ཟླ་བཞི་པ་དང་ཟླ་པ་ནི་མཐོ་སྒང་ས་ཆར་ད་དུང་ཁ་བ་དང་བུ་ཡུག་འཚུབ་པའི་དུས་ཡིན་པས། འབུ་རྐོན་དུ་འགྲོ་མཁན་ཚོས་པུས་མོ་དང་ལག་མཐུལ་སོགས་ལ་སྲུང་སྐྱོབ་ལེགས་པོ་མ་བྱས་ན་རྨ་ཡིས་ཁྱབ་པ་དང་སེལ་ཀ་འགས་པ། ཆུ་སེར་རྡོལ་བ་སོགས་གཅོང་ནད་ཀྱི་རིགས་མང་པོ་འབྱུང་བ་སོགས་སེམས་ལ་ངེས་དགོས་པ་ཞིག་ཡིན།
 
དབྱར་རྩྭ་དགུན་འབུ་དང་འབྲེལ་བའི་གླེང་མོལ། ༢
ཆོས་དཔལ་བཟང་པོ།
དགུ་པ། དབྱར་རྩྭ་རྫུན་མ་ཡིན་མིན་བརྟག་ཐབས།
   དེང་སང་ནང་ལོག་གི་ཚོང་ར་ནས, ་བུད་པའི་གཡོ་འཕྲུལ་མང་པོ་ཞིག་གི་ཤུགས་རྐྱེན་འོག་བོད་ཡུལ་གྱི་དབྱར་རྩྭར་ཡང་རྫུན་བཟོའི་གཡོ་ཐབས་མང་པོ་ཞིག་དར་ཡོད་པ་སྟེ། དཔེར་ན། འབུ་ཁོག་ཏུ་ཁབ་འཛེར་བ། ཞ་ཉེ་སྡེབ་པ། ཞ་ཆུ་སྐུད་པ། ཞ་ཆུ་འབུ་རྭའི་ནང་དུ་རྒྱག་པ། དངུལ་ཆུ་དྲངས་བ། ཚྭ་ཆུའི་ནང་སྦྱངས་བ་སོགས་བྱེད་ཀྱིན་ཡོད་ལ། ནང་ལོག་ནས་ཐོན་པའི་འབུ་རྫུན་ལ་ལ་ཞིག་ནི་རྩ་བ་ནས་དབྱར་རྩྭ་མ་ཡིན་པར། ཞོག་ཁོག་དང་གྲོ་ཕྱེ་སོགས་ཀྱིས་ལུས་ཕུང་བཟོས་ཤིང་། འབུ་རྭ་དང་འདྲ་བའི་སྐྱེ་དངོས་ཤིག་ཞོག་ཁོག་སོགས་ཀྱི་མགོ་རུ་འཛེར། དེ་ནས་དབྱར་རྩྭའི་དྲི་མ་དང་ཆ་འདྲ་བའི་སྦྱར་བྱུང་གི་དྲི་གང་ཞིག་བྱུག་་པར་བྱེད་པ་སོགས་ཀྱི་གཡོ་ཐབས་དར་བཞིན་ཡོད་ལ། ད་དུང་གོང་དུ་བརྗོད་པ་བཞིན་ཡ་ཤང་པང་རྩྭ་མ་འབུ་སོགས་དབྱར་རྩྭ་དགུན་འབུ་རུ་བརྫུས་ཏེ་བོད་ཡུལ་ན་བཙོང་བཞིན་པའི་, སྣང་ཚུལ་མང་པོ་མཐོང་རྒྱུ་ཡོད་པས། བོད་ཡུལ་གྱི་དབྱར་རྩྭའི་ཚོང་རར་སྔར་མེད་ཀྱི་འཇིགས་སྐུལ་གཏོང་གིན་ཡོད། དེས་ན་ང་ཚོས་ཇི་ལྟར་བྱས་ཏེ་དབྱར་རྩྭ་རྫུན་མ་ཡིན་མིན་བརྟག་དགོས་ཞེ་ན། དེང་སང་དབྱར་རྩྭའི་ཁོག་པའི་ནང་དུ་ལྕགས་རིགས་སོགས་ཡོད་མིན་གྱི་བརྟག་ཆས་ཤིག་ཉོ་རྒྱུ་ཡོད་ལ། དེར་དམངས་སྒོར་༧༠༠ཙམ་དགོས་པར་བཤད། གལ་ཏེ་སྨན་ཁང་དང་ཚོང་ཁང་ཆེན་པོ་སོགས་ཡིན་ན་སེན་ནན་ཡེང་གིས་གསར་གཏོད་བྱས་པའི་དབྱར་རྩྭའི་སྤུས་ཀ་བརྟག་ཆས་(沈南英冬虫夏草质量检测器)ཞེས་པ་ཞིག་ཡོད་པས་དེ་ནི་ཅུང་ཚད་མཐོ་བའི་རྒྱུ་སྤུས་བརྟག་ཆས་ཤིག་ཡིན་པར་བཤད་ཅིང་། དེས་ཡ་ཤང་པང་རྩྭ་མ་འབུ་སོགས་ཡིན་མིན་བརྡར་ཤ་གཅོད་ཐུབ་ཀྱིན་ཡོད་རུང་། འཕྲུལ་ཆས་དེ་ནི་གོང་ཚད་མཐོ་བས་མི་སེར་རང་ག་བ་ཞིག་གིས་ཉོ་སྒྲུབ་བྱེད་ཐུབ་ཀྱིན་མེད། དེས་ན། ནམ་རྒྱུན་གྱི་ཤེས་བྱ་དང་ཉམས་མྱོང་ལ་བརྟེན་ནས་ཡང་ལྗིད་ལ་བརྟག་ན་དུས་རྒྱུན་དབྱར་རྩྭར་རྒྱུས་ལོན་ཡོད་མཁན་ཞིག་ཡིན་ན་རང་བཞིན་གྱིས་དབྱར་རྩྭ་དག་མ་ལས་ཅུང་ལྕི་བ་ཤེས་ཐུབ་ཀྱི་ཡོད་ལ། འབུ་རྫུན་ལ་ལའི་རྐུབ་ཚོས་ན་ཁབ་སོགས་ཀྱི་ཤུལ་རྗེས་ཀྱང་གསལ་བོ་ཡོད། མདོག་ལ་བརྟག་ཚེ་དག་མ་ཡིན་ན་ཁ་དོག་ཁམ་སྨུག་ཡིན་རུང་འབུ་རྫུན་གྱི་མདོག་དེ་སེར་སྐྱ་ཡིན། འབུ་རྫུན་གྱི་རྒྱབ་ན་བ་སྤུ་ཐུང་ཐུང་མེད་ཅིང་གཉེར་མའང་གསལ་པོར་མེད། ཡིན་ནའང་། དབྱར་རྩྭ་ངོ་མ་ཡིན་ན་རྒྱབ་ན་བ་སྤུ་ཡོད་ཅིང་གཉེར་མ་གསལ་པོ་ཡོད། འབུ་རྫུན་གྱི་མིག་དང་མཆུ་སོགས་ཀྱི་བཀོད་པ་རང་བཞིན་མིན་ཞིང་། རྐང་ལག་བར་གྱི་བར་ཐག་ཀྱང་འོས་འཚམས་མིན། འབུ་རྫུན་ལ་ཤ་དྲི་མེད། དེང་སང་སྦྱར་བྱུང་གི་དྲི་མ་རེ་ཡོད་རུང་། ཞིབ་ཏུ་བརྟག་ན་རུལ་དྲི་ཙམ་ལས་དབྱར་རྩྭའི་དྲི་མ་ངོ་མ་མིན་པ་ཤེས་ཐུབ། ད་དུང་དབྱར་རྩྭ་དག་མ་ཡིན་ན་རྐུབ་ཚོས་སུ་ནག་ཐིག་ཅིག་དང་སོ་ཁམ་འདྲ་བ་གཉིས་ཡོད་རུང་། འབུ་རྫུན་ཡིན་ན་དེ་དག་གསལ་བོར་མེད། གཞན་འབུ་རྫུན་ལ་ཐུན་མོང་གི་ཁྱད་ཆོས་ཤིག་ཡོད་པ་ནི་མགོ་བོ་ཆེ་ལ་རྭ་ཅོར་སྤོམ་ཕྲ་མེད་པ། སྐེ་དང་ལུས་བར་ཏུ་ནག་ནོག་གིས་གསལ་བོ་མེད་པ། མིག་དང་མཆུ་སོགས་ཀྱི་བཀོད་པ་མི་གསལ་བ་སོགས་ཡིན། མདོར་ན། གོང་གི་ཁྱད་ཆོས་གཅིག་གིས་འབུ་རྫུན་ཡིན་མིན་གྱི་བརྡར་ཤ་ཆོད་མི་སྲིད་པས་ངེས་པར་ཏུ་ཕྱོགས་, ཡོངས་ནས་དུས་རབས་ཀྱི་འགྲོས་དང་མཐུན་པའི་བརྟག་ཆས་དང་ནམ་རྒྱུན་དབྱར་རྩྭའི་ཐད་ལ་དོ་སྣང་བྱས་ཤིང་ཉམས་མྱོང་བསྡུ་ལེན་བྱེད་པ་གལ་ཆེ།  གཞན་འདིར་ནན་བཤད་བྱེད་དགོས་པ་ཞིག་ལ། དབྱར་རྩྭ་རྫུན་མ་འདི་རིགས་ཀྱིས་བོད་ཀྱི་འཚོ་བ་དང་དབྱར་རྩྭའི་ཚོང་ར་ཀུན་ལ་བརྡབ་གསིག་མི་ཆུང་བ་ཞིག་བྱེད་བཞིན་ཡོད་པས། ད་ནས་བཟུང་བོད་མི་དག་མ་ཞིག་གི་ལག་ནས་ཐོན་པ་ཞིག་ཡིན་ན་དབྱར་རྩྭ་འང་དག་མ་ཡིན་པའི་སྣང་བརྙན་བཞེངས་བ་ནི་མི་རབས་འདི་དང་རྗེས་མ་དང་། རྗེས་མའི་རྗེས་མ་ཀུན་ལ་ཕན་པའི་གྲུབ་འབྲས་ཤིག་ཡིན་པ་བརྗེད་མི་རུང་།
བཅུ་པ། དབྱར་རྩྭ་བདག་གཉེར་བྱེད་ལུགས།
མཚོ་སྔོན་མི་རིགས་དཔེ་སྐྲུན་ཁང་གིས་པར་ཏུ་བསྐྲུན་པའི་སྨན་རིས་གསལ་བའི་མེ་ལོང་དུ། དབྱར་རྩྭ་བདག་གཉེར་བྱེད་ཐབས་ལ། ཟླ་བཞི་བ་ལྔ་བར་ཤ་མོ་དང་སྲིན་བུ་འདྲེས་པའི་རྩ་བ་བརྐོས་ནས་ཕྱེད་ཙམ་བསྐམས་རྗེས། ཤུན་པ་ནག་པོ་བྲད་ནས་རླུང་རྒྱུ་སར་བསིལ་སྐེམ་བྱས་པས་ཆོག ཡང་ན་དབྱར་རྩྭ་དགུན་འབུ་བསྐམས་ཏེ། ཆང་གི་ཁ་ཕྲུ་བཏབ་ནས་བརླན་པར་བྱས་རྗེས། ཤུན་པ་ནག་པོ་བྲད་ནས་བསིལ་སྐེམ་བྱས་ཀྱང་ཆོག་ཅེས་བྲིས་འདུག་ལ། ཁོ་བོ་མི་ཉག་ཕྱོགས་ཀྱི་དབྱར་རྩྭ་རྐོ་བའི་ས་གནས་སུ་ཕྱིན་ནས་རྒྱུས་ལོན་བྱུང་བ་ལྟར་ན། དེང་སང་འབུ་རྐོན་ལ་ལ་ཞིག་གིས་སྟབས་བདེ་ཆེད་ཙམ་དུ་རི་མགོ་ནས་དབྱར་རྩྭ་བརྐོས་མ་ཐག་ཕྱིའི་ཤུན་པ་བཤུས་ཤིང་། ལམ་སང་འགྱིག་ཁུག་ནང་ལ་བླུགས་ཏེ། དགོང་མོར་གྲོང་ནང་དུ་སོང་ནས་ཚོང་བ་ཚོའི་ལག་ཏུ་བཙོང་བཞིན་འདུག འདིས་ནི་དབྱར་རྩྭའི་མགོ་ཆེན་པོ་དང་རྐུབ་ཕུང་ཆུང་ཆུང་དུ་འགྱུར་བར་གནོད་ཅིང་། ཡང་མོ་དང་ཁ་མདོག་མི་ལེགས་པར་འགྱུར་བས། རང་བཞིན་གྱིས་རིན་གོང་ཡང་ཐོབ་འོས་ཤིག་རག་ཐུབ་ཀྱིན་མེད། དེ་བས། ཆ་རྐྱེན་ཡོད་ན་རང་ཉིད་ཀྱིས་སྐེམ་པ་དང་ཆ་རྐྱེན་མེད་ན། གཞན་ལག་ཏུ་བཞག་ཏེ་གཤམ་ཏུ་བཀོད་པའི་རིམ་པ་བཞིན་སྐེམ་དུ་བཅུག་ན་རིན་གོང་ལྡབ་ཉིས་འགྱུར་གྱིས་ཐོབ་ཐུབ་ཅེས། མི་ཉག་གི་འབུ་ཚོང་བ་ལྷག་པ་བཀྲ་ཤིས་ལགས་ཀྱིས་ཁ་ཚོན་ཆོད་པའི་སྒོས་གསུང་གིན་འདུག་སྟེ། དང་པོ། དབྱར་རྩྭའི་ཕྱི་ཤུན་གྱི་ས་ལྐོགས་མ་བྲད་པར་ཨར་ལས་རྡོ་གཅལ་ཏུ་རས་གོས་བཏང་བའི་སྟེང་སྐེམ་དུ་བཅུག་ནས་ནང་གི་འབུ་སྐམ་མེད་རུང་། ཕྱི་ཤུན་ཕལ་ཆེར་བསྐམས་ཚེ་ད་གཟོད་འབུ་ཤུན་བཤུས་ན་ཁ་དོག་ལེགས་པོ་ཡོད།   དེ་ནས་ཕལ་ཆེར་བརྒྱ་ཆ་བདུན་ཅུ་བརྒྱད་ཅུ་སྐམ་པའི་སྐབས་ཏེ་ལག་ཏུ་བླངས་ན་ཆག་མི་འགྲོ་བ་ཞིག་ཡིན་རུང་། ཕར་བལྟས་ན་ཕལ་ཆེར་བསྐམས་ཡོད་པའི་སྐབས་སུ་ཚུར་གྲིབ་བསིལ་འོག་ཏུ་ཐེངས་གཅིག་བསྡུས་ཤིང་། དུས་ཚོད་གསུམ་མམ་བཞི། ཡང་ན་ཡུན་རིང་ལ་ཉར་འདོད་ཡོད་ན་ཞག་གཅིག་ཙམ་ལ་བཞག་ཚེ་ཚུར་བསབ་བསབ་ཆགས་འགྲོ། དེ་རྗེས་ཕར་ཉི་འོད་འོག་ཏུ་བཞག་ཏེ་བསྐམ་པ་ཡིན་ན། ད་གཟོད་ཆེས་ལེགས་པོ་ཆགས་ཐུབ་ཀྱིན་ཡོད། དེ་ལྟར་མ་བྱས་ན་སྐེམ་ཐེངས་གཅིག་གིས་བ, སྐམ་ཐུབ་ཀྱིན་མེད་ལ། གལ་ཏེ་བཙན་གྱིས་སྐམ་དུ་བཅུག་ན་འཆག་པའི་ཉེན་ཁ་ཡོད་ལ། རྒྱ་ཁར་གནོད་ཅིང་། རྫུན་མར་དོགས་པའི་ཉེན་ཁའང་ཡོད། སྤྱིར་ཉི་མ་ཚ་མོ་ཡིན་ཚེ། ཆུ་ཚོད་ཕྱེད་ཀྱི་རིང་ལ་ཕྱི་ཤུན་སྐམ་ཐུབ་ཀྱིན་ཡོད་ཅིང་། དེ་ནས་ཕྱི་ཤུན་བཤུས་ཏེ་ཕར་སྐེམ་རྒྱུ་ན་ཆུ་ཚོད་གཅིག་ཕྱེད་ཀྱིས་བསྐམས་ཚར། དེ་ནས་ཡར་ཐེངས་གཅིག་བསྡུས་ནས་གྲིབ་བསིལ་འོག་ཆུ་ཚོད་གཉིས་གསུམ་ཙམ་བཞག་རྗེས་ཡང་བསྐྱར་ཉི་འོད་འོག་སྐེམ་པ་ནི་དབྱར་རྩྭ་ཞིག་སྐེམ་པའི་གོ་རིམ་ཡང་དག་པ་ཡིན།  
གཞན་དེང་སང་རྒྱའི་ཚོང་དཔོན་ལ་ལ་ཞིག་གིས། དབྱར་རྩྭ་མིག་མང་རྡོ་སོལ་གྱི་དྲོད་ལ་བརྟེན་ནས་སྐེམ་གྱིན་ཡོད་ལ། དེའི་གོ་རིམ་ནི་འདི་ལྟ་སྟེ། རྡོ་སོལ་དང་སྨི་གཅིག་ཕྱེད་ཙམ་ལོང་བའི་ཚད་དུ་དབྱར་རྩྭ་སྨྱུག་འཚག་ཆེན་པོ་ཞིག་གི་ནང་གཅལ་ཏུ་བཀྲམས་ཤིང་། བརྒྱ་ཆ་དྲུག་ཅུ་ཙམ་བསྐམས་པའི་སྐབས་སུ་རིམ་གྱིས་ཇེ་མཐོ་ནས་ཇེ་མཐོར་བཞག་ཅིང་སྐེམ་དགོས། ཡོངས་སུ་བསྐམས་པར་ཉིན་གཅིག་མི་འགོར། ཡིན་ནའང་། ངེས་པར་ཏུ་དོགས་ཟོན་བྱེད་དགོས་པ་ཞིག་ལ། དེ་ལྟར་སྐེམ་ཚེ་མདོག་ལེགས་པོ་ཡོད་རུང་། དྲི་འཆོར་བའི་ཉེན་ཁ་ཡོད་ལ། དབྱར་རྩྭའི་སྨན་ནུས་ལའང་གནོད་མིན་སུས་ཀྱང་ཞིབ་འཇུག་བྱས་མྱོང་མེད།
མདོར་ན་ཉི་སྐེམ་དང་སོལ་སྐེམ་གང་ཡིན་རུང་། དབྱུག་པ་གཙང་མ་སོགས་ཀྱིས་དབྱར་རྩྭ་སྟེང་འོག་བསྒྱུར་བ་ལས་ལག་པ་དང་། སྣུམ་དང་ནག་ནོག་སོགས་འགོས་ཡོད་པའི་ལག་ཆས་གཏན་ནས་སྐེམ་མི་རུང་། དེ་ལྟར་བྱས་ན་དབྱར་རྩྭའི་ཁ་དོག་ལ་གནོད་པས་རིན་གོང་འོས་བབས་ཤིག་ཐོབ་མི་ཐུབ། གལ་ཏེ་གོང་གི་རིམ་པ་བཞིན་ལེགས་པར་བསྐམས་པ་ཞིག་ཡིན་ན། འབུ་གཞོན་གྱི་རྭ་ཐུང་བས་རྒྱ་མ་དོ་ཕྱེད་བསྐམས་ན་རྒྱ་མ་གང་འདུག་ཐུབ་ཀྱིན་ཡོད་ལ།  འབུ་དར་མའི་རྭ་ཆེན་པོ་ཡོད་པས་རྒྱ་མ་གསུམ་ཕྱེད་ཀྱིས་རྒྱ་མ་གང་འདུག་ཀྱིན་ཡོད།   འབུ་རྒན་ནི་ལུས་ཕྲ་ལ་ནང་སྙིང་ཕལ་ཆེར་རྭ་མགོར་སྤོར་ཟིན་པས་རྒྱ་མ་བཞི་ཕྱེད་ནས་ལྔ་ཙམ་གྱིས་ད་གཟོད་རྒྱ་མ་ལས་འདུག་ཐུབ་ཀྱིན་མེད།  
བཅུ་གཅིག་པ། དབྱར་རྩྭའི་མ་འོངས་པར་ཚོད་དཔག་བྱས་པ།
དང་པོ། དབྱར་རྩྭའི་ཚོང་ར།
ཤར་ལྷོ་སློབ་ཆེན་མཁལ་ནད་ཞིབ་འཇུག་ཁང་དང་ཤར་ལྷོ་སློབ་ཆེན་གྱི་ཁོངས་གཏོགས་ཀྲུང་གོ་གསོ་རིག་སློབ་གླིང་གི་མཁས་དབང་རྣམ་པས་མཛད་པའི་དབྱར་རྩྭ་དགུན་འབུའི་ད་ཡོད་གནས་ཚུལ་དང་སྨན་བཅོས་ཡར་རྒྱས་ཞེས་པའི་དཔྱད་རྩོམ་དུ་བསྟན་པའི་དབྱར་རྩྭ་དགུན་འབུའི་ཕན་ནུས་ལ་གཞིགས་ན་མ་འོངས་པར་དབྱར་རྩྭའི་རིན་ཐང་ཇེ་ཆེ་ལས་ཇེ་དམའ་རུ་ཆགས་མི་སྲིད་ཅིང་། གཅིག་བྱས་ན། སྨན་རྩྭ་དེ་ནི་རིམས་ནད་ཀྱི་གཏེ་བོ་ཨ་ཙིའི་ནད་ངན་འཇོམས་པའི་ཆེས་མཐའ་མཇུག་གི་གཉེན་པོ་རུའང་མི་འགྱུར་བའི་ངེས་པ་གཏན་ནས་མེད་པས། དབྱར་རྩྭའི་རྒྱུན་འཆད་དུ་མི་འཇུག་པ་ནི་བོད་མི་རིགས་ཀྱི་འཚོ་བ་དང་འབྲེལ་བ་ཡོད་པ་ཞིག་ཡིན་པས་མ་ཚད། མིའི་རིགས་ཀྱི་མ་འོངས་པར་ཀྱང་ཐེ་གཏོགས་ཐུབ་པའི་སྨན་རྩྭ་འགེངས་ཆེན་ཞིག་ཏུ་མི་འགྱུར་བའི་ངེས་པ་ཅི་ཡང་མེད།
གཉིས་པ། དབྱར་རྩྭའི་རྨོ་འདེབས།
དབྱར་རྩྭ་དགུན་འབུ་འདི་གོང་དུ་བརྗོད་པ་བཞིན་འབུ་ཡི་ལུས་ལ་དུག་སྲིན་ཞུགས་ནས་རྩྭ་རུ་གྱུར་བའི་རྩྭ་མ་འབུའི་ཤ་མོའི་རིགས་ཤིག་ཡིན་པ་དང་། མདོ་དབུས་མཐོ་སྒང་རྐྱང་བར་སྐྱེས་པའི་སྐྱེ་དངོས་ཤིག་ཡིན་པས། དེ་མིས་བཟོས་རྨོ་འདེབས་བྱེད་དགོས་ན། འབུ་དང་དུག་སྲིན་། ཐུན་མིན་གྱི་ཁོར་ཡུག་བཅས་ལས་གཅིག་ཀྱང་མེད་མི་རུང་། དེས་ན། རང་རྒྱལ་ལ་མཚོན་ན་ད་དུང་ཕྱེ་ལེབ་ཀྱི་འབུ་ཕྲུག་མང་པོ་གསོ་སྐྱོང་བྱེད་པའི་ལག་རྩལ་དར་མེད་ཅིང་། འབུ་ཕྲུག་རེ་ཟུང་ལ་དུག་སྲིན་ཞུགས་པའི་ལག་རྩལ་ཙམ་ཡོད་རུང་། དབྱར་རྩྭ་ནི་མཚན་ལྡན་དང་མཚན་མེད་བཅས་རྣམ་པ་མི་འདྲ་བ་གཉིས་ཀྱིས་གྲུབ་ཡོད་པས། དབྱར་རྩྭའི་ངོ་བོ་ལྡན་པའི་རྩྭ་མ་འབུ་གཅིག་ཀྱང་གསོ་སྐྱོང་བྱེད་ཐུབ་མེད། བརྒྱ་ལ་གང་ཞིག་གིས་རྩྭ་མ་འབུ་དེ་འདྲ་ཞིག་གསོ་ཐུབ་པའི་དབང་དུ་བཏང་རུང་། ཁྱད་མཚར་གྱི་མཐོ་སྒང་གནམ་གཤིས་དང་། ཉི་འོད་ཀྱི་འཕྲོ་འགྱེད། ནུས་ཁོངས་ཀྱི་ཟུངས་བཅུད་སོགས་གཅིག་ཀྱང་མ་ལུས་པ་ཞིག་ཡོང་ཐབས་གཏན་ནས་མེད་པས་དབྱར་རྩྭ་རྨོ་འདེབས་ཀྱི་ལག་རྩལ་དར་མི་སྲིད་ལ། དར་ཀྱང་གཞི་རྒྱ་ཆུང་ཞིང་། སྨན་ནུས་དམན་པས་རང་བྱུང་གི་དབྱར་རྩྭ་ལྟར་བྲིན་མི་སྲིད་སྙམ། གསུམ་པ། དབྱར་རྩྭའི་ས་བོན་འཇོག་ཐབས།
ཝིན་རོག་ཚོགས་པས་སྤེལ་བའི་དབྱར་རྩྭ་དགུན་འབུ་དང་ཁོར་ཡུག་སྲུང་སྐྱོབ་ཞེས་པའི་དེབ་ཆུང་དུ་རྟའུ་བ་བློ་བཟང་བཀྲ་ཤིས་ཀྱིས། སྔར་ཡིན་ན་འབུ་རྐོན་ཉུང་བས་འབུ་རྭ་ས་བོན་དུ་གྱུར་ནས་ཕྱིར་ལོའང་འབུ་མང་པོ་ཡོད་རུང་། ད་ལྟ་ལོ་རེ་བཞིན་འབུ་རྐོན་ཇེ་མང་དུ་སོང་བ་དང་། འབུའི་རྒྱུད་སྤེལ་བར་དོ་སྣང་མི་བྱེད་པས་ལོ་རེ་ལས་ལོ་རེས་ཇེ་ཉུང་རེད་ཅེས་གསུངས་འདུག་པ་དང་། ནང་ལོག་གི་དབྱར་རྩྭ་དགུན་འབུའི་ཞིབ་འཇུག་པ་གྲགས་ཅན། དབྱར་རྩྭའི་པའེ་ལེན་སྤྱིན་ཐུམ་གྱི་ཐོན་འབྱེད་པ། ཧྭ་ཏུང་སྨན་རིགས་བཟོ་གྲྭའི་སྤྱི་ཁྱབ་བཟོ་བཀོད་མཁན་དང་སློབ་དཔོན་ཆེན་མོ་ཁི་ཁྲན་ཁེ་ལགས་ཀྱིས་གསུངས་བ་ལྟར་ན། དབྱར་རྩྭ་འབུ་རྒན་དུ་གྱུར་རྗེས་རྒྱུད་སྤེལ་ཐིག་ལེ་ས་གསེང་དུ་ཐུམ་ཀྱིན་ཡོད་མོད། ང་ཚོས་བརྩེ་བ་མེད་པར་དབྱར་རྩྭའི་བུ་རབས་ཚ་རྒྱུད་ནས་རྩ་མེད་གཏོང་གིན་ཡོད་ཅེས་གསུངས་པས། གལ་ཏེ་དབྱར་རྩྭ་དོ་དམ་ལྷན་ཚོགས་ཀྱི་བཀོད་འདོམས་སམ། བླ་དཔོན་རེ་ཟུང་གི་དབུ་ཁྲིད་འོག དབྱར་རྩྭའི་རྭ་ཅོ་ཉོ་འཚོང་བྱེད་པ་བཀག་སྡོམ་བྱེད་པ་དང་།  དེང་སང་རྩྭ་ས་བདག་གཉེར་གྱི་རིག་ལམ་དུ་འབོད་པའི་འཕྲལ་འགོག་ཏེ་རྩྭ་ས་གང་ཞིག་དུས་ཡུན་ངེས་ཅན་ཞིག་གི་ནང་འགོག་སྲུང་བྱེད་པ་དང་། ཕུགས་འགོག་ཏེ་དུས་གཏན་དུ་འགོག་སྲུང་བྱེད་པ། རེས་འགོག་ཏེ་ད་ལོར་འདིར་བརྐོས་རུང་། སང་ལོ་གཞན་ཞིག་ནས་བརྐོ་བ་སྟེ་རྩྭ་ལ་ཐང་རེས་མོས་ཀྱི་ངལ་གསོ་དང་སོར་ཆུད་བྱེད་དུ་འཇུག་པ་སོགས་ཐབས་ལམ་བེད་སྤྱད་ན། ད་གཟོད་དབྱར་རྩྭ་དགུན་འབུའི་རྒྱུན་མི་འཆད་པར་མིའི་རིགས་ལ་ཞབས་འདེགས་ཞུ་བའི་གོ་སྐབས་ཡོད་སྙམ་མོ། །  
བཅུ་གཉིས་པ། དབྱར་རྩྭའི་ཚོང་བྱེད་སྟངས།
             དང་པོ། དབྱར་རྩྭའི་གོང་ཚད།
ཕྱི་རྒྱལ་གྱི་དབྱར་རྩྭའི་ཞིབ་འཇུག་པ་ཏའེ་ནོལ་ཝིན་ཁུ་ལིར་ཞེས་པས་དབྱར་རྩྭའི་སྐོར་གྱི་གསུང་རྩོམ་ཅིག་གི་ནང་དུ་༢༠༠༦གི་ལོར་ཀྲུང་གོའི་མཚོ་རྒྱུད་གྲོང་ཁྱེར་དང་ཧོང་ཁོང་། ཨ་རིའི་སན་ཧྥི་རན་སེ་སི་ཁོ་གྲོང་ཁྱེར་དག་ཏུ་དབྱར་རྩྭ་སྤྱི་རྒྱ་གང་གིས་དམངས་སྒོར་ཉིས་འབུམ་བཞི་ཁྲིའམ་ཨ་སྒོར་ཉིས་ཁྲི་སུམ་སྟོང་ཁུག་གིན་ཡོད་རབས་འདུག་རུང་། ད་ལོའི་རྒྱལ་ནང་གི་ཚོང་ར་དག་ཏུ་གོང་ཚད་རྩིས་ཁྲ་བཀོད་པ་ལྟར་ན། སྤྱི་རྒྱ་གང་ལ་འབུ་རྐང་༡༨༠༠མན་ཅན་གྱི་འབུ་རྒྱལ་སྤྱི་རྒྱ་གང་གིས་དམངས་སྒོར་ཆིག་འབུམ་བཞི་ཁྲི་དགུ་སྟོང་ཙམ་ལས་ཐོབ་ཐུབ་ཀྱིན་མེད་ཅིང་།   སྤྱི་རྒྱ་གང་ལ་འབུ་རྐང་༢༠༠༠ནས་༢༤༠༠བར་ཅན་གྱི་འབུ་མཆོག་སྤྱི་རྒྱ་གང་གིས་དམངས་སྒོར་ཆིག་འབུམ་ཉིས་ཁྲི་དགུ་སྟོང་ཙམ་ལས་ཐོབ་ཐུབ་ཀྱིན་མེད། སྤྱི་རྒྱ་གང་ལ་འབུ་རྐང་༣༠༠༠ནས་༣༥༠༠བར་ཅན་གྱི་འབུ་གཞོན་སྤྱི་རྒྱ་གང་གིས་དམངས་སྒོར་དགུ་ཁྲི་ཆིག་སྟོང་ལྔ་བརྒྱ་ཙམ་ལས་ཐོབ་ཐུབ་ཀྱིན་མེད་ཅིང་། སྤྱི་རྒྱ་གང་ལ་འབུ་རྐང་༤༠༠༠ནས་༤༥༠༠བར་ཅན་གྱི་འབུ་དར་མ་སྤྱི་རྒྱ་གང་གིས་དམངས་སྒོར་དྲུག་ཁྲི་བཞི་སྟོང་ཙམ་ལས་ཐོབ་ཐུབ་ཀྱིན་མེད། དེ་བཞིན་སྤྱི་རྒྱ་གང་ལ་འབུ་རྐང་༥༠༠༠ནས་༦༠༠༠བར་ཅན་གྱི་འབུ་རྒན་སྤྱི་རྒྱ་གང་གིས་དམངས་སྒོར་བཞི་ཁྲི་དྲུག་སྟོང་ལྔ་བརྒྱ་ཙམ་ལས་ཐོབ་ཐུབ་ཀྱིན་མེད།
གཉིས་པ། དབྱར་རྩྭ་ཁེར་ཚོང་བྱེད་ཐབས།
    རོང་འབྲོག་གི་མི་སེར་དཀྱིས་མ་ཚོས་རི་མགོ་ནས་རང་ཉིད་ལ་འཁྱེར་བདེ་བ་དང་། འཆག་དང་རྙིད་མི་འགྲོ་བ། གནས་སྐབས་ཀྱི་སྒོར་མོའི་ཉག་མཁོ་སོགས་ལ་དམིགས་ནས་དབྱར་རྩྭ་ཕྱིར་འཚོང་བྱེད་པ་ཕལ་ཆེར་ནི་ཁེར་ཚོང་གི་ཁོངས་སུ་གཏོགས། དེ་ལྟར་བྱས་ན་རིན་གོང་འོས་འཚམས་ཤིག་ཐོབ་ཐུབ་ཀྱིན་མེད་རུང་། ཉེན་ཁའང་ཆེན་པོ་མེད་པས། མི་སེར་ཕལ་ཆེར་ཞིག་གིས་རི་མགོ་ནས་ཕྱིར་ཚོང་བྱེད་ཀྱིན་ཡོད། ཡིན་ནའང་། སྐབས་དེར་སེམས་ལ་ངེས་དགོས་པ་ཞིག་ལ། དེང་སང་ཚོང་བ་ཁ་ཤས་ཀྱིས་ས་གནས་མི་སེར་གྱི་མགོ་བསྐོར་ཏེ་ཅུང་སྔོན་དུ་འབུ་གོང་མར་ཆགས་སོང་རབས་སམ་ཅུང་ཙམ་གྱི་རྗེས་ནས་འབུ་གོང་ལྡབ་འགྱུར་གྱིས་མར་ལྷུང་རྒྱུ་ཡིན་ཚུལ་སོགས་བརྗོད་དེ་ཁྱེད་ཀྱི་ལག་ནས་དབྱར་རྩྭ་གོང་སླ་མོས་ལོན་ཐབས་བྱེད་བཞིན་ཡོད་པས། རང་ཉིད་རི་མགོར་ཡོད་པ་ཙམ་ལ་ཁ་གཡར་ཏེ་རིན་གོང་འདྲི་རྩད་མི་གཅོད་པར་ལམ་སང་བཙོང་བ་སོགས་བྱེད་མི་རུང་ལ། མི་ཆ་མེད་རྒྱུས་མེད་དག་གིས་ཚོང་བ་ཆེན་པོར་བརྫུས་ནས་མགོ་སྐོར་སྲིད་པས་དེ་ཚོར་བཙོང་རྒྱུར་དོགས་ཟོན་བྱེད་དགོས་ཤིང་། དེ་ལས་ཀྱང་མི་ཕུགས་ཐུབ་ངོ་མ་མིན་ན་དངུལ་ལོ་ཆད་འཇོག་སོགས་གཏན་ནས་བྱེད་མི་རུང་།
གསུམ་པ། དབྱར་རྩྭ་སྡེབ་ཚོང་བྱེད་ཐབས།
གལ་ཏེ་ཁྱེད་རང་ཚོང་མགོའི་ཆེས་གསར་ཆ་འཕྲིན་ཤེས་རྟོགས་ཐུབ་པའི་ཚོང་བ་ཞིག་མིན་ན། ལག་ནས་དབྱར་རྩྭ་མང་པོ་འཛིན་པ་ནི་ཤིན་ཏུ་ནས་ཉེན་ཁ་ཅན་ཞིག་ཡིན། རྒྱུ་མཚན་ནི་དེང་སང་གི་དབྱར་རྩྭའི་གོང་ཚད་དང་ཁང་བའི་གོང་ཚད་གཉིས་པོ་འདྲ་མཚུངས་ཀྱིས་ལྦུ་སོབ་དཔལ་འབྱོར་གྱི་རྣམ་པ་ཞིག་ཆགས་ཀྱིན་ཡོད་པ་སྟེ། ཐོག་མར་རིན་གོང་འཕར་བ་ན་མི་རྣམས་ཀྱིས་ད་དུང་འཕར་བར་འགྱུར་རོ་བསྙམས་ཏེ་ཉོ་མཁན་གསར་པ་མང་དུ་འབྱུང་ཞིང་། ཉོ་མཁན་ཚོས་མ་འོངས་པར་རིན་གོང་ལྷག་པར་འཕར་བའི་ཁེ་སྐྱེད་ལ་དམིགས་པ་ལས་མ་རྩའི་རིན་ཐང་དངོས་ཀྱི་ཁེ་ལ་མི་སེམས་པ་འདི་ནང་ལོག་སོགས་ཀྱི་ནུས་པ་ཅན་གྱི་ཚོང་ཆེན་རེ་ཟུང་གི་ལག་ཆར་གྱུར་ཏེ་གོང་ཚད་ལ་ཕྱོགས་རེ་བའི་འགྱུར་བ་གཏོང་ཐུབ་ཀྱིན་ཡོད་ལ། འགྱུར་བ་དེ་རིགས་ཀྱིས་བོད་ཁུལ་གྱི་ཚོང་བ་ཆུང་ཆུང་ཞིག་ཡིན་ན་ནི་མ་རྩ་རྨང་ནས་རྡིབ་བྱེད་མི་བགྱི་བའི་ངེས་པ་ཅི་ཡང་མེད། དེ་བས། རིན་གོང་འོས་འཚམས་ཀྱི་སྐབས་སུ་ཅི་ནུས་གང་ནུས་ཀྱིས་ཕྱིར་འཚོང་བྱས་ཤིང་། ལག་གི་སྒོར་མོ་འཁོར་རྒྱུག་བྱེད་དུ་འཇུག་དགོས་པ་ཤིན་ཏུ་གནད་ཆེ།
    གཞན་དེང་སང་རྒྱ་ཡུལ་སོགས་ནས་ཡོང་བའི་ཚོང་བ་ལ་ལས་ཁྱིམ་དངུལ་ག་ཙམ་ཡོད་པ་དང་ཐོན་དངུལ་ཅི་ཙམ་ཡོད་པ་སོགས་ཀྱི་འཛིན་ཡིག་ཁྱེར་ཡོད་མཁན་དང་། བརྙན་རིས་བཟུང་ཡོད་མཁན། མིང་བྱང་དང་དཔང་རྟགས་བཏགས་ཡོད་མཁན་མང་པོས། དེ་རིང་དངུལ་བྱང་ལ་སྐྱོན་ཤོར་བའམ། རོགས་པ་སུ་ཞིག་ད་དུང་མ་ཐོན་པར་ཁ་གཡར་ཏེ་སྒོར་མོ་སང་ཉིན་ཐོན་དང་གནངས་ཉིན་ཐོན་ཟེར་ནས་ཁྱེད་ཀྱི་ལག་ནས་དབྱར་རྩྭ་བསླུ་ཐབས་ལ་འབད་བཞིན་ཡོད།  འཛིན་ཡིག་དང་དཔང་ཡིག་རྫུན་མ་བཟོ་དགོས་ན་ཁོང་ཚོ་ལས་མཁས་པ་མེད། དེ་བདེན་རྫུན་གྱི་དབྱེ་བ་ང་ཚོའི་སུས་ཀྱང་འབྱེད་མི་ཐུབ་པས། བློས་ཐུབ་ཀྱི་གྲོགས་པོ་ངོ་མ་དང་ཡིད་རྟོན་རུང་བའི་བོད་མི་དག་མ། ཡང་ན་གཏན་སྡོད་ཀྱི་ཚོང་ཁང་ཡོད་པའི་ནང་ལོག་གི་ཚོང་དཔོན་ཆེན་པོ་སོགས་མིན་ན་གང་དགར་དངུལ་ལོ་ཆད་འཇོག་བྱེད་མི་རུང་མ་གཏོགས། ད་ལོའི་དཔྱིད་དུས་དུ་ནང་ལོག་ཁྲི་འདུ་ནས་ལི་ཐང་དང་ཉག་ཆུ་ཁའི་ཚོང་བ་ཁ་ཤས་ལ་ཁང་བ་དང་ར་སྐོར་གླས་མ་བསྟན་ཅིང་། རྒྱ་མི་ཚོ་ཁང་བའི་ལྟག་སྒོ་བརྒྱུད་དེ་བྲོས་པས་དམངས་སྒོར་ས་ཡ་ལྔ་ནས་དྲུག་གི་མ་རྩ་རྡིབས་པའི་གནས་ཚུལ་ངོ་མ་ཐོས་རྒྱུ་འདུག་གོ།
བཞི་པ། དབྱར་རྩྭའི་ཚོང་ཁང་འཛུགས་པ།
དེང་སང་བོད་ཁུལ་དང་མཚོ་རྒྱུད་གྲོང་ཁྱེར་བར་གྱི་དབྱར་རྩྭའི་རིན་གོང་ལ་བར་ཁྱད་ཧ་ཅང་ཆེན་པོ་ཡོད། དེ་ནི་ས་གནས་དབུལ་ཕྱུག་གི་ཁྱད་པར་གྱིས་འཛད་སྤྱོད་བྱེད་སྟངས་མ་འདྲ་བས་ཡིན་ལ། ཐོན་རྫས་ཀྱི་མགོ་ཁུངས་ཏེ་བོད་ཡུལ་དང་ཚོང་རའི་མགོ་ཁུངས་ཏེ་མཚོ་རྒྱུད་གྲོང་ཁྱེར་གཉིས་ཀྱི་བར་ཐག་རིང་དྲགས་པས་བར་ཟས་ལེན་མཁན་གྱི་ཚོང་བ་མང་པོས་འཚང་ཁ་ཤིག་ཤིག་བྱེད་ཀྱིན་ཡོད་པས་ཀྱང་ཡིན། དེས་ན་ཅི་ལྟར་བྱས་ཏེ་ཐོན་རྫས་དང་ཚོང་རའི་བར་ཐག་ཇེ་ཐུང་དུ་གཏོང་དགོས་ཤེ་ན། བོད་ཀྱི་ཚོང་བ་ཚོ་མཚོ་རྒྱུད་གྲོང་ཁྱེར་ཏུ་སོང་ནས་ཚོང་མགོ་འཚོལ་བ་དེ་ཐབས་གཅིག་ཡིན་ཀྱང་། གལ་ཏེ་ཚོང་བྱེད་ཆོག་ཡི་གེ་སོགས་མེད་ན་རྒྱ་ཡུལ་ནས་དབྱར་རྩྭ་འབོར་ཆེན་གྱིས་ཚོང་བྱེད་སྐབས་གོང་རིམ་གྱིས་གཞུང་བཞེས་བྱེད་པའི་ཉེན་ཁ་ཤིན་ཏུ་ཆེ་བས། དེ་ནི་ཐབས་ལམ་བཟང་བོ་ཞིག་ཅི་ཡང་མ་ཡིན། དེ་ལས། བོད་ཀྱི་ལས་འབྲས་བསླུ་བ་མེད་པ་ཁས་ལེན་ཅིང་། མི་རིགས་དང་མང་ཚོགས་ལ་ཤ་ཚ་ཞིང་སྙིང་ཉེ་བའི་ཚོང་དཔོན་ཁ་ཤས་ཀྱིས་རྡོག་རྩ་གཅིག་སྒྲིལ་གྱིས་མཚོ་རྒྱུད་གྲོང་ཁྱེར་ནས་ལྗང་མདོག་དང་རང་བྱུང་གི་ཡུལ་ཐོན་ཁྱད་རྫས་སྤྱི་གཉེར་ཁང་ཆེན་པོ་ཞིག་འཛུགས་པ་དང་། ས་གནས་སོ་སོར་མཉམ་སྒྲུབ་ཚོང་སྡེ་མང་པོ་བཙུགས་ཏེ་རང་རང་གི་ཐོན་རྫས་གཞན་ལག་མ་བརྒྱུད་པར་ཐད་ཀར་མཚོ་རྒྱུད་གྲོང་ཁྱེར་གྱི་སྤྱི་གཉེར་ཁང་དུ་འདྲེན་ཐུབ་ན། དེས་ནི་ངལ་རྩོལ་བ་དང་འཛད་སྤྱོད་པ་གཉིས་པོའི་འདོད་དོན་སྐོང་ཐུབ་ཅིང་། སྤྱི་ཚོགས་སུ་དར་དང་དར་བཞིན་པའི་འབུ་རྫུན་གྱི་དུག་ངན་ཀྱང་རྨང་ནས་འཇོམས་པར་ཕན་པ་ཡོད་པ་ཞིག་ཡིན། ཡིན་ནའང་། སྤྱི་གཉེར་ཁང་དེ་འདྲ་ཞིག་སྒྲུབ་པར་གཅིག་ན། སྒོར་མོ་མང་པོའི་མ་རྩ་དགོས་ཤིང་། གཉིས་ན། གོང་འོག་གི་འབྲེལ་བར་བྱང་ཆ་ལྡན་པ། གསུམ་ན། སྐད་གཉིས་སམ་སྐད་གསུམ་གྱི་ལོ་ཙཱར་ཐོགས་རྡུགས་མེད་པ། བཞི་ན། དབྱར་རྩྭའི་ཕན་ནུས་དང་དེའི་རྐོ་སྒྲུབ་ཀྱི་དཀའ་ཁག་སོགས་ལེགས་པོར་ཁྱབ་སྒྲོག་བྱེད་ཤེས་པ། ལྔ་ན། ནང་ཁུལ་གྱི་སྒྲིག་ལམ་སྲུང་ཞིང་མཐུན་སྒྲིལ་ལྡན་པའི་ཚོང་སྡེ་ཞིག་ཡིན་དགོས་ཀྱི། དེ་ལྟར་མིན་ཚེ། མ་རྩ་ཐབ་ཁུང་ནས་རྡིབ་ཅིང་། མི་ཁ་འཛམ་བུ་གླིང་ལ་འཇོག་རྒྱུ་ཞིག་མི་ཡོང་བའི་ངེས་པ་གཏན་ནས་མེད་དོ། །
ལྔ་པ། དབྱར་རྩྭ་བཙོང་སྐབས་ངེས་དགོས་པ་གསུམ།
དང་པོ། དེང་སང་ནང་ལོག་ཁྲི་འདུ་སོགས་ན་ནག་ཚོགས་དང་རྐུན་ཚོགས་སོགས་ཀྱིས་ཆེད་དུ་དབྱར་རྩྭའི་ཚོང་རའི་ཉེ་ཁོར་ན་དབྱར་རྩྭ་ཁུར་བའི་བོད་མི་ཚོར་འཇབ་རྒོལ་བྱེད་ཀྱིན་ཡོད་པས། སྲང་ལམ་འགྲིམ་སྐབས་ལམ་དཀྱིལ་དང་ལམ་ཟུར་ནས་སོང་ན་འཕྲུལ་རྟ་ཞོན་པའི་ཇག་པ་དང་། ཟ་མ་ཟོས་ན་ཟས་མགྲོན་བྱེད་ཁུལ་གྱིས་གཉིད་སྨན་ལྡུད་པའི་ཁྲམ་པ། མལ་དུ་ཉལ་སྐབས་འཇིགས་སྐུལ་གཏོང་མཁན་དང་ཆགས་པས་བྲིད་མཁན་སོགས་གཡོ་ཐབས་ཅི་རིགས་ཡོད་པ་ངེས་པར་ཏུ་ཤེས་དགོས་ལ། འབུ་བརྗེ་མཁན་དང་། ཁུག་མ་དང་འཚགས་སླེ་བརྗེ་མཁན། འཚག་སླེ་སྟེང་མའི་ལྐུབས་ལ་གསང་སྒོ་བཞག་ཏེ་འཚག་རྒྱག་པའི་ཞོར་ལ་རང་ཉིད་ཀྱི་འཚག་སླེ་འོག་མའི་ནང་ལྡུག་པ། སྒོར་མོ་རྫུན་མ་སྟེར་མཁན་དང་། རྒྱ་ཁ་སྣོག་པའི་ཚོང་ཁྲམ་སོགས་ཡོད་པས། རང་ཉིད་ཀྱི་ཁུག་མར་གཞན་དང་མི་འདྲ་བའི་རྟགས་རྒྱག་པ་གལ་ཆེ་ཞིང་། མི་ཚོགས་ཀྱིས་འཚང་ཁ་རྒྱག་སྐབས་གཟབ་ནན་གྱིས་དབྱར་རྩྭ་དང་རང་གི་སྒོར་ཁུག་སོགས་ལ་ཉམས་འཇོག་བྱེད་རྒྱུ་གལ་ཆེ།
    གཉིས་པ། དེང་སང་ཚོང་ལས་གསང་བ་གཞན་ལ་མི་འཆོར་བའི་ཆེད་དུ་ཐབས་འཕྲུལ་འདྲ་མིན་སྣ་ཚོགས་ཤིག་དར་གྱིན་ཡོད་ལ། ཐབས་ལ་ལ་ཞིག་བོད་མིར་འཚམས་པོ་མེད་ལ། ལ་ལ་ཞིག་བོད་མིའི་ཆ་རྐྱེན་གྱིས་མི་ལྕོགས་མོད། རི་གྲོང་མང་པོ་ན་ལག་པའི་སོར་མོས་ཨང་གྲངས་མཚོན་པའི་བརྡ་བྱེད་སྟེངས་ཤིག་དར་འདུག འདི་ནི་སྔ་མོ་ནས་ཡོད་པ་ཞིག་ཡིན་རུང་། དེང་སང་རྒྱུན་འཆད་ལ་ཉེ་བས་འདིར་འཚོལ་སྡུད་བྱས་པ་ཡིན། དཔེར་ན། མཐེབ་ཆེན་གྱིས་གཅིག་མཚོན། མཐེབ་ཆེན་དང་གོང་མཛུབ་གཉིས་ཀྱིས་གཉིས་མཚོན། མཐེབ་ཆེན་དང་གོང་མཛུབ། དཀྱིལ་མཛུབ་གསུམ་གྱིས་གསུམ་མཚོན། མཐེབ་ཆེན་དང་གོང་མཛུབ། དཀྱིལ་མཛུབ། སྲིན་མཛུབ་བཞི་ཡིས་བཞི་མཚོན། ལག་མགོ་ལོགས་སེ་བཟུང་ན་ལྔ་མཚོན། མཐེབ་ཆེན་གྱི་མགོ་ཅུང་ནང་དུ་བཀུག་ཅིང་དེའི་ཁར་མཛུབ་ཆུང་བསྣན་ན་དྲུག་མཚོན། མཐེབ་ཆེན་གྱི་མགོ་ཅུང་ནང་དུ་བཀུག་ཅིང་དེའི་ཁར་མཛུབ་ཆུང་དང་སྲིན་མཛུབ་གཉིས་བསྣན་ན་བདུན་མཚོན། མཐེབ་ཆེན་གྱི་མགོ་ཅུང་ནང་དུ་བཀུག་ཅིང་དེའི་ཁར་མཛུབ་ཆུང་དང་སྲིན་མཛུབ། དཀྱིལ་མཛུབ་གསུམ་བསྣན་ན་བརྒྱད་མཚོན། མཐེབ་ཆེན་གྱི་མགོ་ཅུང་ནང་དུ་བཀུག་ཅིང་དེའི་ཁར་མཛུབ་ཆུང་དང་སྲིན་མཛུབ། དཀྱིལ་མཛུབ། གོང་མཛུབ་བཅས་བསྣན་ན་དགུ་མཚོན། ལག་མགོ་ལོགས་སེ་གཅིག་བཟུང་ཞིང་དེ་གཅུ་ཙམ་བྱས་པ་དེས་བཅུ་དང་། གཅུ་ཙམ་བྱས་པའི་ལག་མགོ་དེའི་ཁར་ད་ཅི་བཤད་པའི་གྲངས་ཚབ་གང་ཞིག་འཇོག་རྒྱུ་ཞེས་བཤད་ན་གྲངས་གནས་གཅིག བཅུ། བརྒྱ། སྟོང་། ཁྲི། འབུམ། ས་ཡ། བྱེ་བ། དུང་ཕྱིར་སོགས་ཀྱི་ཁར་གང་ཞིག་འཇོག་པའི་བརྡ་ཡིན། བཅུ་གནས་དང་སྟོང་གནས། ཁྲི་གནས་སོགས་མི་ནོར་བ་ནི་ཚོང་རྫས་ཀྱི་རྒྱུ་སྤུས་ཀྱིས་ཤེས་དགོས་པ་ལས། ཡན་གར་བའི་བརྡ་ཅི་ཡང་མེད། ཡིན་ནའང་། མི་ཁ་ཤས་ཀྱིས་གོ་ནོར་མི་ཁུར་བའི་ཆེད་དུ་སྒོར་ཁྲི་ཚོ་འདིའི་ཁར་བརྒྱ་ཚོ་འདི་བསྣན་ན་ཚོང་རྒྱག་ཆོག་སོགས་ཟེར་སྲོལ་ཡོད།
གསུམ་པ། ཆོས་ལུགས་ཀྱི་བག་ཆགས་ཤིག་གིས་ཡིན་ནམ། གཤིས་བཟང་གཞུང་དྲང་གི་བོད་མིའི་ཤ་གསེང་རུས་གསེང་དུ་གཉུག་མ་ནས་ཡོད་པའི་གཞི་རྒྱུ་ཞིག་ཡིན་པ་སོགས་མི་ཤེས་མོད། ཁ་དྲང་ཁོག་དྲང་གི་བོད་མི་ཚོས་ཚོང་ལས་གསང་བ་སྲུང་འཛིན་དང་ཚོང་ལས་ཉམས་མྱོང་གསོག་ཉར། ཚོང་ལས་སྙིང་སྟོབས་གསོ་སྐྱོང་སོགས་ཤེས་ཀྱིན་མི་འདུག་ཅེས་རྒྱ་མི་ཚོང་བ་དང་རྒྱ་མི་ཆོས་དད་པ་མང་པོས་བཤད་ཀྱིན་འདུག འདི་ནི་མ་འོངས་པའི་སྤྱི་ཚོགས་སུ་ངེས་པར་རྒྱུད་ལ་ཆགས་དགོས་པའི་ཆབ་སྲིད་ཅིག་ཡིན། ཚོང་ལས་གཡོ་ཐབས་སྤྱད་དེ་གཞན་གྱི་མགོ་བསྐོར་དགོས་པ་མ་རེད་དེ། ཚོང་རའི་འགྱུར་བར་ཞིབ་འཇུག་དང་གནས་བབ་ལ་དབྱེ་ཞིབ་ནན་ཏན་བྱས་པ་བརྒྱུད་ཕལ་རྒོལ་དང་ཕྱིར་བཀྱེད། མཚམས་འཇོག་སོགས་ལ་བྱང་ཆུབ་པ་ཞིག་ཡོང་བ་ནི་ཚོང་དཔོན་དག་མ་ཞིག་འབྱུང་མིན་གྱི་ཆ་རྐྱེན་ཉག་གཅིག་ཡིན་པས་ངེས་པར་སེམས་ལ་འཛིན་དགོས་ལ། གཞན་ནམ་ཡང་ཆོག་ཤེས་བག་ཡོད་ཀྱིས་དུས་འདའ་ན་ང་ཚོ་ནི་འཇིག་རྟེན་འདིའི་སྡུག་གྱོང་ཉོ་མཁན་དང་ཕམ་ཁ་ཁུར་མཁན་གྱི་མཚོན་དཔེ་རུ་མི་འགྱུར་བའི་ངེས་པའང་ཅི་ཡང་མེད་པས། གང་ཞིག་ནས་མགོ་བསྐོར་དང་འཕྲོག་བཅོམ་སོགས་ཐེབས་ན། རང་སྲོག་བློས་བཏང་གིས་རང་ཐག་གཅོད་པར་མི་རྩོམ་པར། ཁྲིམས་ལུགས་ཀྱི་ལག་ཆ་ཁྱེར་ཏེ་བདེན་རྫུན་གྱི་དབྱེ་འབྱེད་དང་། དཀར་ནག་གི་སྟོང་འཇལ་སོགས་བྱེད་དུ་འཇུག་པའང་ང་ཚོ་ངེས་པར་ཏུ་གོམས་དགོས་པའི་གནས་ཤིག་གོ།
 
བོད་ལྗོངས་ཀྱི་དབྱར་རྩྭ་དགུན་འབུ་ཉོ་སྒྲུབ་བྱེད་པའི་ཐད་ཆོག་འཐུས་ལམ་ལུགས་ལག་བསྟར་བྱེད་བཞིན་པ། 
2010-05-14   ཡོང་ཁུངས།   མི་དམངས་ཉིན་རེའི་ཚགས་པར།
བོད་རང་སྐྱོང་ལྗོངས་ཀྱིས་༢༠༠༩ལོའི་ཟླ་༨པའི་ནང་《བོད་རང་སྐྱོང་ལྗོངས་ཀྱི་དབྱར་རྩྭ་དགུན་འབུ་ཉོ་ཚོང་དོ་དམ་གྱི་གནས་སྐབས་ལག་བསྟར་བྱ་ཐབས》བཏོན་ཞིང་། བྱ་ཐབས་དེའི་ནང་དབྱར་རྩྭ་དགུན་འབུ་ཉོ་སྒྲུབ་བྱེད་པར་ངེས་པར་དུ་དབྱར་རྩྭ་དགུན་འབུ་ཉོ་སྒྲུབ་ཀྱི་ཆོག་འཐུས་ལག་ཁྱེར་གཉེར་དགོས་པའི་གཏན་འབེབས་བྱས་ཡོད་པ་རེད། 
     བྱ་ཐབས་ནང་དབྱར་རྩྭ་དགུན་འབུ་ཉོ་སྒྲུབ་བྱེད་མཁན་ཡིན་ཕྱིན་ཚང་མས་བཟོ་ཚོང་སྲིད་འཛིན་སྡེ་ཚན་གྱིས་དཔྱད་སྤྲོད་བྱས་པའི་དབྱར་རྩྭ་དགུན་འབུ་ཚོང་གཉེར་བྱེད་ཆོག་པའི་ལས་གཉེར་ལག་འཁྱེར་དང་།      གོ་ཆོད་ཐོབ་ཐང་ལག་འཁྱེར་ཁྱེར་ནས་རྫོང་རིམ་པའི་ཞིང་འབྲོག་སྲིད་འཛིན་དོ་དམ་སྡེ་ཚན་དུ་དབྱར་རྩྭ་དགུན་འབུ་ཉོ་སྒྲུབ་ཀྱི་ཆོག་འཐུས་ལག་ཁྱེར་གཉེར་བར་བསྐྱོད་དགོས།     དབྱར་རྩྭ་དགུན་འབུ་ཉོ་སྒྲུབ་ཀྱི་ཆོག་འཐུས་ལག་ཁྱེར་མ་ཐོབ་པར་དབྱར་རྩྭ་དགུན་འབུ་ཉོ་སྒྲུབ་བྱས་པར་ཞིང་འབྲོག་སྲིད་འཛིན་དོ་དམ་སྡེ་ཚན་གྱིས་དབྱར་རྩྭ་དགུན་འབུ་དང་ཁྲིམས་འགལ་ངང་ཐོབ་པའི་དངུལ་གཞུང་བཞེས་གཏོང་བའི་རྨང་གཞིའི་ཐོག་ཁྲིམས་འགལ་ངང་ཐོབ་པའི་དངུལ་གྱི་ལྡབ་༣ཡན་ནས་ལྡབ་༡༠མན་གྱི་དངུལ་ཆད་གཅོད་ཆོག་གི་ཡོད་ཅེས་གཏན་འབེབས་བྱས་ཡོད་པ་དང་། 《བྱ་ཐབས》 དེ་༢༠༠༩ལོའི་ཟླ་༡༠ཚེས་༡ཉིན་ནས་ལག་བསྟར་བྱས་ཡོད་པ་རེད།

ཁམས་ཁུལ་དུ་དབྱར་རྩྭ་དགུན་འབུའི་ཚོང་རླབས་འཕྱུར་བ།

   ཁམས་ཁུལ་མང་ཆེ་བར་དབྱར་རྩྭ་དགུན་འབུ་སྐྱེ་ཞིང། དབྱར་རྩྭ་དགུན་འབུ་ནི་སྐྱེ་དངོས་ཀྱི་ཐོན་རྫས་གཙོ་བོར་གྱུར་པའི་སྨན་རྫས་ཞིག་ཀྱང་རེད། དགུན་དུས་ས་འོག་ཏུ་སྲོག་དབུགས་ལྡན་པའི་འབུ་ཞིག་ཡིན་ཡང་། སོས་སྨད་ཙམ་ནས་ནམ་ཟླའི་འགྱུར་བ་དང་བསྟུན་ཏེ་སྤྱི་གཙུག་ནས་རྭ་སྐྱེས་རྗེས་ས་སྟེང་དུ་ཐོན་གྱི་རེད། དབྱར་གཞུང་ཙམ་ནས་རང་བཞིན་གྱིས་རོལ་ནས་གོ་མེད་ལྟ་བུར་འགྱུར་འགྲོ། དེས་ན་སོས་སྨད་ནས་དབྱར་སྟོད་བར་བརྐོ་སྒྲུབ་བྱེད་དགོས། མི་རྣམས་ལ་རང་བཞིན་གྱིས་འབུ་མཐོང་ཐུབ་མི་ཐུབ་ཅི་རིགས་ཡོང་གི་ཡོད་པས། ཁ་ཤས་ཀྱིས་ཉིན་གང་པོར་ཕྱིན་ཡང་བཅུ་གྲངས་ཙམ་ལས་མི་བརྙེད་ཀྱང། འགའ་ཞིག་གིས་ཉིན་རེེར་བརྒྱ་ལྷག་བརྐོ་མཁན་ཡོད།
དེ་སྔོན་ཕྱི་ལོ་ ༡༩༧༠ ནས ༡༩༨༠ ནང་ལོག་ལ་འབུ་རྒྱ་མ་གང་ལ་རྒྱ་སྒོར་ལྔ་བཅུ་ནས་བརྒྱ་བར་ཅི་རིགས་པར་ཡོད་ཀྱང་། དེང་གི་ཆར་འབུ་རྒྱ་མ་གང་ལ་རྒྱ་སྒོར་ཁྲི་བཞི་ནས་དྲུག་བར་སོགས་ཅི་རིགས་ཡོང་གི་ཡོད་པ་རེད། སྤྱིར་ས་ཆ་བཟང་ས་རྣམས་སུ་འབུ་གྲངས་བརྒྱ་ཡིས་རྒྱ་མ་གང་ཡོང་བ་དེ་འདྲ་ཡོད་པས་མི་འགའ་ཞིག་གིས་ཉིན་གཅིག་ལ་རྒྱ་མ་གང་བརྐོ་མཁན་ཡང་བྱུང་མྱོང་གི་ཡོད། འོན་ཀྱང་དེང་གི་དུས་སུ་བརྐོ་མཁན་མང་བ་དང་རྒྱ་ནག་གཞུང་གིས་བརྐོ་ཁྲིམས་སོགས་བཞག་ཡོད་སྟབས་ལས་སླ་པོ་གཏན་ནས་མེད། གལ་སྲིད་འབུ་གཏན་ནས་མཐོང་མི་ཐུབ་མཁན་དེ་ཚོས་ཀྱང་དེང་སང་ཅ་དངོས་ཙག་ཙིག་རིགས་འཚོང་རྒྱུར་ཁྱེར་ནས་འབུ་བརྐོ་བ་རྣམས་ཀྱི་རྗེས་སུ་འདེད་ནས་རི་འགོར་འགྲོ་མཁན་ཡོད།
དབྱར་རྩྭ་དགུན་འབུ་དང་འབྲེལ་བའི་སྐོར་ལ་གནས་ཚུལ་མང་དག་ཞིག་ཡོད་པ་དཔེར་ན། ཚོང་པ་རྣམས་ཀྱིས་འབུ་བཙོང་སྐབས་འབུའི་ཁོག་པར་ལྕགས་སྐུད་ཕྲ་མོའི་རིགས་འཇུག་པ་དང། ད་དུང་ཚོང་ཁ་ལ་མོར་འབུའི་ཁོག་ཏུ་སྨན་ཁབ་ཀྱིས་ཆུ་གཏོང་བ་སོགས་ལྗིད་ཡོད་ཐབས་འདྲ་མིན་བཟོ་ཡི་ཡོད་པ་རེད། ད་དུང་ལུང་ཁུག་གི་མི་རྣམས་གྲོང་ཁྱེར་དུ་འབུ་ཚོང་རྒྱག་ཏུ་འགྲོ་སྐབས་མི་ངན་འདྲ་མིན་ཐུག་ནས་མགོ་སྐོར་འོག་སྤྲོང་པོ་སྤྲོང་རྐྱང་བཟོ་བ་དང། ཡང་མིག་འཁྲུལ་སྟོན་ནས་འབུ་ཤོར་བ་སོགས་གྲངས་ལས་འདས་པ་ཡོང་གི་ཡོད། དེ་བཞིན་ཚོང་པ་ནང་ཕན་ཚུན་མགོ་བདེ་མིན་གྱིས་ཁྲོམ་ར་གཅིག་གི་ནང་དུའང་གོང་ཚད་ཡག་པོ་རག་མི་རག་གི་ཁྱད་པར་ཆེན་པོ་ཡོད།
 
འབའ་ཐང་རྫོང་གིས་དབྱར་རྩྭ་དགུན་འབུ་རྐོ་བར་དོ་དམ་གྱི་ལས་ཀ་ཤུགས་ཆེན་བྱས་པ། 
ཨན་རུང་མེས་བསྒྱུར། 2011ལོའི་ཟླ 06ཚེས 07ཉིན། ཁམས་པའི་གསར་འགྱུར་དྲ་བ།
 
   ཉེ་ཆར།འབའ་ཐང་རྫོང་གིས་རྫོང་དང་ཤང་།གྲོང་ཚོ་བཅས་ཀྱི་དབྱར་རྩྭ་དགུན་འབུ་རྐོ་བར་དོ་དམ་དང་འགོ་ཁྲིད་བྱ་རྒྱུའི་ཚོ་ཆུང་བཙུགས་ནས་དབྱར་རྩྭ་དགུན་འབུའི་ཐོན་ཁུལ་དང་འབུ་རྐོ་མཁན་ལ་བཅའ་ཁྲིམས་སྐོར་གྱི་དྲིལ་བསྒྲགས་སློབ་གསོ་དང་དོ་དམ་བྱེད་ཤུགས་ཆེ་རུ་བྱས་པ་རེད།
རྫོང་དེའི་དོ་དམ་དང་འགོ་ཁྲིད་ཀྱི་ལས་སྒྲུབ་ཚོ་ཆུང་གིས་མཐའ་ཁུལ་བར་གྱི་འགལ་བ་དང་རྩོད་གཞི་ཞིབ་བཤེར་དང་མེད་པ་བཟོ་རྒྱུ་སོགས་ཀྱི་ལས་ཀ་སྤེལ་ནས་མངོན་མེད་རྐྱེན་ངན་གནས་པའི་ས་ཁུལ་ལ་མཐུན་སྦྱོར་གྱི་ལས་ཀ་ཤུགས་ཆེན་བྱེད་པ་དང་།གྲོས་མཐུན་བཞག་གང་ཐུབ་བྱེད་བཅུག་པ།ལས་བྱེད་པ་ལས་ཡུལ་དངོས་སུ་བསྡད་ནས་འབྲེལ་ཡོད་ཀྱི་བཅའ་ཁྲིམས་དང་ཁྲིམས་སྲོལ་དྲིལ་བསྒྲགས་ཤུགས་ཆེན་བྱས་ནས་འབུ་རྐོ་བའི་ནང་མང་ཚོགས་ཀྱི་རང་བཞིན་ལྡན་པའི་དོན་རྐྱེན་བྱུང་བར་སྔོན་འགོག་བྱེད་པ་དང་།འགྲིམ་འགྲུལ་ཐད་ཉེན་མེད་མི་ཡོང་བའི་ལས་ཀ་ཡག་པོ་བྱེད་པ།སྔར་ལས་ལྷག་པར་འགྲིམ་འགྲུལ་ཐད་ཉེན་མེད་བདེ་འཇགས་ཀྱི་འགན་འཁྲིའི་ལམ་ལུགས་དོན་འཁྱོལ་བྱས་ནས་གྲོང་ཚོའི་འགྲིམ་འགྲུལ་ཐད་ལས་འཛོལ་མི་ཡོང་བ་དང་ཉུང་དུ་བཏང་བ་དང་ཆབས་ཅིག   དོ་དམ་ཚོད་འཛིན་གྱི་ལས་ཀ་ཤུགས་ཆེན་བྱེད་པ་དང་།དུས་ཐོག་ཏུ་རིགས་སྣ་ཚོགས་ཀྱི་སྤྱི་ཚོགས་ཀྱི་གནས་ཚུལ་ཁོང་དུ་ཆུད་ནས་འགལ་བ་དེ་མི་ཡོང་བ་བྱེད་གང་ཐུབ་བྱས་པ་རེད།
 
དབྱར་རྩྭ་དགུན་འབུ་དང་འཚོ་བའི་རང་དབང་།
 རང་གྲོལ་སྨྱུག་གསར་དྲ་བ་ལས།
པངྨ་རྡོ་རྗེ། 
     ངའི་སྲིང་མོ་དང་ཁོ་མོའི་ཁྱོ་ག་གཉིས་དབྱར་རྩྭ་དགུན་འབུ་བཏུ་བར་སོང་ནས་སོ་མ་ཁྱིམ་ལ་འབྱོར་བ་ཡིན། སྲིང་མོས་བཤད་པ་ལྟར་ན་ད་ཐེངས་ཁོང་གཉིས་པས་སྒོར་གཅིག་ཁྲི་ལྷག་ཁྱེར་ཡོང་ཟེར། ཁོང་གཉིས་ལ་མཚོན་ན་ལོ་གཅིག་གི་ཞོར་ལས་གཉེར་བ་ལས་སྒོར་མོ་འདི་འདྲ་མང་པོ་དུས་ཡུན་ཐུང་ངུའི་ནང་རྙེད་བྱུང་ན་དགའ་བ་ཁོ་ཐག་ཡིན། མ་གཞི་དབྱང་རྩྭ་དགུན་པོས་ཁོང་གཉིས་ལ་བུ་ལོན་འཇལ་ཐུབ་པའི་གོ་སྐབས་ཤིག་བསྩལ་བ་མ་ཟད། རང་གི་བུ་ཆུང་མུ་མཐུད་དུ་བྱིས་སྐྱོང་ཁང་དུ་བསྐྱལ་བའི་ཆ་རྐྱེན་ཡང་འཛོམས་པར་བཅོས་ཡོད། ལོ་འདིའི་ཡོང་འབབ་བཙལ་བའི་ཆེད་དུ་ཁོང་གཉིས་པས་ཀྱང་དཀའ་ངལ་གང་མང་བརྒྱུད་མྱོང་། དབྱར་རྩྭ་དགུན་འབུ་འཐུ་བར་རྩྭ་དཔྱ་སྤྲད་དགོས་པ་དང་མི་སུ་ལའང་གོ་སྐབས་འདི་ཡོད་པ་མ་རེད། ལར་རང་གི་ཉེ་རང་དང་གྲོགས་པོ། ངོ་ཤེས་བརྒྱུད་ལས་ད་གཟོད་དབྱར་རྩྭ་ཡོད་སར་འགྲོ་ཐུབ། དེ་ལྟ་མ་ཡིན་ན། རྩྭ་སའི་བདག་པོའམ་ཚོང་དཔོན་གྱི་གླ་རུ་ཚུད་ནས་དབྱར་རྩྭ་རྐང་རེ་བརྐོས་ན་སྒོར་གསུམ་(མཚོ་སྔོན་ཆབ་ཆའི་གནས་ཚུལ་འདི་འདྲ་རེད)སྟེར་བའི་ལས་ཀར་ཞུགས་ཅི་ཐུབ་བྱེད་ངེས། ངའི་སྲིང་མོས་དབྱར་རྩྭ་མ་བཏུ་བའི་སྔུན་ལ་ངའི་ལག་ནས་སྒོར་ཉི་སྟོང་ལྷག་གི་བུ་ལོན་གཡར་ནས་རྩྭ་དཔྱ་སྤྲད་པ་རེད། མོས་ང་ལ་བཤད་རྒྱུར། ད་ལོ་ཁོང་གཉིས་ཀ་བུ་ལོན་མང་དྲག་པའི་ངའི་སྒོར་མོ་དེ་རེ་ཞིག་མར་འགྱངས་ནས་སྤྲོད་དགོས་ཡིན་ཟེར།
ང་ལ་སྲིང་མོ་གཉིས་ཡོད། བུ་ལོན་གཡར་བ་ནི་ཆེ་བ་ཡིན། ངའི་སྲིང་མོ་གཉིས་ཀ་སློབ་གྲྭར་འགྲོ་མྱོང་མེད། གནས་སོང་བའི་མཐའ་མ་ནི་གྲོང་ཁྱེར་ནས་འཚོ་བ་རོལ་དགོས་པའི་ཞོར་ལས་འཚོལ་མཁན་ཞིག་ཏུ་གྱུར། རང་གི་དཀའ་ངལ་དེ་གསལ་ལེར་གཏོགས་པ་དང་ཁོང་གཉིས་ཀྱིས་ནུས་བ་ཡོད་ཚད་བཏོན་ནས་སོ་སོའི་བུ་ཕྲུག་ལ་སློབ་གསོ་ཡག་པོ་ཞིག་རེག་པའི་ཆ་རྐྱེན་ཅི་རིགས་བསྐྲུན་པ་ཡིན་ནོ།
དབྱར་རྩྭ་དགུན་འབུ་ནི་ཐོན་ཁུངས་མ་གཏོགས་ཐོན་སྐྱེད་མ་རེད། ཚོང་རྭའི་དགོས་མཁོ་ལྟར་ན་དབྱར་རྩྭ་དགུན་འབུ་འབོར་ཆེན་པོ་མཁོ་མིན་དྲང་མོར་མཚོན་མེད། དབྱར་རྩྭའི་ཚོང་རྭའི་ནང་ཁུལ་དུ་ཟུག་པ་ནི་དབྱར་རྩྭ་འཐུ་མཁན་ཞིག་དང་བར་མོའི་ཚོང་བ། དེ་ནས་མཐའ་མཇུག་གི་ལོངས་སྤྱོད་མཁན་བཅས་ཀྱིས་གྲུབ་ཡོད་སྟབས། ཁེ་བཟའ་བའི་ཕུང་བོ་འདི་དག་ཚང་མ་གཅིག་ལ་གཅིག་བརྟེན་གྱི་འབྲེལ་བ་ཆགས་ཡོད། དབྱར་རྩྭའི་གོང་ཚད་འཕར་བ་དེ་བར་མའི་ཚོང་བས་སྐུལ་སློང་བྱེད་པའི་མཇུག་འབྲས་ཤིག་དང་དངུལ་ལོར་མང་པོའི་རྩེད་འཇོ་ལྟ་བུ་རེད། འོ་ན། ཚོང་བ་འདི་དག་ལ་མ་དངུལ་མོད་པོ་རེག་ཐུབ་པའི་རྒྱུ་མཚན་ཅི་ཡིན། དེང་གི་དུས་སུ་རྒྱལ་ཁབ་ཀྱིས་དཔལ་འབྱོར་ཡར་རྒྱས་གཏོང་བའི་དགེ་བ་དམིགས་ནས་དངུལ་ཁང་གི་དངུལ་ལོར་མོད་པོ་གཏོང་ཆོག་པའི་ཆོག་མཆན་བཀོལ་ཡོད། དངུལ་ཁང་གི་དངུལ་ལོར་ཡང་མི་ཚང་མའི་ལག་ཏུ་འབྱོར་བའི་གོ་སྐབས་ཡོད་པ་མ་རེད། དངུལ་ཁང་གིས་ཚོང་བ་ཆེན་མོའམ་གཞུང་གི་ལས་ཁུངས་ལ་བརྟེན་ནས་བུ་ལོན་མང་ཚོགས་ལ་གཡར། ཆ་རྐྱེན་ངེས་ཅན་མེད་ན་དངུལ་ཁང་གི་དངུལ་གཡར་ཐུབ་རྒྱུ་མ་རེད། ཚོང་བ་ཆེན་མོས་དངུལ་ཁང་གི་བུ་ལོན་འཁྱེར་ནས་ག་ས་གང་དུ་ཚོང་ལས་ཀྱི་གོ་སྐབས་བཙལ་བ་དང་དབྱར་རྩྭ་དགུན་འབུ་ནི་སྟབས་བདེ་བའི་འདེམས་བཀོད་ཞིག་རེད། དེ་གང་ཡིན་ཟེར་ན། དབྱར་རྩྭ་དགུན་འབུ་ནི་རང་བྱུང་གི་ཐོན་ཁུངས་ཤིག་དང་ཞོར་ལས་གཉེར་མཁན་ནི་ས་ནས་རང་གི་ངལ་རྩོལ་བ་ཕལ་བ་དག་རེད། མི་འདི་དག་མཁོ་བའི་གླ་ཕོག་ཀྱང་ཉུང་ཉུང་ཡིན། ཐོན་སྐྱེད་ཀྱི་གོ་རིམ་རྙོག་དྲ་དེ་བརྒྱུད་མི་དགོས་པའི་རྐྱེན་གྱིས་དབྱར་རྩྭ་དགུན་འབུའི་ཚོང་ལས་ལ་འགྲོ་སོང་གཏོང་ན་ཁེ་ཕོག་ལྡབ་ཁ་ཤོས་ཀྱི་ཕྱིར་ལོག་བྱེད་ངེས།
ཕྱོགས་གཞན་ཞིག་ནས་རྒྱལ་ཁབ་ཀྱིས་ཐོན་སྐྱེད་ཀྱི་ལས་གཞི་སྐྱོང་མཁན་ལ་དམིགས་བསལ་གྱིས་རྒྱབ་སྐྱོར་མི་བྱེད། ཀྲུང་གོའི་ཚོང་རྭའི་འཁོར་ཡུག་ནི་སྲིད་གཞུང་གིས་ཐེ་གཏོགས་ཆེ་དྲག་པའི་རང་མོས་ཚོང་རྭ་མ་ཡིན་སྟེ། ཐོན་སྐྱེད་བཟོ་གྲྭ་ཞིག་བཙུགས་ན་ལས་སླ་མོ་ཞིག་ག་ལ་ཡིན། དེ་ལ་མ་རྩ་མོད་པོ་དགོས་པ་དང་མིའི་གླ། དེ་མིན་ད་དུང་རྒྱལ་ཁབ་ལ་དཔྱ་ཁྲལ་གང་མང་འཇལ་དགོས། བཟོ་གྲྭ་ཇེ་ཆེའམ་ཚོང་ལས་གསར་གཏོད་བྱེད་དགོས་ན་དེ་བས་མ་རྩ་མོད་པོ་དགོས། འོན་ཀྱང་དངུལ་ཁང་གི་མ་དངུལ་ནི་རྟག་ཏུ་རྒྱལ་ཁབ་ཀྱིས་བདག་གཉེར་བྱེད་པའི་ལས་ཁུངས་ལ་ཤོར་བས(དབང་དང་འབྲེལ་བའི་འོག)བཟོ་གྲྭ་ཆུང་ངུ་དག་ནི་རྒྱུན་པར་རང་གི་ཐོན་རྫས་ཀྱི་སྤུས་ཀ་ཇེ་ལེགས་གཏོང་བའི་ཆ་རྐྱེན་མི་འཛོམས། འཛོམས་པའི་དབང་དུ་བཏང་ཡང་རྒྱུན་འཁྱོངས་ཀྱི་ནུས་བ་མི་འདུག།
དབྱར་རྩྭ་དགུན་འབུའི་གོང་ཚད་འཕར་ནུས་པ་ཡང་དམངས་ཚོགས་ཀྱི་གཏོང་ས་མ་རྙེད་པའི་མ་དངུལ་དག་ཚོང་རྭ་འདི་རུ་སླེབས་པའི་རྐྱེན་ཡིན། ད་ལྟ་རྒྱལ་ནང་དུ་བཤད་སྲོལ་འདི་འདྲ་ཞིག་ཡོད། དམངས་ཚོགས་ཀྱིས་ཅ་ལག་ཅི་ཉོ་ན་གོང་ནི་འཕར་རྟགས་རྐྱང་རྐྱང་དང་ཚོང་བས་མ་དངུལ་གང་ལ་གཏོང་ཡང་གྱོང་གུད་ཐོབ་པ་གཅིག་པུ་ཡིན་ཟེར། ན་ནིང་དོ་ཚིགས། ལུག་ཤ་དང་ཕག་ཤ། ཟ་མ་ཅི་རིགས་ཀྱི་གོང་ཚད་ནི་ཡར་ངོས་ཟླ་བ་ཇི་བཞིན་གོང་ནས་གོང་དུ་འཕར་བ་དང་ང་ཚོའི་ལོ་རེའི་ཡོང་འབབ་ནི་དེ་ལྟ་རང་དུ་གནས་ཡོད།
དབྱར་རྩྭ་དགུན་འབུའི་འགྲོ་ལུགས་ནི་རྒྱལ་ནང་གི་ཁང་པའི་ཚོང་རྭ་དང་གཅིག་མཚུངས་ཀྱི་རྣམ་པ་ཟིན་ཡོད། ཁང་མའི་གོང་ཚད་ཡར་འགྲོ་བ་ནི་དམགས་ཚོགས་ཀྱི་དགོས་མཁོ་དང་བསྟུན་ནས་བྱུང་བ་མ་རེད། མི་མང་པོས་ཁང་བའི་འཛུགས་བསྐྲུན་བརྟེན་ནས་རང་གི་ཁེ་ཕོག་བཙལ་བ་དང་འཛམ་གླིང་དཔལ་འབྱོར་གྱི་ཛ་དྲག་གནས་ཚུལ་འོག་བཟོ་གྲྭ་ཆེ་ཆུང་ཚང་མས་ཁང་བ་བཟོ་བའི་ལས་གཉེར་ལ་མ་དངུལ་གཏོང་བ་རེད། རྒྱལ་ཁབ་ཀྱིས་ཁང་བའི་གོང་ཚད་མར་བཀག་རྩིས་བྱས་ཀྱང་མ་ཁོག་པར་ད་དུང་འཕུར་བའི་སྒང་ཡིན། ཚོང་རྭ་འདི་ལས་བྱུང་བ་ནི་ཁང་བ་ངོ་མ་དགོས་པ་ཚོས་ཁང་བ་ཉོ་མི་ཐུབ་པར་གྱུར་བ་དང་ཁང་བ་མི་མཁོ་བ་ཚོས་ཁང་བ་མང་པོ་རང་སྒེར་བཟུང་ནས་རྗེས་མར་གོང་ཚད་འཕར་བའི་སྐབས་སུ་བཙོང་རྒྱུར་རེ་སྙེག་བྱེད། དེ་བས་ཚང་མས་ཁང་བའི་ཚོང་རྭར་ལྦུ་བ་ཆེན་པོ་འདུག་ཟེར། ལྦུ་བ་འདི་བརྟོལ་བའི་ཉི་མ་ནི་ཀྲུང་གོའི་དཔལ་འབྱོར་འགྱུར་ལྡོག་ཆེན་པོ་བྱུང་བའི་ཉི་མ་ཡིན། གལ་སྲིད་རྒྱལ་ཁབ་ཀྱིས་ཚོང་རྭའི་དགོས་མཁོ་དང་ལོངས་སྤྱོད་བར་གྱི་འགལ་བ་འདི་ཡངས་དག་པའི་ངང་ནས་མ་བསད་ན་ང་ཚོའི་ཉིན་རེའི་འཚོ་བར་ཧ་ལས་པའི་འཇིགས་སྣང་སྤྲད་ངེས་ཡིན།
འོ་ན་དབྱར་རྩྭ་དགུན་འབུའི་ཚོང་རྭར་ལྦུ་བའི་ཉེན་ཁ་འདུག་གམ་ཟེར་ན། ཡོད་པ་ནི་ཁོ་ཐག་ཡིན། ཚོང་བས་བདག་གཉེར་བྱེད་པའི་མ་དངུལ་མོད་པོ་ཕྱོགས་སོ་སོར་མ་འགྲེམས་ན་ལྦུ་བ་ནི་ནམ་ཡང་སྲིད་པ་རེད། བོད་ཁུལ་གྱི་སློབ་མ་དང་། ཕ་མ། ལས་བྱེད་པ་གང་མང་དབྱར་རྩྭ་དགུན་འབུའི་ཚོར་རྭར་ཞུགས་པའི་འབྲས་བུ་ནི་ཐོན་ཁུངས་ཇེ་ཉུང་དང་གོང་ཚད་རེ་མོས་འཕར་བ་ལྟར་ཡིན། འོན་ཀྱང་གསལ་ལེར་མཐོང་ཐུབ་པ་ཞིག་ནི་དབྱར་རྩྭ་དགུན་འབུའི་ཚོར་རྭར་ད་དུང་མ་དངུལ་མང་པོ་འཛོམས་རྒྱུ་ཡིན་པས་ཁེ་མ་རེག་པར་མར་ལྷུང་བའི་ཉེན་ཁ་མཆིས།
ད་ལྟའི་དུས་སུ་འཚོ་བའི་རང་དབང་ནི་མི་བུ་རེ་རེའི་མདུན་ངོས་ཀྱི་ཡོལ་མི་བཏུབ་པའི་འདེམས་ཡ་ཞིག་སྟེ་སྒོར་མོའི་རང་དབང་ཐོབ་བ་ནི་འཚོ་བའི་རང་དབང་ཐོབ་པའི་ཁ་ཚ་དགོས་གཏུགས་ཀྱི་ཁེ་ཕན་ཡིན། དབྱར་རྩྭ་དགུན་འབུ་ནི་རང་སོ་སོའི་ལུས་ཕུང་ལ་ཕན་ཐོག་ཡོད་མིན་བཤད་སྲོལ་མི་འདྲ་མོད། དབྱར་རྩྭ་དགུན་པོས་འཁྱེར་ཡོང་བ་ནི་ཧམ་སེམས་ལས་མིའི་རང་རྐྱ་ཐུབ་པའི་འཚོ་བ་དང་རང་དབང་གི་གོམ་པ་དང་པོ་ཡིན་ཟེར་ཆོག མི་བུ་ཞིག་གིས་རང་ཉིད་ཀྱི་ཐོབ་ཐང་དང་རྩིས་ཐང་འཚོལ་བ་ནི་སེམས་བྱུང་ཞིག་གི་ནུས་བ་མ་རེད། ཐོབ་ཐང་དང་རྩིས་ཐང་ནི་སྤྱི་ཚོགས་ཀྱི་གོ་གནས་ལས་ཐོན་པའི་འབྱུང་ཁུངས་ཤིག་དང་དགོས་ངེས་ཤིག་རེད། དགེ་བ་འདི་ཐད་ཀར་དུ་ཐོབ་དགོས་ན་སྒོར་མོར་བརྟེན་པ་ནི་ཆེས་ལས་སླ་བའི་ཐབས་ཤེས་ཤིག་རེད། གལ་སྲིད་ང་ཚོས་ཉེ་མི་དང་སློབ་མ་སོགས་དབྱར་རྩྭ་དགུན་འབུ་འཐུ་ནས་མི་ཚེའམ་བོད་ཀྱི་མདུན་ལམ་མེད་བརླག་ཏུ་གཏོང་བ་རེད་ཟེར་ན། དགེ་མེད་ཀྱི་སེམས་ཁྲལ་རང་ཡིན། ང་ཚོའི་སློབ་གསོ་ནི་སྲིད་ཇུས་ཀྱིས་མ་སྐྱོང་བའི་གནད་དོན་རེད། གལ་སྲིད་སློབ་གསོའི་ནུས་བས་རང་གི་ཕ་ཡུལ་ལ་འགྱུར་བ་གཏོང་དགོས་ཟེར་ན་དབྱར་རྩྭ་དགུན་འབུའི་གནད་དོན་ལས་ཐག་གཅོད་མི་ནུས། ང་ཚོས་ངེས་པར་དུ་རང་མོས་དཔལ་འབྱོར་གྱི་ཁོར་ཡུག་ལེགས་པོ་ཞིག་བསྐྲུན་རྒྱུ་དང་སློབ་གསོའི་སྲིད་ཇུས་ཅི་ནུས་ཀྱང་འགྱུར་བ་གཏོང་དགོས། གལ་སྲིད་ཐོན་སྐྱེན་བཟོ་ལས་གཉེར་བའི་བཀག་རྒྱ་བསད་པ་དང་ཆ་རྐྱེན་གང་མང་འཛོམས་ན་སུས་ཤིག་གིས་རང་གི་བུ་དང་བུ་མོ་སློབ་གྲྭ་ནས་མར་འཐེན་ནས་ཡོང་འབབ་བཙལ་བར་མངགས། རྒྱུ་མཚན་ནི་ད་ཡོད་ཐོན་སྐྱེད་ཀྱིས་མིར་མཁོ་བོའི་བདེ་སྐྱིད་དང་བདེ་འཇགས་སོགས་ད་དུང་བསྩལ་ཐུབ་མེད་པ་རེད།
 
དབྱར་རྩྭ་དགུན་འབུ། ཉལ་ཐ་ཨང་གཉིས་པ།
 མཆོད་མེད་རྩོམ་རིག་དྲ་བ་ལས། 
ཏཱ་ནི་སྨྱུ་གུ  
    ངས་དུས་རྒྱུན་བརྗོད་འདོད་པའི་དོན་བྱ་ཞིག་དང་འབྲི་བསམ་པའི་ལས་བྱ་ལྟ་བུ་ཞིག་བསྒྲུབ་བསམ་པ་ནི་ང་ཚོའི་རོང་འབྲོག་མི་མང་དག་གི་འཚོ་བའི་བརྟེན་ས་དང་མིག་གི་ཅེར་སུར་གྱུར་བའི་དབྱར་རྩྭ་དགུན་འབུ་ཞེས་པའི་སྨན་རྩ་འདིའི་རིན་ཐང་དང་ཕན་འབྲས།དེ་མིན་དབྱར་རྩྭ་དགུན་པས་ང་ཚོའི་འཚོ་གནས་ཀྱི་གནད་དོན་གང་འདྲ་ཐག་གཅོད་དང་བྱེད་ནུས་མི་འདྲ་བ་ཞིག་ཐོན་གྱི་ཡོད་པ།ལྷག་དོན་ང་ཚོའི་འཚོ་གནས་དཔལ་ཡོན་དང་དར་རྒྱས་སོགས་ལ་བཏོན་པའི་དབྱར་རྩྭའི་རིན་ཐང་སོགས་ལས་གཞན།དེ་ལས་ལྡོག་པའི་དབྱར་རྩྭས་ང་ཚོའི་མི་རིགས་འདིར་གནང་བའི་མགོ་མེད་ཡ་བྲལ་གྱི་ནག་ཉེས་གང་རུང་ཞིག་སྩོལ་གྱི་ཡོད་པ་དེ་ཡིན།དེ་ཡང་མིའི་རིགས་ནི་ལོ་རྒྱུས་ཀྱི་དུས་སྐབས་མི་འདྲ་བ་གང་མང་ཞིག་གི་ཆུ་རྒྱུན་ཁྲོད་རིམ་བསགས་ཀྱིས་དར་རྒྱས་བྱུང་བ་ཞིག་རེད་ལ།ཕྱི་རོལ་རང་བྱུང་ཁམས་ཀྱི་ཆོས་ཉིད་དང་དེར་བརྟེན་གྱི་འདུ་ཤེས་འཛིན་སྟངས། སྤྱི་ཚོགས་འདུས་སྡོད་ཀྱི་གནས་སྟངས་སོགས་ཁྱབ་ཆེ་བ་ནས་སྣ་མང་ཅན་དུ་གྱུར་བའི་ཤུལ་ལམ་ལས་ད་གཟོད་མི་དང་མིའི་བར་གྱི་ལྟ་སྟངས་མི་འདྲ་བ། རིགས་རྒྱུད་དང་རིགས་རྒྱུད་ཀྱི་གོམས་སྲོལ་མི་འདྲ་བ། དེ་མིན་བསམ་པའི་འདུ་ཤེས་དང་ཁོར་ཡུག་འདུས་སྡོད།ཆོས་ལུགས་དད་མོས་སོགས་རྒྱུ་རྐྱེན་གང་མང་ཞིག་མཆིས་མོད།འོན་ཀྱང་མིའི་རིགས་མཐུན་མོང་གིས་བརྩོན་བྱར་གྱུར་བའི་ལམ་རྐང་གཅིག་མཆིས་པ་ནི་འཚོ་གནས་དགོས་མཁོ་མཁོ་ན་ཡིན་པས།ངས་དབྱར་རྩྭས་རང་ཅག་རོང་འབྲོག་མི་མང་ལ་བློ་ཡུལ་ལས་འགོངས་པའི་དཔལ་ཡོན་གྱི་རིན་ཐང་ག་འདྲ་ཞིག་བསྐྲུན་གྱི་ཡོད་པ་འདི་བརྗོད་པར་འདོད།དེ་ཡང་ལོ་འཁོར་གཅིག་གི་དབྱར་རྩྭའི་ཡོང་འབབ་ལ་རགས་ཙམ་དཔག་ན་རབ་ཞིག་གིས་ལོ་
གཅིག་ལ་སྒོར་ཁྲི༥༠ནས་༡༠༠བར་ཡིན།འབྲིང་ཞིག་ནི་ཁྲི༢༠=༥༠བར།ཐ་མ་ཞིག་གིས་ཀྱང་སྒོར་ཁྲི་༢ནས་༢༠བར་ཡིན་ལ། ཡོང་འབབ་རབ་འབྲིང་ཁག་ལ་གཞིགས་ན་ལོ་གཅིག་གི་ཁྱིམ་ཚང་གི་གཟའ་མིའི་ལྟོ་རྒྱབ་སོགས་ཀྱི་གནད་དོན་ཐག་གཅོད་ཐུབ་པ་ཕུད་དེ་ལས་དཔལ་འབྱོར་གྱི་མ་རྐང་ཆེན་པོ་འཇོག་ནུས་པར་སྣང་ལ།མིའི་འཚོ་གནས་ཀྱི་དགོས་མཁོ་ལ་མིག་རྒྱངརིང་བོའི་གོ་སྐབས་ཤིག་བསྩལ་ཡོད་ལ།ཐ་ན་མི་སྒེར་གྱི་ཁེ་ལས་སྟབས་བདེ་ཞིག་ཀྱང་གཉེར་ཐུབ་པའི་རིན་འབབ་ངེས་ཅན་ཞིག་ཡོད་པར་སྣང་། དེ་བས་ཏང་གི་ལྕགས་ཕོར་བལྡག་པའི་ལས་བྱེད་པ་མང་མང་ཞིག་གིས་ཀྱང་དབྱར་རྩྭའི་རིན་ཐང་དང་ཡོང་འབབ་མཐོང་དུས་འདོད་སྲེད་ཀྱི་ལག་ཟུང་བསྲིང་མཁན་མོད་ལ།བརྟན་ཆགས་ཀྱི་ཟླ་ཕོགས་སོགས་ཀྱི་དགོས་པ་བསམ་དུས་ཁོ་ཚོས་ཧམ་སེམས་ཀྱི་མཆུ་མ་ལྐོག་མིད་རེ་བྱས་ནས་བསྡོད་པ་ལས་ཐབས་གཞན་མི་འདུག  སྤྱིར་བསམ་ན་མི་ཞིག་ལ་ཤེས་རིག་གི་རིན་ཐང་དང་ངེས་ཅན་ཞིག་མངའ་བའི་ཆ་རྐྱེན་འོག་ད་གཟོད་མི་ཚེ་དཔལ་ཡོན་གྱི་རིན་ཐང་ལའང་དོན་ལྡན་གྱི་འབྲས་བུ་ཞིག་བསྐྲུན་ཐུབ་པར་འདོད་ལ།དེ་ནི་གདོད་མའི་རང་བྱུང་སྤྱི་ཚོགས་ནས་བར་མའི་མིའི་ཤེས་རིག་དར་བའི་སྤྱི་ཚོགས།དེང་གི་ཚན་རྩལ་གྱི་འོད་སྟོང་འབར་བའི་དཔལ་ཡོན་གྱི་སྤྱི་ཚོགས་སོགས་དུས་རབས་ཀྱི་བློ་མིག་རྣོན་པོ་ཞིག་མཆིས་ཚེ། དཔལ་ཡོན་ཀུན་ལྡན་གྱི་ལོངས་སྤྱོད་དངོས་ཤིག་རོལ་ཐུབ་པའི་ནུས་པ་མཆིས་ཤིང་དབྱར་རྩྭ་ནི་དེ་ལ་དགོས་འདོད་དང་ཕན་བདེ་ཡི་ཆ་རྐྱེན་བསྐྲུན་པའི་ཐོན་རྫས་ཤིག་གམ་མ་བཅོས་རྒྱུ་ཆ་རྩ་ཆེན་ཞིག་དུ་བགྲང་ཆོག་ཆོག་རེད། འོན་ཀྱང་ངེད་ཅག་མི་རིགས་འདིའི་རྩ་བའི་གནད་དོན་ལ་གཞིགས་ན།དབྱར་རྩྭ་ཡིས་ང་ཚོའི་འཚོ་གནས་གནད་དོན་ལ་དེ་ལས་ལྡོག་པའི་ནག་ཉེས་ཆེན་པོ་ཞིག་བཟོ་ཡི་འདུག་སྙམ་ལ།དེ་ནི་ང་ཚོའི་མིག་མདུན་ན་གསལ་བའི་དཔེ་མཚོན་རེ་རེ་ལས་ཤེས་ཐུབ། གལ་དེ་དབྱར་རྩའི་ཡོང་འབབ་བཟང་བའི་ཁྱིམ་ཚང་ཞིག་ལ་མཚོན་ནའང་མདུན་ངོས་ཀྱི་ལོངས་སྤྱོད་ཁོ་ན་ཙམ་ལ་མགོ་བོ་རྨོངས་དྲགས་ནས་དུས་དང་མཐུན་ངོས་ཀྱི་དཔལ་འབྱོར་གཉེར་བའི་འདུ་ཤེས་ཤིན་ཏུ་དབེན་པ་མ་ཟད།དེ་མིན་མི་དང་མིའི་བར་གྱི་འདྲ་མཉམ་གྱི་ལྟ་ཚུལ་དང་མི་གཤིས་ཀུན་སྤྱོད།འཚོ་བའི་གོབས་སྲོལ་སོགས་ཀྱང་ཧ་ཅང་སྐྱི་གཡའ་བའི་གནས་ཤིག་ཏུ་བརྫངས་ཀྱིན་ཡོད་ལ།དབྱར་རྩྭའི་ཉོ་འཚོང་ཐད་ནས་ཀྱང་མི་རིགས་ནང་འགལ་གྱི་གནད་དོན་ལོ་རེ་བཞིན་ཛ་དྲག་ཏུ་འགྲོ་བར་གཞིགས་ན།དབྱར་རྩྭའི་འཚོང་གཉེར་དང་ཉལ་ཐའི་འཚོང་དོན་གྱི་ནག་ཉེས་གཅིག་ཏུ་བགྲང་ཡང་ཁྱད་པར་ཆེ་ཙམ་མེད་པར་སྙམ། རྒྱུ་མཚན་ནི་ཤིན་ཏུ་སླ་སྟེ། ཉལ་ཐ་ཡིས་བག་མེད་རྒྱས་སྤྲོས་དང་སྐྱུག་བྲོ་བའི་འབྱོར་ལྡན་མི་སྣ་དག་གཙོ་བྱས་པའི་སྤྱི་ཚོགས་ཀྱི་གད་སྙིགས་གསར་བ་ཞིག་ནང་འདྲེན་བྱས་ཡོང་བ་ཡིན་ལ། དབྱར་རྩྭ་དགུན་འབུ་ནི་འཚོ་གནས་ཀྱི་ཤེས་རིག་དབེན་ཞིང་དེང་རབས་དཔལ་ཡོན་སྤྱི་ཚོགས་ཀྱི་ངེས་ཤེས་ཡེ་ནས་མེད་པའི་མི་རིགས་འདིར་ཐོལ་བྱུང་དུ་གནང་བའི་ས་གནས་རང་བཞིན་གྱི་ཐོན་ཁུངས་ལས་བྱུང་བའི་མ་བཅོས་རྒྱུ་ཆ་ཞིག་ཡིན་པས།འཚོང་དོན་དེང་རབས་ཅན་གྱི་མིག་ཤེས་ཅི་ཡང་མེད་པའི་རོང་འབྲོག་མི་མང་ལ་མགོ་མ་གཡུག་པར་ལྷ་བབས་པའི་ངོ་མཚར་བའི་དོན་དངོས་ཤིག་རེད་འདོད།དེ་ཡང་གོང་ནས་བརྗོད་པ་ལྟར་དངོས་ཟོག་ཐོན་སྐྱེད་དང་མཛད་སྤྱོད་ཀྱི་རིན་ཐང་གང་ལའང་ཤེས་འཇོན་བྲལ་བའི་གཞི་རིམས་མང་ཚོགས་འདི་ཚོས་དངུལ་ལོར་གྱི་རིན་ཐང་དང་གསོག་འཇོག་གི་ནུས་པ་ཅི་ཡང་མེད་པའི་གནས་ཚུལ་ལས་གཞན། རིག་གནས་སློབ་གསོ་དང་བསམ་པའི་ལོངས་སྤྱོད་སོགས་ཀྱང་མར་ངོའི་ཟླ་འགྲིབ་པ་བཞིན་སྤྱི་ཚོགས་ཀྱི་ངོ་གདོང་རུལ་སུང་དུ་འགྱུར་གྱིན་པའི་སྣང་ཚུལ་འབའ་ཞིག་ལས་ཐི་ཡང་མི་མཐོང་ལ།ནམ་ཞིག་ང་ཚོ་ནི་ལེ་ལོ་བག་འཁུམ་དང་རྒྱ་ཡན་ལང་ཤོར།གནད་གང་ལའང་འཇུག་ཕོད་པའི་རིན་ཐང་དབེན་པའི་ཁ་ཆད་ཡ་བྲལ་གྱི་རིགས་རྒྱུད་ལྷག་མ་ཙམ་དུ་འགྲོ་བའི་ཉེན་ཚབ་ཤིན་ཏུ་ཆེ་འདོད།
 2011.6.22བྲིས།
ང་ཚོ་དབྱར་རྩྭ་དགུན་འབུའི་གཡོ་འོག་ཏུ་ཚུད་ཀྱིན་འདུག  
རང་གྲོལ་སྨྱུག་གསར་དྲ་བ་ལས།
རླངས་ཚང་གཡག
   ལོ་རབས་བརྒྱད་ཅུ་བ་ནས་བོད་ས་ཁྱོན་ཡོངས་ལ་དུས་ཡུན་ཐུང་ངུའི་ནང་སྒོར་མོ་མང་ཙམ་རེ་ལག་འབྱོར་ཡོང་བའི་ཐབས་ལམ་ཞིག་རྙེད་པ་ནི་དབྱར་རྩྭ་རྒུན་འབུ་བརྐོ་ཤེས་པར་གྱུར་པ་འདི་ཡིན་ལ། སྨན་རྩྭ་འདི་བརྐོ་ཤེས་པ་ནས་བོད་ཀྱི་རིག་གནས་མང་པོ་ཞིག་ལ་གོད་ཆག་འབྱུང་མགོ་ཚུགས་ཡོད་པ་ནི་ད་དུང་ཡང་ངོས་ཟིན་མཁན་དཀོན་པོར་གྱུར་ནས་ལུས་ཡོད།
སྐབས་དེ་ནས་སྒོར་མོ་མང་པོ་སྤྲད་དེ་སློབ་གྲྭར་འགྲོ་བ་ལས་དབྱར་རྩྭ་དགུན་འབུ་བརྐོས་ཏེ་ཡུལ་ནས་བསྡད་ན་ལེགས་པར་འདོད་མཁན་ཇེ་མང, ་ནས་ཇེ་མང་ད, ུ་ཕྱིན་ཏེ་སློབ་བྱོལ་བྱེད་པ་དང་སློབ, ་གྲྭ་འགྲོར་འཇུག་མི་འདོད, ་པའི་ཁྱིམ་བདག་མང་པོ་བྱུང་སྟེ་བོད་ཀྱི་སློབ་གསོའི་འཚར་རྒྱས་ལ་ངན་རྐྱེན་ཆེན་པོ་ཞིག་བྱུང་། དེ་ལྟར་ལོ་རབས་བརྒྱད་ཅུ་བ་ནས་ད་ལྟའི་བར་གྱི་ལོ་ངོ་སུམ་ཅུ་ལྷག་གི་རིང་ལ་དབྱར་རྩྭ་དགུན་འབུ་ཁོ་ནར་བརྟེན་པའི་ཁྱིམ་ཚང་གི་དཔལ་འབྱོར་ཡོང་སྒོ་དེས་གྲོང་གསེབ་པ་མང་ཆེ་ཤོས་ཀྱི་འཚོ་བར་ཁ་ཕྱོགས་མེད་པར་གྱུར་པ་ནི་འདི་ལྟ་ལྟེ། ཤིང་བཟོ་ཤེས་པ་དག་གིས་ཤིང་ལས་བཞག་སྟེ་དབྱར་རྩྭ་དགུན་འབུ་ཁོ་, ནར་, བརྟེན་ནས་འཚོ་བ་རོལ་རྒྱུ་དྲན། མགར་ལས་ཤེས་པ་དག་གིས་མགར་ལས་བྱེད་རྒྱུའི་ཚབ་ཏུ་དབྱར་རྩྭ་དགུན་འབུ་ཁོ་ནར་བརྟེན་ནས་འཚོ་བ་རོལ་རྒྱུ་དྲན། ལྷ་བྲིས་པ་དག་གིས་ལྷ་འབྲི་བ་ལས་དབྱར་རྩྭ་དགུན་འབུ་ཁོ་ནར་བརྟེན་ནས་འཚོ་བ་རོལ་རྒྱུ་དྲན། ཞིང་ལས་པ་དག་གིས་ཞིང་ལས་བཞག་སྟེ་དབྱར་རྩྭ་དགུན་འབུ་ཁོ་ནར, ་བརྟེན་ནས་འཚོ་བ་རོལ་རྒྱུ་དྲན། འབྲོག་པ་དག་གིས་ཕྱུགས་ལས་བཞག་སྟེ་དབྱར་རྩྭ་དགུན་འབུར་བརྟེན་ནས་འཚོ་བ་རོལ་རྒྱུ་དྲན། འཚེམ་བཟོ་ཤེས་པ་དང་འཕྲུལ་རིགས་བཟོ་བཅོས་བྱེད་པ་སོགས་ཡོང་འབབ་ཧ་ཅང་མི་བཟང་བའི་ལས་རིགས་གཉེར་མཁན་སུ་དང་སུ་ཡིན་ཡང་སེམས་ལ་དབྱར་རྩྭ་དགུན་འབུའི་གདོན་ཞུགས་པ་མ་ཟད། སློབ་མ་དག་གིས་སློབ་གྲྭ་བཞག་ནས་དབྱར་རྩྭ་བརྐོས་ཁར། དགེ་རྒན་འགའ་རེས་ཡང་དུས་ཚིགས་དེར་གནངས་པ་ཞུས་ཏེ་དབྱར་རྩྭ་བརྐོ་བའམ་དེའི་ཚོང་གཉེར་ལ་ཞུགས། ལས་བྱེད་འགའ་རེས་ཀྱང་ལོ་གཅིག་གི་ཟླ་ཕོགས་ནི་ཟླ་གཅིག་ལ་དཀའ་ལས་རྒྱབ་ན་ཐོབ་པར་འགྱུར་བས་དེ་ཉིད་ལེགས་པར་བསམ་ནས་དབྱར་རྩྭ་བརྐོ་བ་དང་དབྱར་རྩྭའི་ཚོང་གཉེར་ལ་ཞུགས། སྨན་པ་དག་ཀྱང་རི་མགོར་ཉུལ་ཏེ་དབྱར་རྩྭ་བརྐོས། དགོན་པ་འགའ་རེའི་གྲྭ་བ་དག་ཀྱང་དབྱར་རྩྭ་བརྐོ་བ་དང་དབྱར་རྩྭའི་ཚོང་གཉེར་ལ་ཞུགས། དབྱར་རྩྭ་ཡོད་པ་ནས་ལོ་ལོན་གོ་ཁ་ནས་འདུག་མི་བཟོད་ཅིང་། བྱིས་པ་རྩེད་ར་ནས་འདུག་མི་བཟོད་པ་ཞིག་ཏུ་གྱུར་ཅིང་། མདོར་ན་བོད་རིགས་ཚོང་ལས་འདྲ་མིན་གཉེར་མཁན་ཡོད་ཚད་ཀྱི་སེམས་ལ་དབྱར་རྩྭ་དགུན་འབུའི་གདོན་ཞུགས་ཏེ། སྐབས་རེ་ཡོད་ཡོད་འདྲ་ཞིང་། སྐབས་རེར་མེད་མེད་འདྲ་བའི་རྒྱུན་ལྡན་མིན་པའི་ཚོང་ལས་དེའི་གསེབ་ཏུ་གཞན་གྱི་ཚོང་བ་གྲིམ་པོ་རེ་སླེབས་ནས་དང་པོ་ཡིད་ཆེས་སྤྲད་དེ་བོད་པ་ཚོ་ལག་མགོར་དཀྲིས། བར་དུ་འཛུམ་མདངས་རེ་དང་ཁ་ཡག་ཅིག་གིས་བོད་པའི་ཚོང་བ་ཚོར་ཧམ་པ་བསླངས་རྗེས། མཐའ་མར་མ་རྩ་ཡོད་ཚད་རྩད་རྫོགས་བྱས་ཏེ་ཁ་གྱང་ལ་གཏད་པ་ཡང་མང་པོ་ཞིག་བྱུང་ཡོད་པ་སོགས་མདོར་ན་དབྱར་རྩྭ་དགུན་འབུས་བོད་ཀྱི་རིག་གནས་དང་དཔལ་འབྱོར་ལ་ཤུགས་བརྟན་མེད་པའི་གྱོང་གུད་གསབ་ཐབས་མེད་པ་སྤྲད།
གཞན་ཡང་། དབྱར་རྩྭ་དགུན་འབུ་བརྐོ་ཤེས་པ་ནས་བཟུང་ས་རྩོད་ཆུ་རྩོད་ཀྱི་རྣམ་པ་ཇེ་དྲག་ཏུ་གྱུར་ཅིང་། མི་ཤི་རྟ་འགྱེལ་གྱི་དོན་དག་ཀྱང་རབ་དང་རིམ་པར་བྱུང་སྟེ། ཐང་གི་རྩྭའི་དོན་དུ་གཅེས་པའི་སྲོག་ཤོར། ལག་གི་རྒྱུ་ཤོར་ཏེ་ཁྱིམ་ཚང་དང་སྡེ་བ་སྤྲང་ལ་གཏུགས་པ་སོགས་འུ་ཐུག་ཐབས་ཟད་ཀྱི་ལས་དེ་ཉིད་དངོས་སུ་མདུན་ལ་བསུས་པའི་ཉམས་མྱོང་དེ་ཤེས་བཞིན་དུ་སྡེ་བ་དང་སྡེ་བའི་བར། ལུང་ཚན་དང་ལུང་ཚན་བར་དམར་འཛིངས་བྱས་པས་དང་པོ་རྩྭ་རྩད་དེ་བྱུང་བའི་གྱོད་ཁ་རིམ་གྱིས་མི་གསད་པའི་སྙིང་ནད་དུ་གྱུར་ཏེ་ཕ་རིང་བུ་རིང་ལ་བརྣག་པའི་དོན་རྐྱེན་ཆེན་པོ་ཞིག་ཏུ་གྱུར། དེ་བས་ད་ལྟའི་སྐབས་འདི་ནི་བསམ་བློ་བ་སྐོར་ཞིག་གི་ཚེ་སྲོག་མི་རིགས་ཀྱི་ཆེད་དུ་འབུལ་གྱིན་ཡོད་ལ། རྨོངས་འཐོམས་ཀྱིས་ལུས་པའི་གཞི་རིམ་པ་དག་ནི་ཐང་གི་རྩྭ་ཞིག་གི་ཆེད་དུ་ཤི་བཞིན་པ་ནི་ཆེས་བློས་མི་དཔོག་པའི་དོན་དག་ཅིག་རེད་ཨང་། ད་སྐབས་ཀྱང་དཔྱིད་ཀྱི་ལྗང་མྱུག་མིག་གིས་མཐོང་དུས་སྐྱེ་འགྲོ་ཀུན་དགའ་བདེའི་སྣང་བས་ཁྱབ་མགོ་ཚུགས་པའི་སྐབས་དེར། བྱང་སེམས་དང་སྙིང་རྗེ་ཅན་དུ་གྲགས་པའི་རང་ཅག་བོད་ཀྱི་ས་ཆ་འགའ་རེ་ན་དམག་ཚོགས་རྒྱབ་སྟེ་མདའ་ཁྲལ་རྟ་ཁྲལ་འཇོག་བཞིན་ཡོད་ལ། རི་ཁ་དང་སྡེ་འདབས་དག་སྨད་རྒྱའི་དམག་གིས་སྐོར་ནས་འདུག་དགོས་པར་གྱུར་ཡོད། འདི་ལྟར་འཛམ་གླིང་ཇེ་ཆུང་དུ་ཕྱིན་ཏེ་ནུབ་ཀྱི་རྒྱ་མཚོའི་ཁ་ནས་ཀི་བཏབ་ནས་ཤར་གྱི་གངས་རིའི་རྩེ་ནས་ལན་འདེབས་པའི་ཚན་རྩལ་ཡར་རྒྱས་ཀྱི་དུས་འདིར། མི་རྣམས་ཀྱིས་ཤེས་རིག་གི་བང་ཁ་འགྲན་བཞིན་པའི་སྐབས་སུ་ཡང་ནང་རིག་པའི་ཕྱོགས་ནས་གཞན་གྱི་དོ་ཟླར་མ་ཡོང་ཡང་། ཕྱིའི་སྤྱོད་ཚུལ་ཐད་ནས་ཀྱང་འཛམ་གླིང་མི་གྲལ་དུ་མགོ་བོ་བཀྱག་ནས་འགྲོ་སྲོལ་མེད་པ་ཞིག་ཏུ་གཏོང་མཁན་ནི་རང་ཅག་གི་རིགས་གཏོགས་འགའ་ཡིན་ལ། མངལ་ནས་སྐྱེས་པའི་མི་དག་གི་རང་ཚུགས་ཐང་ནས་སྐྱེས་པའི་རྩྭ་ཞིག་གིས་འཆོལ་བར་བྱས་པ་ཡང་རང་ཅག་གི་རིགས་འདི་ཡིན།
མང་ཚོགས་བྱིངས་ཀྱིས་དཔལ་འབྱོར་ཕོན་ཆེན་ལ་ལག་ལེན་བྱས་མྱོང་མེད་པ་དང་དཔལ་འབྱོར་གྱི་གཞུང་ལུགས་རང་བཞིན་གྱི་ཟབ་སྦྱོང་མེད་པ་ང་ཚོར་མཚོན་ནས་བཤད་ན། ཟླ་ངོ་གཅིག་གི་རིང་རང་ཚོད་ཀྱིས་སྒོར་མོ་ཕོན་ཆེན་ལག་ཏུ་ཡོང་བའི་གསར་བུ་ཚོའི་མི་གཤིས་ལ་རྡོག་བརྫིས་བཏང་ཞིང་། ལོ་ལོན་ཚོའི་མ་ཎི་ལ་བར་ཆད་བཏང་། ང་ཚོས་རྒྱུན་ལྡན་གྱི་འཚོ་བའི་ཁྲོད་ནས་མཐོང་ཐུབ་པ་སྟེ། དབྱར་རྩྭ་བརྐོས་ཚར་རྗེས་ཀྱི་ཟླ་ངོ་འགའ་ནི་ཚོང་ཁང་དང་ཟ་ཁང་དང་། ཆང་ཁང་དག་གི་ཡོང་སྒོ་ཆེས་བཟང་བའི་སྐབས་ཡིན་པ་མ་ཟད། བོད་ཁུལ་གྱི་གཞི་རིམ་ས་ཆ་དག་ན་ཆང་འཐུང་ཆེས་མང་པའི་སྐབས་ཡིན་པས་སྤྱི་ཚོགས་བདེ་འཇགས་ལ་ཡང་བརྡབ་གསིག་གཏོང་གིན་ཡོད། དེ་བཞིན་ལོ་ལོན་གོ་ཁར་ལྷུང་བ་དང་། བྱིས་པ་སྣབས་ལུད་གཙང་མར་བཟོ་མི་ཤེས་པ་དག་ཀྱང་འདུག་དབང་མེད་པར་འུ་ཐུག་ཐབས་ཟད་ཀྱི་ཀློང་ན་སྡུག་ལས་སྣ་ཚོགས་རོལ་དགོས་པར་གྱུར་ཡོད།
འདི་ལྟར་དབྱར་རྩྭ་དགུན་འབུས་བོད་ཀྱི་དཔལ་འབྱོར་དང་། མི་གཤིས། རིག་གནས་དང་སློབ་གསོ་སོགས་ལ་གོད་ཆག་ཆེན་པོ་འབྱུང་བཅུག་པའི་རྒྱུད་རིམ་འདིའི་ཁྲོད་བོད་པ་ཚང་གི་ངོ་བོ་མི་མངོན་པའི་ཚུལ་གྱིས་ཆུ་ནང་ལ་ཁ་བ་འཐིམས་པ་ལྟ་བུར་གྱུར་དང་འགྱུར་བཞིན་ཡོད། སྤྱིར་ན་མི་མང་བྱིངས་ལུས་ཤུགས་ངལ་རྩོལ་བ་ཡིན་པའི་ང་ཚོའི་རིགས་ལ་ས་བརྐོ་རྡོ་སློག་གི་འཕྲུལ་ཆས་དར་ཁྱབ་ཆེས་ཆེར་བྱུང་སྟེ་ལུས་ཤུགས་ལ་བརྟེན་པའི་དཔལ་འབྱོར་ཡོང་སྒོ་ཡང་མཚམས་གཅོད་ལ་ཉེ་བའི་སྐབས་འདིར། རང་ཁ་གསོ་རོགས་སུ་ལས་འདི་ལྟ་བུ་ཞིག་ལ་འཕྲད་པ་ནི་དགའ་འོས་པའི་དོན་དག་ཅིག་ཡིན་མོད་ཀྱང་། བྱ་ལས་འདི་གཉེར་རིམ་མ་ཤེས་པའི་གོ་རིམ་འདིས་བོད་པ་ཡོངས་རྫོགས་སྒྱིད་ལུག་ཅན་དུ་བསྒྱུར་ཏེ་སྒོར་མོ་ཕོན་ཆེན་ཞིག་ལག་ཏུ་མ་ཡོང་ཚེ་ལས་རིགས་གང་ཡང་གཉེར་མི་འདོད་པར་གྱུར་པས། མགོའི་ཁང་བ་ལས་མཁན་ནས་སྒོའི་རྒྱུ་ཟོག་འཚོ་མཁན། རྐང་གི་ལྷམ་འཚེམ་མཁན་ནས་མགོ་བོའི་སྐྲ་གཞར་མཁན་ཚུན་གཞན་ལག་ཏུ་གཏད་དགོས་བྱུང་བའི་ཉེན་ཁ་འདི་དངོས་སུ་བྱུང་བ་རེད། ད་དུང་ཡང་ང་ཚོ་འདི་ལྟར་ལོ་ངོ་འགའ་རེ་སོང་ཚེ་བོད་པ་དག་ནི་དབྱར་རྩྭ་དགུན་འབུའི་གཡོ་འོག་ཏུ་ཚུད་པའི་ཕམ་ཉེས་པ་སྐོར་ཞིག་ཏུ་འགྱུར་བར་གདོན་མི་ཟ།
ང་ཚོས་སྐབས་ཐོག་དེ་ཙམ་གྱི་ཡོང་སྒོའི་ཆེད་དེ་ལ་བརྩོན་ལེན་བྱེད་པ་ནི་ཤིན་ཏུ་ནས་ལེགས་མོད། རང་གི་ནུས་པར་བརྟེན་ནས་དཔལ་འབྱོར་འཚོལ་བའི་ཐབས་ལམ་རེ་ཡོད་པ་རྒྱུན་འཛིན་དང་། ཤེས་ཡོན་སློབ་གསོར་གཙིགས་ཆེན་བྱས་ཏེ་དུག་སྨན་དུ་བསྒྱུར་བ་ནས་བཀལ་འཁེལ་ཐག་འཐག་དང་། ལྷ་བྲིས་རྟེན་བཞེངས་དང་། ཤིང་བཟོ་རྡོ་བཟོ་བྱེད་པ་སོགས་དམངས་ཁྱབ་རང་བཞིན་གྱི་རིག་གནས་དག་གཅེས་སྲུང་དང་བཅས་རང་གི་མི་རིགས་ཀྱི་ངོ་བོ་སྲུང་འཛིན་བྱེད་དགོས་པ་ནི་ཁ་ཚ་དགོས་གཏུགས་སུ་གྱུར་འདུག་གོ།
 
རྩྭ་ཐང་གིས་སྨྲེ་སྔགས་འབོད་སྒྲ། 
རྨ་རྒྱལ་གངས་ཐིག་ལས།
པདྨ་ཚེ་རིང་། 
 
རྩྭ་སའི་སྐེ་དངོས་གང་བྱུང་དུ་སློག་འདོན་བྱས་ནས། ། སྐྱེ་དངོས་གནས་ལུགས་དོ་མཉམ་ལ་གཏོར་བརླག་ཐེབས་བྱུང་། །
   རྨ་ཡུལ་རྩྭ་ཐང་ནི་རྨ་ཆུ་སྟོད་རྒྱུད་ཀྱི་མགོ་ལོག་རྩྭ་ཐང་སྟེ། འཛམ་གླིང་དུ་སྐད་གྲགས་ཚུགས་ས་ཆེ་བའི་ཨ་མྱེས་རྨ་ཆེན་གང་ས་རིའི་ཉེ་འདབས་སུ་གཞིས་ཆགས་པའི་བོད་རིགས་འབྲོག་ཁུལ་ཞིག་ཡིན་ལ། ཀྲུང་གོའི་ལྷ་མཚོ་སྔོན་ཞིང་ཆེན་གྱི་ཕྱུགས་ལས་ཀྱི་གཞི་ས་ཆེན་པོ་ཞིག་ཀྱང་ཡིན་པས། ས་དེར་རྩྭ་ཆུ་འཛོམས་ཞིང་ཕྱུགས་ཀྱིས་གང་བ། ཐོན་ཁོངས་མང་ཞིང་འབྱོར་ཕྱུག་ལྡན་པའི་ནོར་བུ་དགོས་འདོད་དཔུང་འཇོམས་ཤིག་ཡིན་པར། མི་རྣམས་ཀྱིས་རྨ་ཀླུང་གསེར་ལྡན་ཕྱུག་མོའི་ཞེས་འབོད་དོ། ། འདི་རུ་ཁུལ་འདིའི་རྨ་ཆེན་རྫོང་གི་ས་ཆ་གཅིག་པོར་འབྱུང་བཞིན་པའི་གནས་ཚུལ་འཚམས་སྦྱོར་རགས་ཙམ་ཞིག་བྱས་ན། སྔོན་སྤྱི་ལོ་དུས་རབ་ཉི་ཤུ་བའི་དུས་སྟོད་དུ་ས་ཁུལ་འདིའི་ཁྱོན་ཡོངས་སུ་རྩི་ཤིང་གི་སྐྱེ་བོངས་ལེགས་པར། རི་སྐྱེས་སྲོག་ཆགས་སྣ་ཚོགས་ཏེ། འབྲོང་དང་རྐྱང། གཙོད། གཉན། ཤྭ་བ། ཁ་ཤྭ། ཕག་རྒོད། ར་རྒྱ། གླག གསའ། གཟིག སྟག དྲེད་མོང་། གཡི། ཝ་དམར། གོང་མོ། བྱ་ཝང་། ཁྲུང་ཁྲུང་དཀར་མོ་སོགས་རི་དྭགསས་གཅན་གཟན་དང་འདབ་ཆགས་ཧ་ཅང་མང་བ་དང་། རང་བྱུང་གི་དཔལ་འབྱོར་སྐྱེ་དངོས་རིགས་ཉིས་སྟོང་ལྷག་དང་སྐྱེ་དངོས་སྨན་རྫས་རིགས་དགུ་བརྒྱ་ལྷག་བཅས་ཡོད་པ་ལས། དབྱར་རྩྭ་དགུན་འབུ། ལྕུམ་རྩ། བོད་སྟར། སྲོ་ལོ་དམར་པོ། ཨབྷུ་ཥ། བྱ་རྒོད་སུག་པ། ཤྭ་རྭ། གླ་རྩི་སོགས་ནི་རྒྱལ་ཡོངས་ཀྱི་དཀྱིལ་སྙིང་སྨན་རིགས་ཀྱི་ཁོངས་སུ་གཏོགས་ཡོད་པར་འཛམ་གླིང་སྟེང་དུ་སྙན་གྲགས་ཆེ་བས། ས་ཆ་འདི་ནི་སྐྱེ་དངོས་དང་སྲོག་ཆགས་ཀྱི་བང་མཛོད་ཅིག་ཡིན་ལ། རྣོ་ལྕགས་, དང་། གསེར་དངུལ། ཟངས་རག རྡོ་སོལ་སོགས་གཏེར་རྫས་ཀ, ྱི་ཐོན་ཁུངས་ཀྱང་ཕུན་སུམ་ཚོགས་པོར་ཡོད་པ་རེད། ། ཡིན་ནའང་སྔོན་སྤྱི་ལོ་དུས་རབ་བཅུ་དགུ་བ་ནས་བཟུང་ཧོའི་རིགས་དང་། ས་ལར་རིགས། རྒྱ་རིགས་སོགས་ཕྱི་ཕྱོགས་ནས་འོང་བའི་མི་སྣ་མང་པོས་ས་འདི་རུ་གང་བྱུང་དུ་གསེར་གཏེར་བརྐོ་སློག་བྱས་ཏེ། ད་ལྟ་ས་དེའི་ཆུ་འགྲམ་དག་གི་རྩྭ་ཐང་གང་མང་ཞིག་ཏུ་ས་ངོས་སྟེང་འོག་བརྗེས་པ་དང་། ས་ཞབ་ཁུང་སྟོང་དུ་བརྐོས་བས། དུས་དང་རྣམ་པ་ཀུན་ཏུ་ཉིལ་རྡིབ་བྱུང་བའི་ཉེན་ཁ་མཆིས་སོ། ། དེ་ནས་དུས་རབ་ཉི་ཤུ་བའི་ལོ་རབ་བདུན་ཅུ་བ་དང་བརྒྱད་ཅུ་བར་ཕྱོགས་ཕྱོགས་སུ་སྤང་ཤུན་བཅད་དེ་རྩྭ་མཛོད་ར་བ་བསྐོར་ནས། རྩྭ་ཐང་གི་སྤང་ལྗོངས་དག་ལ་གཏོར་བརླག་ཚབ་ཆེན་ཐེབས་པའི་དུས་མཚུངས་སུ་ཕྱུགས་ཟོག་གོང་འཕེལ་ཆེན་པོ་བཏང་སྟེ་རྩྭ་སའི་ཁུར་ཐང་ལྗིད་པས་སྟབས་ཀྱིས་རྩྭ་ངན་འགྱུར་བྱུང་། ད་ལྟ་རྫོང་དེའི་མངའ་ཁོངས་ཀྱི་རི་སྐྱེས་སྲོག་ཆགས་རྣམས་འཚོ་ཐབས་བྲལ་ནས་ས་ཆ་གཞན་པར་སོང་། དེ་ལས་ལྷག་པའི་གནད་དོན་ཚབ་ཆེ་བ་ནི། དེང, ་སྐབས་སྤྱི་ཚོགས་སྟེང་དུ་མེ་མདའ་མང་བ་དང་།དོ་དམ་མི་ལེགས་པ། ས་དེའི་སྡོད་དམངས་དང་། ཕྱི་རོལ་ནས་ཡོང་བའི་མི་སྣ་བཅས་ཀྱིས་གང་བྱུང་དུ་རི་དྭགས་བརྔོན་ནས་རི་སྐྱེས་སྲོག་ཆགས་ཀྱི་ཐོན་ཁོངས་ལ་གཏོར་བརླག་ཚབ་ཆེན་ཐེབས་བྱུང་, ། ཁྱད་པར་དུ་ཉེ་བའི་ལོ་འགའི་རིང་ལ་དབྱར་རྩྭ་དགུན་འབུ་དང་། གླ་རྩི། ཤ་རྭ་སོགས་ཀྱི་ཚོང་རའི་རིན་གོང་དྲག་དུ་འཕར་བ་དང་། ལྕུམ་རྩ། ཨབྷུཥ། སྲོ་ལོ་དམར་པོ། ཀྱི་སྐྱེ་དཀར་པོ་སོགས་ཀྱང་རིན་གོང་མཐོ་བའི་སྟབས་ཀྱིས། མི་རྣམས་ཀྱིས་མིག་སྔའི་ཁེ་ཕན་ལ་བལྟས་ནས། རྒྱང་རིང་གི་མཇུག་འབྲས་ལ་བསམ་བློ་མི་གཏོང་བར། མི་གྲངས་ཁྲི་སྟོང་མང, ་པོ་ས་དེར་བསྡུས་ནས་ས་བ, རྐོ་རྡོ་སློག་བྱས་པ་རེད། ། ས་དེའི་ཁྲལ་དོན་, ལ, ས་ཁུང་གིས་བསྡོམས་རྩིས་བྱས་པ་ལྟར་ན། སྤྱི་ལོ2000ལོར་ཕྱི་ཕྱོགས་ནས་རྨ་ཆེན་ས་ཁུལ་དུ་དབྱར་རྩྭ་དགུན་འབུ་བརྐོ་རུ་ཡོང་བའི་མི་གྲངས་ཁྲི་ཚོ་བཞི་ལྷག་ཏུ་བུད་པ་དང་། དེའི་ཁར་ས་དེའི་མང་ཚོགས་དང་ལས་བྱེད་པ་སོགས་བསྣན་ན་ལོ་དེར་དབྱར་རྩྭ་དགུན་འབུ་རྐོ་མཁན་མི་གྲངས་ཁྲི་ཕྲག་བཅུ་ལྷག་གིས་ས་དེ་རུ་རྩྭ་སར་གཏོར་བརླག་བྱས་པ་རེད། ། ང་ཚོས་དངོས་གནས་ཀྱི་ཞིབ་དཔྱོད་བྱས་ནས་ར་སྤྲོད་བྱུང་བ་ལ། དབྱར་རྩྭ་དགུན་འབུ་རེ་རེ་བརྐོས་པས་ས་དོང་གི་རྒྱ་ཁྱོན་ལ་ཆ་, སྙོམ་གྱིས0.008mརེ་ཡོད་དོ། རྫོང་འདིའི་རྟ་བོ་དང་།གངས་རི་སྡོམ་ཁོག་སོགས་ནས་མི་རེའི་ཉིར་རེར་ཆ་སྙོམ་གྱིས་དབྱར་རྩྭ་དགུན་འབུ་རྡོག་མ 100 ཡི་ཡན་དུ་བརྐོ་རྒྱུ་ལོན་པས། ལོ་གཅིག་ལ་དབྱར་རྩྭ་དགུན་འབུ་ཉིན་ལྔ་བཅུའི་རིང་ལ་རྐོ་ཐུབ་པ་རེད། དེ་བཞིན་དུ་རྩིས་བརྒྱབ་ནས་ཁུལ་དེ་ནས་ལོ་རེར་གཏོར་བརླག་ཐེབས་པའི་རྩྭ་སའི་རྒྱ་ཁྱོན་ལ་ས་མུའུ་སྟོང་ཕྲག་དྲུག་རེའི་ཡན་ལ་སླེབ་འདུག་གོ ། དེ་ལས་གཞན་ད་དུང་ཕྱི་ནས་ཡོང་བའི་དབྱར་རྩྭ་བརྐོ་མཁན་རྣམས་ཀྱིས་སྐབས་དེའི་འདུག་མལ་ཟས་སྤྱོད་སོགས་འཚོ་བ་རོལ་བའི་ཆེད་དུ་སྤང་ཤུན་བརྐོ་སློག་དང་། ཤིང་ནགས་གཅོད་འབྲེག་སོགས་བྱས་པ་མ་ཟད། འཆིང་ཐགས་འཇོག་པ་དང་། དོང་ཪྙི་འཛུགས་པ། དུག་རྫས་གཏོར་བ་སོགས་བྱེད་ཐབས་འདྲ་མིན་སྣ་ཚོགས་སྤྱད་དེ་རི་དྭགས་བརྔོན་པས། ད་ལྟ་ས་དེའི་སྔར་ཡོད་ཀྱི་རི་སྐྱེས་སྲོག་ཆགས་རྩ་ཆེན་སྟེ་འབྲོང་དང་། གཙོད། གཉན་དང་ར་རྒྱ། གཟིག སྟག ཕག་རྒོད་སོགས་རི་དྭགསས་དང་གཅན་གཟན་རྣམས་གར་སོང་ཆ་མེད་དུ་གྱུར་ཟིན་པ་དང་། ཤྭ་བ་དང་གླ་བ། ཁ་ཤྭ། དྲེད་མོང་། གཡི། རྐྱང་སོགས་རི་དྭགསས་དང་འདབ་ཆགས་ཀྱང་ལོ་ངོ་སུམ་ཅུ་བཞི་བཅུའི་ཡར་སྔོན་དང་བསྡུར་ན། ལྔ་ཆའི་བཞི་ཡས་མས་སུ་ཇེ་ཉུང་ལ་སོང་ངོ། ། རྩྭ་ཐང་གི་སྐྱེ་དངོས་ལོ་རེབཞིན་ཞན་འགྱུར་དུ་འགྲོ་བཞིན་པ་དང་། སྐྱེ་ལུགས་དོ་མཉམ་ལ་གཏོར་བརླག་ཚབ་ཆེན་ཐེབས་པས་དབང་གིས་རྫོང་འདིའི་ནུབ་ཕྱོགས་ཀྱི་ས་ཆ་མིཉུང་བ་ཞིག་ས་ནག་དང་བྱེ་ཐང་དུ་འགྱུར་བ་དང་། གངས་གནོད་དང་། ཆུ་ལོག ས་འགུལ་སོགས་རང་བྱུང་གི་གནོད་འཚེའང་ལོ་རེ་བཞིན་ཇེ་མང་དུ་འགྲོ་ཚོ་བཞིན་འདུག་གོ ། གལ་སྲིད་དོན་དག་འདིར་དོ་ཁུར་མ་བྱས་པར་སྔར་བཞིན་རྒྱུན་འཁྱོངས་བྱས་ཚེ། དུས་ཡུན་རིང་བོར་མི་དགོས་པར། མཛེས་སྡུག་ཡིད་དུ་འོང་བའི་འབྲོག་ཁུལ་རྩྭ་ཐང་འདི། འཇིགས་སུ་རུང་བའི་ས་ནག་དང་བྱེ་སའི་རི་ཀླུང་ཞིག་ཏུ་འགྱུར་འགྲོ་བ་དང་། གཅེས་སུ་འོས་པའི་ཡི་སྐྱེས་སྲོག་ཆགས་རྣམས་རྩ་མེད་གཙང་དག་ཏུ་སོང་སྟེ། ས་དེའི་ཡུལ་མི་རྣམས་ཀྱང་འཚོ་བ་རོལ་ཐབས་དཀའ་བའི་གནས་ཞིག་ཏུ་འགྱུར་ཉེན་ཆེ་བར་འདུག་གོ ། དེར་བརྟེན་ཕ་རིང་བུ་ཚེར་ཨ་མྱེས་རྨ་ཆེན་གངས་རིའི་འདབས་སུ་འཚོ་བ་རོལ་བཞིན་པའི་བོད་རིགས་འབྲོག་པ་རྣམས་ཀྱིས་པུས་མོའི་ལྷ་ང་ས་ལ་བཙུགས་ཤིང་། སོར་བཅུའི་ཐར་མོ་སྙིང་ཁར་སྦྱས་ནས། ཀྱེ་མ་ཧོ་གསོན་ཞིག་གཟུགས་ཤིག། མཛེས་སྡུག་གི་རྨ་ཡུལ་རྩྭ་ཐང་། ། མངོན་མངོན་དུ་གཏོར་བརླག་ཐེབས་བྱུང་། ། ཏང་སྲིད་དང་སྤྱི་ཚོགས་ཡོངས་ཀྱིས། ། དོན་དག་འདིར་མཐོང་ཆེན་བྱས་ནས། ། དགོས་ངེས་ཀྱི་བྱེད་ཐབས་སྤྱད་དེ། ། རྩྭ་ཐང་འདི་སྐྱོབས་རོགས་གནོང་དང་། ། དེའི་ལྷག་གི་བཀའ་དྲིན་ཆེན་པོ། ། ང་རང་ཚོར་སྐྱོངས་རྒྱུ་མི་འདུག ། ཅེས་སྨྲེ་སྔགས་འདོན་བཞིན་འདུག་གོ
 
 
·གསར་འགྱུར་གོང་མ:གླུ་པ་གཡུང་དྲུང་རྒྱལ་གྱི་ཆེད་སྒྲིག་གཞས་འཁོར།
·གསར་འགྱུར་འོག་མ:དབྱར་རྩྭ་དགུན་འབུའི་རབ་བྱེད། ༢
འདྲ་ཕབ། 】 【 པར་འདེབས།
  འབྲེལ་ཡོད་གསར་འགྱུར།
·དབྱར་རྩྭ་དགུན་འབུའི་རབ་བྱེད། ༢ 2011/9/24 11:37:21
ཆེད་ཞུ།:དྲ་ཚིགས་འདིའི་ནང་གི་རྒྱུ་ཆ་ཚང་མ་ནི་ངེད་ཀུང་ཟིས་འཚོལ་བསྡུ་དང་ལེགས་བསྒྲིགས་བྱས་པ་ཡིན་པས། ངེད་ཀུང་ཟིས་དགོངས་འཁྲོལ་མེད་ཚེ་གང་དུ་པར་བཤུས་བརྒྱབ་མི་ཆོག གལ་སྲིད་སྐུ་ཉིད་ཀྱི་ཁེ་ཕན་ལ་གནག་པའི་ཆ་ཡོད་ཚེ། ཁྱེད་ཀྱིསའབྲེལ་གཏུགས་གནང་རོགས།
  འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 12:31:20 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 16:17:00 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/17 0:40:29 [来自: 112.5.248.229]

འབྲེལ་ཡོད་དཔྱད་བརྗོད 46 ཡོད། མིག་སྔར་གསར་འགྱུར当前显示最新的 3 འདུག   [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།25.39MS